合和荳品

營業中

休息中

原來time square 附近開左呢間以豆品主打小店，真係唔search 都發現唔到.同朋友晚餐食左小小野，諗住搵個地方dessert 再聚聚，決定黎試下煎豆腐，魚肉唔算多，但剛煎起熱辣辣，豆腐食落都幾香，加上一邊祕製豆瓣醬就更match 比起煎豆腐，估唔到呢個滷水豆腐更有驚喜豆腐口感好軟嫩，仲帶住滷水微醃過香味同微咸，好食豆腐花熱既會更香更好食，所以同fd order 兩碗都係熱豆腐花.豆腐花口感真係好滑溜，豆香味都幾出. 薑汁辣中帶甜，出色.芝麻豆腐花係另一個傳統美味選擇. 豆腐花夠滑，而芝麻糊都幾香，又唔會太甜係店員推薦下仲order 左杯凍胚芽珍珠豆花豆漿，有齊胚芽，珍珠，豆腐花既豆腐都係第一次試，估唔到又幾match wor. 不過覺得order 熱可能會更香

小妹同男人最近努力做運動去打拳，8點上堂，於是周圍搵下輕食！尋日途經時代廣場，發現原來開左間荳品店！之前一直無留意到，應該係新開🧐 印象中，呢個位之前係食麵嘅！望望價錢，勁親民喎！樣樣都係廿蚊左右，梗係入去試下啦！叫左一杯原味豆漿$8同芝麻豆漿$13，價錢原來反應埋大細size，$13除左多左芝麻，仲大杯d，而且芝麻好香，飲落啖啖芝麻香！ 原味豆漿就好滑無渣，very good👍🏻之後叫左碗柴魚花生粥$20~~ 好足料，但就唔係好夠熱！反而$18炒麵炒到好乾身又唔油，仲有配料添！呢個抵食👍🏻再叫多個煎釀豆腐$16同粉果$12，豆腐煎到好香口🤤小妹一個人已經可以KO一碟🤣🤣🤣🤣粉果都勁足料👍🏻最後叫左碗薑汁豆花$16，點解揀薑汁？因為店員話薑汁係每日新鮮整！咁梗係試薑汁啦！食落薑汁唔算好辣口，同豆花真係好夾，而重點就黎啦！！！豆花超滑😱😱😱😱暫時係小妹食過最滑嘅豆花，有d似玉子豆腐咁滑！比澳門同另一間老子號荳品店仲要滑！！因為佢！小妹肯定會再黎！！😂😂😂

鄰近利舞台同時代廣場，但因為轉咗角，並唔多人行入晏東街呢條小食街。而我哋都係喺搵梗糖水舖做下場嗰陣誤打誤撞途經呢間「新派」荳品店。據老闆娘所講，由浸黃豆到做起豆腐都係喺呢間細細嘅鋪頭自家完成。有別於老字號，呢度menu以豆花、豆漿款式最多，同台式飲品店比亦唔輸蝕。成餐入面最滿意就係呢碗薑汁紫米豆花，mix咗兩款配料都只係$25，喺銅鑼灣恐怕只此一家。食豆腐花一定要食熱嘅！凍豆腐花雖然可以解暑，但豆腐一定會因為被雪櫃抽走水份同遇冷收縮而變鞋。薑汁豆花可不可求，呢度嘅薑汁唔係現成糖水，而且夠晒辣啱晒我胃口，薑汁配滑溜豆腐花🤤正！估唔到糖水唔係呢度嘅專業都可以做得咁好。紫米露煲得軟糯且唔稀，落足料炮製。撈勻食每啖豆花更有咬口。幾大碗，食完都飽飽地。煎釀自家出品豆腐煎得金黃香口。豆腐比較彈牙實淨，豆味冇豆花咁香，魚肉比較薄。不過因為不經調味，淡口咗啲，落啲甜醬就更好。最後嚟杯解渴豆漿。杏仁味嚟自杏霜，但凍飲杏霜溶得比較慢，飲到底先發現好足杏霜。珍珠黏韌甜糯，唔錯。總括嚟講豆腐花最抵食，係銅鑼灣下場一個唔錯嘅選擇。

