台灣麵 (已結業)

出旺角食野，去咗始創中心搵野食，見到地庫一樓有間台灣餐廳，睇嚟應該係呢排開張嘅，因為我喺唔同地方都見過佢嘅分店咁好生意，所以我都想去試下先～第一樣必試係紅燒牛肉麵！一碗竟然只係$58咋。估唔到咁平，當然要試下！睇下佢嘅分量先... 嘩都幾大碗啊 仲要係牛肉一啲都唔差，食嚟有牛腩又有牛根，太抵食了。之後叫了個炒白菜（$58) 加咗好多乾蒜好香，仲炒到好爽。最後仲叫咗半黑魔，跟餐半價！（$16) 原來係黑糖珍奶加奶蓋！好甜好邪惡。。。。

禮拜一晚約左人係太子飲嘢，岩岩放工見有d肚餓，見仲有少少時間就諗住食少少嘢頂下個胃。其實太子好多嘢食，不過我食嚟食去都係個d，諗住轉下口味，又突然諗起想飲台式飲品，就open rice下見到就創興樓下有間台灣麵，就入去試下。裝修其實好企理，應該好新下，但係望真d又硬係覺得同食開個間台灣麵個logo好唔同下，menu都好似有少少唔一樣，不過唔緊要，食左先講。因為好頸渴嘅關係，一坐低就叫左杯，芋香奶茶，好快到，但一睇都知係即叫即整嘅，因為仲會見到泡浮面，仲會見到個open bar，都冇得佢整定先。飲落去，芋香味夠，唔會太甜，正評。叫左碗原味嘅台灣牛肉麵，因為我病病地唔想食辣，所以就唔叫紅燒。其實落左order一陣就好快到咁一嚟就試左牛肉先啦，其實食落幾正宗，牛肉好有味又夠軟，湯清得嚟又好夠味， 我自己鐘意食硬麵，所以覺得麵就有少少太軟，不過綜合嚟講都幾好食。因為覺得食麵硬係要襯蛋，所以又叫左個唐心蛋試下，係幾唐心嘅，味都好夠，正正常常唔錯。最後仲有時間坐多陣，叫多左杯珍珠奶茶，呢度最好d嘢飲係即叫即做又唔會太甜，然後叫少冰就真係少冰。珍珠唔會太軟一patpat咁，一粒粒分明，有咬口，奶茶夠

去到餐廳好開楊，感覺有啲似快餐！之後原來有侍應帶位，同埋落單！仲有仲有呢有人上菜嘅，所以其實呢個唔係快餐！佢成個餐牌入邊都係台灣嘅嘢食！不錯不錯！———紅燒牛肉麵好友台灣嘅味道，同埋啲牛肉都好林！佢個湯底都唔錯㗎！———蚵仔麵線佢係用蠔仔去煮嘅！個美中不足就係冇豬大腸啦！平時食開嗰啲有埋，依家冇咗係有啲唔慣嘅！———炒雜菜呢個好好食！但係偏油左啲啲！總結：環境唔錯！都好多客人去食！同埋可以快食，係個唔錯既選擇！

好耐唔來始創中心，樓下開左間台灣麵，裝修靚仔，環境寬敞舒服，超多的椅凳！真系中午放飯時間也夠用，至岩打工仔食中午飯。午市套餐價錢實惠，加幾蚊就有野飲，好抵食,選擇相當多，有飯有麵。單點小食不乏台式經典，樣樣都想試！我地加左4蚊轉台式飲品，一個系凍紅豆奶茶，紅豆味比突出，奶味香滑。另一個系凍檸茶，好爽口。必食台灣紅燒牛肉麵！湯底鮮甜，牛肉大塊夠冧入味。麵勁道十足，很粗，有d似烏冬，好有咬頭，我喜歡！小食要左糖心蛋，糖心好juice,好味！炸蝦捲，點汁更好食，外脆內彈。鹽酥花枝丸大大粒，入味又彈牙。

