台灣麵 (已結業)

一直都想搵到無藥膳味既牛肉麵，今次遇到喇😆同fiancé 叫左一碗原味牛肉麵$58、新竹炒米粉$55、豆醬炒A菜$58、酥炸花枝丸$38、招牌生果茶$36同珍珠奶茶$26。無留意到時間，原來未夠六點我地就叫野食，如果六點後叫麵飯個啲飲品有半價。呢個時間人流較少，上菜速度好快，十分鐘內齊晒啲野！先黎既係新竹米粉，有兩隻蝦仔、魷魚、肉碎、椰菜同紅蘿蔔，開頭以為係素食無肉，有意外驚喜🤪炒完既新竹米粉唔會碎拾拾，未食已經聞到好香，味道好食，有咁多配料，每啖都好豐富。原味牛肉麵湯底唔係我討厭既藥膳，不過都有啲辣，唔知係咪俾錯左，但都唔係好辣，所以照食。估唔到$58呢個價錢有五舊厚厚既牛腱，重要炆到好軟淋，中間啲筋炆到起晒膠，好正🤤🤤🤤勁抵食！湯底重有啲酸菜膳蔥，麵質粗身，唔會煮到淋bad bad。豆醬炒A菜用左油麥菜，菜都好新鮮翠綠，個豆醬好濃，幾好食但有啲太多醬會鹹得滯，要撈勻啲會好啲。酥炸花枝丸即叫即炸熱辣辣，成粒放落口辣親個咀🤪勁滿足！入面勁多粒粒花枝，重要大大粒！點左啲wasabi同豉油一齊食，我覺得唔掂豉油都好食。Fiancé 飲珍珠奶茶，我飲生果茶，佢話我個杯好飲啲，我就無試佢個杯，

這集團式的台灣麵上過很多間，今天路經這間看見裝修很另類，而且也是晚飯時間，不妨再度幫襯，哪知一看menu 與一貫幫襯開的台灣麵很不一樣，雖然價錢略有不同，但也姑且一試，首先試了他的小吃，被他的名稱吸引了，就是藍蟹餅和秘製醉雞，这蟹饼上菜時很西式配千島沙律酱，外皮很香口也有蟹肉味，而醉雞酒香到不得了，而且也不肥。之後各點了一個主食，就是台式豬腳肉燥飯很入味和大份，另外麻油雞麵線，雞和麵和麻油分别上枱，也很重麻油香。飲品也和其他台灣麵店很不一樣，柳丁柚子茶和柑桔話梅蜜，也算不錯。整體它的菜式令人有驚喜，而且店鋪裝修也很新潮，相信會令一貫台灣麵的忠實食家多一個好地方和新的嘗試。

在太子區突然想吃台灣小菜，走進這店子看見裝潢新穎又有特色，店員介紹是首間走新派路線的台灣麵， 更推介主打的小吃藍蟹餅 和秘製醉雞 ，另外我們也點了小菜 黑醋鳳梨骨和豆醬a菜，主食是麻油雞麵線，大大碗麵而麻油雞另上份量十足，A菜和豆酱很配合，整體的口味和煮法是走新派路線，相信可給食客 一個全新的印象和嘗試。最後更試了他的甜品，就是薑味梳乎厘，除賣相吸引外，薑味也很濃郁，今天的小嘗試實在有驚喜，下次會再試其他的新菜式。

太子站附近有好多粉麵食，不過食台灣麵既就唔多，今次去咗始創中心地下果層，發現開咗間新既台式餐廳，緊係要試一試。Lunch menu都有幾多選擇，有牛肉麵，肉燥麵/飯等等，Lunch仲要包野飲，轉台式飲品都係加$4，特式飲品都係加$9，咁平緊係試一試杯台式飲品。香芋奶茶，好滑同好甜。原味牛肉麵，加$3可以轉關廟麵，原來關廟麵係臺南市關廟區聞名既手工麵同鳳梨、竹筍並稱「關廟三寶」。第一次聽到依種麵，緊係要試一試，麵既質感唔錯。酥炸腐皮蝦卷 $48