隨住落完幾日大雨，天氣又熱返，香港人話知有無野買，都迫晒去商行街，一街都係人難得星日，好耐無同屋企人行街，去左銅鑼灣飲茶，跟住再行times square。1點左右食完野，行街又消耗唔少卡路里，係4點左右就有d餓，咁岩search到附近有間小店飲豆漿食豆腐花，就行左過去。唔特別search真係唔會特別見到，其實係times square 2分鐘距離，只係佢喺後街唔多覺。不過4點左右黎到都full晒可能就係銅鑼灣時代廣場啲員工放飯啦，因為呢間除咗豆品之外，都有其他小食，粥品，豉油王炒麵供應，價錢唔算貴喇！如果我喺附近返工都應該間唔中會嚟呢度食，唔係日日出去食幾十蚊餐飯真係搞唔掂.本來真係諗住黎飲杯豆漿休息一下，不過姐姐見我左諗右諗，就介紹咗佢哋最出名嘅豆漿豆花俾我，我load左一陣未幻想到係咩姐姐就同我講係用吸管飲嘅豆腐花嗰一刻我就理解到啦！姐姐一路都好熱情咁就一於聽佢講！.凍豆漿 $8/杯熱豆漿豆花 加配朱古力，胚芽 $28爸爸飲豆漿，因為佢太頸渴，唔使30秒佢已經K.O.左，佢大讚杯豆漿豆味濃郁，唔太甜，＄8/杯嘅價錢，喺銅鑼灣黎講真係好抵.我嗰杯豆漿豆花，黎到嘅時候，因為我加左朱古

呢一晚突然間心血來潮想食豆花, 行下行下就見到呢間荳品店, 仲唔係有緣?!小店式經營, 牆上有招牌食物介紹除左豆漿豆花, 仲有其他小食豆花都要玩mix and match呀, 原味豆花就食得多, 呢款朱古力豆花 ($16), 食落有朱古力嘅香甜, 但細味一下又食到黃豆香味, 兩者都做到朋友!  質感幾滑, 甜度又岩岩好!豆花豆漿 ($18), 有凍有熱, 自選配料每款另加$5, 侍應推介胚芽, 上層係豆漿, 下層係豆花, 用粗管飲就兩者都食得到!加左胚芽增加香味又有少少咬口; 豆花入口幾滑, 仲幾香豆味, 咁嘅二合為一又幾過癮喎!飲得豆漿, 當然要食埋煎讓豆腐 ($16), 煎得微金黃色嘅豆腐, 放係紙上可以吸咁D油, 食起上黎就無咁油膩! 豆腐上讓上薄薄嘅魚肉, 熱辣辣幾香口, 識食當然要點埋甜醬/辣醬一齊食啦!  而呢碟滷水豆腐 ($16), 比起煎讓豆腐黎得較為腍身, 滷水味唔太濃口感較為濕潤及腍軟, 豆味都幾出!呢度嘅豆品食物都係自家製, 怪唔之得可以食到咁香豆味, 今晚捨棄新式甜品而食番碗傳統豆花, 覺得自己無選擇錯囉!

估唔到朱古力同豆漿嘅味道咁夾唔係好甜但係有種淡淡嘅朱古力味 飲完好想再飲 佢本身係完全勘到滿 去到杯緣邊 但係太好味我忍唔住飲咗好多先影相😂😂超級推薦！煎釀豆腐豆味濃 微脆 微煎香 可以挑剔嘅係魚肉好扁好少但係整體好好味 佢有四隻醬比你自己落我記得有豆瓣醬 我就就咁落咗豉油算好香好好味 啲嘢都幾抵食 全部大約10靚蚊有環境都算幾乾淨同埋裝修幾好有兩個員工 一男一女 兩個服務態度都超好食得舒服 會再去幫襯時候我買咗個熱芝麻豆腐花比阿媽做外賣佢個豆花唔係嗰種好實滴滴嘅 都幾好味

路過很多次都沒留意有這家店，無意中搜索附近的店，看到介紹這家店，很多人推薦豆漿豆花飲品，從沒試過這樣的組合，遂前往一試。點了杯黑芝麻豆漿豆花外賣，喝之前需要攪拌一下，讓杯下面的芝麻和豆花都融合，喝起來，滑滑甜甜，豆花和豆漿感覺非常搭，也不算甜。夏天來一杯凍飲，真的很棒！而且很健康！推薦！

