吉列牛忌廉烏冬專門店 (彌敦道)

營業中

休息中

畢竟第一次幫襯 野食未上台就已經問啲員工餐具係邊到 佢就西口西面唔出聲咁行埋黎打開個櫃都算啦 睇完一輪個餐牌 諗住叫人落單 點知就擺低個QR CODE叫自己落單其他就睇圖都明 叫個烏冬變左湯咁

店員服務態度超差，仲要問佢野唔識用口答，剩係指一指就算，得閒就企埋一邊玩手機，好似食餐飯都得罪佢咁，個烏冬煮到水汪汪咁唔知點食，以前黎都冇咁差，下次唔會再黎，blacklist，環境又油又焗冇風

一直想試忌廉烏冬，香港無幾多餐廳有，見到呢間韓國餐廳有就去左試。去到餐廳，發現餐牌內食物選擇唔多，所以淨係order左忌廉烏冬。一來到賣相都普通，味道正常但價錢連埋服務費要近$100。實在覺得太唔化算，試過就好就餐廳…一坐低職員會比QR code自己落單，忌廉烏冬可以揀牛肉或者雞肉，我選擇左牛肉，牛肉份量正常，忌廉烏冬味盲都ok，但真係唔明白點解敢charge顧客$100一碗…再加上都係用QR code自己落單，至於服務費服務既位置我都唔係太清楚…

點解open rice無零粒星揀？ 本人有生之年第1次寫食評, 證明呢間餐廳幾犀利!!假期諗住同屋企人出去食野, 屋企人提議呢間, 見佢平時好少主動提議, 咁就booking去試下.晚飯時間6點半去到, 全場坐得3分之1~之前係韓國都有食過규가츠, 我仲以為係日式野,我地一行3人, 叫左2個吉列牛定食, 1個忌廉烏冬, 1個肥牛鍋。首先, 吉列牛定食 $148 可以自己燒可以玩下, 係幾特別, 但d牛肉一般, 份量唔多, 男性一定唔夠。所以屋企人(男)叫左個忌廉烏冬 $88, 幾彃牙, 幾好食, 但加完一都成舊水, 唔值。最離譜係肥牛鍋 $108, 只有娃娃菜, 金針菇, 幾片肥牛。屋企人睇menu幅圖以為有烏冬, 落單個陣又無睇清楚, 出到黎份量極少, 最後要加錢叫多個烏冬。服務方面: 我地坐低後, 侍應放低3杯水, 同之後嘅送餐服務就無了, 水飲哂都要自己添, 我又唔見有幾忙。買單行出去counter俾錢時, 個老闆娘?都係無表情+一個字都無講。唔知憑咩收加一服務費~人均食左$186, cp值低, 無下次！

喺ig見到廣告啲相影得靚靚囝囝就同朋友去試下睇到openrice咁多人like都冇睇入面講咩點知就係呢餐惡夢嘅開始⋯一入到去禮拜日夜晚竟然冇乜人已經feel到伏伏地諗住俾個機會佢點知啲姨姨態度好差好似講到句都攞佢命咁menu全部都黐立立好污糟一個set都唔平計埋加一要成160up啲牛韌到咬唔斷最後要成嚿吞落肚先得講緊係同朋友兩個set都係一樣問題成餐嘢最好食竟然係啲醬完全唔知自己食左啲咩啲foodie咁都可以寫話好食係咪冇乜良心得滯定前世食開屎先會覺得好食咁嘅舖頭竟然仲可以生存係旺角

環境寬敞開揚，卡座都好闊落～同一班朋友聚吓傾吓都好適合！可以自己燒吉列牛🐮自己控制火喉🔥😎𝑭𝑶𝑶𝑫𝑺1〉吉列牛定食 $148吉列牛肉肉質鮮嫩，需要自行放上明火石燒鍋上煎～要注意唔好煎太耐，會比較韌2〉肥牛雜菜Shabu $108肥牛本身嘅香味好濃，雜菜嘅清甜味同肥牛搭配，令整體味道更加豐富，唔會覺得單調-環境．7/10服務．7/10人均．$120～150污嘴狗覓食指數．7.5/10

