台灣麵

營業中

休息中

跟餐早餐,必欠出食物,味道尚可!我地叫2個早餐,食完早餐,個多士都重未有(已崔了多次),之前都已經試過叫雞扒拼沙爹牛面,就漏雞扒,每次食早餐都要三崔四請,挭有野漏!

響中旅社整完野都有D肚餓, 就響隔離食個快飯, 呢度主要係台灣野, 有飯有麵餐, 都幾多選擇.環境好舒服, 有卡位, 地方又夠大光猛.豬頸肉肉燥飯, 肉燥都幾多, 肉碎細細粒, 唔會太多肥膏. 味道聞到好香, 不過如果汁多番少少撈飯會更好. 豬頸肉睇落好似好乾, 但食落又唔覺, 肉軟腍唔韌, 夠晒入味, 唔會太多脂肪.飯餐配珍珠奶茶, 奶茶味就係台式既味道, 比較甜, 不過珍珠好軟腍煙韌, 有嚼頭.

女兒二時許下課，肚子餓，便一起走到附近吃下午茶，「台灣麵」是我的次選，首選本吃譚仔，但不想坐門口位，固放棄。在「台灣麵」，我吃了「鮮茄牛肉麵」，先吃一口蕃茄湯，湯水稀得較關，味道亦淡，吃一塊牛肉，肉嚡又韌，粗麵條硬實堅韌，口口難吃，差點嚥不下。女兒吃「咖哩汁雞扒飯」，算是正正常常的一個飯，咖哩微辣香滑，但雞扒稍乾，尚可吃得下。至於一人一杯的「凍珍珠奶茶」，就是很不台灣的味道，根本就是一杯水加了糖，茶香欠奉，算了。服務方面，也很差劣，為客人上桌的食物胡亂放外，下單說話的態度亦不好。往結賬，看到櫃面竟放著「蔡瀾推薦」的牌匾，不是吧！怎麼會是這樣！這餐的味道，說是下午茶，但也是收錢的嘛，拿出一些專業的味道給我嘛，這種質素根本是浪費時間！丟蔡瀾的面子！我實在不敢相信此牌能存在於此。

今早難得早咗起身，主動同細妹嚟呢度食早餐。我哋兩個都係揀返自己嘅賣飛佛，可能今早九點幾去到，冇咁多人，坐得舒服，亦冇咁嘈。奄列通常喺呢度必食，我同細妹都唔例外，不過個人覺得如果多啲蛋，件奄列飽滿啲會更加好！通粉最早到，味道依舊好，但湯唔算滾燙，可能都係整定哂有單就即時加湯俾客。我問侍應攞茄汁，今次唔係吱一小碟仔俾我，係攞一大支過嚟吱落我隻碟度，我依然覺得，如果有風度啲，俾我自己吱更好！我轉飲紅豆奶茶(少冰)，但感覺冰依然唔少，且味道偏甜，要加水。總括嚟講，早去感覺好好多，座位有得自選之餘，舉手叫侍應即時過嚟幫你落單。如果大家想輕鬆食個選擇多嘅美味早餐，我覺得呢度係一個不錯嘅選擇，但一定要早過早上10：00，10：00am後，樣樣都要等，環境既逼又嘈，會有所折扣！

去咗荃灣嗰邊做嘢，朋友提議食台灣野，就隨便入咗一間餐廳食lunch。本來冇乜期望，點知又幾好食喎😍。香酥雞扒面＄34雞扒肉質夠滑，外皮炸得夠脆，好香口，而且唔太油膩，雞扒嘅size都幾大，碗麵我就選擇左粗面，麵質彈牙，湯底味道不錯，飲得出唔係落咗好多味精。唯一要彈嘅地方係，個杯朱古力奶茶飲好唔掂，味道非常淡，只係飲到朱古力粉沖出嚟嘅味道，雖然唔使另外加錢，下次都係點一杯正常餐飲算數。豬大腸朋友嗌左呢個小食，我偷咗幾舊食，好夠味道，啖啖肉，爽口彈牙，佢中間啲肥肉掹走左所以唔會感覺太油。

豬頸肉肉燥飯 $54 佢啲豬頸肉一送到黎就覺得唔方好食，雖然份量多就多，但啲味道好似淨整熟咗咁，有少少咸味，好難食。飯又硬硬哋，啲肉燥得個咸字。。跟住杯奶茶好澀，落咗糖又好苦。。$54食餐咗既飯，其實佢其他野應該會好食啲。呢個真係唔得！

