合和荳品

營業中

休息中

週末在銅鑼灣街頭，路經合和荳品，人流零丁，是最佳的時候進去小休一番。天氣不佳下大雨，喝杯豆漿吃個小食避避雨吧，看著人來人往也自得其樂。豆漿的選擇眾多，快要演變成跟珍珠奶茶一樣多變。我點的是紫米豆漿，店員姐姐很周到地問我要不要小甜，所以我便提出走甜，姐姐很殷勤地提醒紫米會有少少甜，我當然沒有問題，紫米令豆漿充滿米香，非常淡的甜味對我再來説恰到好處。小食拼盤（小）醬料是自己下的，腸粉這回事，醬料好就一切都好，這邊的醬料是相當不錯的。兩杯豆漿加小食$50有找，非常抵。

下午茶時段想搵啲清清地嘅嘢食，行到霎東街的合和荳品。吸引我坐低的原因是佢夠清新，裝修簡單平實，感覺光猛乾淨。小食拼盤(細)小食拼盤腸粉較乾身，味道不過不失，自己放醬料，放多放少自己揀！魚蛋燒賣唔油膩，清清地，感覺無咁肥。豆腐花 我點了原味，原身糖水味道不太甜，自己再加黃糖粉。豆腐花幾實淨，唔會食食下變成豆漿。豆味一般，滑溜程度尚可！唯一一彈，店員態度一般，年長員工對於下午茶客人坐得耐會有幾大反應，打算坐得耐的朋友請留意。

香港地寸金尺土， 遊客區銅鑼灣、尖沙咀等地鋪租高得趕盡小店， 不過，最近小編去跑馬地馬場跑步之前， 發現左呢間隱世嘅豆品店—「合和荳品 」， 主打自家製豆漿、豆腐花、豆品小食， 店家小本經營，食物有質素， 價錢好貼地，性價比非常高！ 豆腐花（原味）（$12） 天氣熱清清地食碗豆腐花就最適合不過！😏 自家製手磨豆腐花， 豆味香濃，口感滑溜， 加上店員「片」豆花的手勢好， 每片夠薄，放入口一下剛好就滑進喉嚨， 而且最平$12就有交易， 在銅鑼灣區來說超抵食！👏🏻 魚蛋燒賣（小）（$20） 魚肉燒賣和魚蛋口感和味道不錯。 煎釀豆腐（$16） 自家製的軟豆腐， 釀入了手打鯪魚肉， 輕輕煎至外層金黃微脆， 豆腐豆香十足， 唯鯪魚肉略嫌太少，如果可以多d魚肉，口感就更好！☺️ 豆品店除了豆腐花外，當然少不了豆漿啦！ 除了原味凍熱豆漿（$8）外， 還有不少配搭如芝麻、紅豆、紫米豆漿等。 薑汁豆漿（$13） 本來小編對薑味沒有太大好感， 不過最近有d感冒，所以想飲薑汁豆漿以驅寒保暖， 薑味十足，又不會太辣，好味道！😋 可能係最足料最好味嘅薑汁豆漿！☺️

是日尖子熱氣, 想吃些健康一點的小食, 剛好經過合和荳品, 感覺好像不錯似的, 便入內一試. 店內地方不算很大, 糖水店的格局. 地方光猛, 也算乾淨企理. 看看menu, 豆品的選擇非常多, 當中不乏傳統中帶點創意的作品, 筆者點選了豆花豆漿(熱)(HK$18)+加珍珠和涼粉(HK$10), 薑汁綠豆豆花(熱)(HK$25), 滷水豆腐(HK$16). 可喝的豆腐花, 的確很有創意. 試一口, 豆漿豆味濃郁, 富有豆香. 豆腐花入口也香滑, 在飲管下喝下豆腐花, 感覺有趣. 配上珍珠和涼粉増加咬口, 是台式飲品熱潮外的一片小清新. 尖子的薑汁綠豆豆花, 薑汁味非常突出, 也帶辣, 加上綠豆夠清熱, 尖子表示滿意. 滷水豆腐, 原以為是冷盤, 送來竟是熱騰騰, 真的有驚喜. 豆腐深色的外層, 看似很入味, 試一口, 豆腐口感軟滑, 滷水夠入味又惹味, OK啊! 充滿力量, 要出發去shopping! 