今日去開太子 就去左始創中心食lunch冇去一排 又有啲新餐廳。咁啱又想食台灣野食，就去左地庫嘅台灣麵。午餐有兩款set一款就係普通台灣飯麵 有涼伴小食 同飲品 叫左個台灣排骨肉燥飯排骨炸得好香口😋😋肉燥亦肥瘦適中 唔太油膩 另一款set 就創意十足 啱哂乜都想試嘅我 一次過滿足哂2個願望😍😍😍雙排雙格 一邊叫左紅燒牛肉麵 湯底熬得非常入味牛肉亦煮得啱啱好 好有口感 超好食另一邊就叫左酸辣湯麵 呢款唔係好多台灣餐廳有 好耐冇食 酸辣湯好惹味啊😋😋飲品方面當然叫左我至愛嘅珍珠奶茶啦唔太甜 有茶味 不錯！朋友就叫左柑桔話梅蜜 我地仲叫左個蟹餅 意外地咁好食 好香口 蟹肉十足 呢間餐廳環境好寬敞，坐得好舒服。性價比亦好高下次一定再嚟！

今日經開太子旺角嗰頭，到晚飯時間就見到呢一間”台灣麵”，個名名副其實食台灣野啦，直接到位唔花巧😁！🔸藍蟹餅🔸外面好脆好香口，內餡好多，好飽滿，而且幾重蟹肉味，係一個幾特別既菜色👍🏻🔸墨汁花枝香腸🔸香腸食落係有花枝味道，似食緊花枝丸，口感彈牙！🔸紅燒牛肉麵🔸Size比想像中大碗，熱騰騰捧上嚟好香牛肉湯味。牛肉超大件，幾有口感，重點係煮得超入味！而麵係比較粗既一款，彈牙，就算浸左一排都唔會發漲變淋，值得一讚！🔸古早味魯肉飯🔸魯蛋超濃魯水味，好入味，送飯食就啱喇！🔸黑魔（黑糖珍珠鮮奶加超厚奶蓋）🔸奶蓋超級厚，味道勁濃郁，好飲過出面既珍珠奶茶舖頭。黑糖味岩岩好，唔會太甜呀！🔸鳳梨綠茶🔸呢杯超級有驚喜，茶味重，又唔會蓋過鳳梨味，成杯茶好refreshing，好消滯！

在何文田這片荒蕪之地上班 幾年了也習慣每逢禮拜五 坐車出去吃午餐跟同事來到旺角 想找個好坐的餐廳想起了最近始創新開的 台式料理店看了看餐牌 午餐都幾抵食就進去了環境裝修走木系小文青風 掛著天燈好闊落我們坐梳化也很舒適 啱傾計午餐約五六十蚊配前菜 加錢有飲品-🥩原味牛肉麵 $62 (午餐）前菜是涼拌海帶 酸甜帶有開胃感覺朋友點牛肉麵 牛肉超大塊水準不錯用牛𦟌切件 比切片或小塊更有口感我試了一舊很軟很香 湯頭亦不死咸但朋友說某塊靠邊比較韌 整體不錯-🥣蚵仔麵線 $53至於我因為胃口一般 點了個易消化可能媽福建人 我從小對麵線有好感芡汁有點咸但很濃郁 算是我喜歡的麵線用的是紅麵線 有口感不會太糊蚵仔份量不少且飽滿 也燙得很嫩口唯一缺點是 一般人應該吃不飽哈哈-🥢滷水拼盤 $128因沒叫大份量澱粉質 貪心想叫小食滷水拼盤有點貴 但內容都是我愛的剛好朋友也有興趣 即管叫來試試啦很豪華 有牛肉牛肚豬耳豆腐糖心蛋牛肉牛肚以及豆腐 都滷得軟爛入味豬耳都爽脆 蛋控最愛是濃味糖心蛋每種份量也頗多 兩個人完全吃不完也正好慢慢聊 享受一個悠閒的下午