朋友話想食台灣野，咁岩佢提議始創中心裏面有一間台灣菜店舖，名稱叫台灣麵。餐牌選擇都好豐富，特別係飲品裏面好多選擇，鍾意飲咩都有，仲好有特色。蚵仔煎$48好得意嘅就係裏面嘅蚵仔係一粒粒買得好平均，唔會黐埋一舊咁，大家都好容易就分到，底部有啲香脆口感亦都有啲軟綿綿，蚵仔鮮味十足！蚵仔麵線$53蚵仔太好食所以揀多個麵線，麵線一條條好細條。味道適中又唔會太咸同之前喺台灣食嘅差唔多。古早味滷肉飯$58滷肉分量十足，而且調味同之前係台灣食嘢冇咩分別，兩個都幾正宗。上面仲有一隻糖心蛋真係豐富不少。熱鳳梨綠茶$28巴樂蜂蜜綠茶$28兩款特別得來都比想像中好飲，不會奇怪，真係要自己試一試先領略到。台式黑糖燉蛋$48燉蛋感覺比較cream，同想像中嘅質感有啲唔同，不過估唔到黑糖配搭燉蛋都幾香，比想像中好食，如果唔介意質地可以挑戰下。

同女朋友係太子搵下有乜食，去到始創見到呢間台灣麵唔洗排就入去食！間餐廳好新淨，地方又寬躺，仲有播緊好多台灣歌，中學嘅回憶都返晒黎😂🍜紅燒牛肉麵（轉關廟麵）- $65👉🏾估唔到佢仲有得轉關廟麵，非常有台灣特色！👉🏾牛肉唔硬，易入口，牛味重👍🏾🍜蚵仔麵線 - $53👉🏾呢個麵線絕對值得一讚，蠔仔大粒新鮮👉🏾湯底唔會太稀，係台灣原汁原味嘅感覺！❗️高度推薦🍚滷肉飯 - $58👉🏾呢個滷肉飯比較新穎，加咗好多配料，食落好有新鮮感👉🏾滷肉份量多，夠飽肚，仲有糖心蛋，蛋黃仲有流心！🥤藍莓巨峰烏龍茶 - $28👉🏾非常出色，完全飲得出藍莓味以及烏龍茶嘅味道，唔係好多地方有得飲，所以鍾意烏龍茶又或者藍莓嘅朋友都應該要試吓！總括來講，台灣麵性價比高，食物質素亦都非常高，喺太子想食個快嘅朋友就要黎試吓啦☺️

成個場冷冷清清，做野既人得一個咁，野食同野飲都唔多掂，基本上係填飽個肚算，如果一早知連鎖店唔會試咯男友唔舒服是但搵間野食，唔係乾乾淨淨都費事入男友碗牛三寶湯麵上枱先，個湯好香仲以為好好食，牛腩/牛筋夠稔，但唔入味，食到牛筋好似咬緊舊膠咁肉燥炸豆腐飯成碗野成鹵味蛋食得下，炸豆腐無野點，少少椒鹽都無，肉燥成果一湯匙咁大把，咸酸菜得7條絲，仲衰過環頭環尾地踎茶仔柚子薑蜜要柚子無柚子，要薑無薑，只係一杯甜甜地既水青檸桂花茶好似桂花烏龍茶，都飲得下，但無青檸味咯

