合和荳品

營業中

休息中

係銅鑼灣有咁嘅價錢食咁多野，cp價爆料🤭✨原味豆腐花好滑好有豆味，反而令杏仁豆腐花失色，成pak甜嘢嘢嘅野蓋左豆本身嘅香👀腸粉有口感夠實，滑少少再正啲👅胚芽珍珠豆漿係驚喜之作，珍珠有口感甜度適中，豆漿唔會太甜，加埋胚芽增加口感，錦上添花💕‼️

前幾日行過肚餓，見到間成日見到但未試過嘅店。$30一個 栥飯豆漿餐，價錢可以接受，加上比我堂食，所以就揀咗呢一間食～（本來以為栥飯得外賣）等食物個時見到原來呢間野都會搞搞新意思。。。有個牛筋腩腸粉同埋有啲餐係有小食的，好似有個餐係 腸粉+魚蛋+燒賣+雞翼配豆漿熱豆漿好好飲，好重豆品，入口好濃，正。10分推薦！佢仲有好多Max and match嘅豆漿，不過唔記得咗影低又唔記得左個名個栥飯就失望左少少🤏，唔夠熱～

今晚做完facial想食少少野當晚餐，揾到呢間小店試下。 呢度主打豆花豆漿，即係豆漿上面有一層既豆腐花，一次過滿足晒我2個願望，必試☺️ 食物方面都係香港小食為主，仲有幾款麵🍜飯🍚首先叫左<煎釀豆腐>個豆腐好似家常煎豆腐既味道，落左少少鹽去煎已經好食，一d都唔會燶。個面係鯪魚肉，不過係一片超薄既😯$18 ok啦跟住叫左<麻辣抄手>抄手既肉係mini size(喺成都食過好似係大粒d?🤔)，所以有10幾粒，個皮好滑好滑👍🏻個湯都幾辣🌶🌶🌶，但再麻d就會更好。跟餐緊係要<豆花豆漿>😆 可以簡一樣配料，例如紅豆、綠豆、紫米、珍珠等等我簡左珍珠🍚個豆花好滑，亦都有豆味，唔會太甜👍🏻👍🏻👍🏻個珍珠就正常，同平時珍珠奶茶果d差唔多我覺得豆花豆漿係必試，夜晚唔想食太飽呢間小店都係唔錯既選擇😁 話晒荳品都係健康既食物

同朋友係附近食完好睇唔好食既下午茶之後去左食第二轉行經合和荳品俾佢既炸燒賣吸引左入去呢間合和荳品我以前都經過幾次，但由於望落坐得唔舒服所以無入去幫襯過佢地主要係食豆品為主，即係豆腐花同豆漿個類不過都有好多唔同類型既小食同咸食俾你揀....連餐蛋麵都有我地就叫左一份炸燒賣($30有11粒)由於朋友想食腸粉...但見眼哂成個MENU都唔見有得散叫...所以唯有叫佢個套餐啦個套餐有份大同小，我地就叫左一份小既，都只係$23，有腸粉魚蛋同燒賣魚蛋同燒賣係各自有兩粒，普普通通腸粉就份量都多，質地幾滑漏，唔錯炸燒賣熱辣辣，入口都尚算彈牙，外皮炸得好脆，又幾好食喎之後再追加一份煎釀豆腐$18有四件，煎釀豆腐面層中央釀左一塊魚肉...但只有薄薄一片...食完都唔知點評價好...豆腐煎得好食...都係新鮮熱辣煎起...落左啲甜醬去食又唔錯既最後追加左杯細既凍豆漿，唔會過甜，豆味都算香濃，值得一試

