原作養生湯米線

營業中

休息中

有一日，睇睇吓Youtube彈咗一段由某Youtuber介紹這間餐廳的片，老闆在片入面形容是「靚湯米線」。既然講到咁，愛吃食物原味道的小妹和男友無理由不來試試，看看跟其他同稱使用原材料烹煮的店家有何分別。今天一來到已見到出面滿滿人龍排隊(或受紅館正開演唱會影響)，大約等了30-45分鐘。😛我們大部份都跟著片入面的推介來叫(應該最值得試?)，一共叫了4款食物（桃膠椰子雞湯米線、招牌海龍王泡飯、醉海蝦和油醋海蜇花）和凍檸茶。桃膠椰子雞湯米線 (5/10)：既然是「靚湯米線」，當然率先要試試個桃膠椰子雞湯米線啦！我飲第一啖湯…請問邊到甜？鍾意椰子的人必食？  或者我不懂欣賞，但我只覺得個湯是有好淡的椰子味，可能太多客和多人叫，加上Sell健康，所以個湯先咁「清」。咁試吓件雞啦，是白切雞…仲要過咸。嗯，媽媽煮的椰子雞湯比它更清甜啊！招牌海龍王泡飯 (6/10)：飲第一啖湯，比椰子湯濃，都有海鮮味，但以龍蝦湯底來說就不濃了。第一啖泡飯夾雜住少少脆米幾香口的，可惜脆米是一早放晒在面，而非另上讓客人自己加，所以當食到第三、四啖，脆米就開始淋，而底下的則是普通白飯。不知道是已經習慣個味定本身湯底淡，除

有日晚飯時段去到黃埔附近，見到門口好多人排隊等位，我地凑下熱鬧排埋一份佢地竟然有set，花膠雞米線加小食加飲品都係$100以下，免加一，難怪甘多人食啦，而且質素都無令人失望花膠雞米線（$98）既湯底係無味精既，花膠份量唔少，但美中不足既係雞有少少硬，但整體都ok最有驚喜既係佢既桂花蜜糖雞翼首先佢係即叫即整，熱辣辣送上，蜜糖既甜味加上桂花既香氣，真係會一試難忘，套餐真係好飽，否則我會再叫一碟朋友叫了鴨血米線。重慶水煮魚（$108），小食跟原味脆魚皮，佢呢個套餐就相對比較失色。脆魚皮正常邊爐水準，水煮魚我覺得可以更辣，但晚餐呢個價錢都可接受。如果佢唔係甘多人排隊，我應該會繼續去食

砂薑雞例牌$68。花膠雞湯米線都係68大家都係一隻雞髀。又吾系好食，又重味精。一定冇下次。無謂嘥錢。態度唔係特別好。價錢又唔系平。識養生雞湯咁重味精真係搞笑😅

今日老公有時間陪我食lunch ，見差唔多2點就決定去原作養生湯米線，呢間米線已經食過好多次，因為平時lunch時間好多人排隊，所以要睇時間去食原作米線午餐會有套餐選擇，一個主食、一個小食同一杯飯品，唔同主食會有唔同價錢，嚟得呢度梗係食養生湯米線啦💥蟲草花膠雞湯米線💥每碗雞湯米線會有4件鷄，雞肉肉質夠滑，煮得啱啱好唔會太熟唔會嚡，花膠份量都唔小，花膠大大塊有質感味道唔會腥，雞湯湯底煲到奶白，味道清甜，有雞味而唔油膩，雞湯重加埋杞子，夠養生真係要飲多D原作9月會開埋火鍋，真係期待要試一試

平時好少去黃埔嗰邊食嘢 之前咁岩去睇演唱會 入場前周圍搵吓嘢食～ 經過見到呢間主打養生米線 好健康咁 就試試佢😛/桃膠椰子雞湯米線 🌟$68🌟奶白色既湯底好滋潤 好重椰子味 又香又甜 食完唔會覺得好口渴😋 雞肉方面都幾大舊同幾滑 有鮮味👍🏻 但桃膠雖然份量算多但好細粒😣米線嘅份量就正常 整體味道不錯～/ 鯛魚片龍蝦湯泡飯套餐🌟$118🌟湯底唔錯幾入味 鯛魚片份量幾多 都幾滑同厚肉～ 啲飯仲加咗脆米 配埋口感更加豐富同香口😝/ 套餐小食 - 桂花蜜糖雞翼（3隻）雞翼比起泡飯有驚喜 即炸夠熱 炸到脆卜卜💥 但又唔會炸到乾晒 好有肉汁！ 雞翼外層有啲桂花蜜糖汁包住 食落甜甜地 同時桂花味亦好突出 比起普通嘅蜜糖雞翼較清甜 冇咁膩👍🏻整體味道都唔錯 餐廳環境都舒適 平時夜晚好似都比較full 有機會要等下位～

