吉列牛忌廉烏冬專門店 (彌敦道) (已結業)

超鍾意食烏冬嘅我，終於嚟朝聖一下呢間叫做吉列牛忌廉烏冬專門店🤩點咗一個套餐，第一樣包括：吉列牛定食，有一個陶瓷鐵板可以俾你煎熟吉列牛，大家可以決定自己想要嘅熟度🥩 白飯上有 d 飯素 + 麵豉湯 + 前菜有芝麻汁豆腐同一粒細蕃茄仔😅 不過不失 除咗吉列牛定食之外，仲有佢哋嘅招牌菜 - 咖喱忌廉烏冬!!!!!!!重頭戲終於嚟啦，我係為咗佢先嚟呢度嘅😛雖然上網已經睇咗好多相，但係實物一放上枱時候的確嚇一嚇😂 好似一個忌廉蛋糕加蔥 😂😂😂😂😂 加左 “cream” 嘅烏冬其實無影響到咖哩味，有少少酸酸甜甜感，都算配搭嘅 另外加點咗： 蜜糖單骨雞翼👍🏻👍🏻 超級推介！炸得好脆口，價錢$65，所以相對上大約都有九隻嘅👍🏻 都算價錢合理

一心諗住去試下吉列牛忌廉烏冬，大約14：15到達，可能太晏所有午餐已售完，唯有點了二人餐：吉列牛定食加咖哩忌廉烏冬。抵達的第一個印象已經打折扣，侍應態度唔好，冇禮貌，好似講多一句都嫌嘥氣。座好後用QR code自行點餐，食物好快就到。食物上枱立即試下吉列牛，竟然非常鹹，肉質還可以，份量足夠一人。至於忌廉烏冬就唔錯，烏冬煙韌有至，湯底也不錯。曾經試過一次吉列牛在佐敦，非常好食，侍應又有禮貌。這間肯定唔會再來！

前排去旺角見朋友，我又鍾意食美食，記得附近有間食忌廉咖哩烏冬出名嘅就走去試下。我地上到去環境都幾寬敞，因為食lunch嘅關係而且光線好充足，全部都係落地玻璃為主。Order咗吉列牛定食、牛油蜜糖單骨雞翼、同埋咖哩牛肉忌廉烏冬。 個吉列牛係跟鐵板燒上，自己夾上去煮熟，生熟程度由自己控制，視乎個人口味，吉列和牛就非常柔軟，外脆內香而且油脂分佈平均，韓國嘅和牛真係幾好味，因為定食關係有其他配菜，分別係豆腐、蕃茄仔、味噌湯、同埋一碗落咗一啲韓式配料做topping嘅白飯，總括嚟講個定食都好豐富，而且百幾蚊就食到個和牛都好抵食。而咖哩忌廉烏冬就第一次食，忌廉撈埋咖哩沾上烏冬食，個口感比平時就咁食烏冬完全唔同，忌廉令烏冬更加滑同埋creamy但又食到甜咖哩嘅味道 ，真係食到停唔到口。牛油蜜糖單骨雞翼就好香同好好味，因為加咗柚子配埋牛油，感覺令人好fresh好開胃。

星期六，等家姐放工食午餐，今次同家姐去726十七樓試吉列牛。吉列牛定食（$ 148）〜有前菜，麵豉湯，飯，同主打的吉列牛。吉列牛，放上熱石爐燒，可以根據自己想要的熟度處理。牛有牛味，外層脆口。八成熟，唔會韌，點芥末食，好味道。咖哩忌廉牛肉鳥冬（$ 78）〜咖哩鳥冬收埋左係白雪雪的忌廉下面，忌廉好滑，唔會太甜。烏冬好煙韌，咖哩就係日式甜咖哩，整個配搭又好夾。牛油蜜糖單骨雞翼（$ 65）〜最愛吃雞翼，出外食單骨最方便，蜜糖甜蜜蜜，加少少檸檬汁，好開胃又好食。

旺角彌敦道726號是一座經翻新的銀座式大廈。大廈內有很多餐廳，美食林立，超適合大家來「覓食」。筆者這一天來到17樓的吉列牛忌廉烏冬專門店，一嘗招牌菜：吉列牛定食。（筆者是牛魔王）餐廳擁有一排排的落大玻璃窗，採光優良，且景觀開揚，可將大半個旺角都市景緻映入眼簾。牛肉顏色鮮潤，纖維粗度一般，牛脂肪不多，沒有肉筋，容易咬開；牛味雖不算濃，但粉漿香濃，放上石板煎烤後依然沒有散開，仍能緊抓牛肉，整體表現算是中規中矩吧。

