吉列牛忌廉烏冬專門店 (彌敦道) (已結業)

突然好想食油炸野，就約左朋友去旺角既Kobekyu吉列牛吃晏la,一共叫左三樣野，分別係：吉列牛定食、咖喱忌廉烏冬，同埋牛油蜜糖單骨雞翼。吉列牛定食($148)吉列牛定食既擺盤都非常之精緻，仲配有一碗正常分量的白飯同埋不同既醬汁。 定食既特別之處就係在於有塊專門既石鍋比我地去煎D半生熟的牛肉，想吃幾成熟就煎到幾成熟。餐廳會首先將牛肉外層炸脆成吉列牛肉，但是內裡就保持生牛肉既質地，所以一般放上去五六分鐘後，就會有差吾多七八成熟了，咬落去果下肉質依然非常鮮嫩，牛味十足，再配上蛋黃芥末醬，味蕾刺激十足呀，讚 👻👻👻咖喱忌廉烏冬加牛肉($78)咖哩忌廉烏冬則係我嘅致愛，柔順既忌廉大大提升左烏冬既順口度，令人停吾到口，濃郁既咖喱則與甜美既忌廉完美配搭，味道適中，本人好怕太濃既咖喱味，所以私心大推烏冬。配角，洋葱表現亦同出色，清甜爽脆，不過加既牛肉表現則一般，下次建議加雞肉。牛油蜜糖單骨雞翼($65)最後就係牛油蜜糖單骨雞翼，香熱和中等份量既單骨雞翼，有住輕炸既雞翼外皮，內裡嫩滑多汁，外淋上牛油蜜糖汁和檸檬汁，令人食到停吾到口。其中一大特色就是吃起來太方便la，啱啱上菜果陣就覺得同屋企果D可樂雞翼

就算未去過食吉列牛忌廉烏冬專門店 見個名都知餐廳主打吉列牛同忌廉烏冬 夠晒清楚😼食物質素都幾高質 但全間店店員服務態度呼呼喝喝 太散漫要改善下🤧👉🏻吉列牛定食吉列牛份量都幾多 而且肉質好嫩 擺係個鐵板上面慢慢燒 唔會出太多油最特别係佢個自家製芥末醬 唔會太攻鼻之餘都好清新⭐️.👉🏻咖喱忌廉雞烏冬烏冬可以配搭雞或牛碗入面有滿滿嘅忌廉望落會好治癒 都好有神秘感👻好香嘅咖喱味配煙韌嘅烏冬好入味 出色！.👉🏻牛油蜜糖單骨雞翼單骨雞翼唔怕食到冇晒儀容🤫雞皮好脆 而且有牛油同蜜糖調味本身有牛油同蜜糖調味 已經夠晒味再加蒜就會變左味道過濃🤥——————————-吉列牛忌廉烏冬專門店Kobekyu旺角彌敦道726號17樓

前幾個星期终於試佐呢間忌廉烏冬我係烏冬控，所以一聽到有烏冬食一定要來試試🤪係一間樓上鋪，位置都好方便，我係晚飯時間7點零到，由於受疫情影響，人流真好少，得幾張檯😧我地叫佐一份牛肉咖喱忌廉烏冬同海鮮鍋😌牛肉咖哩忌廉烏冬HKD78一上枱見到整碗面都係忌廉，真係有少少嚇到🤣用筷子夾下睇其實只係表面一層下面全部係烏冬仲有牛肉，忌廉好滑同咖哩真係好夾，一陣陣香滑嘅咖哩味，初頭都好怕食完呢d忌廉會好滯，竟然一D都唔會，鳥冬嘅麵質唔算太過煙韌，但都算軟糯彈滑，鳥冬撈住呢d咖哩忌廉真係好食再加上切到一塊塊嘅牛肉，令到個口味唔會太寡，口感都豐富佐🤓🍜海鮮鍋HKD158+烏冬HKD15呢個海鮮鍋有帶子，蝦，蜆，金針茹，雞肉，菜，湯底好鮮甜，不過海鮮份量真係好少，得兩隻，其余得d菜，自己再加個烏冬都係唔飽🌝我自己覺得呢個價錢甘嘅份量實在太過份😖

