原作養生湯米線

營業中

休息中

見到網上很多人話味道很好，滿心期待去食，小店形式所以坐得比較擠迫，但是衛生情況不太好，因為他給我們的碗未洗乾淨我哋叫咗招牌海龍王湯米線，湯一啲都唔香濃，沒有龍蝦味道，味道也不覺得很好，非常普通，非常失望所以唔記得影相醉雞雖然肉質滑伯但完全唔入味鹹蛋炸魚皮這個不錯好味香脆桂花蜜糖雞翼係剛剛炸好，雖然桂花蜜糖味道應該清香，但係都不是完全冇咩味，非常普通，我自己覺得價錢不是便宜但係食物質素唔高，味道普通，名過於實，太失望😮‍💨

最近有明星介紹呢間米線店，評價好好，於是去食下，8月6號星期六大概夜晚6點幾去到，已經好多人排緊隊等叫號，大概等左大半個鐘就入得。入去之後，侍應又無主動遞餐牌，到叫餐既時候，先話好多主打菜式都無，所有海龍皇湯都無，黃金炸魚皮又無，海蜇花又無，連某d款式米線都無，呢個情況下，你應該係門口一早通知等飛既客人，唔洗人地咁熱等左大半個鐘入到去坐，大部分signature都無得食。🥢最尾叫左2碗米線🍜桃膠椰子雞湯米線 $68賣相ok，雞有大概5件，有髀位，肉嫩滑有雞味，雞既顏色都靚，米線口感正常唔硬唔太淋，湯底係充滿椰子味，但雞味其實係無嘜，成個湯都比椰子味蓋過哂，如果餐廳係主打靚湯，我覺得就稍為遜色🍜桃膠鮑魚雞湯米線 $95呢個係餐牌上推介既，賣相ok，今次雞既部位係近雞胸，正常雞胸會有少少鞋，鮑魚有一隻，味道普通，湯底完全無雞味，直程無嘜味，唔覺得係一個老火靚湯底其次，侍應全程好忙呢個理解，但都請注意一下安全，每次出餐，侍應捧住個盤係我側邊飛快咁行過，我唔避真係好易撞埋黎總括: 試過一次就算，湯底並唔係真係咁好食，價錢都略貴😂

因為見到女神衛詩雅有介紹呢間，今晚專程去黃埔試下先，滿懷期待。去到落單，晚飯八點半的時間已經冇咁多人。點知等左差唔多25分鐘都未等到嘢食，後來有個哥仔同我講一句唔好意思，漏左單⋯ 我真係O嘴🥲 後來落返好快都有上到，不過講真已經搞到冇乜胃口，個蟲草花膠雞湯，味道淡茂茂，普通一般。後來埋單個收銀堅持話淨係收現金八達通，可惜我都冇，同佢講話Alipay得唔得，最尾好唔情願先收⋯唔明白商家明明可以收其他支付方式，點解一開頭話冇，後尾見我唔夠現金先話OK呢。真係大無語😓，完全無好感可言⋯

之前看過網上推介，但係半信半疑，是否真係咁好食，試過後，原來米缐可以咁食，配花膠雞蟲草花湯底，也可以好好味道。價錢方面也可接受，一改以往食米缐只係會諗幾多辣嘅酸辣湯底。大家可以一試，保證唔會令大家失望⋯⋯

俾明星既份量多d，龍蝦又有膏，黃金炸魚皮包滿鹹蛋黃，點知都係呃人既，去到蝦頭係黑色，炸魚皮既鹹蛋黃都係一粒粒既，紅頭短髮阿姐態度差到爆，好似差佢錢甘，真係無下次。