來自韓國吉列牛專門店，主打吉列牛和忌廉烏冬，位於旺角726內，位置方便。-🤍吉列牛定食 $148🤍咖喱忌廉烏冬 $78🤍牛油蜜糖單骨雞翼 $65-🤍吉列牛定食/🤍咖喱忌廉烏冬⭐️⭐️⭐️⭐️咖喱忌廉烏冬也是招牌之一，可選要雞肉定牛肉，黎到既時候面層既忌廉會郁下郁下，好似漏氣咁😂味道方面，咖喱味比較重啲，忌廉就好似只係輔助質地滑身啲，冇咩特別甜既味，幾好。/🤍牛油蜜糖單骨雞翼⭐️⭐️⭐️好重牛油香，蜜糖味唔算好岀，一開始食落似係柚子味，好清甜加牛油既感覺，雞翼應該冇醃過，只係最後加上調味，所以內裏就冇乜味喇，不過外層就好重既牛油香，而且炸粉做得好好，薄得黎有口感。-環境：7/10服務：6/10好味指數：7/10回頭率：7/10-

疫情又開始嚴重返喇....襯未禁堂食, 黎個最後衝刺呢間餐廳已經做左好多防疫措施....又有隔板, 坐得又疏...所以做足防疫措施既話就算堂食又唔係咁擔心呢間日韓crossover既餐廳帶俾人好大新鮮感~有日式食品又有韓式食品, 一次過滿足晒2個願望吉列牛定食 $148成個定食好豐富呀~有2大塊吉列牛~ 1碗飯 ~ 麵豉湯~ 豆腐小食半生熟既吉列牛~~肉質非常軟腍, 而且冇乜筋...外脆內軟超好味!!!如果唔鍾意牛肉太生, 可放係石燒道燒熟D~~生熟度自己決定咖哩忌廉烏冬 (牛肉) $78賣相好特別, 白雪雪既外表非常吸引!!個面係一層好CREAMY既忌廉~內裏就係牛肉咖哩烏冬忍唔住想快D食味道非常好味丫!!!咖哩味唔會話好重, 同忌廉配塔好夾牛肉粒亦軟腍, 口感一流~~最正係食完又唔會覺得膩Kobekyu 牛油蜜糖單骨雞翼 $65牛油蜜糖加埋蒜蓉簡直係絕配丫單骨雞翼好方便食~~雞翼外皮脆卜卜, 肉質幼嫩

今日準時放工，同朋友之前已上網揾定食咩，睇到好多like，想試下好唔好味，我地一放工就衝去。天都未黑就食個早既晚餐。好開心。環境幾好，望到個天空好靚，食嘢心情都好d。嘩，Menu款式算多，都有d選擇困難。見人好多都讚某幾款食物，咁我哋都唔好蝕抵，就試吓最多人點嗰幾款。咖喱忌廉烏冬(牛)$78特別嘅整法。。。初時以為佢送錯，原來一夾起，入面勁咖喱。牛肉多，入面仲有菇及洋蔥，唔會覺得好油膩。好好味吉列牛定食$148非一般定食。。。係旁邊有個爐燒牛，好特別，牛既肉味夠👍🏻送飯一流。女孩子最愛小食，叫埋呢個Kobekyu 牛油蜜糖單骨雞翼$65，真係好滿足。雞翼外脆內軟，醬汁味道好上面仲有蒜蓉，幾野味唯獨雞味未夠日韓風格的餐廳，特別，味道可以接受，份量都夠兩個女仔食。如果有下次，再叫其他朋友來試下。本來想叫飲品，但太飽了，放棄左。Menu內的飲品勁吸引

726呢棟大廈真係唔少高質食肆今次🧑🏻‍🦱提議去食吉列牛我即刻諗起吉列牛烏冬專門店午市時間 個場full得好快卡位有落地大玻璃 天氣好好 望到風景都心情好d但兩人入座無得坐卡位orz~~.咖哩忌廉牛烏冬 $78忌廉泡泡蓋滿烏冬 好靚好治癒拌勻忌廉同下層嘅咖哩出嚟嘅醬汁奶滑濃香烏冬麵條滑進口腔 正～吉列牛定食 $148定食嘅份量都唔少有吉列牛，前菜豆腐，粟米，麵豉湯，味素飯，沙律菜吉列牛煎至5成熟就可以食外皮香脆 好香牛味Kobekyu滋味單骨雞翼 $65雞翼用咗蒜蓉、蜜糖做醬汁單骨食落好方便 吱少少檸檬汁酸酸甜甜炸雞翼 唔錯

同朋友傾開話想食忌廉烏冬，佢就send左哩間嘢既資料比我。咁今日就同佢去試一試，哩間以前好似排曬長龍既忌廉烏冬。我地嗌左個吉列牛定食+忌廉咖哩烏冬套餐（$246）。烏冬有得揀牛或者雞，我地見吉列牛有牛就揀左個雞。環境整體幾寬倘，餐牌略嫌有啲爛融融，其他問題都不大。上左個吉列牛先，佢個牛係要自己用個小炭爐煎，整體幾好食。佢個蒜頭醬大大加分，蘸住黎食超正！跟住就係個忌廉咖哩雞烏冬喇，忌廉既口感好得意，入口即化唔會話好膩咁。咖哩隻味唔太辣，連我哩啲唔食得辣既人都覺得好好食！忌廉同咖哩個味互相中和左，唔會話有一隻味比較搶戲。整體咖哩忌廉同埋烏冬配合埋一齊真係oishii～雞肉都幾大塊，同咖哩味道幾夾。總之整體就幾好食既，有回頭既考慮空間。