唔好睇Menu細細，原來都幾多款式餐廳的環境舒服，每張枱都做足安全設備！基本上食客都有足夠的空間！期待已久嘅咖喱忌廉烏冬終於出場啦！撈起，嘩！好濃郁啊！香滑可口，味道吸引。又香又滑又甜，食得好過癮！唔記得一提，仲有得揀雞或牛！唔食牛嘅朋友都可以試吓雞架！一樣好食再來一份吉列牛定食！外表非常香脆！配上味增湯，味素飯，芝麻醬豆腐，麻醬番茄仔，再加上配搭牛食嘅醬汁！讚👍🏼！蜜糖雞翼都整得相當好，配上白芝麻，哇！太好味啦！

來到呢間韓國餐廳，當然要試一試佢哋嘅招牌菜，烏冬同吉列牛。吉列牛定食 $148吉列牛上枱只有兩成熟，最牛附上石板燒，生熟度就自行調教，每邊大約燒15秒就全熟啦，肉質唔錯，都算軟淋，就算全熟都唔會韌，牛肉本身有調味，唔洗點醬，已經好夠味，送飯食一流。咖哩忌廉烏冬(雞肉) $78賣相好特別，表面部一層滿綿綿密密嘅忌廉泡沫，下面係咖哩味烏冬，感覺似日式咖哩，微微帶點辣，烏冬口感好煙韌，每一條都掛滿咖哩汁，還有一粒粒小雞丁同蘑菇，忌廉令到成碗烏冬好滑，同增加左飽肚感。牛油蜜糖單骨雞翼 $65熱辣辣即叫即做，甜甜的帶點香蒜味，但牛油味唔算突出， 而且雞翼醃得唔算太入味， 主要靠醬汁調味，雞肉炸得岩岩好，都算嫩滑，單骨方便食，一碟有大約有10件，值得一試。

餐廳：吉列牛忌廉烏冬專門店 (旺角)地址：旺角彌敦道726號17樓好耐之前去過銅鑼灣果間吉列牛忌廉烏冬專門店，食過都覺得唔錯👍🏼，見到旺角都有一間就同左朋友去食lunch，去到中午12點岩岩好開門👻，唔遲又唔早餐廳枱同枱之間裝哂隔板📂，減低食客之間傳播嘅機會🚫，私隱度都高左唔少添叫左餐廳最出名嘅吉列牛拼咖喱忌廉雞肉烏冬套餐，仲有兩杯汽水🥤，我地就加$8換蜂蜜菊花蜜同韓國柚子蜜吉列牛份量比我平時係出面食嘅大，有一塊大一塊細共14小件切開左嘅吉列牛🐂，仲有蒜粒係面令牛肉燒完之後更香更好食😋，仲配埋飯、幾款小食同麵豉湯忌廉烏冬味濃吸引😍，厚厚嘅忌廉溝勻左一齊食令烏冬香而唔會太辣，creamy嘅感覺突出而唔膩，就算散叫都只係$78，值得一試仲叫左個秘製蛋卷，除左中間夾住濃郁芝士之外🧀，仲配上特製嘅芥末醬，食起上黎別具一格😎，唔錯唔錯

這晚來到旺角彌敦道726樓上餐廳食日韓料理餐牌選擇都幾豐富，兩個人揀左兩款主食，同一款小食。吉列牛定食：定食除了吉列牛，還有味噌汁、白飯和小菜兩小碟。吉列牛可以放上石板上燒至個人喜歡的熟成度，牛肉的質素都合格唔錯。雞肉咖哩忌廉烏冬：第一次食呢款烏冬，原本有啲怕忌廉會膩，但完全唔會，反而令烏冬口感更滑溜。配搭香濃咖哩湯汁，好好食！牛油蜜糖單骨雞翼：上枱熱辣辣香噴噴，賣相吸引的牛油蜜糖雞翼，真係會令人食唔停口！個人喜歡再加檸檬汁，味道清新一點

