原作養生湯米線

營業中

休息中

見到呢間餐廳係 open rice 有好多好評，就決定試吓，點知嬲到震，以後都唔會再幫襯。28/1 今日同朋友大概7:00pm 到餐廳當時餐廳大概只有坐滿一半人。企門口帶位嘅店員，逼人一定要坐四個人嘅卡位搭枱，唔俾我哋坐去空枱。當時我哋坐咗喺門口嗰張枱嘅外面。我同朋友order左以下食物，一個龍王湯米線 138一客黃金雞翼 39一客奶油津白 48大概7:15pm左右，雞翼到達後，隔離入面嗰枱嘅兩個人就要離開，令到我哋食食下要企起身。坐低後，過咗5分鐘，有一個清潔嘅店員又要入嚟清潔入面嗰張枱，我要起第二次身。到7:30pm左右，米線亦都到達，食左2啖，湯底普通，好多水，但米線質地超級冧，非常難食，簡直係不知所謂。 在此同時，剛剛帶位嘅店員，又安排兩個人坐喺我隔離，明明餐廳只係坐滿一半人，又要逼我企起身，今次係第三次。當時候，我已經表達左不滿，反映過後，店員同我講唔需要亦都唔會再企起第四次身。到8:00pm，入面嗰枱已經食完，令到我要再企起第四次身。食物唔好食，服務態度非常惡劣，同老闆反映後，佢亦都係聽完就算，非常hea，完全冇諗過作出改善，喺呢度勸喻大家千祈唔好幫襯，不要被騙。

大隻仔今次覓食嘅店舖就係💥 原作養生湯米線 💥 大隻仔好鍾意飲椰子雞湯，唔太鍾意食重味精食物，餐廳名字叫「原作養生」正合大隻仔心意。😋😋「原作養生湯米線」係黃埔知名餐廳，午市、晚市都長期排隊，大隻仔當日就排咗半個鐘多。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 桃膠椰子雞湯米線 $68椰子湯底好好飲，冇落味精，食完米線可以飲埋碗湯，椰子湯底比較清甜，有椰子味，飲落覺得應該有落椰漿。配料有蟲草花、杞子、桃膠同雞件。雞肉未去到好嫰滑但不乾不柴，桃膠不夠淋，大隻仔覺得唔落桃膠會好食啲，米線煮得岩岩好，不會太淋，幾好食，值得推介。🔥 黃金炸魚皮 $35炸魚皮夠脆，鹹蛋醬汁夠多，可以包滿每塊炸魚皮，味道夠濃烈，幾好食，少少可惜係鹹蛋醬汁冇完全煮溶，有幾塊炸魚皮會食到硬硬細細粒鹹蛋黃，影響口感。🔥 重慶水煮魚鴨血米線 +小食 + 飲品 $108相比之下，重慶水煮魚米線比較普通，味道偏淡，麻同辣味道都唔太夠。😋 小食 - 桂花蜜糖雞翼

星期日經過黃埔順路搵餐廳食dinner, 最後選擇朋友推介既原作養生湯米線。夜晚7點幾去到餐廳，需要等位4-5張枱，大約20分鐘左右就可以入座，鋪面不大，被安排坐長檯中間，位置有點迫。蟲草花花膠雞米線(晚市set) $98用砂鍋上 但湯底唔夠熱，湯底清甜唔會太濃，花膠口感較爽（個人鐘意稔D)，雞約4件 比左雞髀位所以都好滑。桂花蜜雞翼 （晚市set) 炸雞翼淋上桂花蜜，雞翼炸得脆 桂花蜜唔會太甜。檸檬柑桔 （晚市set)朋友飲表示無咩味🥲胡椒豬肚雞米線 $68朋友推薦呢個湯底，胡椒味好濃，米線，夾雜好多胡椒碎粒，呢個湯夠熱！豬肚同肚就普通。如果湯底可以加埋鹹酸菜就好喇！黃金魚皮 $35每塊魚皮包滿鹹蛋黃，好食好邪惡。埋單total $201, 總結經過可以試下，但未必會特登去了。

早幾日返左學校 然後夜晚行去黃埔嗰邊食晚飯 見到呢間想試好耐嘅米線 因為見到佢有花膠 我真係超級超級超級鍾意食花膠的😍😍 食完覺得真係幾好食 同埋佢有套餐 所以可以配小食嘢飲 感覺上抵左😂😂 推介一下先😋.🐷A餐 蟲草花膠雞湯米線 👅8.5/10 $98首先 我係將個米線轉咗做薯粉嘅✌🏻 因為我係比較鍾意食薯粉 （當然啦米線都OK） 裏面非常足料 有杞子、蟲草、花膠等 個湯唔會好鹹 幾好飲呢 睇落去亦都非常養生😂😂 另一方面 佢有幾舊大大嚿嘅花膠 鍾意食花膠嘅人 可以嚟試吓 我係非常鍾意食花膠 我覺得佢啲花膠都OK嘅 未去到話超級正 阿媽平時煲湯嗰啲正啲😂😂 不過都OK 啲雞都有幾舊 有一嚿仲係雞翼 算係幾滑 👍🏻 不錯呀 最抵讚都係佢個湯底🤩.🐷B餐 星加坡胡椒豬肚雞米線 👅8/10 $98呢個係屋企人叫嘅 兩位屋企人都叫呢一個 我就試咗幾啖 覺得胡椒嘅味道唔算超級濃烈 豬肚同埋雞嘅份量都幾多下 個湯底好似平時阿媽煲開嗰啲湯 米線嘅份量都ok 但係好似蟲草花膠雞會多啲料咁樣😂😂.🐷桂花蜜糖雞翼 （3隻） 👅8/10 （跟餐）蜜糖落得好大方 但其實係食唔晒咁多蜜糖😂😂 雞翼個皮係幾脆

