合和荳品

營業中

休息中

星期六同男友去銅鑼灣行街，行完時代廣場，行到腳有啲軟，肚又有啲餓，仲要落緊大雨，所以係時候搵間餐廳食少少野坐下，時代個food court又坐滿晒人，所以上左Openrice 見到時代後街有衣間荳品店，又有咁多好評，所以就試下。初初去到間舖無乜人，仲可以比我地揀位坐，點知坐坐下，愈黎愈多人，最後坐滿晒，我地好好彩竟然唔駛等位。我叫左個煎釀豆腐，佢就叫左個薑汁豆腐花。我個煎釀豆腐即叫即做，上枱時又熱又香，啲豆腐煎到岩岩好，表面金黃色，咬落去外脆內軟，魚肉夠新鮮無腥味又彈牙👍🏻，一碟四件大大件釀豆腐，結果食唔晒，要分啲比男友食。佢果碗豆腐花，佢就話啲豆花又軟又滑好正，薑汁又唔會好辣喎，見佢最後食到一滴汁都無得剩，應該真係好好味，下次我會再去試過佢個豆腐花。