唔該唔該你哋啲KOL 真係會害死啲小店同食客囉😡今日係閑日星期四一放工就馬上搭車過嚟呢邊食，等位啊必然㗎喇不過都好快等咗兩三張枱姐，不用10分鐘左右就有位啦！兩個人食就嗌左一個套餐+1個北海道帆立貝龍王湯米線。我們18:52叫落order ，入單時間係18:54 ，我哋足足等到19:18先到齊所有order。侍應服務十分之差個位應該係老細個仔，同佢講追單追咗兩次都話等等啦追咗㗎啦，龍王湯係要耐啲㗎，你同我講笑話隔離嗰枱遲過我佢都到咗好耐啦！當人哋差唔多食完嘅時候我先至有啊，確實係你哋留咗單啦，一句唔好意思都冇呀😡😡😡當另外一碗魚湯米線嚟嗰陣時係個阿姐攞嚟嘅，佢個服務真係超班：喂9號枱啊魚湯米線邊個呀？我身為一個食客我鬼知道自己坐嗰張係叫做9號枱啊！睬都廢事睬佢😡😡😡。又話冇味精返到屋企咪又係勁飲水😡😡😡一句到尾冇下次

好食指數:🌕🌕🌕🌕🌑Cp值:🌕🌕🌕🌗🌑•蟲草花膠雞湯米線• $68湯味好濃呀 真雞湯！有雞味！真係淆出嚟嘅湯底！所以會見到好多雞油係碗湯到～蟲草花足料！花膠唔算大塊 但都叫足夠！雖然花膠就唔及出面花膠燉湯 爽而滑溜但咁嘅價錢 咁嘅份量 都覺得可接受嘅👍🏻佢嘅雞 估唔到係滑！因為我真係唔鐘意食鞋颯颯嘅雞🤫🤫🤫佢啲雞其實都唔錯！米線口感唔係譚仔三哥個種！係滑而輕微煙靭個種感覺！我鍾意嘅口感🍜❤️整體都可以！但未至於會食上隱嘅🤣🤣🤣•黃金炸魚皮• $35呢個份量嘅炸魚皮 就偏貴！係脆卜卜 爽脆嘅 但就無咩特別咸蛋黃嘅味唔算濃 正常發揮！P.s 環境就比較迫啲 如果慢慢歎就唔太適合！不過想叫 #海蜇花 就要早啲去喇 我6點幾去都賣曬🥲試都無得試🥲

話說上網睇咗KOL極力推介加上朋友對龍蝦湯泡飯好有興趣所以我哋喺7/8/22 星期六去幫襯我哋係大約6點等到7點入座🔅🔅🔅🔅首先我哋諗住嗌套餐但係一入去佢已經話個泡飯套餐賣完所以唯有散叫我哋叫左原隻龍蝦湯泡飯$138同埋蟲草雞米線套餐$98再加個黃金炸魚皮$35🔅🔅🔅🔅見上咗個炸魚皮後30分鐘都冇野食到所以就問下有冇落單有個阿姐就不斷話 整緊啦整緊啦之後過左陣就上咗個龍蝦湯泡飯個泡飯味道好普通好似飲緊淡味既龍蝦餐湯咁個龍蝦好韌又冇味 完全唔值呢個價錢 好失望😟🔅🔅🔅🔅然後我哋再問個米線有未佢話冇落到單 我哋當時真係有d嬲等咗接近一個鐘竟然冇落單其實當時成間舖頭感覺都好混亂見佢外賣單好多，根本照顧唔到堂食單好多外賣擺晒喺度而堂食客人好多等咗好耐都未有嘢食然後個職員話冇落單仲要唔要我話 你冇落我就唔要啦 已經等咗好耐點知1分鐘後又突然上咗個米線比我又將隔籬枱嘅飲品擺喺我地度成件事真係好混亂🔅🔅🔅🔅個蟲草雞養生米線味道都係普通係個雞幾嫩滑 米線偏淋總括嚟講兩樣嘢都唔係幾好食黃金炸魚皮都係正常發揮 分量少等咁耐 正常服務都冇真係好失望 以後都唔會再去❎

