原作養生湯米線

營業中

休息中

YouTuber吹大左，食完個湯好一般，唔寫太長，唔值。食個雞湯麵，面質一般，雞少又唔係滑，然後湯又係普通。中肯講唔係難食，但唔係吹到好食，見到龍蝦好梅。最後一句，座位唔好坐。完

女朋友係YouTube 睇到介紹呢間米線，講到勁誇張咁好食，見到OpenRice 又勁多人like，一心諗住去試下咩料。叫左兩碗米線、兩個小食，個湯正常好普通少淡唔算靚湯，都唔係d YouTuber 咁講到咁好味，米線都係正常，唔覺特別好食。海蜇花又講到好特別，唔…好普通啫。之後食桂花蜜糖雞翼，個味都可以嘅，但出晒血喎⋯⋯ 但YouTuber吹到咁大會有反效果囉，期望落空呀！！！老老實實，我唔會介紹人去食，CP值底

專登午市去食，午市套餐真係好抵，當中包括主食、小食同埋飲品，仲免+1添！啲料好足，食到好飽！環境又唔錯，食物質素又幾好，服務態度都幾好，好推薦大家去食，補補身體！

花膠雞湯米線，個湯底好飲每次黎都差唔多飲曬，米線好滑，個雞都唔同急凍雞咁冇味同難咬，另外推介桂花蜜糖雞翼，炸得脆，個汁又唔會太甜同膩，又有d桂花香味，餐廳仲播流行歌，係到食野感覺幾chill

花膠雞湯米線，個湯底幾好飲，每次黎都會飲曬，個米線都好滑，佢呢到主打雞，個雞味都唔錯，唔似出面急凍冇味雞咁又難咬同冇味，每次黎都會叫埋佢個桂花蜜糖雞翼，炸得脆，個汁又啱啱好唔會太甜同膩，仲帶點桂花香，真心推介👍🏻另外餐廳背景播住流行歌，一路食一路聽歌感覺好舒服😌

今日lunch想食啲濕少少嘅嘢 本身諗住去食拉麵嘅🤓 但係同事介紹紅磡有呢一間食養生湯米線嘅餐廳 於是就嚟咗嚟嘅呢日係落雨天 所以lunch hour 餐廳都唔多人食🧐 所以都坐得幾舒服 呢度嘅米線價錢都算偏貴 不過一場嚟到都試吓啦😄蟲草花膠雞湯米線呢個湯底真係好養生啊☺️ 見到有蟲草花同埋杞子 仲要有幾塊花膠 不過花膠係橙色嘅都係第一次食😂 食落口一樣都係幾有膠質 有少少黏口 湯底飲落都幾有雞味 唔會太鹹 感覺更加輕盈💫 雞件係雞髀嘅部份 所以都幾嫩滑🐥 原味脆魚皮呢個魚皮同出面街買$10一包嘅質素一樣 不過浸湯都幾好食😋 不過跟餐嘅所以都冇所謂整體來講呢間米線一定健康過食拉麵好多 而且味道都唔差 想健康啲嘅朋友不妨嚟呢度試吓 可以食到一個又健康又美味嘅午餐🥣

之前吃原作的沙薑雞飯, 味道不錯但份量偏少, 它的午市套餐在差不多價錢下有小菜及餐飲, 還算可以. 先說其小菜, 麻辣鴨血口感爽實, 麻度比辣度高, 吃起來並不辛苦但也夠惹味. 桂花雞翼炸得相當香炸, 炸彈皮有點厚, 肉汁不多但肉質不算乾柴, 桂花醬甜中帶花香, 只是略嫌這樣的做法有點膩.麵食的蟲草花雞湯相當濃稠, 喝起來相當潤, 雞鮮味舒服, 花膠夠腍, 份量不少. 雞肉嫩滑, 胸肉位置為主, 而骨位不多, 吃起來夠飽足. 麵或米粉線煮得頗多腍, 幸好未糊化. 至於龍蝦濃湯鹹鮮味重, 加上較為Luxurious的鯛魚, 整體又上了另一個層次.The noodles from original noodles are much better than her rice. The chicken soup is so rich and thick that taste so lovely. The noodles are quite soft in texture and it is easy for the elderly to eat. The chicken is mainly b