晏晝嘅時候，同班friend嚟到紅磡，其實我係見到有youtube介紹呢一間餐廳所以嚟嘅。喺街上面我哋搵唔到間餐廳，求其問路人，路人都知道呢一間餐廳喺邊。入到去嘅時候唔知食啲咩好，見到人哋食燕窩雞，我就叫咗個燕窩椰子雞米線了。米線上面鋪滿了一粒粒的燕窩， 另外我們亦都叫咗一些小食炸魚皮， 爽口鬆脆入口不錯。

見OpenRice 寫11點到11點！！！！！仲要寫住營業中！！！咪揸車由西貢出黎食！！！！黎到貼張東主有喜。真係燥哂！粗口都想講！！！之後打間野個電話，叫佢關返個營業中。唔好擾亂人喇！唔聽電話喎。入面明明有2個人係度！！！聽下電話唔得既？？人地想食果d，即係我地好慘囉！d人叫外賣，見你營業中，又俾你擾亂囉。以為你多客，做唔切！！！！點那知你東主有喜呀！痴線！！幾好食幾想食都唔會想試你呀！香港又唔係得你一間有湯飲既小店！由細節就見到既無責任感！

主打養生米線，本身諗住跟美女明星叫龍蝦泡飯🦞，不過C先生有先見之明話龍蝦整得好食唔易，試左其他野好唔好食先🤣叫左養生雞湯米線🍜同桃膠椰子雞湯米線🥥其實兩款湯底差唔多椰子果款多少少甜味，湯底係ok嘅，但真係唔特別😅米線軟硬度適中，但唔知點解掛唔到湯，好淡，無乜味😰雞肉份量正常，都有肉地👍🏻唔會得骨頭🦴但就係白切雞嘅味道🤣都係無乜特別😅叫左黃金炸魚皮🐟鹹蛋黃醬夠多👍🏻味夠濃，不過就無炒到好香。炸魚皮口感係硬脆，唔係鬆脆。我個人覺得比米線出色😋不過C先生話都係好一般😰佢食到勁失望😮‍💨本身唔係好睇得啱飲品，但落單姐姐話佢哋嘅飲品都幾好架，叫米線仲有半價，咁就叫左杯檸檬柑桔🍊點知一黎度，我就知係就咁倒出嚟嘅樽裝飲品😅整體黎講普通到不得了😰如果我係依附近嘅街坊可能都會食下，當飲下雞湯🤣但特登去食就無必要喇😅後尾返去睇番條片嘅comment，原來好多人都中伏覺得好一般🙈

呢間米線舖，成日都滿座。今日早左放lunch , 未算好多人，決定黎試下佢🤩食米線，識食一定係食酸辣湯底，咁先夠惹味👍🏻叫左個酸辣牛魔王米線🤩，上枱時間都好快，5-6分鐘左右就有得食牛肉片份量都幾多，有7-8 塊，仲要都幾大片👍🏻岩曬我呢個牛魔王👍🏻牛肉肉質幾鬆軟，入口都幾新鮮滑嫩👍🏻抵讚 酸辣湯底仲正，夠酸😂而且個辣帶少少麻，但又唔會搶左個酸味👍🏻一匙放埋米線入口！爽！總結：款式選擇幾多，餸ge 份量亦足夠，60幾蚊都好飽肚，下次會再試埋其他款