系YouTube 見到衞詩雅條片講到好好食咁 過嚟朝聖試吓 於是2個人叫左3個小食 海蜇花 黃金炸魚皮同黃金雞翼 龍蝦泡飯同桃膠椰子雞米線🍜個人認為海蜇花比較厚身 但吾夠爽脆 不過都算吾錯如果味道可以再辣少少咁就好啦！黃金炸魚皮用左咸蛋黃醬同芝士但好少 可以睇得出得少少 冇沾滿成塊魚皮 略為失望 而且上菜速度較快 懷疑係整熱 因為食落系暖的 反而雞翼雖然都係同樣配方 但反而比較入味 可能因為佢係新鮮炸起 最後先上嚟啦 所以反而好味過炸魚皮 如果同樣的配方 建議可以試吓冷門菜式 至少系新鮮整先 而吾系一早整定再翻熱見佢招牌系龍蝦泡飯 覺得湯底吾錯浸得幾入味 有比啲心機整 至於龍蝦肉就一般 好韌 咬吾開 配上帶子同帆立貝 可惜粒帆立貝冇整乾淨 入面仲有黑色的污糟野🤮另一個招牌桃膠椰子雞米線🍜 有好多桃膠 但太細粒 太分散啦 寧願佢大粒啲 比較容易搵 值得一讚的系 佢個椰子雞湯好入味 椰子味吾錯 雞同樣地都幾滑幾大舊 68蚊嚟講 算ok la整體來講 試下無妨 但吾會食第二次 最後都感謝多位店員系繁忙時間依然有禮對待我哋🙏🏻

從一個平台得悉有此間店舖， 新鮮嘅口味， 令我好奇， 趁住假日時間，帶伴侶到此店一試，刻意於正餐時間提前去食，但到了卻見有人正輪侯入座，不久可以上座，見已客滿，心想果然有效應乎？柯打了其中2個熱門餐，雞米線同海皇泡飯，米線可以很快到了，唯獨泡飯久久未至，了解后，原來全場都正等着呢，甚至有半小時之久，大家也對望苦笑着，但我覺得廚房是認真地做好才出品呢，不過在埸的食客抱有不同的心情，有的會趕住下一節目，未有預到須時等候，前線員工又未能做到安撫客人的能力，我只怕美食再好也嚇怕了有心捧場的食客呢，希望店主能重視及解決以上等問題。努力持續下去！加油！

紀錄一下呢一間米麵店07/08/2022（星期六）少寫食評，今次太離譜，食到一吐氣，本人唔會再黎食排隊排左成個鐘先入到去食滿心期待食佢地個「黃金炸魚皮」，「桂花蜜糖雞翼」，「招牌係海龍王湯米線」•18:30等到19:30先入到去食我有幾個要點係接受唔到，所以唔會再黎食• 1等左成個鐘入到去坐低叫野食先同我講，以上三樣野呢個時間已經無晒，一間人氣咁好既米線店準備功夫點解做得咁差。無哂點解唔係門口同排緊隊既客人講左先，安排得太差。•2最後叫左個「東江沙薑雞米線」因為無 「飯」女朋友叫左個「蟲草花膠雞湯米線」加左個原味炸魚皮，無黃金炸魚皮咁我就叫左原味炸魚皮，已經落左單，轉個頭同我講原味炸魚皮都無哂，大哥你開店開到乜都無，我排左成粒鐘堂食，食到一吐氣•3眼見啲員工做外賣單，做到無停手，咁堂食客真正想黎食既你地店既食物都食唔到，供應哂比啲外賣。•4店員個服務態度好差，同我講完無炸魚皮叫我換第二樣，最後換左個牛肉食，之後就出多次更新左既單據，個阿姐成張單據連同細板仔夾住張單據，拋過黎我到，有冇搞錯呀咁既服務態度。•5啲員工做到無停手，趕頭趕命，係個場地急急腳走來走去，呢個環境食野都食得唔開心。•

