原作養生湯米線

營業中

休息中

推薦： 🍉🍉🍉 (5/5)    味道： 🍉🍉🍉 (3/5)      價錢： 🍉🍉🍉 (3/5)    打卡： 🍉🍉 (2/5)    位置： 🍉🍉🍉 (3/5)    回訪： 🍉🍉🍉 (3/5)   招牌海龍皇湯米線 $138 🍉🍉因為YouTube睇完介紹片之後嚟試，YouTuber形容到好誇張地好食，驚為天人咁濟，所以$138一碗米線都揸實個拳頭叫咗嚟試🙈 店家話個湯底以新鮮蝦、蝦子、花蛤、龍蝦熬製8個鐘而成，無加味精，個味道係點呢，exactly就係大家想像嘅龍蝦湯味道，一模一樣，我個人覺得完全無驚喜，講到用咗咁多海鮮，但係唔覺得海鮮嘅鮮味好突出，跟米線一齊上嘅龍蝦亦都唔知係咪因為熬咗湯，所以肉質已經唔彈牙，有少少韌，menu張米線圖仲有其他海鮮裝滿哂成碗亦都係圖片只供參考(我個碗淨係得2粒帶子+2粒蜆)，不過無味精就應該係真嘅，食哂成碗之後都唔會覺得口渴，只係可能我期望太高🙈酸辣牛魔皇米線 $62 🍉🍉呢個就比較普通，個酸辣湯底唔係熬出嚟，而係普通湯底+辣油+炸醬榨菜，不過牛肉都幾好，份量都幾多，食落幾嫩滑，唔韌油醋海蜇花 $58 🍉🍉🍉勝在海蜇花本身口感夠特別，好彈牙，同

近年黃埔多咗好多好嘢食，除咗美食坊之外，靠近海濱南岸嗰邊嘅地舖，以前多數係傳統嘅商務公司，近年大翻新大執位，大部份地舖變晒食肆，好熱鬧，就响平治車廠行出少少，有機會值得去搵吓好嘢食！今次叫咗兩個晚市套餐，一個係星加坡胡椒豬肚湯雞米線，配鮑汁時蔬及洛神花茶（$98），另一個係鯛魚片龍蝦湯泡飯，配麻辣鴨血及金桔蜜（$118），胡椒豬肚湯堅有點辣，但味道都唔錯，至於龍蝦湯，冇得輸啦，好難整得唔好食，魚片都好滑，整體感覺唔錯，美中不足係小食包括時蔬及鴨血冇乜味，要改善啊~~

今晚同屋企人揀左呢間米線試下，我地三個叫左：蟲草花膠雞湯米線 (8/10)配 桂花蜜糖雞翼 (9/10) ($98)舖頭聲稱無落味精，飲湯後的確唔覺得口渴，而且幾清甜。雞同花膠份量都唔少，雞係由三件雞肶，再加一小件雞胸組成，雞肶肉都幾滑。花膠幾彈口，唔太腥，整體味道唔錯桂花蜜糖雞翼：雞翼係炸嘅，外皮有少許脆，點桂花蜜糖食，配搭甜甜地，有桂花香，幾好吃跟餐洛神花茶：好甜 , 都有洛神花味嘅燕窩椰子雞湯米線 ($108, 8.5/10): 椰香味都足夠，雞都幾滑，椰子雞湯比原味雞湯更正，但覺得價錢略貴涼拌土豆絲 ($25, 6/10): 中規中矩，上面只有少量辣汁，辣味非常輕微 黑松露煙燻溏心蛋 ($15, 4/10): 完全冇黑松露味，感覺就似係一隻普通嘅溏心蛋

下晝兩點幾，鋪頭都非常多人，座位亦都比較擠迫，有幾款午餐，不過價錢偏貴，平均$100左右，今次叫了海南雞飯，小食揀選蜜汁炸雞翼，配台灣熱咖啡。先講主食，海南雞不太肥，但肉質比較鞋口唔滑，無雞味，但配菜的雞雜（雞腎及雞潤）有驚喜，雞腎爽口之餘雞潤夠淋，無那種內臟味，不禁令我想起兒時媽媽煮雞時的雞雜味道，當然媽媽煮的比此店更好，因身體健康狀況好耐無食雞內臟，所以一試。雞翼方面，炸得外脆內熱剛剛好，小心熱。而台灣熱咖啡與中式餐廳的味道不同，偏甜亦無無苦澀味。

