台灣麵 (已結業)

我好耐之前都有係佐敦食過呢間台灣麵 不過係食佢個早餐 佢個早餐好抵食又好食所以對佢印象幾好 今次見到佢太子開新舖 一於帶媽媽黎食lunchLunch都有成十款揀 仲有八款小炒客飯套餐 都幾多選擇A1 紅燒牛肉麵 $62Lunch set配是日小食同餐飲有四大舊牛肉 全部都係筋腱位 正咬落去好林好入味 個麵亦都好正 好有彈性 唔會太林如果鐘意食林身啲 可以浸耐少少先食個湯唔會死咸 有啲蔥同雪菜加落去以lunch黎講 呢個份量絕對夠飽是日小食係海蜇 酸酸地幾開胃涼伴雞絲粉皮 $58佢個份量亦都比出面多同大略嫌佢個花生味唔多重 不過中意佢個汁 唔會太傑太傑就會好飽好漏粉皮 雞絲同青瓜絲比例好好👍🏽藍蟹餅 $78初頭覺得呢個蟹餅有啲貴 得3舊但食完一啖之後就完全明白點解收呢個價錢佢真係啖啖都係蟹肉 好甜仲有個千島汁配埋

同朋友行街行到攰，去到始創見到呢間餐廳，一睇個鋪頭名就知道係食台灣麵啦！亦都係我最鍾意嘅食物！點了柯仔煎，雞排肉燥麵。柯仔煎唔似其他餐廳咁多油同炸粉，係類似大板燒既口感，加上表皮少少煎濃，咪道一流！我覺得比台灣夜市既更出色。雞排肉燥麵亦炸得香脆，肉燥嘅份量都好多，好味夠晒喉！夜晚呢間餐廳都幾好，靜靜地，而且可以坐好耐都冇人趕你走，同朋友食飯一班人吹水絕對一流！芝麻豆漿沙冰亦好香好甜好好味😛！下次一定會再嚟！

係旺角搵野食真係好難，周圍都咁多人！醒起朋友介紹左間台灣野，又唔遠就試下！餐廳係地庫，一落就見到！門面好光猛，裡面設計都幾有特色，比較年輕！【紅燒牛肉麵】$62（轉關廟麵+$3）另外有原味嘅牛肉麵，不過鍾意食辣所以揀咗紅燒牛肉麵。湯底夠濃味，牛味幾出，辣味亦都好香，加埋蔥花同埋酸菜真係好正👍🏾牛肉煮得好林，啖啖肉！【古早味滷肉飯】$58滷肉碎足料，味道正！滷肉飯加入酸菜，味道更有層次，令成碗飯加分！【滷水豆腐】$28醬汁味道濃郁，好惹味！推介呢個小食！【椰香芝麻奶露 +珍珠】（跟餐加$9）質感好滑，芝麻味同椰香好夾加埋珍珠有啲咬口，冬天飲就啱晒啦！總括嚟講呢間店都幾有誠意，食物同飲品水準都唔錯，應該都會再嚟食！

啱啱放工，一個人喺太子周圍揾野食，行到始創中心附近，諗起始創中心有好多野食，所以就去望下，去到地下果層，見到有紅燒牛肉麵食，就入去試下。見到個餐牌有好多台灣地道小食同飯同麵可以揀，例如:魯肉飯，牛肉麵，肉燥麵/飯等等。蚵仔煎 ($48)，幾大份，煎得唔錯，加埋D汁都幾香!原味牛肉米粉 ($58)，份量都幾大，有好多塊牛肉，米粉份量都多，幾有質感，爽爽地野飲選擇好多，有好多台式飲品可以揀，最後簡簡單單，叫咗杯豆漿($16)。

今日來到太子始創中心搵嘢食，午餐時段人流頗多，在地庫有間新開台灣麵，決定入去試試，取位要取電腦票但機器是壞！叫侍應幫忙，因為入囗無人安排！！最後變手寫票。門口有台式飲料外賣部，同樣無員工。等左10分鐘有位，午餐包港式飲品，如飲台式飲品要加錢，在台灣食店這配搭有問題！今次試咗炸排骨肉燥麵，䓤油伴麵，香蘇雞扒肉燥飯，飲品叫港式熱咖啡，台式珍珠奶茶。炸排骨肉燥麵，排骨炸得乾了一點，味 ok ，但麵條樣似烏冬而且有點硬！湯是味精湯！䓤油伴麵，價錢好低，味道ok。香蘇雞扒肉燥飯，有雪味，還可以。港式熱咖啡，他們忘記加奶！台式珍珠奶茶，這杯是全餐最失望！無茶味又無奶泡香味，珍珠唔Q口，是我飲過的珍珠奶茶最差的一杯。