數日前途經太子始創中心，發現地庫多了一家賣珍珠奶茶的新店🥤，再走幾步原來是新開的台式餐廳。於是便與同事到此一嚐我很喜歡的台灣牛肉麵🍜午餐時段都有不少顧客，我們點了：🥢紅燒牛肉麵餐$62🥢台式三寶餐$66🥢藍蟹餅$78🥤黑魔（黑糖奶蓋）另+$9🥤台式珍珠奶茶 另+4上菜效率很快，十分適合趕時間的上班族👩‍💼👍🏻👍🏻👍🏻🥢紅燒牛肉麵：湯底有微辣，麵十分彈牙有口感，牛肉肉質爽身，不會過淋。🥢台式三寶麵：即是牛𦟌、牛筋及牛肚。湯底不會太鹹，麵與紅燒牛肉麵一樣是爽彈的闊面。牛肚爽口，是我較喜歡的。🥢藍蟹餅：西式蟹餅就經常吃，台式的還是第一次吃，蟹餅炸得剛好，不會太焦或太乾，蟹餅內裡是「真。蟹肉」👍🏻，再配上千島醬，很邪惡唷😈不過，一碟3粒真的有點矜貴呢🤭🥤黑魔：就是近期大熱的黑糖珍珠+奶蓋，是有奶茶香的，但與奶蓋融合後就整杯滿滿的奶了，較適合喜歡多奶的朋友。🥤台式珍珠奶茶：有奶茶香，珍珠稍微淋身了一點，整體還可以的😋。套餐會隨附一碟前菜，今天的是爽口開胃的海帶👍🏻。🥢新竹米粉、肉燥飯都是我喜歡的，下次有機會，會再來吃😋

最近, 發現始創地庫的野玩海店已經結業, 接手的是有很多分店的台灣麵。 午市餐單的選擇很多, 而且與其他分店有些不同, 價錢在旺角區也算相宜。 原味牛肉麵 $62牛展燜得夠淋夠入味, 麵條亦不會太淋, 湯底不會太油太重口味, 整體而言不錯。 香酥雞扒肉燥麵 $60本已為是台式炸雞扒, 送上來才發現是半煎炸的, 雞皮弄得很香脆, 雞肉也夠滑。麵條和牛肉麵的是一樣, 但是由於湯底加上了肉燥, 就會比較油了。 滷水豆腐 $28滷水的味道很重， 豆腐的質地夠實， 不會一夾就散， 不過就有點鹹。 滷水糖心雞蛋 $18質地很軟， 亦很夠甜，不過就只有一隻， 有點貴。 海苔魷魚鬚 $63魷魚新鮮，質地彈牙，但炸皮不夠脆，而且不知海苔去了哪裡😂😂😂 黑魔 跟餐+$9其實就即是現在很流行的奶蓋黑糖珍珠鮮奶，珍珠偏淋，黑糖的味道普通，不過由於用堂食玻璃杯的關係，就比較難喝到奶蓋加上鮮奶的口感。 招牌生果茶 跟餐+$9與坊間的台式水果茶差不多，水果的份量亦很多，喝起來的味道不會太假，可以一試。 新店的裝修比其他分店新潮和活力，食物的種類和質素亦比其他分店好，以後在旺角區吃台灣菜又多一個選擇了。

自己一個行完金魚街，食埋晚飯先至返屋企，行行吓去咗始創呢間嘅台灣麵。叫咗一碗麵同一杯野飲，分別係柯仔麵線同埋金棗青檸桂花茶。柯仔麵線裏邊嘅柯仔份量俾我想像中多，粒粒大小都幾均稱。味道唔差，湯底唔會太潔，係會食完一啖再想食第二啖嗰款。嘢飲半價，因為叫咗個麵。桂花茶感覺都幾清新，甜度好自然，甜得來有少少茶澀嘅味道，認真唔錯。總結：台灣麵裏面嘅嘢食，簡簡單單，唔會同你講啲咩特別賣點，但你可以從食物裏感受到淡淡台灣嘅風味。