推薦指數 4/5唔好以為健康=冇味呢間原作米線賣既係養身靚湯 啱晒追求健康同埋鍾意飲湯嘅香港人蟲草花膠雞湯米線：清甜冇味精嘅湯底 配搭米線已經好吸引 不過雞件就唔係太出色 就好似平時嘅白切雞咁招牌海龍皇湯配米線：鍾意味道濃郁啲既可以選擇呢款 湯底飲落有鮮味 係會令人想一啖接一啖食落去既米線 食材方面都係正正常常 可能拎咗嚟熬湯嘅海鮮出到尼都唔會特別正整體來講 為咗個湯底 我都會想再食一次

睇YouTube見YouTuber介紹呢間既招牌海龍皇泡飯好正咁，本身自己好鐘意食龍蝦，於是就去試吓啦～ 桃膠椰子雞湯米線 $68好香椰子味！ 湯底清甜，對比招牌海龍皇泡飯個湯底，呢個湯底較淡味～ 飲晒成個湯都唔會覺得口渴👍🏻 入面有杞子、蟲草花、雞肉同桃膠，好滋補！招牌海龍皇泡飯 $138龍蝦爽口彈牙，有鮮味！😍個湯底好味到不得了！蝦湯底非常濃郁，一上枱就聞到好香嘅蝦味～佢地加咗脆米落泡飯到，幾特別～黃金炸魚皮 $35大大塊即叫即炸既魚皮，超級香鹹蛋黃味！食落超脆口！好岩同朋友share食🤤環境舒服，店員服務態度好好👍🏻 本身仲想試個海蜇花，晏晝去到已經冇晒～店員話下次想食嘅時候可以打電話嚟問吓先，可以叫佢哋預留定當日你嚟食～

下午放lunch，之前晚市都好想食呢間養生米線喎試一試！咁今日終於可以試番，餐牌唔算多選擇，但我覺得已經好足夠，如果係重質不重量嘅的話。我揀咗個蟲草花膠雞湯、配米線：份量都幾多，真係好足料！D雞仲好嫩滑，好多肉蟲草花、杞子、好滋補花膠都有兩三大嚿，花膠係唔同平時白色嗰隻，呢隻厚好多，而且係偏橙色，係爽口既質地。湯帶有雞味同花膠creamy質感，飲落好舒服！唔咸！冇味精味！米線同出面食既都唔同，呢隻係偏煙韌、彈牙有咬口！我鐘意！一邊食、一邊飲住湯～一d都唔口渴配料加咗黑松露糖心蛋：蛋好入味、香黑松露嘅味道都幾好餸麵！配埋嘢飲羅漢果茶：好配搭！總結：都冇失望既～ 下次可以試埋其他款式！

整體係「整為普通、又貴」用料好似好高級，食落去其實都係雪藏貨，唔值！海蜇花較為特別，$58可以試一次，一次好啦！「麻辣鴨血」，唔香、唔麻、唔辣，我會形容為「有咸味既鴨血」，唔食唔可惜，食左會後悔，求其超市買盒台式即食鴨血仲好食，仲抵食！「蟲草花雞湯米線」唉😮‍💨飲第一啖湯，就自然講出「下？好普通咋喔，$68？」有味湯底囉！雞係幾好食，厚肉，白切雞/ 鹽焗雞既味！「鯛魚片龍蝦湯泡飯」魚片好腥，帆立貝好勁雪藏味而家食完勁口渴！總結：食過一次，唔會再食下一次；可以返轉頭嘅話，連第一次都唔會食

朋友仔介紹，一於黎試下，佢話有時要等位等好耐，好彩我去嗰日唔算多鮑魚雞桃膠米線正👍🏻湯都飲晒🤣魚皮都好味，夠脆👍🏻雞翼就唔太食到桂花味，蜜糖就一定有🤣

經過幾次依間米線舖都想試～見佢寫到養生咁巴閉可能期望高咗所以失望招牌海龍皇湯米線依碗簡直係照騙同相片好大出入～湯底食落似有蝦味嘅雞湯咁～照片中嘅芫荽都係唔見咗～龍蝦肉都幾鮮甜不過好細隻冇咩肉～味精份量應該唔算好多～但係食完都會口渴超級迷你蜆肉同照片中原隻連殼嘅有出入～仲要係急凍貨勁細粒味道奇怪砂煲爛成咁都繼續用會唔會有食物安全問題？蟲草花膠雞湯米線鷄湯底～有4舊半生熟雞件～少量蟲草花、杞子、薄花膠 花膠幾爽不過本身已經好薄仲要切到咁細條麻辣鴨血夠辣味道麻麻好多味精如果依個價錢咁嘅質素～配料咁嘅份量真係唔抵食～ 冇下次