依間吉列牛忌廉烏冬，好耐之前新一開張嘅時候好受歡迎，成日要排長龍，當時食過覺得幾好食，食過一次之後好耐冇食，今日特登去食吓，少人咗好多，晚飯時段都唔滿座。嗌咗個餐係吉列牛加忌廉烏冬，再加咗個釜飯，再叫咗小食炸雞，記得幾年前食嘅時候都仲未有釜飯的。明明冇乜人，但係兩個人淨係可以坐二人枱，我哋嗌咁多嘢根本擺唔到，所以佢終於都俾我哋擺埋去隔籬枱，基本上淨係一個吉列牛都擺滿咗張枱，都擺唔到其他嘢。吉列牛個餐有埋湯、飯、前菜胡麻豆腐，有幾款醬汁，個盤已經咁大，仲要擺個爐。自己放啲吉列牛上去燒下，要幾熟全由自己決定。感覺啲牛冇以前咁香，亦唔算太脆。忌廉烏冬，個人覺得好食過吉列牛，超creamy，入面係咖哩烏冬，夠晒味。入面仲有啲牛肉，但好腥好羶。炸雞，一睇到就發現點解唔係平時食嗰啲炸雞嘅皮，睇落都吉列咁，而個皮都幾厚。釜飯，個飯唔係太熱，同埋冇汁，所以啲飯都幾乾。帶子薄薄幾片，加啲蟹籽，味道還ok。

叫咗一個咖喱忌廉烏冬，同埋一個吉列牛定食。首先食一舊吉列牛，擺入口咬唔開超級韌，需要夾硬扯開吞落肚。咖喱忌廉烏冬: 望落好奇怪，撈勻之後賣相都OK嘅，但係食落口冇味，好少好少咖喱味，完全唔辣，食多兩啖見到有觸鬚，有觸鬚有觸鬚，呢個時候已經好驚，撩開仔細睇就見到係曱甴🤮🤮🤮我碗烏冬入面有曱甴🪳我碗烏冬入面有曱甴🪳我碗烏冬入面有曱甴🪳好彩佢餐廳入面有廁所，真係即刻衝入去嘔返食咗嗰兩啖烏冬佢仲話補返個小食俾我，食個烏冬都有曱甴，我點知你個炸嘢啲油用咗幾多年，細思極恐，邊度夠膽食，呢間舖頭究竟憑咩咁多好評？

冇諗過咁難食咁差🫣😪同閨密一次又一次錯過今次終於試咗入到去已經系open rice訂咗二人入到去全部都係大媽招呼冇裝修已經覺得有少少伏再用QR code叫環境已經係唔得㗎啦冇環境冇裝修冇打卡位冇下次叫咗一個吉列牛全部都係油膩食唔出嗰隻係牛唔知食緊啲乜⋯再叫咗一個個個都話好食嘅忌廉雞肉烏冬=不知是什麼難食😪再叫咗一個芝士蛋=都係嗰句唔知食緊啲乜嘢叫咗兩杯抹茶latte除咗冇咗兩支百力滋之外嗰杯抹茶完全係冇抹茶味嘅滿滿的冰⋯已經喺落餐嘅時候寫咗少冰😢不過算啦，都覺得已經中伏㗎啦，搵個位置吹水就好了😣沒有更差只有更差🤯香港沒有了⋯

朋友想試呢間吉列牛，早幾日可以成功電話預約。星期五嘅晚上都唔full。原來唔full係有原因嘅😢。3個女仔哎咗呢幾樣，份量ok:🫠 吉列牛定食套餐 + 香辣忌廉烏冬 ($256): 好耐以前食過銅鑼灣總店，d吉列牛大大舊，又夠厚。今次發覺d牛薄咗好多，無乜牛味，份量偏小。十分一般。忌廉烏冬比較漏。😐 蕃茄濃湯黑豚肉shabu shabu ($126): 另外加$18 烏冬，夠熱，但十分普通☹️ 雞軟骨餃子 ($48): 有新意，仲唔太夠熱，而且太油，後悔哎咗成個用餐經驗麻麻，冷氣無開，我哋一路食一路標汗。服務態度一般。個人唔介紹呢間。

點了一個兩人用的吉列牛定食套餐，內含吉列牛定食一份,香辣忌廉烏冬一份以及兩杯餐飲🥂 全部只需$256 但有點可惜的是不讓坐窗邊位吉列牛定食 吉列牛外層口感酥脆，配上白飯、麵豉湯,以及配菜凍豆腐和車厘茄,營養均勻豐富,牛肉的肉質鮮嫩,輕輕煎一下再搭配各式醬汁配料,吃完感到滿足  香辣忌廉烏冬 忌廉烏冬麵條十分Q彈,配上濃郁香辣的忌廉醬汁,口感creamy，味道濃郁，而且碗內還有牛肉呢 蒜片牛舌芯$58 牛舌芯肉質爽脆,蒜片香與牛舌很match  