星期六放假唔似平日返工咁趕住食晏，所以今日揀咗間住銅鑼灣嘅朋友推介的小店 “合和荳品”。中午時分都有唔少人客幫襯，差不多坐滿晒。牆上介紹已經好多，樣樣都想試下。仲有特惠套餐，仲有6款配搭咁多睇埋個餐牌，真係不得了估唔到豆製品都可以咁多元化，製作出咁多特色飲品同食品由於第一次黎到，就叫住三樣食物。1. 宏哥牛筋腩腸粉($68)連細豆漿，腸粉夠滑，牛腩亦入味。2. 煎釀豆腐($18) 4件，豆腐煎得香脆好味，而魚肉份量亦多，抵食推介3. 秶飯連豆漿($30)，材料豐富，而內裡油炸鬼亦脆，值得一讚

之前逛銅鑼灣時經過這家店，對它的豆花豆漿很有興趣所以有時間便找了一天過來吃吃看 不過可能位置有點偏？就是在比較窄的橫街內～雖然有客人，但不算太多而且大部份的客人不是堂食，而是買豆花豆漿的外賣！沒想到除了有飲得的豆花豆漿和一些小食外，還有一碗碗的特色豆花亦有飯麵之類～全日供應的特惠套餐看起來也很吸引！不過既然來到荳品店，首選要點的當然是 - 煎釀豆腐 ($18)上桌時仍然透著熱氣，最好吃的就是配甜醬一起吃但如果不沾醬來吃亦不錯，有很濃郁的豆味！特惠套餐 - 麻辣炒手 + 紫米豆花豆漿 ($58)好紅的一碗！第一口的感覺是很辣，之後慢慢便有刺刺的麻感～吃完很醒胃喔我們這杯紫米豆花豆漿因為店員上錯了～所以不止有紫米，還加了椰汁這樣的話反而好像有點甜。紫米再加上豆花、豆漿的口感很豐富瑞士雞翼蛋麵 ($40) - 很久沒吃過瑞士雞翼了~所以見到就點這個囉！雞翼很入味，而且汁還頗多的～足夠將整個公仔麵撈勻

豆腐、豆腐花、豆漿，這三種的喜愛的食物在同一間餐廳就可以食到。特惠套餐 ♥♥♥♥(麻辣抄手+椰汁紫米豆花豆漿)與紅油的差別在於有湯比較熱，辣得很過癮，因為很好食數數下就忘了，抄手大概有8~10粒。原本沒要椰汁但台員上錯了，試過發現明顯甜了很多，紫米的比例可以再提高一點，不過豆花配豆漿的口感很好，如果點熱飲豆味大概會更出。煎釀豆腐(4塊) ♥♥♥♥原來就是為了食這個才來這家餐廳，新鮮煎好的豆腐食著有濃濃的豆味，沾甜醬食更是極品。瑞士雞翼蛋麵 ♥♥♥♥瑞士汁很多不怕麵會乾，加上公仔麵也爽彈牙真的滿不錯。雞翼和蛋都很入味，整體份量尚算多。

是日真係無咩胃口，lunch食個粥啱啱好。公司樓下哩間荳品店，買豆漿就多d，未坐低食過。柴魚花生粥粥係好抵食，又綿又多料，仲要大大碗22蚊咋。同埋粥無落咩味精，真係幾好。煎釀豆腐豆腐上面有鯪魚肉一齊煎，豆腐幾滑，可以配佢哋自製辣醬食就係咁，簡單又平又健康嘅一餐

有一晚，食完晚餐，專程走到這間豆品專門店，食豆腐花和買支豆漿，然後去踢波。豆腐花 $16，好有豆味，滑度硬度還欠缺一點什麼似的；豆漿 $13，預先包裝，很有豆味，不是太甜。店員對近來客人減少有點悶悶不樂，說可能要提早關門，所以我感到很有豆味，卻欠缺了人情味。

夏至，熱辣辣，走出了商場就濕漉漉，人都快被乾蒸了。正好time square 旁邊有一家豆品店，迫不及待進去找涼快。這家的豆漿豆花，是以獨門特製，選用非基因改造黃豆，每天新鮮製造，很值得大家支持的小店。除了豆漿豆花外，也還有其他港式小食，飯麵類也有哦～另外，豆花豆漿的吃法也多了不少配搭。我要了個椰汁涼粉豆花，看上去好像沒有椰汁？我以為是椰汁都沈澱了，就開吃吧。但最後肯定，是沒有椰汁的。失之毫釐，差以千里。——略感失望。朋友的原味豆腐花反而更好，可以因應自己的口味放黃糖。豆腐花很滑、很嫩，豆味很香，而且沒有渣。這杯很解渴，豆花都在豆漿裡了，沒有融在豆漿裡，到嘴裡的時候就都融一起了，非常棒的口感衝擊，加了珍珠後還可以慢慢嚼，超美味！如果有加椰汁，就更好了。