一直係openrice 見到好多人推介呢間但係吉列牛並無預期既好食肉質一般般 無咩肉味 同埋好難咬食得有d 辛苦雖然吉列牛定食麻麻地但個咖哩烏冬係唔錯既烏冬既咬口都幾好咖哩都係典型既日式咖哩啲汁拎黎撈飯都唔錯可以一試 不過真係食一次就算未必會再回頭另外 用餐時間得75分鐘個人認為都可以接受既不過食野比較慢既人要注意啦

黎到彌敦道627號搵野食，唔知~你會想食邊間，層層都有野食咁濟，認真會花多眼亂。一講特色野就會諗起呢間吉列牛忌廉烏冬專門店，一間日韓相融既餐廳。至日本吉列牛兩年前係香港興起之後，愈黎愈多餐廳開吉列牛既餐廳。一年前我去日本東京食吉列牛，間餐廳會寫埋佢係邊個地方出世既牛同埋編號，可以放心比你食用。係日本，吉列牛同香港一樣，都係外炸吉列內在嫩滑多汁，唯一同香港唔同既係，東京個間係唔需要煎，係就咁配合珍珠米，紫菜黎食。香港因為d牛唔知咩來源，而且生食又有風險，好多香港既吉列牛都係需要去煎番十二秒咁上下先食，始終同日本冇得比。呢間吉列牛我試過都唔錯架，即使要煎都算係另一種風味。今次我黎到呢間餐廳，訂座食七點三十分，因為搭lift遲左八分鐘上去，就比個好似係老闆娘既人話:『有冇搞錯呀，遲到呀?唉好拉，唉你去個邊卡位拉!』都唔緊要拉，因為野食好食，咁都比人秒嘴秒舌，今次就由佢拉。食吉列牛食到厭，今次一反傳統，唔食佢既拿手吉列牛同忌廉烏冬，就叫左海鮮釜飯同海鮮鍋，加埋必叫既滑蛋同枝豆。一年冇黎食，食物素質都係番到，滑蛋夠滑而且配合埋芝士味道一流。飯同鍋入面既帶子、蜆肉都算唔錯，朋友都讚好。食到一半，個

今晚同朋友去食晚餐，去咗吉列牛位於旺角既分店，呢到環境大，🪑座位又多，食物又多款選擇吉列牛定食🥩 $148有用個好有型既熱石爐🔥，用黎燒熟啲牛，每件牛都同一個厚度，燒一燒，肉汁都出哂黎，又多汁又外脆內軟，配埋個白飯一齊食，食到停唔到口😋咖喱忌廉烏冬 (雞肉) 🍜$78面層係好滑既忌廉，底層就係咖喱烏冬，估唔到咁夾得黎，撈埋一齊食仲有總好邪惡既感覺😋裡面仲夾埋啲雞肉粒，雞肉又夠嫩滑，真係好好味呀Kobekyu 🧈牛油蜜糖單骨雞翼🐣 $65牛油蜜糖雞翼味道甜甜地，一啲都唔怕太甜，金黃色既單骨雞翼外脆內嫩滑，食到Lam Lam脷@Kobekyu吉列牛(旺角) 📍旺角彌敦道726號17樓

呢度唔洗等位，幾好！上菜速度超快呀！上完菜就可以慢慢玩啦⋯⋯首先叫左個咖喱忌廉🐔雞肉烏冬，d雞肉好滑呀，烏冬又吸晒啲咖喱味，上面有層忌廉，撈勻佢就食得啦⋯⋯再揀多個吉列牛定食🐮🐮，牛肉係半制成品！外面沾滿炸左嘅面包康，牛肉可以自己燒熟佢，自己控制幾成熟，個人覺得7成就岩岩好啦！配合個wasabi 醬一齊食，正！仲有面豉湯飮😋😋😋伴碟仲有胡麻醬豆腐同蕃茄仔 ！🍱🍱🍱又係好滿足嘅一餐飯😋😋😋

聽講呢間吉列牛好好食，趁今日星期日，終於有機會同朋友黎試下。首先上既係牛肉咖喱忌廉烏冬，面頭好多Cream，咖喱味濃，但係先覺得有d太濃，同Cream結合左之後效果其唔係好突出，有d失望。之後就上左吉列牛定食，一上枱未煎，d牛既熟度其實over左小小，有兩三成，最理想情況係一至兩成，但味道都係好好，餐廳有配至Wasabi，醬油同輕Wasabi醬，我覺得第一同第三都同吉列牛好夾，個醬最有驚喜。性價比我會比3/5分，總體而言都值得黎食既。