吉列牛忌廉烏冬專門店 (彌敦道) (已結業)

6點左右入場被告知用餐時間係一個鐘，仲未有好多客，4-5台客左右。5分鐘後手機落完單，要咗兩個涮涮鍋，一個咖哩，一個蕃茄湯。等到遲過我哋入場嘅客都有嘢食，我哋都仲未有，望下廚房發覺停晒手，再望下時間已經接近20分鐘，就遞手問下情況。當時廚房同侍應你眼望我眼，侍應再check話係落咗單。之後一分鐘左右就嚟咗咖哩湯底果個，同時我問佢頭先係咪漏咗單，佢話唔係。侍應同廚房繼續密斟，再過一兩分鐘，時間已經22-23分鐘，侍應再走過嚟，話蕃茄湯要等10分鐘。我同佢講，得1個鐘時間，我等多十分鐘即係total等30分鐘，點食？佢:「咁你哋可以食完先走㗎嘛，可以唔使1個鐘就走㗎嘛」由頭到尾一句道歉都冇 咁嘅服務，食物質素點都真係唔會值得再嚟一次。