食晏時間去始創買嘢，見到B1層呢間台灣面好似新開冇幾耐，決定一試。午餐市套餐選擇頗多，我點咗：紅燒牛肉麵 ($62) - 湯底味道濃郁，紅燒香辣惹味，辣度恰到好處。牛肉牛味濃郁，而且炆得夠腍，相當唔錯，好味！紅燒牛肉麵仲跟有一碟小菜，有海蜇、紅蘿蔔絲及青瓜絲，味道酸酸味味爽口惹味。鹽酥雞件 ($40) - 熱辣辣上枱，外層香脆鬆化，入面嘅雞肉嫩滑多汁，而且夠入味，水準之作。寶島珍珠奶茶 (跟餐+$4) - 珍珠彈牙，味道唔錯。呢間餐廳座位都幾舒服，而且食物味道唔錯，值得一讚！

一個想食飯一個又想食有湯既野 經過始創中心 見到有間 台灣麵 啲位好寛闊 裝修幾靚就決定去試下啦 又有湯麵又有飯 一共嗌左兩份主食 同一份小菜 朋友叫左個麵🍜紅燒牛肉麵$58我試左幾啖👅牛肉都大件而且有成四件 一啲都唔吝嗇 可以啖啖麵加啖啖肉甘食 仲有筋鍵位可以咬下咬下 另外湯底濃郁 麵條粗身 成碗麵都好有口感👍🏻🍚古早味魯肉飯$58魯肉飯都係用料一啲都唔吝嗇 成碗飯都鋪滿魯肉同咸菜仲有半隻蛋蛋 味覺適中根本每一啖都有肉 唔似平時係第度食個d魯肉飯得勁少魯肉 食食下得番白飯甘 所以中意食魯肉飯既我覺得係大滿足 🥬金銀蒜炒時菜$58唔係屋企食飯都要食菜 碟菜一上枱 無諗過份量又係甘多 好重蒜味所以食落好惹味 味道都係啱啱好咸柑桔話梅蜜$26酸酸味味 好開胃 而且夠熱桂桂茶$28有荔枝肉係低 朋友話飲落好fresh 唔會太甜 成餐飯都係食左二百幾蚊 食物份量大又好食 抵食啊😬

豬年第一個工作天，午飯時間跟同事去這間新開張的台灣麵館吃麵。這台灣麵館除了肉燥、牛肉麵飯外，原來亦有上海 菜式客飯；我點了一客“香酥雞扒肉燥麵”套餐。套餐賣相不錯，有一碟涼拌青瓜作前菜，但主菜雞扒肉燥麵 就一般味道，麵應該是自家製的，但唔夠爽滑，雞扒沒有香酥味，而且非常乾硬，完全沒有台灣炸雞扒的風味，是雞扒本身不夠新鮮？還是炸的火侯控制不好？ 希望廚師認真檢討！ 否則“回頭吃”的指數是“零”❗還有跟餐的珍珠奶茶，茶底淡而無味，如果唔口渴，我真係唔會飲❕

通常食台灣野都係晚上，中午時分真係較少食台灣野，今日係太子附近，經過呢個，想快快地搞掂個中午，就入左黎試下～餐廳內外唔止係餐廳，門口仲有個位可以買台灣野飲。入到去環境都幾闊落，坐得幾舒服，而且設計都係以木色調為主。食物選擇睇完餐牌之後決定嗌午餐食，因為Lunch Time時間唔多，所以嗌左兩碗麵，同一個小食，如果時間許可其實都好想嗌D小菜試下。紅燒牛肉麵 $62牛肉湯底好夠濃，加埋蔥花同酸菜，仲有少少辣辣地好開胃，另外麵條既質感好有咬口，感覺同台灣食既紅燒牛肉麵好似。牛肉係半筋半肉既種類，食落夠腍唔會好難咬開，而且仲好入味，正！韭菜雲吞麵 $55都係用同一款麵，湯底清清地加埋少少肉燥，令到個湯底味道升華左，而韭菜雲吞其實就係水餃，雲吞有成六粒咁多，好夠飽，肉同韭菜比例岩岩好，唔會搶左各自既味道。涼伴雞絲粉皮 $58勁多麻醬+青瓜絲，伴雞絲同粉皮，清新之選！左︰椰香杏仁奶露 $26，右︰ 柚子薑蜜 $20嗌左兩杯野飲，左邊既椰香杏仁奶露充滿 香味，杏仁奶露幾滑，右邊既柚子薑蜜正正常常。每人一碗麵其實都夠飽，食LUNCH黎講價錢唔算特別平，但以台灣牛肉麵係香港定價黎講就差不多，下次可以黎試

