同朋友食飯，搵間靚靚地、又坐得舒服嘅餐廳食飯傾偈～ 今次都算嚟啱咗😃😃 呢間餐廳啱啱係海之戀嘅時候去過，亦都有出過 Post 介紹過😊 今次再嚟，都仲係好食！每個 item 都約精緻😃 唯一唔太好嘅係，員工好趕收碟，兩碟主菜都仲有食物，就問可唔可以收走🤔 而且明明之後都無食物再上🫤 完全唔明😑 🍽️ 二人餐 set menu for two 餐湯 - 蘑菇湯 ⭐️推介⭐️ 蟹肉牛油果船 +$28 63度溫泉蛋卡邦尼 香煎西班牙🇪🇸豬鞍

台灣人氣炸雞扒嚟咗銅鑼灣sogo 開店喇!!! 我之前去台灣必食嘅雞扒！ 今次專登去銅鑼灣試吓！揀咗蒜香口味 $48！果然保持到水準👍🏻👍🏻 雞扒都幾juicy, 而且啖啖肉😋😋 不過覺得蒜香粉可以落多d d 咁樣會更香😌

旺角創興廣場2樓，開咗一間新嘅打邊爐😎 地方好大好闊落，座位間隔都幾privacy 👍🏻 晚市有3 個套餐可以揀，120分鐘放題，價錢由$248 - $328。今次我地先試個最基本嘅$258 「美國精選牛」套餐，已經包咗牛肉、羊肉片同豬肉。 湯底方面有10款揀：包括最出名嘅秘製麻辣鍋、期間限定嘅香辣沙嗲鍋、喇沙海鮮鍋…. 唔食得辣嘅有蕃茄豬骨鍋、老黃瓜瑤柱薏米雞鍋等等；如果想試鴛鴦湯就要加$48。 今次我哋試咗清甜椰子雞鍋：味道都唔錯，而且有一大隻雞髀喺湯🤩 我覺得幾好👍🏻 牛肉方面，因為係最平套餐嘅關係，真心，如果鐘意食牛就要食最貴餐啦～～ 但算係可接受嘅，點咗8 盆，都唔會好肥，算係咁😂 火鍋自選配料，有好多都可以出去自助區攞到；另有小部份就需要手機落單。 丸類、菜類都好多選擇，仲有台灣嘅蛋餃； 仲有熟食區：麻辣小龍蝦、蜆肉、泡菜蘿蔔等等….. 幾特別嘅有：油炸鬼、炸午餐肉、即炸響鈴同炸魚皮👍🏻每次攞都好新鮮、剛炸起嘅👍🏻👍🏻 甜品有生果、豆腐花、啫喱，仲有基本小蛋糕仔、泡芙之外，仲有好多兩櫃嘅韓國雪條、雪糕；仲可以自己整軟雪糕！

星期日下午，男朋友搵到一間餐廳食秘魯菜😍😍 餐廳環境都充滿着特色，但坐位比較迫少少，但好食真係抵返晒 😎😎 星期日有brunch menu, 附送湯/ 飲品。 🇵🇪 1/2 Pollo Aa la Brasa（半隻）$145 *Garlic rice & French fries 呢度最出名就係秘魯雞，招牌菜式 😎 有1/4 或者 1/2 份量，同男朋友 share, 我地揀咗 1/2 半隻雞啱啱好👍🏻 配菜有雜菜沙律、薯條、蒜香飯、烤蕃薯，可以揀2 款，我地揀咗薯條同蒜香飯，蒜香飯好香口！主角秘魯雞用香料醃過，烤得好香，雞肉食落嫩口入味👍🏻👍🏻👍🏻 好驚喜 😍😍 🇵🇪 Peruvian Salchipapa $80 一場嚟到，除咗試招牌雞之外，仲揀咗秘魯特色香腸薯條！淨睇擺盤已經好吸引，色彩繽紛！ 薯條係粗身扭紋狀；香腸配埋黑松露醬汁！超正 🤩🤩 🇵🇪 一個下午同男朋友兩個食完埋單都係 $225，又好食又飽 👍🏻👍🏻 下次會再嚟食！ 📌 提提：除咗中環，灣仔都有分店㗎！