久不久就很想吃台灣牛肉麵，幸好香港這地方什麼也有，美食遍佈各區，隨便走走，都能找到自己想吃的菜式。始創中心地庫開了一家「台灣麵」，名字打正旗號售賣台灣食品，裝修掛飾亦用上不同天燈，很有風味。星期日下午亦有午市套餐提供，一個飯或麵，配上小菜和飲品，也不過六十多元，亦不設加一。點了紅燒牛肉麵餐($62)，男友早上跟家人喝過茶，比較飽，決定散叫其他小食。小茶是涼拌青瓜，清新爽脆。紅燒牛肉麵味道不錯，最喜歡它的麵質夠彈牙掛湯，長長的一整條吃下去很過癮。牛肉品質有點參差，大概四件牛腱肉，三件都很軟熟入味，有一件卻韌性十足難以咬開。唯一那件，偏偏被男友第一下就選中了，看著他努力咀嚼的樣子，只感到好笑。言而對於我來說，整碗麵的水準不俗啊。咸柑桔話梅蜜，最近天氣時熱時冷，容易生病。咸柑桔真好可以治療一下乾渴喉嚨，話梅味亦出眾，酸酸甜甜的令人很舒服。蠔仔煎($48)像薄餅一樣上枱，造型獨特，蠔仔肥美配上豐富用料。溏心皮蛋豆腐($48)，豆腐滑嫩，上面撒了滿滿的肉鬆。紅油抄手($45)，抄手皮薄，餡料亦是有點參差。有些肥瘦豬肉比例剛好，有些則煮得過老或太乾。在鬧區，週末的下晝還找到六十多元的特色午餐，坐位

食物好一般，服務態度差，員工冇禮貌，最基本的熱水都冇杯！Highly NOT recommend呢間舖！用人手不足的借口話忙碌，但明明間舖都唔多人，我完全睇唔岀d員工有幾忙，明明就hea下hea下！不知所謂！

經過見到開左間台灣麵，近排又想食下台灣菜，所以一於試下。第一時間叫左紅燒牛肉麵。牛肉軟硬適中而且好入味，湯底濃郁，偏咸，喜歡濃味人仕岩哂。怪味口水雞見個名咁得意，心痕痕試試。呢味菜尼得最快，應該係預早整好，辣度應該係小辣，朋友唔食得辣都食到。櫻花蝦炒包心菜呢味算最好食，椰菜清甜，有獲氣，幾惹味。香芋牛奶沙冰芋頭味濃厚，應該係真材實料呢。寶島珍珠奶茶朋友夜晚飲茶後會難入睡，奶茶沖得比較淡唔太甜，普普通通。最後214$埋單，兩個人食，ok la🤭

去到始創中心見到呢間台灣麵，環境光猛衛生，佢哋又有午餐，於是就走入去開餐啦😋😋紅燒牛肉麵🍜🍜🥩🥩牛肉麵佢哋有原味或者紅燒兩種味道選擇, 因為我自己鍾意食辣辣地, 所以就叫左紅燒牛肉麵，嚟到見到佢嘅牛肉非常之靚, 份量好足, 有有四大塊牛肉，牛肉都係牛展部份, 而且係厚切, 非常之有彈性好入味，牛肉湯入口清香墨汁花枝香腸👍🏼👍🏼😍😍雖然佢個名係叫香腸，但係同一般台灣香腸係唔同㗎，你會見到佢個賣相係黑色, 然後有一粒粒白色嘅墨魚粒喺裏面，咬落去充滿濃濃嘅墨魚鮮味, 煙煙靭靭, 好有咬口, 非常好味滷水糖心雞蛋🥚🥚我自己好鍾意食雞蛋, 尤其是糖心嘅半熟蛋, 呢度做得都好好，蛋黃半熟嘅狀態充滿蛋黃香味金橘檸檬蜜佢哋午餐加$4就可以將飲品轉做台式飲品，呢個金橘檸檬蜜, 賣相雖然一般金橘味濃郁, 入口甜甜地

見到呢間新開既台灣面，格局幾好好新淨咁，門口餐牌睇左價錢就入去試下！本身以為要自取，但原來唔洗！叫左酥炸花枝丸（$38）即炸所以需時，新鮮炸起，加埋面頭既椒鹽粉，超好食，夠彈牙！九菜湯雲吞$40比想像中好食，size岩岩好，皮薄，餡算多，好快就食曬咁多隻哈哈！我地一人叫左一碗麵，一個三寶，一個紅燒牛肉麵三寶係牛腩、牛根、牛肚牛腩入味炆得夠林，牛根唔硬仲好煙un、牛肚爽口，三種食材都做得幾有誠意至於湯底，店員話紅燒既係辣湯，但食落唔多覺辣，應該係好微既辣，湯底夠味但食完冇口渴，應該冇落味精！呢餐都算滿意，下次黎開始創會再黎幫襯