剪完頭髮就同媽媽黎左食午餐，第一次黎幫襯，地方幾大，光線充足，坐得幾舒服。門口係咁既，喺地面落一層右手邊就見到。見到掛住台灣既天燈幾得意。午市套餐 - 紅燒牛肉麵 $62份量大，麵條好彈，湯底微辣，四件牛肉大件好林又入味，配菜青瓜好清新，整體都好味。秘制醉雞 $68聞到好香花雕酒既香氣，雞肉好滑連皮都食埋，不過份量略少，多番d雞會抵食d。午市套餐 - 台灣排骨肉燥飯 $60排骨炸得十份酥脆，排骨肉好林，食落唔覺好油，珍珠米好有咬口，夾住肉燥食就是簡單又好味的味道。酥炸腐皮蝦卷 $48我推介哩個小食！我一個人清左一碟，腐皮炸到好脆，中間蝦肉爽口，係食完一舊再想食既小食。跟餐轉台式飲品加$4。我飲左熱柳香胚芽奶露，媽飲左熱薑母奶茶。我果杯落左超多胚芽，加上椰奶既香甜，好飲。

睇咗圖片先我個人鍾意食面，台灣既面好似幾大碗，性價比高，行開旺角就黎試試。叫左個三寶面（牛根、牛展、牛肚），足料又豐富，飲啖湯，幾濃味，啲牛煮得好入味，一咬就開，面就有少少林，不過我喜歡食林啲既面，所以冇問題，對我黎講仲好添。野飲方面，冇叫平時飲開既台灣珍珠奶茶，叫左個特飲試試，藍梅巨峰烏龍茶幾好飲，唔算太甜，幾種味溝得幾好。最後叫左柯仔煎，好特別，個面粉同出面食到既唔到，出面煎得脆，入面仲係好彈牙。咁樣食左$150，超飽👍🏻👍🏻

約咗朋友喺始創中心午膳， 還好有彈性嘅午膳時間， 不用等位去咗食「台灣麵」。过年期间很想吃一碗正宗嘅《紅燒牛肉麵》， 正合心意！湯底清澈但味道濃郁， 喝一口讓人回過神來。 麵條係我喜歡較粗 又帶煙韌嘅質感。 紅燒牛肉用了筋腱部位，好大件， 腍得來有咬囗。 整體水準唔錯，而且份量唔细!午市套餐附送小食。 酸蘿蔔絲 切得幼細酸酸地好開胃！跟餐加了《芋香奶茶》。 淡淡嘅紫色令人感覺天然， 隱約滲出芋香味道， 唔會太甜， 奶味偏重。《酥炸花枝丸》$38欣賞佢附設嘅甜豉油加了碎蒜( 旁邊仲有 wasabi）， 用嚟蘸花枝丸味道提升。 花枝丸又爽又彈牙， 充滿粒粒墨魚， 好足料。個friend 試咗《古早味魯肉飯》$58, 睇落唔錯。我試咗少少感覺上係比較乾， 滷肉係一啲油都冇， 仲有炸蒜， 飯粒亦較鬆散， 成碗飯係好乾身一滴油都冇。 滷肉飯冇油香好像欠缺什麼似的。《芒果烏龍茶》 $28烏龍茶味極濃， 但又唔苦澀， 和芒果味都很夾。《 涼拌小青瓜》$33青瓜冰涼夠爽， 已經成功了一半。 調味唔會過酸和過鹹， 爽口又清新，極好吃！接近一點差不多全場滿座， 好多附近嘅上班族。少有台灣食店有好多嘅小圓枱

午餐$125，有兩杯飲品及2碗主食，實在覺得抵食。我倆進餐後，也覺得食物的味道👌🏻喔！原味牛肉麵$62值得一試雖然不是古早味，但是牛𦟌十分嫩、夠入味，配上酸菜，十分好吃。或者我嗜酸味，它的味道討好我的味蕾。而我點的滷蛋豆腐肉燥飯$55大大碗（感覺像二人份量）肉燥感覺不太肥膩，滷蛋味道也不錯。午市套餐，加$4邊有飲品一杯。而鹹柑桔檸檬蜜，很好味，我愛喝。這裏亦有珍珠奶茶售賣午市套餐亦有多款選擇

味道唔錯。點了一個清湯牛肉麵， 湯底略帶少少酸味，可能來自配上的酸菜。大大碗，有5件牛展，有囗感。豆腐肉燥飯一般般， 不是傳統的細細碗，而是飯多多。 唔太有古早味。咸柑桔話梅物都是一般行貨冇咩特別。

太子咁多間餐廳唔知食咩好，行街比我發現咗一間台灣麵，之前都吾覺有，應該係新開。七點半入去唔使排隊，正 🍀 lucky。開動🥢🥢🥢荔枝茉莉沙冰我點了少甜，都好好飲，清清地又有果香味，沙冰上面裝湯滿了荔枝肉，見到都覺得開心🥳重點推介這碗台灣牛肉麵，啲湯超甜，麵有咬口，牛肉都算入味。D湯真是正👌🏻👍🏻👍🏻👍🏻墨汁花枝香腸👍🏻👍🏻👍🏻要推薦比大家，特別好食有口感，而且好香口🥰🥰🥰蚵仔煎口感彈牙有嚼勁，蚵仔仲有大粒🐷一共先食咗二百幾蚊咋，份量都算多。我地都食到好飽。