旺角726中心呢到好多野食，好多特別的餐廳。今次趁LUNCH來到呢到，食個韓式午餐~好好享受一下先。環境好光猛，而且空間感好大，木色主調是經典的韓風設計。MENU的設計都是簡約風，予人簡潔及明亮的氣氛。主食我點左呢個好特別既咖哩忌廉牛肉烏冬$78，呢個真係好獨特的DISH，在出面真係冇見過呢個食物。好滑的CREAM見到都好想食，厚厚的白濃CREAM下面，仲一碗咖哩味的牛肉烏冬。份量好大而且牛肉都好多，$78真係抵食。另外，點左一個小食---牛油蜜糖單骨雞翼$65蜜糖有少少檸檬味，非常好食，而且單骨雞翼食起來好方便! 一共有5隻雞翼，味道好好，好想再食多D。朋友點左呢個吉列牛定食$148，有湯有飯而且前菜。定食有美味的紫菜湯吉列牛的皮有好多炸蒜，食之前要在小火爐上煎熟佢。呢個食法都係相當特別，好處是可以控制自己食幾熟的喜好。唔好睇個爐細細，其實都好熱而且都有炸炸聲~好香呀。食落口有好香蒜味，牛肉也好林又甜，好好味呀~!!!呢到真係令人好多估佢唔到的驚喜~!!!!下次一定要再來食下其他的食物先。

這是一間韓式+日式的餐廳，我見有韓文的菜式就視為韓式，依此類推，見有日文的菜式就係日式。午餐時段有套餐吃，仲有日式涮涮鍋，有釜飯，有日韓小食……而我今日就係為咗鋪頭名的吉列牛同忌廉烏冬而來，所以當然唔少得呢两樣啦。『吉列牛定食』有一，二成熟嘅吉列牛加一個爐，等客人可以跟番自己可以接受程度邊燒邊吃，我鍾意熟少少先吃，吉列牛表皮脆脆，内裡鮮嫩多汁，除此之外，仲有麵豉湯，飯+飯素，豆腐，車厘茄跟。『咖喱忌廉烏冬』，我哋喺牛同雞之間二揀一揀咗牛，賣相一流，表層白色的忌廉如同純潔的雪出現眼前，今年未見過雪，發緊白日夢吖。而牛肉片同烏冬埋喺下面，吃時撈埋幾樣嘢，真係零舍滑溜，烏冬煙韌口感佳，咖喱亦唔覺辣，啲咖喱忌廉汁超好味，飲晒，係唔係好瘋狂??亦叫咗一樣小食就係牛油蜜糖單骨雞翼，食落口感似BBQ，而單骨細細件亦更容易入口，唔錯。順便一提，餐廳位於17樓，好開揚，吃嘢都開心D。

放工要同同事出旺角買公司嘢，買完之後大家都有啲肚餓決定食埋晚餐先番屋企，咁啱行到726樓下，我哋兩個牛魔王就決定試下Kobekyu😎吉列牛定食($148):吉列牛上枱只有一成熟，將吉列牛放喺已預熱既石板上燒，可以自己控制燒到想要嘅熟度，外層吉列脆卜卜內層牛肉肉味濃😋咖哩忌廉烏冬($78):有雞肉同牛肉可以選擇，我哋叫得牛魔王就梗係食牛肉啦😆上層係充滿滿空氣感幼滑嘅忌廉，下層咖喱好香口惹味仲有好多洋葱，烏冬煙韌彈牙有咬口，撈勻食更加creamy又唔會覺得膩❤牛油蜜糖單骨雞翼($65):單骨雞翼適合懶人食！皮脆肉嫩蒜香味好濃，香氣十足但略嫌淡味左少少😂

📍吉列牛忌廉烏冬專門店#happytreats_mk #happytreats_cwb✨✨✨✨✨✨✨✨✨✨✨✨✨✨✨✨✨🐮吉列牛定食 $148吉列牛份量真係好多🤣雖然牛肉質素唔係話好突出，但係勝在真係炸得好好，加埋黑椒調味，超香脆🥰-🥘咖喱忌廉烏冬(雞) $78呢個有驚喜🥳一開頭心諗咖喱同忌廉關事㗎meh😳但原來食落去香辣嘅咖喱同埋cream超級夾❣️烏冬仲要好煙韌，唔錯唔錯~之後去咗幾間餐廳食呢款烏冬，都覺得冇呢一間整得咁好食😗-晚市都幾多人，記住要預少少時間等位啊😛我哋嗰日就坐卡位好舒服😬