見咁多高評分咁就一於去試下啦預著星期日都知會多人咁就早少少6點去以為會好d啦 不過門口已經人山人海 但拎咗飛都係等大約10分鐘到就入到咁坐低都唔洗點諗就落咗2個招牌海龍皇泡飯啦一等就由6點10分等到7點都重未上中途叫d侍應幫手睇睇係米無落單定點啦 第一個單都未睇就話得得得有既跟住走咗去 咁就再等多陣問第二個 佢就扮晒話幫我追但間嘢咁細 我望都望到佢一句都無幫我地問過已經興興地咁見到個老細直接同佢講話我地等咗成個鐘咁到底有冇 佢先嗱嗱聲去廚房追但其實睇都睇到佢係做唔切 d外賣多到幾十張單卡住晒 d外賣仔瘋狂入嚟追單 佢又唔理d堂食係咁出外賣 真係r晒頭最終第一碗等咗1個鐘 第二碗等咗1個鐘15分鐘等咗咁耐都算啦 真係見到忙到跪晒係到都等咗咁耐 終於有得食緊係有番咁上下期待啦結果就係超級麻麻 個湯死鹹完全飲唔出鮮味 d飯重一舊舊唔多熟 而且碗嘢完全係室溫唔熱 我個人重興過碗嘢一食就知係趕時間求求其其整出嚟最明顯就係佢一次過出超過10碗呢個海龍皇 成個場人人都等到嘔晒血 跟手可以同時有得食 玩咩 咁樣煮都俾你諗到講真開波都feel到有d中伏 啱啱坐低已經有人等太耐興興地係到嘈 不過都唔怪得d

網上見有KOL介紹話好食，專程揸車去試試，一到門口，有成廿人起門口排隊，當時又落緊雨，於是叫外賣上車食算，15:03分落單，問收銀要等幾耐，對方答1約0分鐘，於是企起門口淋著雨等外賣，等下等下，眼見門口排隊食客逐一進店，於是問門口服務員姐姐我的外賣如何？姐姐望下我張單，話未有，其時15:20，再等多約5分鐘，門口等待的食客已全數入內，連walk in客都能夠直入，於是我再問服務員姐姐有未，姐姐再答我要等多陣，其時15:28，於是我取消外賣，因為等唔係問題，但只有我一個等就是問題，他們只顧堂食客人，忽視外賣客人（可能已經付了款，慢慢等啦），真是一次極差體驗，就算幾好食都唔會有下次。

睇完星期五出嗰條揾食片，特登入黎食味道一般，同普通樓下飯堂無分別，但係用餐體驗好差，等待時間超長，服務唔合理1445入去，1515上第一碗泡飯，1530上第二碗，1545上碟細細碟嘅魚皮，等咁耐碟魚皮仲要凍嘅，結論唔值得去講返個午餐，本身午餐$118有免費加配雞翼或者魚皮，但係為左賺多啲錢，唔比人配魚皮或者雞翼，個侍應竟然可以話唔比揀魚皮，除非加$30蚊（單點$35，餐牌無寫要加錢），然後又呃你雞翼無貨，咁我最尾就揀左吉列大蝦，點知入到去發現，雞翼係有貨嘅，只係要你單點姐！食相真係好難睇碟魚皮收你幾十蚊仲要得幾塊碎嘅，睇圖，真係好想問點解等左一個鐘，可以係凍嘅？

紅磡黃埔都好多餐廳，仲要有呢啲唔係連鎖店嘅餐廳，都會好想試下午3點幾冇乜客人，職員有禮貌👍🏻仲有午餐，一個價錢，包小食包飲品，都幾豐富蟲草花膠雞湯米線，雞滑，餸都多，湯夠味唔咸鯛魚片龍蝦湯脆米泡飯轉米線，龍蝦味重，魚片肉實，都算新鮮，脆米浸湯應該都幾正，不過當時好想食米線😆下次可以再試小食揀左炸魚皮同雞湯浸菜，炸魚皮幾脆，雞湯浸菜我就一般因為佢係椰子雞湯散叫咗小食桂花蜜糖脆雞翼，應該即叫即整，好脆，桂花味都好香，同個蜜糖好襯，仲有一款黃金雞翼我都好想試😋