星期二下午時段，我和朋友兩人行完利舞台後，原本想行去鵝頸橋附近食豆腐花，點知原來沿途霎東街都有間荳品店，舖名就同我哋食開嘅兩間唔同，不過收費就差唔多，於是我哋就決定入去試下好唔好食，反正店舖內裝修仍算新淨，又唔需要等位，食客又唔算多，睇完餐牌就叫咗一碗熱原味豆腐花$12、一碗凍嘅紅豆豆花$20、一碟豉油皇炒麵$18及一碟煎釀豆腐$16，其中3樣都係平時我哋去開另外兩間荳品店時必定會叫嘅3味。結果係豆腐花夠大碗，不過唔算好滑，但都好食，而豉油皇炒麵嘅份量就略為少咗啲，無芽菜及豆卜，食落只有好重嘅豉油皇味，麵嘅質感都算可以，至於煎豆腐，煎得唔錯，相信只係兩邊煎咗一陣，口感唔會覺得油膩，啱哂怕熱氣嘅我。總結：都算唔錯，價錢合理，不過暫無特別嘅驚喜，唔會好想食完再想去食嘅感覺，不過如果經過都可以再食。

人人都知道銅鑼灣舖租貴，咩野都因此會貴d，不過呢間鋪可以d話平、靚、正！  甚至咁抵食，有d擔心佢地頂唔頂到舖租。呢d良心小店要力推！紅豆豆漿（熱） $ 13 + 綠豆珍珠豆漿 （凍）$16d豆軟硬適中，豆漿豆味濃，唔多糖，唔會太甜蓋過豆味～ 有綠豆+珍珠+豆漿咁多料都仲要係 十幾蚊！ 腸粉 +魚蛋 +燒賣 （大）$33比想像中大碟，腸粉都幾滑！平時有d地方會落太多醬整到好咸， 我鍾意佢呢度比你自己加醬，落幾多知己話事。  必食！煎釀豆腐 $16熱辣辣，煎得香，裡面嫩，點d辣醬一起食，唔錯～鹵水豆腐 $16必食！ 超級滑～～ 鹵水味道剛剛好，香薑汁豆花 $16夠薑味，香濃！  而且薑糖水唔會太甜而搶晒豆味。豆花滑！ $16 蚊一碗，銅鑼灣地舖，仲要係好味，好難得！豬皮 $6/ 份， 呢度2 份要多咗一份腸粉 +魚蛋 +燒賣食咁多野，食到勁飽，埋單都係 $161抵食到爆～

今晚不是太肚餓, 和朋友在銅鑼灣購物後, 便選擇吃豆品, 來個簡單健康的晚餐。豆花豆漿+杏仁$23: 我們都想試特別的豆花豆漿, 故名思義, 是豆花和豆漿混合在一起, 有兩種口感, 這杯是朋友的, 冷和熱份量都是一樣, 杏仁味不會太突出, 淡淡的, 不會掩蓋豆香, 杏仁口味都幾夾。豆花豆漿+胚芽$23: 我選了原味加胚芽, 豆花豆漿不會太甜, 甜度剛好, 豆味亦不錯, 胚芽份量不少, 遍佈整杯飲品, 邊喝豆漿邊飲滑滑的豆花, 實在完美! 不過下次來的話, 我會叫走飲管, 不想為自己一時之快為地球製造多樣垃圾, 而且喝這個沒飲管一樣可以, 以後出街吃飯要提醒自己多留意呢!滷水豆腐$16: 是茶葉蛋的那種滷水味道, 不會太鹹, 香為主, 豆腐滑滑的, 比煎釀豆腐更滑, 值得一吃。滷水豆卜$18: 雖說是豆卜, 但也不會吸太多汁而較鹹, 滷水的味道做得好, 豆卜也很入味。煎釀豆腐$16: 熱辣辣即煎的, 魚肉和豆卜味道十分夾, 也痴得實不會好易甩。