呢排豆腐當造咩？究竟係平幾多，先有咁多豆腐製品hehe? ?(搞到我想整豆腐cheesecake 申利五六年前成日整加啲青檸汁真係好好食！）-合和荳品上openrice 清一色好評，究竟係點解，定啲人本身唔識食，定我味覺有問題？！魚肉豆腐舊肉細到呢，仲要完全無味，豆腐無乜豆味。失望芝麻糊豆腐花，個豆腐花都係無乜豆味，不過勝在夠滑，好笑係芝麻糊個樣一pat 咁，但係佢算幾好食。叫左個魚蛋燒賣，唔好食既，無味 (佢就咁整熟就上碟，極其唔知想點，可能要用架上既調味料掛）

食完晚飯想食宵夜，黎左呢間出名食豆腐嘅小店，雖然已經係夜晚十點左右，仍然有好多人幫襯，唔會輸比糖水店。點左薑汁豆腐花，魚肉鑲豆腐(煎)，滷水豆腐豆卜(雙拼)，食完真係飽到上心口! 一黎價錢平，二黎分量多，仲要係豆類食品所以勁飽，好抵食! 佢啲豆腐好滑，不論咸甜食都好配合，自己就覺得滷水有啲偏咸，煎豆腐個味最好，食到外面嘅脆，入面嘅滑，口感十分好!

是日收1600係銅鑼灣行陣等老婆收工，口淡淡想食個下午茶經過就食個豆腐花，可能平日下午人唔多，叫左薑汁豆腐花。一食落口好滑有豆味，汁薑重味完全唔使放糖，滑滑豆腐花實在有驚喜，霎時覺傳統食品一定要流傳落去千奇唔好後繼無人。

星期六同男友去銅鑼灣行街，行完時代廣場，行到腳有啲軟，肚又有啲餓，仲要落緊大雨，所以係時候搵間餐廳食少少野坐下，時代個food court又坐滿晒人，所以上左Openrice 見到時代後街有衣間荳品店，又有咁多好評，所以就試下。初初去到間舖無乜人，仲可以比我地揀位坐，點知坐坐下，愈黎愈多人，最後坐滿晒，我地好好彩竟然唔駛等位。我叫左個煎釀豆腐，佢就叫左個薑汁豆腐花。我個煎釀豆腐即叫即做，上枱時又熱又香，啲豆腐煎到岩岩好，表面金黃色，咬落去外脆內軟，魚肉夠新鮮無腥味又彈牙👍🏻，一碟四件大大件釀豆腐，結果食唔晒，要分啲比男友食。佢果碗豆腐花，佢就話啲豆花又軟又滑好正，薑汁又唔會好辣喎，見佢最後食到一滴汁都無得剩，應該真係好好味，下次我會再去試過佢個豆腐花。

適逢今天是驚蟄，鵝頸橋底人流眾多，都預咗要排長龍等，事前走去霎東街附近找間食店醫肚餓為先，入到這間合和荳品店，見到其他顧客 食糯米雞食到津津入味，我仍都想試試，即叫一份糯米雞，再加杯桂圓豆漿，等了片刻，隨即送上熱騰騰的糯米雞， 打開塊荷葉都好燙手，食落味道不錯，糯米咬落有口感，材料亦豐富，只是這杯桂圓豆漿未夠熱，好在杯底有大大粒龍眼肉，要批評的就是餐具不足，只有叉沒有匙沒有筷子在枱頭，要叫到待應姐姐才送上，整體來講，此店應是做外賣多於堂食。