紅磡養生湯麵店，叫咗招牌海龍皇湯米線$138、桃膠椰子雞湯米線$68、套餐蟲草花膠雞湯米線$98、套餐星加坡胡椒豬肚雞湯飯$98、套餐小食係桂花蜜糖雞翼（三隻）及鮑汁扒時蔬、餐飲係自家製羅漢果茶，整體湯底也不錯，海龍皇湯唔係濃湯，唔會好鹹，桃膠椰子雞湯椰汁味幾出，但唔會好膩好奶咁，蟲草花膠雞湯就正常湯味，唔會話好特別，胡椒豬肚湯胡椒味幾出，辣辣地但唔會好搶喉，非常適合冬天食，湯嘅溫度唔太熱，如果熱啲好啲，雞都算滑，但雞嘅份量比較少，桃膠都只係得啲桃膠碎，花膠都淋身，服務方面也不錯，有特別關心老人家，整體而言ok.#養生#湯#米線#晚飯#dinner#紅磡#黃埔#雞#🐔

原作養生湯米線 🍜評分：🌕🌕🌕🌗🌑食得太多西餐？中餐亦得✅ 位於紅磡黃埔既地區小店 - 原作養生湯米線就好受街坊觀迎，聽閒龍蝦/ 鯛魚米線都係生招牌，不過今日試試最純粹簡單既雞湯米線😋· 蟲草原作養生雞湯米線放係砂煲中既雞湯米線，比人第一印象就係實在☺️ 足料其一、蟲草養生、雞肉嫩滑、價格實惠，難得甚受街坊觀迎👍· 桂花蜜香烤雞翼蜜糖烤雞翼就食得多，桂花碎鋪在面卻係少見🧐 卻估唔到係點晴之作，桂花味道很清香，有效地帶走烤雞翼既油膩 ✨Overall 抵食嘅

東江沙薑雞，標價$68/例牌，$128/半隻。一晚念住買個例牌東江雞，兩個人加個青菜就搞掂，點知翻去打開得4.5件雞，平均$15.x/件，e個價錢食KFC都大件過佢，標血水都算。叫雞飯/米線都有4件啦，使乜叫例牌！大家叫外賣要謹慎！（外賣盒加兩蚊)呃呃呃呃呃呃呃呃呃呃呃呃呃呃呃呃呃呃呃呃呃呃呃呃呃呃呃呃呃呃

今日叫咗兩個餐，一個係鯛魚片龍蝦湯泡飯配洛神花茶，杯茶冇乜味，個湯勁咸，同埋吉列大蝦，條蝦勁細隻，被拉長身勁細隻個種，一個就係蟲草花膠雞湯米線配炸魚皮，好脆同埋檸檬柑橘，一般，花膠好似橡筋，啲雞又好油，杯嘢飲又冇乜味

慶祝相識十週年，大家一齊決定要食呢間超好味米線。套餐叫左胡椒豬肚雞米線，雞超滑又入味，胡椒湯辛辣惹味，好暖胃。海龍皇米線超鮮甜，帶子好大粒，龍蝦肉爽。推介要食桂花蜜雞翼，炸到好脆，甜甜地，一啲都唔漏。

推薦： 🍉🍉🍉 (5/5)    味道： 🍉🍉🍉 (3/5)      價錢： 🍉🍉🍉 (3/5)    打卡： 🍉🍉 (2/5)    位置： 🍉🍉🍉 (3/5)    回訪： 🍉🍉🍉 (3/5)   招牌海龍皇湯米線 $138 🍉🍉因為YouTube睇完介紹片之後嚟試，YouTuber形容到好誇張地好食，驚為天人咁濟，所以$138一碗米線都揸實個拳頭叫咗嚟試🙈 店家話個湯底以新鮮蝦、蝦子、花蛤、龍蝦熬製8個鐘而成，無加味精，個味道係點呢，exactly就係大家想像嘅龍蝦湯味道，一模一樣，我個人覺得完全無驚喜，講到用咗咁多海鮮，但係唔覺得海鮮嘅鮮味好突出，跟米線一齊上嘅龍蝦亦都唔知係咪因為熬咗湯，所以肉質已經唔彈牙，有少少韌，menu張米線圖仲有其他海鮮裝滿哂成碗亦都係圖片只供參考(我個碗淨係得2粒帶子+2粒蜆)，不過無味精就應該係真嘅，食哂成碗之後都唔會覺得口渴，只係可能我期望太高🙈酸辣牛魔皇米線 $62 🍉🍉呢個就比較普通，個酸辣湯底唔係熬出嚟，而係普通湯底+辣油+炸醬榨菜，不過牛肉都幾好，份量都幾多，食落幾嫩滑，唔韌油醋海蜇花 $58 🍉🍉🍉勝在海蜇花本身口感夠特別，好彈牙，同