星期五晚由荃灣出發去黃埔，6點放工，6點9去到，等左大約半小時，一有位就係門口幫你落埋單先坐底1分鐘就有桂花雞翼，熱既，不過雞翼未熟透，入面重係紅色海蜇花，比起一般海蜇爽口，有特色，不過份量唔多醉鴨舌，重酒味，好爽口，好食，不過就係得咁多，份量少。黃金魚皮，份量少，正常囉，同我睇yt 2回事，失望。真實圖片同yt 有哂比較，無掛醬嫁，味道正常嫁咋，唔係yt 講到"我食過最好味既魚皮"咁。重頭戲，4個米線海龍皇帶子米線，就係咁，hea 到，味道正常龍蝦海龍皇，龍蝦梅既，味道正常。蟲草花膠雞，雞係滑既，花膠都係d cheap 野，湯好味（因為好味精）鮑魚雞米線，雞係滑既，湯都係好飲，因為味精。4個人食左差唔多6百蚊，又要排左大約45分鐘，（我朋友早去拎位）又食味精，又勁趕咁食，我就一定唔會再去喇

原作米線-紅磡養生湯米線原作米線位於黄埔站，裝修簡單。主打養生湯米線。之前食過花膠雞米線，花膠夠大舊，雞很滑很入味，米線硬度適中。星加坡胡椒豬肚雞米線 ＄78脆香魚片頭星加坡胡椒豬肚雞米線，胡椒豬肚湯很濃厚的胡椒味道，由於老闆介紹湯底是真材實料煲出黎不含味精，所以可以放心同安心咁食麵同時飲埋個湯。胡椒豬肚當然唔少得豬肚，豬肚非常爽口彈牙，雞肉都相當嫩滑亦有很香的雞油味道。至於，午餐配埋既脆香魚片頭大大舊又彈牙，不錯。洛神花茶另外餐飲叫左杯凍洛神花茶，顏色紅紅地幾靚，味道酸酸甜甜的相當開胃醒神，夏天飲一杯都相當解暑。

前兩日去左睇林家謙演唱會, 入場前先走黃埔食野醫肚朋友仔推介原作養生湯米線, 大食妹即管去試試<桃膠椰子雞湯米線>朋友仔嗌左好滋潤嘅椰子雞湯底奶白色嘅椰子雞湯又香又甜, 份量唔多但味道的確唔錯<滋補黃酒煮雞湯米線>大食妹怕凍, 入紅館前食返窩滋補黃酒煮雞湯米線軀寒先黃酒雞湯米線超滋補, 黃酒味算突出, 有少少藥材湯feel, 到左夏天仲係手腳冰冷嘅朋友可以試吓呢個<涼拌貢菜>既然同朋友仔一齊, 當然要嗌小食share天口熱唔好食油炸食品, 涼拌菜都係唔錯嘅選擇貢菜味道鹹鹹地, 清爽脆口<油醋海蜇花>海蜇花麻油味重, 味道帶酸

見到 KOL 推介，無味精湯底吸引到我即刻老遠黎試食下午兩點左右等兩張枱好快入到去叫左龍蝦泡飯，椰子雞桃膠米線，蕃茄牛米線龍蝦味好鮮甜，唔會好似西式龍蝦湯咁咸椰子雞白色湯，勁甜，好大碗湯飲蕃茄牛就你鐘意蕃茄味就實鐘意仲叫左桂花雞翼，海蜇，黃金炸魚皮，都好快有得食初頭見到食評講到好差，仲驚驚地中伏食完我地4個都覺得好味咁既價錢無味精既湯底，個人覺得好超值會再想黎食呢枱櫈你當普通茶餐廳既坐法，員工唔覺得特別好兇惡呀

早排睇youtube見某KOL推薦呢間嘢，係咁話好好食，俾佢成功sell到幫襯間鋪。食完覺得：廣告真係廣告1.蟲草花膠雞米線湯甜雞滑，米線好滑唔靭花膠好難食2.鯛魚龍蝦湯米線原本好有期待，龍蝦湯底喎！頂，點知好撚腥，好難食，真係唔好叫。以上米線加20$左右變套餐有飲品同小食小食我哋叫咗魚皮同桂花蜜糖雞翼魚皮：一般般，唔抵叫。雞翼：好食喎，好味過米線環境方面，地方唔算好細但好多枱座位好密，餐廳啲人會叫客人幫手放低嘢食總結都係唔好信某kol

一直愛好雞酒湯米線，見到這間有養生梗係唔會放過，買咗一碗滋補黃酒煮雞湯米線$72👇🏽都幾大碗，分湯👇🏽足料，食完唔會好口渴，好有住家餸感覺🥰一打開個蓋勁香黃酒味🤭好多藥材配料，咁煮啲雞唔算鞋👍🏻暫時食過最好味的👏會繼續食，睇吓是否保持到水準😎