吉列牛忌廉烏冬專門店 (彌敦道) (已結業)

心血來潮想食忌廉烏冬二話不說撘車出去旺角就系為左食距曾幾何時，呢度系要排隊到而家，人系有既不過吳多 直入座位可以自己選擇落單系採用QR code自助落單其實系方便左 同減少左人與人既接觸而家疫情反覆 未嘗吳系一件好事咖哩牛肉忌廉烏冬($78)一上枱 就見到白色濃濃既忌廉系面前對於忌廉控既我 絕對心心眼不過可能下面就已經系熱既咖哩湯底所以其實啲忌廉好快就溶哂就系因為啲忌廉溶晒所以個湯底變得好滑(即系變得好肥好肥)略嫌牛肉鞋口 麻麻地不過牛肉不是重點吧味噌蟹蓋配紫菜飯團($58)啲蟹羔surprise咁既好食估吳到上面仲有少小蟹肉驚喜韓國餐廳有日式既味道牛油峰蜜單骨雞翼($65)吳知點解蒜味勁重 蓋過左牛油味有蒜就配埋芝麻 味道好復雜變相同蜜糖味有啲吳夾所以我都無再唧檸檬落去不過單骨又系幾方便其實而家好多餐廳都大推單骨做多少少 就有加分位！吳知系咪疫情關係少左staff 距地好似做踢哂腳咁 不過都系好事黎 代表有生意嘛今次無試到吉列牛 有機會下次再試

同朋友約埋嚟旺角726食吉列牛，超期待！日韓fusion夠晒特別，啱我口味！首先，必點一份吉列牛定食，賣相擺位好吸引，有開胃前菜，芝麻醬配蕃茄仔，滑溜豆腐，配上一個鐵板爐，生熟程度隨你喜歡，煎大約60秒，皮脆肉嫩，鎖住肉汁，可以沾上分別醬油、wasabi或甜甜地嘅醬～各有風味～份量夠多，超滿足！另外，有驚喜嘅係我第一次食嘅咖喱忌廉烏冬，超creamy,撈起甜咖喱烏冬食好夾超好味，好滑，雞肉都夠入味，liked!嗌咗一份小食，牛油蜜糖單骨雞翼，香香甜甜不錯～

呢間係開咗之後一直都好想食嘅餐廳今日終於有時間同朋友嚟食我覺得嚟到一定要食嘅其中一樣嘢就係忌廉咖喱烏冬我就係因為比呢樣野而吸引黎好特別咖喱烏冬就咖喱烏冬但佢上面有忌廉賣相好特別一嚟到你已經聞到佢嘅咖喱味我真係好鍾意食咖喱味嘅嘢而且佢仲要係咖喱味嘅烏冬我真係覺得好好食另外佢個吉列牛我喺其他地方食過佢同其他地方比我覺得完全係冇得比我覺得佢真係好好食我之前喺元朗食過嗰間都唔夠呢間好食因為太掛住韓國 二韓國最出名就係蜂蜜牛油我就叫咗個蜂蜜牛油單骨雞翼但反而佢算味比較突出同我想像有啲出入但係都幾好味嘅即使而家疫情嘅情況下佢依然係坐滿 你就知道佢真係好食下次我要再食佢個吉列牛同埋忌廉咖喱烏冬極力推介呢間👍👍👍👍

烏冬大家食得多，忌廉烏冬相信大家絕少會食到。今次嚟到呢間日韓合壁嘅Kobekyu，正正就有得試一試啦！嚟得呢度，一定要試試個招牌忌廉烏冬，面頭白雪雪一片，底下係咖哩湯底嘅烏冬，有牛肉做配料。開頭未食前以為會好漏，但啲忌廉都算輕盈，撈埋咖哩湯又幾夾，個味道仲更濃郁跟住就試吓呢度另一個招牌吉列牛套餐，都算幾多嘢食，兩個小前菜，有湯，牛扒同飯。牛扒本身質素好，輕輕煎兩煎已經好好食，記得唔好煎過龍仲有個牛油蜜糖單骨雞翼小食，外脆內嫩，牛油蜜糖汁香口，用嚟送吉列牛餐碗飯都唔錯