近年黃埔多咗好多好嘢食，除咗美食坊之外，靠近海濱南岸嗰邊嘅地舖，以前多數係傳統嘅商務公司，近年大翻新大執位，大部份地舖變晒食肆，好熱鬧，就响平治車廠行出少少，有機會值得去搵吓好嘢食！今次叫咗兩個晚市套餐，一個係星加坡胡椒豬肚湯雞米線，配鮑汁時蔬及洛神花茶（$98），另一個係鯛魚片龍蝦湯泡飯，配麻辣鴨血及金桔蜜（$118），胡椒豬肚湯堅有點辣，但味道都唔錯，至於龍蝦湯，冇得輸啦，好難整得唔好食，魚片都好滑，整體感覺唔錯，美中不足係小食包括時蔬及鴨血冇乜味，要改善啊~~

今晚同屋企人揀左呢間米線試下，我地三個叫左：蟲草花膠雞湯米線 (8/10)配 桂花蜜糖雞翼 (9/10) ($98)舖頭聲稱無落味精，飲湯後的確唔覺得口渴，而且幾清甜。雞同花膠份量都唔少，雞係由三件雞肶，再加一小件雞胸組成，雞肶肉都幾滑。花膠幾彈口，唔太腥，整體味道唔錯桂花蜜糖雞翼：雞翼係炸嘅，外皮有少許脆，點桂花蜜糖食，配搭甜甜地，有桂花香，幾好吃跟餐洛神花茶：好甜 , 都有洛神花味嘅燕窩椰子雞湯米線 ($108, 8.5/10): 椰香味都足夠，雞都幾滑，椰子雞湯比原味雞湯更正，但覺得價錢略貴涼拌土豆絲 ($25, 6/10): 中規中矩，上面只有少量辣汁，辣味非常輕微 黑松露煙燻溏心蛋 ($15, 4/10): 完全冇黑松露味，感覺就似係一隻普通嘅溏心蛋

下晝兩點幾，鋪頭都非常多人，座位亦都比較擠迫，有幾款午餐，不過價錢偏貴，平均$100左右，今次叫了海南雞飯，小食揀選蜜汁炸雞翼，配台灣熱咖啡。先講主食，海南雞不太肥，但肉質比較鞋口唔滑，無雞味，但配菜的雞雜（雞腎及雞潤）有驚喜，雞腎爽口之餘雞潤夠淋，無那種內臟味，不禁令我想起兒時媽媽煮雞時的雞雜味道，當然媽媽煮的比此店更好，因身體健康狀況好耐無食雞內臟，所以一試。雞翼方面，炸得外脆內熱剛剛好，小心熱。而台灣熱咖啡與中式餐廳的味道不同，偏甜亦無無苦澀味。

推薦指數 4/5唔好以為健康=冇味呢間原作米線賣既係養身靚湯 啱晒追求健康同埋鍾意飲湯嘅香港人蟲草花膠雞湯米線：清甜冇味精嘅湯底 配搭米線已經好吸引 不過雞件就唔係太出色 就好似平時嘅白切雞咁招牌海龍皇湯配米線：鍾意味道濃郁啲既可以選擇呢款 湯底飲落有鮮味 係會令人想一啖接一啖食落去既米線 食材方面都係正正常常 可能拎咗嚟熬湯嘅海鮮出到尼都唔會特別正整體來講 為咗個湯底 我都會想再食一次

睇YouTube見YouTuber介紹呢間既招牌海龍皇泡飯好正咁，本身自己好鐘意食龍蝦，於是就去試吓啦～ 桃膠椰子雞湯米線 $68好香椰子味！ 湯底清甜，對比招牌海龍皇泡飯個湯底，呢個湯底較淡味～ 飲晒成個湯都唔會覺得口渴👍🏻 入面有杞子、蟲草花、雞肉同桃膠，好滋補！招牌海龍皇泡飯 $138龍蝦爽口彈牙，有鮮味！😍個湯底好味到不得了！蝦湯底非常濃郁，一上枱就聞到好香嘅蝦味～佢地加咗脆米落泡飯到，幾特別～黃金炸魚皮 $35大大塊即叫即炸既魚皮，超級香鹹蛋黃味！食落超脆口！好岩同朋友share食🤤環境舒服，店員服務態度好好👍🏻 本身仲想試個海蜇花，晏晝去到已經冇晒～店員話下次想食嘅時候可以打電話嚟問吓先，可以叫佢哋預留定當日你嚟食～