吉列牛忌廉烏冬專門店 (彌敦道) (已結業)

黎到彌敦道627號搵野食，唔知~你會想食邊間，層層都有野食咁濟，認真會花多眼亂。一講特色野就會諗起呢間吉列牛忌廉烏冬專門店，一間日韓相融既餐廳。至日本吉列牛兩年前係香港興起之後，愈黎愈多餐廳開吉列牛既餐廳。一年前我去日本東京食吉列牛，間餐廳會寫埋佢係邊個地方出世既牛同埋編號，可以放心比你食用。係日本，吉列牛同香港一樣，都係外炸吉列內在嫩滑多汁，唯一同香港唔同既係，東京個間係唔需要煎，係就咁配合珍珠米，紫菜黎食。香港因為d牛唔知咩來源，而且生食又有風險，好多香港既吉列牛都係需要去煎番十二秒咁上下先食，始終同日本冇得比。呢間吉列牛我試過都唔錯架，即使要煎都算係另一種風味。今次我黎到呢間餐廳，訂座食七點三十分，因為搭lift遲左八分鐘上去，就比個好似係老闆娘既人話:『有冇搞錯呀，遲到呀?唉好拉，唉你去個邊卡位拉!』都唔緊要拉，因為野食好食，咁都比人秒嘴秒舌，今次就由佢拉。食吉列牛食到厭，今次一反傳統，唔食佢既拿手吉列牛同忌廉烏冬，就叫左海鮮釜飯同海鮮鍋，加埋必叫既滑蛋同枝豆。一年冇黎食，食物素質都係番到，滑蛋夠滑而且配合埋芝士味道一流。飯同鍋入面既帶子、蜆肉都算唔錯，朋友都讚好。食到一半，個