多年前也吃過荃灣台灣面，經過裝修之後，空間似乎更舒適，光感十足，但對於香港人而言，狹窄是餐廳吃飯的必然定理，瑟縮一角，左閃右避是坐在座位上的常見動作，即使經過裝修也是一樣。餐牌經過多手的翻揭，自然變得殘殘舊舊，餐牌一角捲埋一堆，就像是你不想要的廢紙一樣，然而，揭到第三頁的時候，你就(這裡其實想用個“便”字，而不用“就”字，但被中學中文老師洗了腦，話用“便”就似小便一樣，例句：我從小便去大。)會發現一個新奇好玩又刺激的套餐。一個叫雙排雙格餐，可以隨意選配AA，AB，BB款，這的確令我Surprise，我一直以為打邊爐才可選擇兩種湯底，想不到吃面也可以，適合貪新貪多的食客，於是我選擇了AA餐($63)：台灣海瑞貢丸面及香酥雞腿新竹米粉(本來是面，但我想吃新竹米粉，經理確認可以這樣轉新竹米粉)，就像一次過吃兩種餐，突然間想到，這同起雙飛有甚麼分別(我意思係雙飛人藥水)。台灣的新竹米粉，不同於一般米粉，它更為幼嫰細條，適合櫻桃小嘴的我(想嘔的話，你的廚房有紙巾)，所以，一直對新竹米粉情有獨鍾。而結果，味道“笨”沒有令我失望，每邊份量小小地，足夠嘗鮮之餘又不會太飽。而為免同時吃兩邊有混雜味道的感

今次叫左個雞翼米線套餐有豆漿或熱飲不過其他台式飲品就要加錢野食好快泥到個米線味道ok, 不過真係好多油喺d湯到雞翼都好油，成隻碟都係油雞翼d肉好軟，如果唔係咁油都算好食

尋日(30-4-2017 Sun)朝早,同老公去買餸前食早餐,諗唔到食啦咩後,就o黎早餐都要加一o既呢間,今次我要$35.00o既吉列魚柳,腸仔通粉配牛油方包,飲熱好立克.老公要$31.00o既手撕雞米線要豬骨湯配牛油方包,飲熱奶茶.落完單冇耐,侍應拎o左一杯熱好立克同一杯熱檸水o黎,我老公愕一愕然,我都幾得佢係要熱奶茶唔係熱檸水,睇睇張單,係吖,冇落錯,於是叫佢o地換返.之後佢o既手撕雞米線到o黎,我食一啲米線,唔係好彈牙.之後兩件牛油方包同我o既o野都到齊,咁我先食腸仔通粉,腸仔唔係好鹹,通粉就仍有啲彈牙,啖湯係雞湯味,幾好飲.吉列魚柳唔厚,外脆但冇乜味.牛油方包同熱好立克正正常常冇乜問題,而老公杯熱奶茶呢?佢話較得幾好,唔苦澀.味道係3.26分價錢:今次冇加一,奇怪佢o地點解咁飄忽?(上次食評:https://www.openrice.com/zh/hongkong/review/%E5%94%94%E5%8A%A0%E4%B8%80%E6%9C%83%E6%9B%B4%E5%A5%BD-e2731030)2.8分

趁住假期最後一天，hea下hea下又到下午茶時間，去到台灣麵，竟然突然唔想食麵，作為一個悠閒下午茶，唔應該食咁飽嘅，其實係扼自己，食呢個餐，分分鐘仲heavy過食麵，不過我呢亭肥人就係任性先修唔到身整返個雞翼沙律配凍咸柑桔話梅蜜，輕鬆一吓，一入去就有位，正，其實成間餐廳都坐滿，只係無人等，店員勝在好招呼。睇睇餐牌，下午茶餐多選擇到我認為絕對唔適合有選擇困難症嘅人嚟食，即使你只係輕度嗰種，都唔好一個人嚟，否則真係揀到晚餐都未諗到。雞翼沙律嚟喇，雞翼炸得唔錯，唔會滴哂油咁，有3隻，仲熱嘅，沙律嘅料幾多，但以薯仔最多，個人口味就嫌啲沙律醬太多。杯話梅蜜都唔錯，真材實料有話梅，但只係得一粒，不過我唔食嘅，所以只係用嚟點綴下同平衡個人大食罪疚感，純粹感覺食左油炸嘢要飲返啲酸嘢嚟安慰自己。食飽，又準備諗食咩晚餐去也。

夜晚去食左碗台灣二寶麵，有牛肉、牛根同牛肚，先講舊牛肉，第一口咬落去我唔相信自己咬既係牛肉，我以為係一舊扮牛肉既膠。雖然台式牛肉以Q彈出名，但都係咁膠囉。然後我再食牛根，算正想，竟然淋個舊牛肉。最後咬埋件牛肚，都正想。其實三件牛都係好咸，個湯底又咸。加埋杯COT，一共63蚊。真係中哂伏。

