吉列牛忌廉烏冬專門店 (彌敦道) (已結業)

上網見到呢間餐廳好多好評，於是今日帶埋我朋友過嚟一齊試，旺角好多日式餐廳，但要搵到間好食嘅好難，居然比我發現到依間隱世高質餐廳🤩 餐廳嘢食嘅種類好多，好多日本料理都有齊，一於就試吓依度嘅吉列牛啦！吉列牛份量好多，一個set有齊晒麵豉湯、飯、一大碟牛同埋好多醬料，而且有爐可以自己燒離食，想幾成熟都得👍🏻食落去牛肉熱辣辣，外脆內軟，超香牛味，勁多汁😍 仲有日式芥末醬、washi等等嘅醬料點着食，大滿足！令一樣推介嘅係忌廉咖喱烏冬，喺香港好少機會食到，上邊有濃濃嘅忌廉汁，裏面嘅烏冬好彈牙，咖喱汁都好多，必食推介🤩最後一樣係蜜糖雞翼，出邊好香甜嘅蜜糖味，裏面嘅雞肉鮮嫩多汁，一咬落去超juicy，激邪惡！必食❤️