聽講始創中心地庫有好多嘢食，今次去到就見到一間好似有少少隱蔽嘅台灣麵店，冇錯，佢個名真係叫台灣麵。最後揀咗幾款唔同嘅食物滷水拼盤（牛展、牛肚、豬耳、豆腐、糖心雞蛋） $128全部嘅味道都好適中，又唔會太鹹，但係又夠入味。秘製醉雞面$68面底有少少似烏冬但係比烏冬更加有口感，比較實淨少少，湯底比較清淡可以配搭超級入味嘅醉雞，涼菜的溫度，雞肉嫩滑。寶島珍珠奶茶加奶蓋$31珍珠奶茶味道清新，珍珠口感彈牙，表面奶蓋芝士忌廉濃郁香濃口感順滑。海綿班cake$53海綿班cake甜味適中，口感鬆化有點像疏乎厘，加上旁邊有多款不同的水果，減少油膩感覺。

上個月洗錢洗大左，今個月要慳D 洗~~朋友介紹我食台灣麵，佢話呢度冇加一，而且又夠飽肚～我地兩個都中意食辣，可以叫左Ｄ辣野SHARE 食！叫左一個紅燒牛肉麵，一個麻婆豆腐($10 有埋飯同酸辣湯)~~台灣最出名就係紅燒牛肉麵，所以呢個係必試~~ 牛肉都幾多，有成４大舊，食落好淋，而且肉質不錯～～紅燒牛肉麵係有少少辣，有另一款原味比大家揀～大家可以隨自己喜好揀！而麻婆豆腐愈食愈開胃，有D 肉碎，小小麻既感覺，撈飯好正！加埋酸辣湯，冇得彈～

同事帶我來到始創地庫既台灣麵地面唔多覺眼有招牌/廣告唔係佢地提起我都唔知呢度開左間新野一入到去見到舖面好大 在場都有唔少人黎食lunch我地全部人都係叫左紅燒牛肉燒我加錢轉左關廟麵湯底幾清 唔會好咸紅肉都煮得幾林身 輕力一咬就可以撕開筋位幾好食不過開廟麵可能因為幼身少少 有少少林左下次再來食會試正常既麵底另外仲叫左杯珍珠奶茶正常 冇咩特別 不過有少少遲來差唔多食完再催左兩次先到總括而言 呢度既紅燒牛肉麵唔差價錢中等不太貴可以一試

第一次去台灣麵食晚餐，地方夠大，光線充足，坐落都幾舒服。我地兩個人叫咗紅燒牛肉麵同埋炸霸王雞腿肉燥飯，仲有酥炸花枝丸，涼拌雞絲粉皮。個人黎講就最中意紅燒牛肉麵，係必試。湯底好香牛肉味，唔會太喊，麵質有彈性好黏韌，牛肉都煮得夠淋，入口即溶。而炸霸王雞腿肉燥飯最好食嘅就係塊雞腿，雖然炸過，但保留到肉汁同埋啲肉夠嫩口。酥炸花枝丸十分彈牙，跟咗個少少辣嘅醬料，加埋十分好味！ 涼拌雞絲粉皮味道可以再好d就好啦！晚市order麵或飯可半價加購飲品。

叫咗個午市套餐，紅燒牛肉麵 ($62) 牛肉份量超級多！係牛肉連牛根果啲部份，好冧好入味🤤 揀咗紅燒味，個湯帶少少微辣，愈食愈惹味，而個麵都吸收到湯既精華，煙韌有咬口，整體係唔錯😆招牌水果茶 (+$9) 入邊有橙，檸檬，青檸，藍莓，士多啤梨等等，充滿果香同甜味最後忍唔住加埋呢碟黃金蝦球 ($108) 一上枱已經聞到好香蛋黃味。每隻蝦都好大隻，好爽口。每隻都痴住好多咸蛋，味道唔錯！