合和荳品

營業中

休息中

黎開銅鑼灣呢頭,係TIMES SQUARE附近既合和荳品食午餐~ 上網睇到好多好評，第一次幫親係銅鑼灣區既合和荳品。豆花豆漿，可以揀凍或熱，可自選配料，揀左胚牙豆花豆漿$28+$5豆腐花放落豆漿既配搭好特別，味道甜甜的，豆腐花亦夠滑溜。加左胚芽更健康呢。滷水豆腐$16 本身食呢D 好怕得咸味，冇諗過呢間既豆腐整得幾好食，有滷水味豆腐，而且係自家整的，夠新鮮。柴魚花生粥$20食完豆腐仲有粥Tim, 柴魚同花生既份量都幾多, 味道都幾好，仲有豬骨。

合和荳品這荳品小店也是朋友最近介紹我才留意到，當我嚐了第一遍後就愛上它，甚至一星期光顧了三次，它那天然的味道實在很難令人不愛，甚至比傳統荳品店好吃。這荳品店的誕生淵源老闆娘一句想開店，原本從事酒店工程的老闆全力支持棄高薪厚職，與老闆娘由零開始。這裡的荳製品都賣得很便宜，而且美味健康得很。第一次來當然試一試它的最基本原味豆漿吧，如果原味都好喝的話，別的口味質素也有一定水準。原味豆漿很有兒時所喝的味，入口順滑，蠻有黃豆的鮮香，清新怡人，想喝完一杯又一杯。鹹食滷水豆腐水準甚高，比平日荳品店所吃的更細嫩滑溜，不是以炸豆腐那種去滷，而是布袋豆腐，但它不會一夾即散，十分挺身。滷水汁全都滲透豆腐裡，超級入味，卻不死鹹，細滑可口。最後一人一碗豆腐花甜品，作為是日品味荳品之旅圓滿結束。朋友忠於原味豆腐花，我就來點小花款，點了椰汁豆腐花。豆腐花本身柔滑無比，如水嫩的肌膚般，再加上淡雅清甜的椰汁提味，錦上添花。

This relatively new restaurant is located conveniently behind Times Square and I'm glad I found it! It serves one of my favourite local delicacies - Tofu Pudding, as well as other various tofu products.You can tell that their food is filled with heart and soul as everything is made in the restaurant itself, and served fresh and hot. They also have a lot of choices of tofu-based products, as well as other local snacks. We had 2 soybean puddings - the cold ginger soybean Pudding and hot original f

銅鑼灣食市多，女兒介紹我去霎東街４號合和豈品食傳統美食。入到去給我感到環境清潔舒適，接待週到。老闆娘好介紹，先來一個鯪魚肉煎讓豆腐嘩！金黃色豆腐真的入口滑又香，好傳統的味道，特別欣賞外皮煎得唔油膩，係簡單健康嘅選擇。接著是滷水豆卜，份量十足，每件大大件，吃入口絕無炸油膩味，外皮鬆軟，豆味濃郁，再加辡醬，一流傳統小美食😋第三味綠豆豆腐花及第四味紫米豆腐花🍯，無單一豆腐花咁悶，食落口原來味道好配合，唔錯！最後要讃一讃係我想你都未試過的飲品，幾新穎有創意，就係麥芽豆花豆腐飲品🥤! 係飲得到嘅豆腐花，麥芽嘅香味同微甜為豆腐同豆腐花增添不少色彩，係幾意想不到嘅配搭。最後埋單，價錢公道，銅鑼灣區算係咁👍

上網睇到介紹銅鑼灣有間新豆品小食店，星期日lunch就去試下。除了主打多款口味的豆花外，也有咸食的煎釀豆腐、腸粉、魚蛋等等。腸粉+魚蛋+燒賣 $22（小）是入貨食材，腸粉不夠滑，不彈牙的魚蛋、實心燒賣味道好普通。粉果$6/個，太厚粉又是一般。至於煎釀豆腐 $16份，豆腐應該是自家製？！但為什麼都不夠滑。最正還是豆花豆漿 $18，可選冷熱，更可另加錢配薑汁、珍珠、紅豆等。我選了薑汁，濃豆味的豆漿又食到好滑的豆花，夠創新的飲品。