最近食得比較油膩，想食得清淡少少。我同朋友係銅鑼灣行完街去左合和荳品度食以豆品為主既食物。店舖裝修簡約，但坐無虛席，一入到去就見到廚師製作食品。我地睇完menu之後就叫左煎釀豆腐 (HKD 16)，腸粉魚蛋燒賣拼盤 (HKD 33)，豉油皇炒麵 (HKD 18)。而飲品就叫左薑汁豆花豆漿 (HKD 23)同埋桂圓紅棗豆花豆漿 (HKD 23)。先黎既係煎豆腐，有4件，賣相唔錯，煎得好香口，食落去外脆內軟，而魚肉味道唔錯。跟住黎既就係個拼盤，分量都幾大，燒賣同魚蛋各3粒，口感幾彈牙爽口，而腸粉就非常嫩滑。至於個炒麵，分量都算大，炒得爽身，味道唔錯。至於個豆花豆漿就係呢間食店既特色食品，內有嫩滑既豆腐花配有豆味飄香既豆漿。薑汁豆花豆漿真係非常夠薑，夠哂'辣'。而桂圓紅棗個杯就非常足料。

做完尖想食啲好野，但銅鑼灣食咩都貴，最慘係貴得黎又唔好食唔健康！行行下見到有間新開既豆漿店望落好新好乾淨，立下餐牌啲野都係十幾蚊銅鑼灣難得一見！呢個係佢menu推介既豆花豆漿（凍）、同埋豆漿加紅豆（熱）豆花豆漿我仲加左幾蚊要埋杯芽勁夠凍、一啜就食到冰凍豆花同埋冰凍豆漿！個原理其實好似仙草奶茶咁，但健康好多！差唔多一野飲曬想叫多杯！魚蛋燒賣腸粉（大）：腸粉新鮮，唔會痴埋一舊，夠熱魚蛋燒賣正常！煎釀豆腐：豆腐好新鮮、滑口、魚魚煎得得好香！呢啲真係買小見小，咁多功夫既野但又賣咁平！麻辣抄手：必點皮薄餡靚，入面係豬肉，湯底麻辣加埋芫西，正！老闆娘話係佢地自己包，唔係入貨架！柴魚花生粥，冇乜地方有得食，除左飲茶，好懷念的味道！香甜又有淡淡咸味地方光猛，乾淨，冷氣好！下次做完尖會再幫襯！

今日去開銅鑼灣做嘢 做完之後原本想搵間好嘢食 但係平時去開嗰間咁啱就冇開門 其他嘅餐廳又貴到乜嘢咁樣 你知啦 香港島中西區嘅租金非常之貴 食肆餐廳價錢貴都情有可原嘅 咁就同朋友去食下豆腐啦 應該平啲嘅 行過見到呢間合和荳品 價錢ok 入面環境都ok 就走入去食晏入到去叫咗個拼盤先 有豬腸粉 魚蛋同燒賣 豬腸粉都幾爽口彈牙 魚蛋同出面食嘅差唔多 不過不失 燒賣嘅魚肉味比較重 值得一讚 而豬腸粉點上麻醬同埋甜醬之後又有另一個層次之後再叫多個鹵水豆腐 滷水汁嘅味道完全滲咗喺豆腐入面 豆腐亦都好嫩滑之後再叫多一個煎釀豆腐 魚肉釀喺煎豆腐上面釀得幾靚 豆腐都煎得外脆內軟總括而言呢一餐都算Ok啦