記得朋友提過有忌廉烏冬專門店，今日黎到旺角唸起，地點又方便，胃食既我即刻要試吓先😋見到大部分既食客都叫吉列牛同忌廉烏冬，我地都一樣叫咗呢兩個大熱門，另外仲叫左個單骨雞翼既小食，呢度環境算寧靜，面且可能係午餐關係，人流吾會好多，坐得舒適咖喱牛肉忌廉烏冬一上碟既時候只見到滿滿既白色忌廉覆蓋哂成個碗，完全見唔到烏冬，要用筷子撈勻，咖喱烏冬先會出現，慢慢同忌廉溶合，忌廉好滑身，食落滑溜溜而且烏冬麵既質感煙韌，牛肉係切成小舊食落軟腍，忌廉加埋咖喱吾會太稠身，但食既時候又有淡淡咖喱香，感覺吾會太膩吉列牛定食成個套餐一上枱就覺得好吸引，除左白飯仲有面鼓湯、胡腐豆腐、蕃茄既配菜，非常豐富，吉列牛上碟吾係全熟，因為店員會為你準備一個熱石，等你一邊食一邊燒，可以控制自己鐘意既生熟程度，又唔洗驚凍哂，個人覺得呢個牛做得出色，牛既質感完全唔韌而且好軟腍，吾會食到有筋，另外點埋佢提供既醬汁同芥末醬更加惹味，外皮仲有微脆既感覺，送飯一流牛油蜜糖單骨雞翼好韓系既小食，雞翼切成單骨好方便，而且香脆既外皮被滿滿既蜜糖包裹住，蒜味突出，味道偏甜，鐘意食韓國菜既朋友仔可以試吓😊

其實一直喺網上面都見到好多人去試呢碗忌廉烏冬專門店首先講吓個忌廉咖喱烏冬啊，望落去好似軟綿綿咁既忌廉，但事實一食落口好似風咁，無咩味道，好稀欠缺柔滑同實在感覺，彷彿不存在一樣存在意義不大之後下面其實就係普通到唔普通嘅咖喱汁烏冬，完。令一樣就係叫咗個石板吉列牛定食，呢個牛肉嘅肉質反而比較好少少🤏🏻起碼都叫有肉味先，燒下之後都仲係好嫩滑 多汁❤️不錯！但個飯實在太乾硬，其他都可以。頭先一入門口店員就叫你用手機落單，但態度真係唔係咁好，問多兩句都好似嫌麻煩咁無乜服務既情況下，都係有加一架 哈哈

一直以吉列牛忌廉烏冬專門店係來自日本但原來佢真正係嚟自首爾宏大而且睇過雜誌佢嘅受歡迎都非常之犀利，而今次嚟到呢一間旺角嘅分店亦係朋友講俾我先至係第一間海外分店！佢主打吉列牛定食同埋咖喱忌廉烏冬都係我哋今日去點嘅食品！還有一個係雜誌經常介紹嘅炸雞！首先你到嘅係忌廉烏冬，烏冬被一大堆忌廉蓋住，上面個造型好特別，成個白雪雪、滑脫脫嘅感覺好特別好吸引，其實呢一碗咖喱烏冬配上忌廉汁食落去忌廉嘅奶油味唔算太濃，並且比較淡，而烏冬其實我覺得佢又唔算係到庭烏冬，識落唔算太彈牙呀，而家呢未就真係一半半唔夠濃，亦掩蓋唔到佢嘅雪藏去到日式炸雞，呢條雞味道唔錯，外面鋪相一浸蜜糖，食落去好香甜，唔錯唔錯！最後梗係嚟呢一個主打吉列牛啦！佢嘅份量都唔算少，有一版半，首先落油渣變成吉列，在切好一份份，牛肉就生生地紅紅地，而佢亦都陪左一個石路俾我哋任少，配上少量嘅前菜，食落都算還可以，主要原因係因為牛肉唔算特別出色，以呢個價錢來講其實算係有點兒貴！最後再配上兩杯特飲，價錢大概40多元，飲落去其實都只不過係用悉數數沖出嚟，好唔好飲就見仁見智啦！一直以吉列牛忌廉烏冬專門店係來自日本但原來佢真正係嚟自首爾宏大而且睇過雜誌佢嘅

一個好大好大既伏，係旺角諗唔到食乜嘢，見到呢間未食過，openrice 又多好評，就諗住試下啦，點知中伏首先坐低左，張枱係未抹好，全濕既叫左兩次先抹好叫野食都還好，侍應都快過黎，但上菜速度極慢咖哩烏冬無味，蛋黃薯條唔脆，鰻魚釜飯有腥味，蛋捲唔熱最後就錢就識埋黎收我明明侍應收左我張卡，但個收銀就唔見左人收左我將卡10分鐘都唔俾返我仲要叫左兩次先埋收銀過機講真，呢個價錢，我出去是但一間，服務都好過呢間多多聲