醉雞小食，一盒有4大件。一打開個蓋就聞到好香的酒味，亦都食到幾濃味😋隻雞肉質好滑，仲要係雞髀肉，正👍🏻星加坡胡椒豬肚雞薯粉個胡椒湯好好味！好夠胡椒香，又唔會好辣啱晒我。啲雞肉都唔會煮到鞋口，薯粉好煙靭，只是豬肚口感差少少，整體好好食，推薦👏👏

本身對於佢哋嘅米線都幾大期望😂話晒呢間餐廳都係主打米線系列佢哋通常都係套餐一個米線或者湯飯然後配一個小食同一杯嘢飲蟲草花膠雞湯米線雞肉嫩滑👍🏻湯底嘅話適合一啲鍾意清淡嘅朋友米線嘅話就煮耐左少少🥲我食咗個麵一半已經冇食到炸魚皮☺️☺️本身對佢哋嘅炸魚皮冇乜特別大嘅期望但係食落口之後 竟然有驚喜🤩魚皮夠晒薄身 味道啱啱好點少少湯擺落口食簡直冇得彈麻辣鴨血味道有少少淡未食到有麻辣嘅味道但係鴨血係滑嘅

𝕎𝕙𝕠𝕞𝕡𝕠𝕒 • 原作養生湯米線 🦞📍紅磡必嘉街𝟙𝟚𝟘號黃埔花園三期翠楊苑地下𝟛𝟜號舖:::::::::::::::::::::::::::::: 誠意推介之黃埔人氣「原。作」米線 - @originnoodlehk 以真材實料熬製每碗湯麵，絕無味精，健康養顏～ 🦞 招牌海龍皇湯脆米泡飯 $138招牌必食而隆重期待的龍蝦湯飯！！！湯底以新鮮波士頓龍蝦、蜆肉、海蝦🦐熬製8個鐘而成，濃郁鮮甜；配料豐富，有半隻龍蝦之餘，還有日本剌身級帶子⚪️、帆立貝，配上香口脆米及粟米粒🌽，性價比高！🐔 桃膠椰子雞湯米線 $68奶白色的湯底，陣陣椰子香氣！雞件有齊雞髀、雞肉及雞翼，米線滑口，誠意之作！💯🌸 油醋海蜇花 $58有幸一試當晚最後一碟海蜇花！餐廳招牌開胃涼拌，口感爽彈，配上芝麻及油醋汁。🐡黃金炸魚皮 $35鹹蛋迷必點！酥脆鹹香的炸魚皮～🍗桂花蜜糖雞翼 $25/3隻皮脆肉嫩的雞翼，配上蜜糖桂花醬汁，鹹甜得宜。❤️洛神花茶 ＋$9酸酸甜甜，清爽解渴。

在理工紅磡灣校園教書前, 想吃個Quick Lunch/Dinner, 可以到隔離的黃埔花園, 食肆的數量和選擇也不少. 今次來到原作, 沒有見到它的米線, 反而點了鹽焗雞飯, 有湯, 有餐飲, 大約七十多元, 還算可以. 餐湯是椰子雞湯, 相當清甜和開胃, 這有點驚喜.鹽焗雞飯的飯是普通白飯, 而不是雞油飯, 這就有點可惜. 雞肉件數一般, 幸好雞肉有鮮味, 雞皮爽彈, 沒有死咸而咸度適中. 有雞雜供應，更令我驚喜, 除了越來越罕見外, 也證明這裏的雞相對新鮮, 雪藏雞和冰鮮雞很難有新鮮的雞雜供應呢! 附加$12的小食, 只有兩件的魚片頭, 有點呻笨, 下次可以不點.Origin Healthy Rice Noodles is one of the restaurant I will visit before the time of lecture at PolyU. I don’t try the rice noodles this time but I try the salty baked chicken. The coconut chicken soup is nice an

//< 原作養生湯米線 >小編係黃埔食lunch，上網睇呢間好似幾養生幾足料就黎食喇😆平日lunchtime都要排隊呢！————————————- 蟲草花叫雞湯米線 $78 -呢個米線有四大舊雞，三舊幾厚肉既花膠仲有一堆蟲草花同杞子😋 湯底呈奶白色，有點奶香味～ 雞件入味唔會太韌！花膠膠質幾重，米線滑身唔會太淋！整體非常不錯喔🥰————————————- 黑松露溏心蛋 （兩件）-溏心蛋幾流心，似係用酒輕輕浸過，帶有微微酒味！上面有少少黑松露，夾唔夾就見人見智🤣————————————- 凍洛神花茶 -呢度既洛神花茶果味濃，好夠味！酸酸甜甜非常解暑😎————————————評分：7.5/10地址：紅磡必嘉街120號黃埔花園三期翠楊苑地下34號舖營業時間：星期一至日11:00-23:00