從未寫過食評，今次第一次真人真事，唔想再有人以為這間咁養生咁好食。話說有朋友話要加飯，個 waiter 諗一陣只話 "哦", 見個 waiter 表情唔對路，到張單出先發現要加 "$15" ... ... 但餐版都又唔見話要加 "$15", Waiter 又無講要加咁多錢。服務態度差。雞件數量又少到好似唔想比咁，米線又淋唔好食，仲又話養生，個湯勁多味精，食完勁口渴。重要又唔係平，平就話比少啲姐，大佬比得咁嘅價錢佢對唔對得住個餐呀。重點這間永遠不會再嚟食。

啲米線好淋，完全冇口感，啲雞好鞋，湯底冇乜特別，差唔多成一百蚊碗，唔多值。個老闆定唔知經理對員工態度很差，不停呼呼喝喝，睇見都炆憎。店舖環境擠逼，細細間鋪擺到啲枱好密集，啲員工行嚟行去，就算坐喺度到都好易比行過呃人hi到。希望可以改善下，先對得住啲野食嘅價錢。

放坐位太多，路口太窄，人多時坐路口位經常與店員互碰！湯底不夠熱，因為想你快點吃完下一位！超商業味！食品一般！如果你趕時間就去試試！花膠有點假！不過紅磡又真係得佢一間湯飯店！

係門口好熱情問幾多位見唔洗等位就同朋友入去食入到去明明有一張長檯全空但係就要兩個本身坐四人檯又就快食完嘅女仔拎起個手袋讓比我地搭檯叫左三樣食物奶油津白：好似食緊水煮娃娃菜 $48不如自己買返屋企自己水煮無咁嬲黃金雞翼：正常發揮，都新鮮香口海龍皇米線：個湯好似溝左水，龍蝦唔新鮮，米線淋到無牙都食到食緊碟菜嘅時候，隔離女仔食完，我地第一次起身讓比佢地出坐返底，姐姐又要我地讓比佢地執檯，起身第二次跟住開始食米線，唸住個場都半空，無理由又要我地起身讓俾人入咁白痴啦但係食到一半，安排位果個人唔知係唔係有強迫症，係都要我地起身讓另外兩位啱啱入黎嘅客人入座，隔離長檯都係唔俾人坐嘅，又要企起身第三次我地就忍唔住話個店員：我地食一餐飯要係咁起身，好唔方便店員話：你地唔洗再起身架啦我地就話：咁隔離食得快過我地，我地咪要起身囉結果隔離只係叫左碟口水雞加兩個白飯Share，我地拆完隻龍蝦鉗D肉，佢地已經食完於是我地就要起身第四次，讓隔離出再企係度等姐姐抹完檯先可以坐返底其實我地都只係食左一個鐘，唔係坐係度吹水唔走，唔知點解要係咁起身坐底先食得完餐飯個人就感覺極度唔良好食物味道又普通，價錢又貴食到一半已經決定以

見到呢間餐廳係 open rice 有好多好評，就決定試吓，點知嬲到震，以後都唔會再幫襯。28/1 今日同朋友大概7:00pm 到餐廳當時餐廳大概只有坐滿一半人。企門口帶位嘅店員，逼人一定要坐四個人嘅卡位搭枱，唔俾我哋坐去空枱。當時我哋坐咗喺門口嗰張枱嘅外面。我同朋友order左以下食物，一個龍王湯米線 138一客黃金雞翼 39一客奶油津白 48大概7:15pm左右，雞翼到達後，隔離入面嗰枱嘅兩個人就要離開，令到我哋食食下要企起身。坐低後，過咗5分鐘，有一個清潔嘅店員又要入嚟清潔入面嗰張枱，我要起第二次身。到7:30pm左右，米線亦都到達，食左2啖，湯底普通，好多水，但米線質地超級冧，非常難食，簡直係不知所謂。 在此同時，剛剛帶位嘅店員，又安排兩個人坐喺我隔離，明明餐廳只係坐滿一半人，又要逼我企起身，今次係第三次。當時候，我已經表達左不滿，反映過後，店員同我講唔需要亦都唔會再企起第四次身。到8:00pm，入面嗰枱已經食完，令到我要再企起第四次身。食物唔好食，服務態度非常惡劣，同老闆反映後，佢亦都係聽完就算，非常hea，完全冇諗過作出改善，喺呢度勸喻大家千祈唔好幫襯，不要被騙。