最近因為疫情都吾敢去太遠既地方，但係留你屋企太耐真係無聊到飛起。今晚決定做好防疫措施，以快速的速度出去食晚餐！這家吉列牛扒睇上去好似又有得玩又有得食！一於就去挑戰！餐廳係疫情下都好小心，安排座位盡量每一枱中間再隔開一枱。我哋叫左一份吉列牛定食同一份咖喱忌廉雞烏冬同一份雞翼。吉列牛定食：吉列牛上枱時肉件係未熟既，所以餐廳有提供一個熱石爐俾我地慢慢煮慢慢玩慢慢食。自己又可以按照自己嘅喜好煮到岩自己的熟度。肉質嫩滑，吾會有好多根，亦都唔會過於油膩。牛油蜜糖雞翼：蜜糖配雞翼，相信是每個人都會喜歡的口味，雞翼多汁嫩滑，餐廳仲好細心將雞翼分成一半，食得好方便，同男朋友黎吾會食到失去儀容。（如果你係女仔，你會明白既）咖喱忌廉雞烏冬：湯烏冬或者冷烏冬我就食得多啦，真係第一次見到忌廉咖喱烏冬。以為係就咁日本黃色咖喱汁撈烏冬啦，一上枱我對眼即刻放大10倍！以為自己嗌錯野食。同店員確定後，先知表層係鋪滿一層奶白色的忌廉。當你撥開忌廉汁，就會見到金黃色嘅咖喱烏冬。店員提醒我要搞拌好識落嘅效果會更好。的確食落真係有驚喜，烏冬彈牙有咬口，咖喱汁大有小小辣味。唯一就係份量有啲大，食吾曬覺得有啲浪費。

上網見到呢間餐廳好多好評，於是今日帶埋我朋友過嚟一齊試，旺角好多日式餐廳，但要搵到間好食嘅好難，居然比我發現到依間隱世高質餐廳🤩 餐廳嘢食嘅種類好多，好多日本料理都有齊，一於就試吓依度嘅吉列牛啦！吉列牛份量好多，一個set有齊晒麵豉湯、飯、一大碟牛同埋好多醬料，而且有爐可以自己燒離食，想幾成熟都得👍🏻食落去牛肉熱辣辣，外脆內軟，超香牛味，勁多汁😍 仲有日式芥末醬、washi等等嘅醬料點着食，大滿足！令一樣推介嘅係忌廉咖喱烏冬，喺香港好少機會食到，上邊有濃濃嘅忌廉汁，裏面嘅烏冬好彈牙，咖喱汁都好多，必食推介🤩最後一樣係蜜糖雞翼，出邊好香甜嘅蜜糖味，裏面嘅雞肉鮮嫩多汁，一咬落去超juicy，激邪惡！必食❤️

對上一次食吉列牛已經係舊年嘅事🤔心癮開始發作😌記得上次係旺角726果棟大廈見過有得食😎於是乎就捉埋老公過去慰籍心靈🤣見到佢餐牌有吉列牛套餐，不過由於我地唔飲汽水🥴所以最後都係散叫😎🔹吉列牛定食$148 ：定食包括咗有麻醬豆腐、麻醬番茄仔、麵豉湯同埋白飯一碗😎相信食過吉列牛嘅都識㗎啦❗️用枱上面嘅迷你鐵板火爐嚟燒，生熟度可以自行調教😌而我就鍾意每邊大約燒8-10秒😍咁就啱啱晒好🤗呢間嘅吉列牛水準都唔錯👍🏻牛肉味香濃，肉質入口幼嫩，一啲都唔韌🤩再加埋炸過嘅外層☺️入口完全係外層內嫩🤤配埋醬油或者芥末醬一齊食，餸飯真係一流😎🔹咖哩忌廉烏冬（牛肉）$78 ：呢個真係比到我驚喜，我覺得佢比吉列牛更加出色🤩最驚喜係我估唔到原來咖哩、忌廉同烏冬呢三樣野係可以組合埋一齊😎佢嘅烏冬本質都好滑溜，加埋忌廉，食起上嚟又滑又Creamy😍而咖哩係日式咖哩，唔會辣☺️超香濃嘅咖哩味道😌呢個真係真心推介👍🏻🔹KobeKyu牛油蜜糖單體雞翼$65 ：上枱果下勁香🤩牛油味比較重，食落夠晒香脆🤤唔油膩❗️單骨食起上嚟又夠晒方便👍🏻我覺得呢個下次可以Encore😎評分味道：5/5服務：4/5環境：4/5