嗌咗外賣15分鐘先嚟話賣晒可唔可以轉其他飯到底係一早賣晒冇鎖機定因為做咗堂食單先做外賣搞到冇晒賣晒唔緊要啊 你接到張單就打嚟啦 拖咗15分鐘先發現？唔識早啲通知個客？外賣單唔洗理？定係拖咗15分鐘先做張單搞到冇晒？打工仔lunch time得個一個鐘架炸🌝嗌過另一間又等多半個鐘 下次賣晒早啲出聲好冇🌝

旺角既樓上cafe、餐廳好多，彌敦道726號，成棟大廈都好多嘢食，高層景色其實都不錯添❣️17樓既忌廉烏冬is one of my favorite，值得推介❣️大推坐窗口位，開揚既風景，而且卡座都好闊落。🍜咖哩忌廉烏冬 $88滿滿、厚厚嘅一層忌廉鋪滿喺咖喱烏冬上面，賣相好得❣️見到就好吸引🤩烏冬同雞肉質素都高，好味！每條烏冬都係煙韌彈牙💗忌廉撈埋咖喱汁掛滿每條烏冬，更添creamy😋咖哩味雞肉亦都好入味配料除咗雞肉，另外仲有牛肉選擇，好食呀呢個！👍👍👍🥘咖喱海鮮Shabu Shabu (不包括烏冬)$158材料都幾豐富！好多隻蝦，仲有好多蜆肉、元貝、生蠔、菜等等，咖喱湯底，都係好味選擇😋👍韓國蜂蜜紅棗茶$28望住雨景，飲杯熱飲幾chill😎下次行開旺角，encore得過！👍

終於同🐧🐧 buddy 試到慕名已久嘅吉列牛😍❤️ 到訪位於旺角嘅分店👍 入面環境寬敞開揚，設計簡約而舒逸🌟 多人歡聚都好合適🥰 叫咗超抵食嘅吉列牛定食套餐，內含吉列牛定食一set, 香辣忌廉雞肉炒麵，以及兩杯餐飲🥂 全部加埋只需$256 🤩 性價比極高😘 吉列牛定食set 包含大大塊切件吉列牛扒、白飯和多款前菜醬料❤️ 吉列牛扒肉質鮮嫩，放上明火石燒鍋上煎煮，牛香四溢超級邪惡😈🤤 送飯一流😙 香辣忌廉雞肉炒麵超重泡菜味🤭❤️ 食落好夠辣超過癮😋 麵條彈牙有嚼勁，入口每一啖都辛香刺激，加上濃稠奶香嘅忌廉醬汁，超級惹味誠意推薦👍👍👍 飲品特意加錢upgrade 特色飲料🍹 㨂咗一杯粉嫩迷人嘅Rose Garden❤️ 飲落帶有幽幽嘅玫瑰花香😙 碳酸嘅清爽口感好解膩解辣👍 另選了一杯紫薯Latte❣️ 粉紫色嘅外觀感覺好夢幻，頂上唧滿香滑嘅忌廉😍 飲落順滑冰涼，滿滿嘅鮮奶醇香滋味，甜而不膩好出色👍👍

找到一間好食又好玩的餐廳-吉列牛忌廉烏冬專門店，位於旺角彌敦道726號17樓，有一大落地玻璃可以俯瞰旺角彌敦道之景色。.叫了一個二人套餐，包括一個吉列牛及忌廉麵，也包括兩杯飲品。.這間餐廳的菜色真是令人驚喜，尤其是吉列牛定食，獨具創意且美味十足。能夠親自在燒烤爐上煎烤未完全熟的吉列牛扒，不僅增添了一份互動樂趣，更讓食物的風味更加豐富。搭配幾款前菜及味噌湯，給人一種飽足感與滿足感。.另外一道令人驚豔的菜色是香辣忌廉雞肉炒麵，這道料理的獨特之處在於上面鋪滿了一層濃郁的忌廉，宛如白雲飄渺，下面則是辣味十足的炒麵，兩者結合在一起，帶來一種獨特的口感和風味，絕對是辣味愛好者的最愛。.在飲品方面，除了可樂外，韓國蜂蜜紅棗茶也是一個不錯的選擇，清新甜美的口感讓人回味無窮。.最後，雞軟骨餃子作為點心或小吃，脆脆地的口感十分不錯，帶來了另一種風味，讓整餐更加豐富多樣。.總的來說，這家餐廳不僅提供創意十足的菜色，更給客人帶來了一場美食冒險之旅。每一道菜都散發著獨特的風味和魅力，讓人愛不釋手。這裡不僅是一個用餐場所，更是一個讓人享受美食與生活的天堂。