FAVILLA Cafe X 永樂製麵廠 X 悅和醬園 由香港品牌聯乘嘅香港拉麵，終於嚟試吓啦！地址係葵芳地鐵站新都會廣場😎 📌試業期間，推出三款不同湯底嘅拉麵 （詳情🔎請睇menu) 今次就試下兩款先 🥳 🍜 花雕醉雞湯 $118 👆🏻 一上枱就聞到陣酒味 🤩 湯底非常濃稠，而且麵量極多，我男朋友未食晒碗麵已經話好飽😂😂 可能係湯底太濃郁 😌 但整體嚟講都好滿意，咁嘅份量，性價比都唔錯👍🏻 🍜 真熬雞白湯 $98 👆🏻 雞白湯底就好 creamy, 食食下，我覺得似忌廉雞湯咁😅 另外，配料都幾豐富，豚肉、鴨肉、雞肉都有，三款都好嫩滑，係好食嘅👍🏻 🍜 日式煎餃 （麵套餐加 $25 ）👆🏻 份量有6 隻，價錢幾公道；每隻餃子嘅餡料都多，漲卜卜嘅；味道同口感都好好！ 🍜

呢間位於k11 art mall 2 樓，都幾格攝難搵，要轉入先見到。餐廳裝修好 cyber, 好有太空嘅感覺, 好多位置都好好打卡😎 晚餐有set dinner ，à la carte 都有 (又係影咗menu 俾大家😊） 🍴 Set dinner 3 courses $238 Daily soup & Appetizer & Main course 🍴 Appetizer 🔸北海道帶子他他 擺盤好靚，好有藝術感；帶子好新鮮配埋青瓜片🥒 好 fresh! 🔸溫泉蛋黑松露芝士意大利雲吞 黑松露蛋好香味，意大利雲吞好 creamy, 兩個都已經帶飽肚感😆 🔸醬燒低溫慢煮八爪魚拼珍寶虎蝦 (+$28) 擺盆出色，大蝦同八爪魚🐙好搶眼，煎得好香；配菜都幾豐富，有薯蓉、粟米、蕃茄，整體來講都好食！ 🔸火灸安格斯牛小排牛肝菌意大利飯 (+$28) 上枱前係生肉，侍應會問你想要幾多成熟，因為佢地會即場用火槍燒 🤩 上面仲有隻生蛋伴飯一齊食！

等咗好耐，終於嚟試吓啦😍 感覺成件事都好用心，餐具、枱櫈，由擺設到用餐都充滿住 camping ⛺️嘅氣氛同風格👏🏻 食物水準質素高！員工細心👍🏻👍🏻 不時會睇下每枱客人嘅需要，提醒客人要換網👏🏻 又會介紹食物點樣整係最好食👏🏻👏🏻 超讚👍🏻👍🏻 令我過咗一個好 enjoy 嘅晚上🥰 🏕️ 🌟特別推介🌟 七味芝麻吞拿魚燒 $138 - 必食推介，每邊燒一陣，就可以食得！鮮味又特別😍 月見醬燒飯糰 $38 - 飯團外層好脆又香口，配埋蛋汁真係一絕🥰 燒肉拼盤 $378 牛三筋 - 配月見松露醬汁 $118 牛外横膈膜 （塩醬）$98 玉子海苔飯 $28 椰菜火山胡麻沙律 $48 牛油粟米粒 $38 豬雞特選拼盤 $348 柚子梅素冷麵 $58 靜岡蜜柑梳打 $52 海鹽菠蘿梳打 $38 完熟水蜜桃梳打 $52 遲啲仲有戶外位添，暫時依家未開放，影咗啲相俾大家😃 約埋三五知己一邊飲啤酒，一邊食燒烤，真係超正😍😍 密切留意官方消息啦😉😉