朋友介紹咗呢間喺旺角嘅吉列牛忌廉烏冬專門店喺地鐵站附近行過嚟勁方便如果坐窗邊仲有大大塊玻璃可以望住嘅夜景一邊食嘢吉列牛定食 $148呢個價錢食到吉列牛真係非常之抵食用咗美國牛脂肪適中咬落去好juicy仲有埋個小火爐石板可以自己揀燒幾成熟厚度適中外邊嘅吉列皮好酥脆仲唔配埋wasabi沙律汁豉油同埋蒜味沙律醬一齊食牛肉咖哩忌廉烏冬 $78忌廉烏冬係第一次食面頭有白雪雪嘅Cream撈埋啲咖喱汁之後變到好滑溜烏冬咬落好煙韌Kobekatsu 滋味單骨雞翼 $65雞翼好大份 單骨夠曬方便面頭有好多蒜 食落蒜香味好香濃雞翼好嫩滑

同朋友喺旺角行完街之後突然好想食日本嘢，所以就嚟咗呢間好出名嘅吉列牛忌廉烏冬專門店食嘢~店內係木系日式裝修，坐得好舒服，因為疫情既影響，店員都盡量安排客人坐得唔會太近，加晒分呀～吉列牛定食 $148呢個套餐包括有小車厘茄、豆腐、味噌湯、飯、半熟吉列牛~呢個set除左賣相吸引之外，味道亦都拎滿分! 吉列牛扒外脆內嫩，半熟嘅吉列牛其實上咗菜之後亦都可以即刻食架啦~而餐廳都好貼心…附上一個小爐，客人可以自行烤返中意食嘅生熟度!雞肉咖哩忌廉烏冬$78一上菜就見到一碗白色綿綿嘅忌廉泡沫~但係一撈起個烏冬就發現原來係禾稈冚珍珠~ 因為一夾起啲烏冬就即刻聞到濃濃嘅咖哩香味，加上有忌廉泡沫嘅呢個配搭，撈勻咗嚟食之後令到個烏冬更加香更加滑!至於雞肉嘅份量都唔少架，好嫩滑~牛油蜜糖單骨雞翼$65單骨雞翼嘅好處就係食起嚟好方便，唔會整到個嘴污糟糟糟~係中意食雞翼既淑女一定心心眼~ 至於牛油加上蜜糖嘅雞翼，食落口有多種嘅味道刺激好惹味!雞皮可以保持脆口，雞肉保持嫩滑，實在值得一讚!

好耐冇吃尼間了～上次帶完男朋友食佢都話我冇介紹錯！經開旺角 今次又encore先！咖哩忌廉牛肉烏冬（$78）牛控既我依然選擇食牛！一如既往-唔韌！真係好中意食佢個咖哩忌廉烏冬😍其實我唔太中意重口味既野，咖哩加埋忌廉可以中和下陣咖哩味，不會太heavy～今次仲食到有西蘭花係裹面😍烏冬都係咁煙韌，好食！吉列牛套餐($148)男朋友叫了吉列牛套餐～依然咁多塊牛，每人都分到食8塊🤗最中意自己燒，想幾熟就幾熟！外面脆卜卜 入面又香牛味同唔韌😋

今次是第二次光顧了，上次在這間餐廳吃完吉列牛套餐感到不錯，所以再來光顧，不過就想試新口味，不過都是離不開牛肉。日式牛里脊炒飯配流心蛋首先流心蛋有些煮過熟，雖然蛋黃仍未熟透，但蛋黃已不是流質狀，而是啫喱狀，有少少失望！不過炒飯的味道足，每一口飯雖然不是粒粒分明，但粒粒充滿牛香味和醬油香，調味充足，亦不會過鹹，而牛肉相當軟霖而不帶有韌勁，非常好吃！不過是份量較小，對女士來說就剛好而已，男士未必吃得飽。