今日嚟到太子始創中心地庫嘅 ''台灣麵'' 食台式午餐。餐廳新裝修，燈光十分光猛，地方寬敞，坐得舒適。餐廳提供多款午餐、小食和飲品，任君選擇，價錢也唔算貴。我點了 台式三寶麵 $66三寶麵包括有牛展、牛筋、牛肚，咬落口腍腍地，牛味濃郁。麵身夠粗，有少少彈牙，口感唔錯，而湯底清新得嚟也有點牛香味。怪味口水雞 $68口水雞肉質鮮嫩，因為是冷盤，入口唔油膩，配上辣汁味道更佳。食飽飽之後再嚟杯 寶島珍珠奶茶(凍飲) 跟餐 +$4  加胚芽 +$5珍珠奶茶茶味夠香奶夠滑，珍珠腍腍地好咬口，配上香口的胚芽就更加好飲。

其實台灣菜本身真係好好味，特別鍾意佢嘅紅燒牛肉麵，所以耐唔耐都會特登去食，今次經過太子食午餐見到依間台灣餐廳當然忍唔住就走左入去食啦。餐廳內環境都好舒適而且菜牌內容選擇亦很多，紅燒牛肉麵、滷肉飯、蚵仔煎、各款台式小食都有。糖心皮蛋豆腐話咁快前菜小食糖心皮蛋豆腐就送到上枱啦。佢嘅賣相都好吸引而且，豆腐上亦有豐富嘅肉鬆、菜甫食時更加口感豐富。台式蚵仔煎蚵仔煎火候剛好，每粒蚵仔煎都相當飽滿，味道香口，加埋生菜食更加清新。紅燒牛肉麵紅燒牛肉麵上枱時已配前菜小食以及飲品真係相當抵食。而且紅燒牛肉麵嘅牛肉份量亦相當多，肉味濃郁且帶有咬口真係不錯。

台式手搖飲品通街林立，反而台式料理餐廳唯數不多。其實台灣熱食是不錯的。星期六me time 遊走太子，(主要是看耳筒唱片～)，一人吃個輕鬆飯。下午二時依然人龍，坐不了餐廳置中天燈掛飾下的桌子，但進餐時仍可看見，都算一番風味。 來一碗紅燒牛肉麵餐($62)加了$9 轉上特色飲品--黑魔。還真可愛的名字呢～其實是賣到開巷的黑糖牛乳奶蓋。吃台式小食，離不開必食酥炸花枝丸($38)和滷水豆腐($28)。補充蛋白質，也點了滷水糖心雞蛋($18)。台灣麵餐廳另一則，是開放式廚房，餸菜香味罩滿空間，員工用心製作。除了堂食之餘，也提供外賣，十分方便。不消一會，我的黑魔降臨了～ 黑糖奶茶控表示，黑糖花紋真的很美～面頭奶蓋張力十足又豐富，珍珠嚼口感可以，甜度剛好。紅燒牛肉麵，4大件肉質厚而柔嫩， 濃郁甘甜湯底，麵條口感紮實。簡單直接又好食。小配菜還有涼拌海帶絲。酥炸花枝丸，粒粒都有墨魚肉粒係餡到。多餘的油都去掉，吃下更乾爽。花枝丸Q彈十足，沒有胡椒鹽，沾上秘製醬汁也不錯。滷水糖心雞蛋，一口一件，糖心未算太流，正常味道。滷水豆腐一開四大份，米白幼滑，灑上芝麻，滷水入味。邊身略鹹，過後帶點茶味，很特別。跟飯一