豆花一向都係我至愛，又養顏又好味.所以前幾日專程放工去cwb 試間開左冇耐既豆花舖.😌間店格局光猛，新裝修幾乾淨，冇意間留意到成間店都係由一家人打理，媽媽煮餸，仔仔收銀老豆落order,係呢d旺區竟然唔係連鎖店真係買少見少.無論豆花定豆漿幾多款式.😋由於未食晚餐，所以點左豆花炒面同豆腐😅椰汁豆花16蚊算價錢正常，味道ok,唯獨豆花有小小硬，口感一般.豆腐同炒面都唔錯，份量幾多😹食到好飽鐘意豆腐既朋友可以黎試下

對於我來講食呢啲小食最緊要食份人情味同埋價錢唔會太貴，自己其實都好多佢呢啲小店食嘢因為貪佢地嘅老闆通常都係好好人。之前睇訪問見到呢一間嘅豆漿豆品都唔錯，所以同朋友去試吓。環境都幾乾淨，同埋坐得好舒服雖然行過去有少少遠但係換來嘅係舒服嘅環境都唔錯啊。豆腐花，豆漿都是自家制作的，精選一級黃豆即日磨制，非常有豆味，香滑。加上芝麻蓉，綠豆蓉，杏仁味，非常好味，配食腸粉，粉果，燒買，值得一試。最喜歡 佢嘅豆漿真係好好飲，同埋佢有好多唔同嘅特別款式例如有得加珍珠紅豆等等。小店繼續加油我會多多光顧。

合和荳品已成為我和朋友去銅鑼灣吃飯後甜品之選，這裡的荳製品都是店舖自己一手包辦，盡是用心，而且每款荳品都有其美味之處。朋友說最近每次都見我喝豆漿豆腐花，她都沒吃過，今次她也要來一杯。我很多口味都試過，唯獨朱古力豆漿豆腐花未曾吃過，這次我就吃這，至於朋友則吃芝麻豆漿豆腐花。芝麻醬與與朱古力漿都沉在豆漿豆腐花下底部，當我們輕輕攪拌，豆漿豆腐花都變成淡灰跟淡啡色。芝麻和朱古力都沒搶掉豆漿豆腐花的味道，而是滲出其香氣，又不會死甜。豆腐花十分滑溜，經豆漿浸泡滑上加滑，令我們愛不釋口。

晚飯過後, 來一碗紅豆豆腐花作飯後甜品。另外， 我們亦點了一碟魚蛋燒賣來分享, 我亦叫了一杯薑汁芝麻豆漿來喝。餐牌上有好多款不同味道的豆漿供選擇, 有很多款我都很想試的, 但由於只有一個胃, 所以只點了一杯來喝。魚蛋及燒賣來得非常快, 不過份量不是太多。薑汁芝麻豆漿的薑汁味很香很突出, 沒有辣的味道, 是甜甜的薑味。我很喜歡芝麻和豆漿這個配搭。豆漿很香滑, 充滿豆香, 飲落味道很甜。我喜歡喝甜甜的豆漿, 不過可能對有些人來說, 豆漿的甜度會偏高了點。本來點了一碗凍紅豆豆腐花, 不過老闆娘推薦吃熱的, 她說熱的豆腐花更香滑, 所以我聽從她的意見, 改了要熱的豆腐花。豆腐花質感香滑 , 旁邊亦有紅豆粒, 不過紅豆粒的甜度比豆腐花低, 所以吃完豆腐花再吃紅豆, 便覺得紅豆沒有味道。 不過, 個人還是喜歡吃凍豆腐花多一點。

銅鑼灣時代廣場隔離開左間新荳品專門店 🤘🏿-#紅豆豆花 $20豆花都算滑，冇乜大驚喜 😂#腸粉魚蛋燒賣 $22樣樣都正正常常唔錯嘅，冇咩特別，純粹過下口癮，但印象中附近冇間可以坐低食，平時行街行到攰坐係到休息下整兜大混醬大雜錦好正 🤤#煎釀豆腐 $16呢個要必食啦，水準幾高，豆腐滑，煎得好香，魚肉夠味，要食 ❤️#珍珠胚芽豆漿 $20咁嘅配搭都第一次飲，同行寶寶話要伏一伏去，但呢個有驚喜，唔伏得黎又幾好飲，胚芽同豆漿都幾夾喎原來，加埋珍珠有得咬下都幾唔錯，好過癮，值得一試 👯‍♂️-合和荳品銅鑼灣霎東街 4 號地下