📍 Minimal (Sham Shui Po) G/F, 121-123 Apliu Street, Sham Shui Po 🍮 星期日，男朋友揀咗深水埗一間靚靚 cafe 食甜品下午茶☺️☺️ 好欣賞等位嘅係一張卡片，質感好好，俾我嘅感覺好有 heart ❤️ 同高質 🤩 裝修簡約清新；座位都算幾好坐，有少少空間感；甜品制作需時，適合朋友、情侶傾偈、聚會慢慢等 🥰 法式多士 $80 熱熱地嘅多士，厚身，裡面好 creamy , 軟熟；多士上面配有西柚片同橙片，夠晒 fresh, 中和一下多士太飽嘅感覺 😍 配堆埋雙味 （雲呢拿及朱古力）軟雪糕，上面仲有朱古力脆片。 薄脆拿破崙 $77 賣相好靚🤩🤩 三塊薄片好脆身，配埋上面有好多nuts ，口感好好！估唔到都有配到軟雪糕，軟雪糕上面係爆炸糖，不停霹靂啪喇咁😆😆 薄荷朱古力 （熱）$42 雪糕波子汽水 $48

男朋友仔想食 TKG , 所以我地試左呢間Tamago - EN!! 佢地採用日本沖繩新鮮雞蛋，主打各款日式雞蛋料理！分店都有好多，大家都可以試吓😎 今次呢間係德福廣場分店，裝修好可愛，好日本風☺️ TKG 三文魚•牛油果•三文魚籽 $108 跟餐 +$15 （包味噌湯或西湯及迷你沙律） 賣相好可愛，蛋白好似一舊雲😂 menu 有教點樣食：先倒豉油，然後蛋白連蛋黃攪拌一下，加埋飯素就食得㗎啦😋😋 三文魚都幾好，幾厚身，幾新鮮 燴雞肉蛋包飯 $88 份量多；蛋包飯嘅蛋好滑，口感好好🤩 但缺點係唔熱，感覺差少少。 招牌玉子燒 $38 ⭐️推介⭐️ 真係好好食！超香蛋味，加上少少奶香！好正！ 巨蜂可爾必思梳打 $38 清香蘋果茉莉花茶 $30

嚟到荃新天地，見到有間好多木柱嘅餐廳😂 餐廳外有好多植物，初時都唔知係餐廳嚟😅 原來係一間越南餐廳；環境幾靚，幾好坐，地方都大，容易搵位，適合三五知己、朋友聚餐 😊 牛油雞翼$82 份量有四隻；外皮都鬆脆，但係感覺粉太厚；雞翼唔太入味，唯有配埋佢哋自家製蒜蓉辣椒醬，就比較好食，但提提大家呢個辣椒醬都幾辣㗎😅 芥蘭苗 $68 估唔到咁大碟 😱😱 份量超級大！如果一班人聚餐一定好夠食 😝 幾鍾意佢有花生碎粒同芝麻，食落好香口 😀 燒豬扒撈檬 $88 豬扒都幾大塊，而且好入味！呢隻檬粉比較好食😋 算幾好！熱天食凍檬，真係比較舒服😌 河內牛湯河三拼 - 生牛肉、熟牛肉、牛肚 $128 佢地嘅熟牛肉，個樣有少少似牛𦟌，食落都係，有少少失望；其餘兩樣都幾好；另外唔太鍾意佢嘅河粉，感覺似米線，唔似平時食開嘅pho。 青檸薄荷梳打 $48 ⭐️推介⭐️ 蘇丹王D24榴槤沙冰 $55 男朋友好鍾意食榴槤，對於呢個榴槤沙冰讚不絕口 😂😂