今晚約左個friend起銅鑼灣食飯兩個人收得工都已經接近9點，太夜唔想食太多於是去左合和荳品食豆花腸粉呢到都好多街坊過黎食，個個都同老闆好熟咁我地決定叫幾樣野share食腸粉魚蛋燒賣（細份）$22腸粉雖然話細份，但食落都幾多個皮都幾薄，配甜醬麻醬食is always my favourite 燒賣食得出有魚肉味，都幾真材實料我要左杯珍珠胚芽豆漿$20，第一次咁樣搭配黎飲，都幾有創意幾特別裡面都幾多珍珠，細細粒但好有咬口胚芽配豆漿原來都好正朋友要左個綠豆豆花$20佢話豆花豆味好濃郁，我試左一啖又真係幾香睇住佢食哂成碗，如果唔係太飽我都會叫多碗食同朋友一邊吹水一邊食香港特色食品，都幾開心呀

同男朋友來到銅鑼灣行街突然間好想飲豆漿 就特登去搵啲豆品餐廳 跟住行經時代廣場見到呢間 好似係新嘅鋪頭就入咗去嗌咗杯豆漿飲 杯豆漿超好飲完全飲得出係無添加 八卦地睇下個Menu就見到 原來都有其他豆類製品所以仲叫咗其他嚟試吓我哋叫咗隻糯米雞 入面勁多汁唔會乾爭爭跟住男朋友見到隱藏Menu (其實係望住店員禁部機見到有呢一款食品)就係紅油抄手 好好味呀 就夠辣而且仲有好多粒最後我哋仲叫咗煎釀豆腐老闆娘話方力申到嚟叫咗幾碟就今晚係我黎嘅幾分鐘前方力申先走個豆腐唔會太鹹 而且煎得香香脆脆都好出色

呢到d豆漿比較新鮮同靚,每日店舖即日制作,原味既只係8蚊, 最好抵飲, 如果想加d花款, 仲有好多種唔同口味既豆漿飲!如果覺得肚餓, 店面仲提供各種小食選擇, 當中腸粉會比較多, 都飽肚.值得一提既係, 魚蛋係有得選咖哩汁, 不過要主動講, 如果無講就會上無辣個種.豆花比較滑, 份量正常, 可以自加糖,如果覺得唔夠甜既話,整體黎講我覺得小食可以加多小小野, 如果有埋蘿蔔糕食就更好!不過店面有點過凍, 凍到有時想快小小走既感覺~

喺Times Square shopping完想搵個地方食d野~一出霎東街出口見到呢間豆腐店，老公話不如飲杯豆漿啦~呢度既豆漿同豆腐花都有好多配搭，我揀左桂圓紅棗豆漿($18)滋潤吓~紅棗去左核仲幾多添，熱豆漿好香既黃豆味。老公就飲胚芽豆漿($13)，胚芽唔少，仲沉哂底，老公話啖啖都有胚芽~叫左d小食，滷水豆卜都唔錯，豆卜索哂d滷水汁唔咸，豆卜唔似街市買果d，比較軟熟既~仲叫左份細既三寶(腸粉、燒賣魚蛋)$22，都唔少。最後老公話想試埋個杏仁豆腐花($16)，咁我就食個熱既薑汁紅豆豆腐花($25)啦~入口超滑喎，滑過燉奶既質感，又唔會好散喎雖然呢間店喺Time Square 後面，不過唔算太起眼。好彩老公想去利舞台買野經過，唔係真係錯過左呢d香港地道小店~

係天后食完dinner, 專程行過黎食豆腐花好多選擇好難揀啊~!我叫左珍珠胚芽豆漿，估唔到呢個配搭都幾好飲喎! 甜度適中，珍珠又幾煙韌，加埋胚芽好香~唔錯!叫左最穩陣既薑汁豆花~好好好夠薑味!豆腐花又好滑，熱食正呀芝麻糊豆腐花~好夾好好味雖然好飽但我fd都叫左煎釀豆腐同滷水豆腐兩種都好好味呀~煎釀豆腐岩岩煎起熱辣辣好嫩~滷水豆腐又好入味喎~點揀呀!下次再試下其他豆腐花