大隻仔今次覓食嘅店舖就係💥 原作養生湯米線 💥 大隻仔好鍾意飲椰子雞湯，唔太鍾意食重味精食物，餐廳名字叫「原作養生」正合大隻仔心意。😋😋「原作養生湯米線」係黃埔知名餐廳，午市、晚市都長期排隊，大隻仔當日就排咗半個鐘多。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 桃膠椰子雞湯米線 $68椰子湯底好好飲，冇落味精，食完米線可以飲埋碗湯，椰子湯底比較清甜，有椰子味，飲落覺得應該有落椰漿。配料有蟲草花、杞子、桃膠同雞件。雞肉未去到好嫰滑但不乾不柴，桃膠不夠淋，大隻仔覺得唔落桃膠會好食啲，米線煮得岩岩好，不會太淋，幾好食，值得推介。🔥 黃金炸魚皮 $35炸魚皮夠脆，鹹蛋醬汁夠多，可以包滿每塊炸魚皮，味道夠濃烈，幾好食，少少可惜係鹹蛋醬汁冇完全煮溶，有幾塊炸魚皮會食到硬硬細細粒鹹蛋黃，影響口感。🔥 重慶水煮魚鴨血米線 +小食 + 飲品 $108相比之下，重慶水煮魚米線比較普通，味道偏淡，麻同辣味道都唔太夠。😋 小食 - 桂花蜜糖雞翼

星期日經過黃埔順路搵餐廳食dinner, 最後選擇朋友推介既原作養生湯米線。夜晚7點幾去到餐廳，需要等位4-5張枱，大約20分鐘左右就可以入座，鋪面不大，被安排坐長檯中間，位置有點迫。蟲草花花膠雞米線(晚市set) $98用砂鍋上 但湯底唔夠熱，湯底清甜唔會太濃，花膠口感較爽（個人鐘意稔D)，雞約4件 比左雞髀位所以都好滑。桂花蜜雞翼 （晚市set) 炸雞翼淋上桂花蜜，雞翼炸得脆 桂花蜜唔會太甜。檸檬柑桔 （晚市set)朋友飲表示無咩味🥲胡椒豬肚雞米線 $68朋友推薦呢個湯底，胡椒味好濃，米線，夾雜好多胡椒碎粒，呢個湯夠熱！豬肚同肚就普通。如果湯底可以加埋鹹酸菜就好喇！黃金魚皮 $35每塊魚皮包滿鹹蛋黃，好食好邪惡。埋單total $201, 總結經過可以試下，但未必會特登去了。

早幾日返左學校 然後夜晚行去黃埔嗰邊食晚飯 見到呢間想試好耐嘅米線 因為見到佢有花膠 我真係超級超級超級鍾意食花膠的😍😍 食完覺得真係幾好食 同埋佢有套餐 所以可以配小食嘢飲 感覺上抵左😂😂 推介一下先😋.🐷A餐 蟲草花膠雞湯米線 👅8.5/10 $98首先 我係將個米線轉咗做薯粉嘅✌🏻 因為我係比較鍾意食薯粉 （當然啦米線都OK） 裏面非常足料 有杞子、蟲草、花膠等 個湯唔會好鹹 幾好飲呢 睇落去亦都非常養生😂😂 另一方面 佢有幾舊大大嚿嘅花膠 鍾意食花膠嘅人 可以嚟試吓 我係非常鍾意食花膠 我覺得佢啲花膠都OK嘅 未去到話超級正 阿媽平時煲湯嗰啲正啲😂😂 不過都OK 啲雞都有幾舊 有一嚿仲係雞翼 算係幾滑 👍🏻 不錯呀 最抵讚都係佢個湯底🤩.🐷B餐 星加坡胡椒豬肚雞米線 👅8/10 $98呢個係屋企人叫嘅 兩位屋企人都叫呢一個 我就試咗幾啖 覺得胡椒嘅味道唔算超級濃烈 豬肚同埋雞嘅份量都幾多下 個湯底好似平時阿媽煲開嗰啲湯 米線嘅份量都ok 但係好似蟲草花膠雞會多啲料咁樣😂😂.🐷桂花蜜糖雞翼 （3隻） 👅8/10 （跟餐）蜜糖落得好大方 但其實係食唔晒咁多蜜糖😂😂 雞翼個皮係幾脆