今日同好姊妹行銅鑼灣，行到晚餐時間餓餓地，好姊妹話之前網上睇到有個介紹銅鑼灣新開的荳品店，決定要前往一試！合和位於時代廣場旁邊，位置實屬方便！行到攰攰過來吃碗豆腐花也實在不錯！合和荳品也有多款飲品食物可以選擇！首先我就點了好特別的豆花豆漿($18)豆漿內的豆漿很滑，而且豆漿豆味香濃！好姊妹就則了原味豆漿粉果($6/個)皮薄餡靚，點上醬料一流再後加煎釀豆腐($16)剪釀豆腐不過不失，剪得剛好豉油皇炒麵($18)炒麵很多雜菜，而且不會太油，非常好吃！滷水豆卜($16)滷水豆腐十分入味，原本香脆的豆卜加上滷水汁後非常入味！不得不試的是合和荳品的紅豆豆花($20)紅豆非常香甜，配上幼滑豆花一流！我就點了芝麻荳花($16)芝麻荳花十分嫩滑，而且配上香濃的芝麻令整個荳花升華！另外我們也點了腸粉+魚蛋+燒賣($33/大份)，小食十分大份抵吃！而且腸粉十分幼滑! 值得一試！是日晚餐吃了百多元，在銅鑼灣來也算十分抵吃！而且二人吃得捧著肚皮走！

又係時候同朋友去銅鑼灣shopping,由於時間有限 ,就簡簡單單快食,又知道有間叫合和荳品嘅新店開張,就走過去試下,一坐低就把握時間快叫,估唔到都有驚喜。糯米雞大大隻，好足料，未放上枱都聞到超濃嘅荷葉味道,咬落去超級彈牙，好新鮮。最特別係完全無放左好耐嘅味道,唔錯！煎釀豆腐充滿魚味嘅魚肉再加上煎到皮脆卜卜嘅豆腐，正正的！腸粉+魚蛋+燒買,牛肉點都叫番啲街頭小食食吓，腸粉軟硬度適中，魚蛋魚味都好濃,牛肉大大粒完全無雪藏嘅味道,都幾好!簡簡單單嘅小食,都有唔錯嘅水凖，講真都有點估唔到,喜愛shopping嘅我,下次又有新嘅中式輕食新蒲點。

周末晚上行街經過見到有家新開的豆腐專門店，似模似樣感覺好像很得，豆漿豆腐的款式很多，亦都有粥更點心，價錢好平下，＄18 一碗，喺銅鑼灣好少見呢啲價錢。店舖唔大唔細長方形幾光猛乾淨。肧芽朱古力豆漿加左肧芽，幫助消化感覺健康，咁我地女仔的心意，味道似阿華田加豆漿，有新鮮感，飲落幾好味。薑汁豆腐花超滑豆腐花真美味，而且好夠薑。芝麻豆腐花一次過雙重滿足，芝麻糊加豆腐花，不過咁樣食，芝麻糊變成唔多濃郁。我地仲食了些點心、粥品及炒麵，皆十分扺食。

今日下午和太太於銅鑼灣合和荳品食tea, 我們點了薑汁紫米荳花, 芝麻豆漿、花奶豆漿和杏仁荳花。薑汁紫米荳花薑汁味道適中, 食落不會太辣, 紫米好甜好香, 紫米咬落口感十足,配上香滑豆腐花, 整碗薑汁紫米荳花食落十分美味；芝麻豆漿,芝麻味飲落香濃, 有啖啖芝麻香味, 豆漿好香, 飲落香滑；花奶豆漿很有特色, 第一次飲, 花奶豆漿花奶好香滑, 甜度適中, 飲落不會太甜, 配上美味豆漿, 飲落很好飲；最後杏仁荳花杏仁香濃, 配上豆腐花一起食, 感覺暖胃美味。餐店有很多特色的豆花和豆品, 很有特色, 而且餐廳所有荳品是即日石磨豆漿和豆花, 而且全是人手製作, 餐店食品有特色, 價錢合理而且座位舒適, 我和太太品嚐餐店用心製作, 美味的荳品。

這晚在銅鑼灣吃完日本燒肉，打算找甜品吃， 今晚在銅鑼灣霎東街就在Times square後面，發現一間中式甜品店主要賣豆品類甜吃。價格極度相宜 。 此店好像主打豆漿豆腐花。這兒的豆漿香濃而滑， 還好不太甜，飲出原始豆味，混入椰汁亦有很香濃的椰汁味。 老闆娘介紹豆漿是自家製，難怪還有一份手造的粗糙感， 不是預製好的台式飲品杯。此店另一主打是豆漿豆腐花， 滑滑豆腐花注滿香濃豆漿。 滿口豆香，豆腐花很順滑， 但又不會碎上， 又不算結實到有種石膏粉味。 我們還加了紅豆和椰汁， 味道超豐富又有 多重口感。