今日又係荃灣搵食，上次經過已經見到呢間台灣麵，今次有機會試下。炸菜腎片：$37唔好睇佢好似好多紅色油會好辣，其實一啲都唔辣，因為我太太係少少辣都食唔到的。我個人覺得如果加返少少辣會香好多，個腎唔會硬，都算入味，炸菜用黎出麵都好食。韭菜雲吞粗麵：$50雲吞餡料都算足夠， 雲吞皮都算薄，不過面比較淋， 湯底都唔算好香。不過不失。 50蚊呢個價錢都算貴。豆腐肉燥飯：$48太太話豆腐即炸，好香，有少少似臭豆腐，不過肉燥比較少，半隻滷蛋都好一般。跟餐有飲品，芒果乳酸，荔枝紅茶，芒果乳酸都好夠芒果味，唔會太甜，但荔枝紅茶連愛甜嘅太太都覺得太甜，水吧師父要好好控制下份量了。埋單143元，出門口發現下午茶2點開始，我地1點59分落單，冇侍應提醒我地，太太有點生氣。用餐時亦發現侍應們個個都少少黑口面，放低食物都好求其，可能剛做完午市太累吧。

22-1-2017 (Sun)朝早同老公食早餐.我想去茶餐廳,行經呢o度時,老公又讚曾經o係九龍灣分店,食到大大件雞扒,唔知呢間係味都係,想試.咁好啦,o黎呢間啦,入到去好多人,但幸好o岩o岩有張卡位o既客人走,我o地就可以坐.由於都好多選擇,所以唔好意思地睇o左好耐menu,最後同老公決定要同樣$35.00o既早餐,佢要香煎雞扒沙爹牛肉麵,但將沙爹牛肉麵轉為煎蛋.我要香煎豬扒火腿通粉.兩個餐都配牛油方包,我o地都飲熱奶茶.叫完後,等o左6分鐘,兩件扒一齊到,件雞扒已經切開晒,但豬扒冇,而且冇俾刀,老公就用湯匙cut開.cut好晒後,兩件牛油方包到o黎,再過2分鐘,煎蛋麵同火腿通粉至到o黎.到齊開餐,通粉彈彈地牙唔會太腍,香煎豬扒唔會太鹹,口感亦鬆軟.老公o既雞扒都幾厚,冇雪味,老公話個皮脆,唔錯.而佢o既麵應該係光麵,冇咁油.而個湯底,雖然明知只係用雞粉,但唔太鹹,幾好飲,但我都只係飲幾啖.至於牛油方包就正常鬆軟同牛油都塗得o岩o岩好.我o地差唔多食完,兩杯熱奶茶仍未到,於是催一催亞姐至有.熱騰騰,茶味好夠口感滑,不過落o左大半包糖都唔夠甜.味道分係4.8分上次食評: https:/

又是星期五的team lunch，今天本來是去荃灣的沙嗲王，誰料一下天橋同事便建議轉去這家台灣麵吃午餐，我們均沒有意見。從來對午餐都沒什麼期望，尤其是這些平價餐廳，隨便吃一餐便算了......點了一客紅燒牛肉麵，售$50多元，以這個份量來說，不算是便宜，當然更貴和更更貴的也吃過啦，也坦白說，這些台灣牛腩麵在香港有點overpriced。紅燒牛腩汁微辣，牛腩軟腍但不及香嫩，肉味也是有的，所謂紅燒牛肉汁加進清湯後有少許兩頭不到岸的感覺，味道少許味精得來湯底又沒甚麼味道。麵底偏粉粉的，而且有點乾和韌，略差。

為了忘卻今早的繁忙工作及擾人的是是非非，一個人走到這裡食個慢午！心情不佳沒耐性每款研究，是但的點了豬腳肉燥飯併豆腐肉燥乾拌麵，餐飲熱奶茶！8掛的四圍望下見餐廳裝潢四正，面積很大，沒有壓迫感，倍感舒適！講番正題，豬腳炆得夠林不過咸，肉燥沒有多餘肥膏，略嫌米飯過林，連汁食口感唔夠！主打的乾拌麵彈牙有咬感，豆腐望落平平無奇但咬開卻令我刮目相看，外香脆內嫩滑並keep到油香加上肉燥蔥花同食，好味道ka 呢！奶茶亦夠正宗，奶滑茶香甜美！滿足後繼續下午慢長的工作了！