友人一向愛吃豆腐花，而我就係豆漿的粉絲，早兩天去銅鑼灣吃越南菜，發現時代廣場附近的霎東街，新開左間「合和荳品」。講真，近年專賣豆花、豆漿同煎釀豆腐的店舖，真係買少見少。見門口貼左餐牌，跓足細看，嘩！原來價錢都幾經濟，原味豆漿，一杯盛惠 $8，而原味豆腐花，一碗亦只是 $12。講起上嚟，我也很久沒幫襯呢類荳品店，趁周末嚟開銅鑼灣，就順道過來嘗新。店子地方雖然不大，門面細小，一眼望曬，但亦稱不上狹窄。近門口位置放左兩張圓檯，後面一排打直就擺左五張四人方桌同一張二人檯，而右手邊就係開放式廚房，裝修雖然比較簡樸，但環境乾淨企理。細看餐牌，原來店子除了主打自家製的豆漿、豆腐花和荳品小吃外，還有不少休閒小食，如腸粉、魚蛋、燒賣、粉果等，另外亦有柴魚花生粥、豉油皇炒麵同糯米雞等供應，所以就算嚟當正餐吃，一樣無問題。由於連早餐也還沒吃，所以決定先點幾樣飽肚的食物。先來嘅柴魚花生粥 ($20)，粥底好綿，而且用料十足，柴魚和花生下得夠慷慨，柴魚雖然較粗嚡，但切得細塊，煲至腍碎，出口感。花生大大粒，又腍又香，配上豬骨，為滑溜的粥底，增添鮮味。接著的豉油皇炒麵 ($18)  同糯米雞 ($28)，味道亦不

由細到大，我都不太喜愛中式甜品，唯獨荳腐花。在這銅鑼灣的黄金地段，竟然有一間外觀毫不起眼的荳品店，且經濟實惠，內滿有驚喜！本來，在銅鑼灣上完堂後只打算買杯珍珠奶茶，後來，在這熙來攘往的街道上，偶然被我發現這間店舖，那就讓我來嚐一下他們的荳品！是次，我買了一杯熱呼呼的豆漿荳花（$18），加紅豆（$5）外賣。平時，豆漿和豆腐花就經常地食到，豆漿荳花一齊食（飲）還果真是第一次，且味道是出奇地匹配。豆漿豆味香濃，豆腐花更是一絕。豆腐花滑不溜手，完全不用咀嚼下，在口腔裏翻滾，直入喉嚨。暖暖的豆漿豆花䁔入心頭。豆漿荳花現在成為我的新寵兒，每次經過銅鑼灣我都一定要買番杯！下次再去，勢必嘗試一下他其他的荳品小食，到時再和大家分享！

一直都很喜歡食豆腐，任何tofu 的食品都很吸引。新開左間合和荳品，可以大吃特吃。新開店很乾淨，彩色椅子很繽紛。粉果 $6/個 (2個起)，粉果做得不錯，晶瑩剔透的皮有咬口，餡料有豬肉和花生，是我喜歡的味道。煎釀豆腐 ($16 )煎得外脆內軟。魚蛋+燒賣 ($30/大)，魚蛋幾彈牙。滷水豆腐 ($16/份)，豆腐滑lu lu，鹵水味不會很咸，清淡的味道，很健康。糯米雞 ($28)荷葉香噴噴，足料糯米雞，有雞、冬菇、臘腸，糯米有咬口，夠濕潤。豬皮 $6/份 (2份起)，豬皮爽口。滷水豆卜 ($18)，豆卜很嫩，一D都唔乾，又入味。凍珍珠椰汁豆漿 ($20)，椰子味很出色，珍珠QQ的，和豆漿夾很有特色，味道很搭。熱薑汁桂圓紅棗豆漿 ($20)，呢個組合好創新，又好大杯，薑味一流，真材實料，有桂圓肉和紅棗肉，天然甜，不是死甜。熱薑汁紫米豆花 ($25)，薑汁味濃郁，跟紫米配很新鮮，豆腐花滑lulu。食得薑辣，可以要求辣些，辣度可以調整喔！可以再有多些用豆做的小食來吸引豆迷。