不知怎的，從小就對荳類品情有獨鍾，特別係豆漿及豆腐花更是至愛，近日經開銅鑼灣鬧市，發現時代廣場附近開了一家專賣荳品的食店,有多款荳漿選擇好像我這杯胚芽綠豆豆漿，用料十足，豆香濃郁，口感滿滿呢，店主是將新鮮豆漿加下綠豆同煲，定價優惠，在銅鑼灣鬧市來說確是超值，而且大大杯好抵飲對豆甚為鍾愛的我，對這款紅豆豆腐花亦是鍾愛十足，綿綿的紅豆粒，跟滑滑的豆腐花，再配上黃糖及薑汁，味道集於一身，十分好吃呢！吃過後還令人回味呢，要再來哦～

行經利舞臺附近突然見到一間新開的荳品店，全是街頭小吃，裝潢明亮乾淨，最重要不用企在街上拮下拮下。淨係豆腐花都有十幾種不同口味，心大心細不知揀邊樣好，最終點了一碗薑汁綠豆豆腐花。好重薑汁味，暖胃。豆腐花滑溜散發出豆香，綠豆其實只是綠葉增添口感，好味。口癢癢要了碟煎釀豆腐，豆腐塊結實不會鬆散，魚肉就略為少，多啲啲就更加好，煎得不油不膩，不錯呀！再來一杯胚芽豆漿，幾好呀，味道不會好甜，混入胚芽加添了香味。

早前係銅鑼灣上完堂後, 便到附近覓食, 見到一間新開食店, 叫合和荳品便試下. 飲品點了熱的豆花豆漿. 客人可以因應自己的喜愛加入配料, 我選了珍珠和胚牙. 店員先奉上飲品. 這款豆花豆漿口感幾特別, 因為除了豆漿外, 當中仲混入了豆腐花, 所以多了一份口感. 而珍珠幾煙韌, 帶少少甜味. 另外, 我點了兩款小食, 分別係煎釀豆腐和滷水豆卜. 煎釀豆腐. 豆腐夠滑身, 味道偏向淡味. 唯獨魚肉太少. 滷水豆卜. 這個味道完全相反, 由於係滷水, 所以入晒味, 豆卜吸收晒味道. 我最鍾意還是那杯豆花豆漿, 一次過可以滿足晒兩個願望.

我和老公悠閒享受年假，在銅鑼灣時代廣場逛完了之後，經過霎東街，見一間店名叫合和荳品，今天天氣有成24度，想飲返杯冰凍豆漿，於是就走進店裡。薑汁綠豆豆腐花(凍)：薑汁味都幾濃，綠豆都好林，配滑滑的豆腐花，滑得係又有口感，不錯！薑汁紅豆豆腐花(熱)：紅豆起沙林甜，本人覺得熱豆腐花比凍的更滑，加上辣味的薑汁，甜中帶辣，很好吃！煎釀豆腐：豆腐不是用水豆腐，所以比較有口感。凍豆漿：有豆香味，少甜，健康的飲品。豬皮：味道比較濃。

放假三個女人一個墟，去了銅鑼灣shopping，行到攰要找個地方坐一下，發現時代廣場近利舞台這裡有間豆品店，見座位也寬敞，就試試新店。我點了創新的豆花豆漿，還加了胚牙，豆味很濃的豆漿加了很滑的豆花，用粗飲管飲，本來傳統的兩種食物加在一起，配合脆脆有少少咬口的胚牙，很好味！有得坐之餘，價錢又不貴，絶對抵過平時只能外賣的台式飲品店！朋友A則點了豆花豆漿加珍珠，也極讚！朋友B點了薑汁紅豆豆花，讚薑汁好，夠暖胃。我們二人眼見朋友的豆腐花超正，又覺在豆漿裡的豆花著實香滑好味，就加點了一碗綠豆豆花share食，初時食覺得放在上面的綠豆沙偏甜，但拌勻後就剛好，正好用綠豆沙代替了糖水或黃糖。