估唔到忌廉烏冬吉列牛嘅熱潮仲未過第一次食試吓韓牛🇰🇷嘅質素係點先.吉列牛定食 $148定食包味增湯、番茄仔沙律同麻醬豆腐吉列牛嘅色澤都好靚唔算太多脂肪 口感幾淋牛肉炸粉唔算厚👍🏻有韓式醬同埋Wasabi沾 .咖喱忌廉烏冬 $78忌廉烏冬一上枱 騰騰震 好過癮！將烏冬撈勻 下面嘅咖喱🍛同忌廉融合咗咖哩味甜甜地 好好味 烏冬超級掛汁滋味單骨雞翼 $65雞翼沾芥辣蜜糖粉炸 好入味啊 好濃蜜糖味 🤤有韓式風味💗💗雞翼炸完唔會太油膩牛油味香濃☺️食過返尋味！

吃過幾間吉列牛, 還是這間最合意, 無論價錢和味道, 也是值得一吃再吃。旺角這間就常常都很多人, 逆巿爆滿, 幸好今天七點多來到, 便可以直接入座, 吃完見到有人等位呢。咖喱忌廉烏冬$78滿滿的泡沫忌廉, 原來藏著烏冬在底下, 撈勻之後, 發覺忌廉味道只是很輕盈, 不如carbonara的膩, 所以我很喜歡, 加入咖喱味道更香, 可選雞肉或牛肉作配料。吉列牛定食$148吉列份量十足, 適合二人share來吃, 本身肉呈半生, 外層炸脆, 放在熱板上, 可以燒到自己喜歡的熟度, 牛肉很嫩, 無論半生和熟也很好吃, 配合日本米飯更是一流, 定食還有麵鼓湯、豆腐、蕃茄, 亦有兩個醬汁可配搭, 十分精美細心。牛油蜜糖單骨雞翼$65拆成單骨雞翼, 就更易吃了, 雞翼有濃濃的蒜香, 及厚厚的蜜糖層, 加添新鮮檸檬汁, 更添滋味。

話說吉列牛有排好興，好多人都去食，但我竟然一次都冇食過。今日黎到旺角唔知食咩好，個fd就話不如試下吉列牛，結果就黎左呢間餐廳叫左個吉列牛定食、咖喱忌廉烏冬同埋牛油蜜糖單骨雞翼，呢幾樣野應該係餐廳嘅招牌菜，因為我見到枱枱都有叫咁滯個定食都幾多嘢食，個吉列牛其實已經半熟，只要喺個石版上面在燒熱一陣就食得牛肉好嫩滑，出面層吉列皮好脆，好味個咖喱忌廉烏冬好特別，上面白色個一層係忌廉，下面就係咖喱烏冬。忌廉本身就冇乜味道，但係撈埋啲咖喱一齊食就好滑烏冬都好煙韌，好食！個牛油蜜糖雞翼都唔錯，加埋啲檸檬唔知點解有陣柚子嘅香味，同啲蜜糖幾夾

星期日放假係旺角bk左間party room玩左幾個鐘，之後就諗住順便係附近食埋晚飯。我地search完openrice 睇到呢間岩石燒牛，而且都唔貴，就諗住去食。入面原來都幾闊落，而且夠曬光猛，坐得舒服。因為我地6點幾就去，所以唔洗排直接有位。我地叫左招牌既吉列牛定食。果然唔錯，吉列牛本身整到1-2成熟，再自己放係岩石到控制火候，我地燒到7成熟左右。牛味好出而且出面金黃色卜卜脆，入面就有好多肉汁，配埋加左調味既白飯，我地2個都忍唔住係咁食。另外，我地叫左咖哩忌廉烏冬。呢個好有驚喜，未整勻見到個陣表面白色一片，都驚會好唔夾，但食落估唔到同咖哩出奇地match，反而仲滑左，入面仲有牛肉，好好味，好特別。小食方面，我地叫左牛油蜜糖單骨雞翼。整得好香口，加埋檸檬酸酸甜甜，好開胃。而且一字骨食得好方便。買單成餐都係320蚊，人均先百幾，確實幾抵食，會再黎。