原作養生湯米線

營業中

休息中

8小時真材實料熬製！無味精純天然湯底！必試推介：1️⃣川芎白芷鯛魚片米綫 $85👍特色- 藥材香濃撲鼻- 湯底清甜醇厚- 魚片新鮮彈牙2️⃣滋補黃酒雞湯米綫 $82- 滑嫩雞肉- 濃郁湯底- 米線爽滑3️⃣胡椒豬肚雞米綫 $76- 豬肚入味- 雞肉嫩滑- 胡椒香氣足🌟🌟🌟🌟🌟🌟🌟🌟🌟🌟🌟🌟店鋪資訊：📍地址：紅磡必嘉街120號黃埔花園三期翠楊苑地下34號舖⏰營業時間：11:00-22:00小貼士：❤️14款食材熬煮💚無味精健康之選💛建議晚市早啲去Rating：懶惰鼠😻😻😻😻懶惰虎🤩🤩🤩🤩        

$75椰子雞湯米線總共有三件雞全部都係下欄位骨多過肉問個個阿姐佢理直氣壯話係得3舊架咋再叫佢埋嚟望清楚有幾過份阿姐見到都變咗有少少唔好意思入廚房拎多舊黎真係多謝呀未見過湯麵店得3舊雞收人$75

一碗超正嘅蟲草花膠雞米線！一落碗，你就會聞到濃濃嘅雞湯香味，真係好誘人。湯底用咗新鮮嘅雞煲，味道醇厚，仲有蟲草花同花膠，食落去特別滋補，對身體好有益。米線滑溜溜，吸滿湯汁，咬落去好有彈性。雞肉切得厚厚，肉質嫩滑，完全冇腥味，仲有花膠嘅Q彈口感，每一口都令人驚喜！再加埋啲青菜，色香味俱全😌😌最正係碗裡面仲有啲香菇同薑片，提升咗整碗嘢嘅風味。呢碗米線唔單止好食，仲係一個好嘅聚餐選擇，無論係家庭聚會定係朋友聚餐，都非常合適。真係推介大家試下，食完你一定會中意 唔誇張！🍜🥢

💖 原作養生湯米線 (紅磡)✨紅磡必嘉街120號黃埔花園三期翠楊苑地下34號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️老公話呢一間餐廳係佢返工成日都會去食嘅，今日經過佢就叫我試吓，讚到天上有地下無，叫我呢個非常嘴刁嘅去試吓係咪真係咁好食😌-蟲草花膠雞飯🍲$75以呢個價錢嚟講有咁大兜湯其實好抵嘅，不過我就嫌佢啲飯少咗啲🤣唔係好夠喉。成個湯頭都勁鮮甜，花膠充滿膠質😻。成個飯賣相好吸引，不過隻雞就同我想像中差少少，因為老公同我講話食過好多次都覺得佢啲雞好嫩滑，但係我食咗幾舊都有少少嚡口🥲呢度扣咗少少分。另外加配桂花蜜糖雞翼🍗+$18 & 黑松露糖心蛋🥚 $12。本身都幾期待桂花蜜糖雞翼，不過我覺得最後都係麻麻哋好食🙈我覺得個炸雞翼係炸得好香脆嘅，個桂花蜜糖調味都幾好食，不過兩樣嘢夾埋就唔係咁好味🤔唔知係咪因為係炸雞翼嘅關係，食落有少少油膩嘅感覺再加埋桂花蜜糖成個口感同埋味道都好似唔係好夾🫠我諗可能就咁汁煮會好啲！不過黑松露糖心蛋就幾有驚喜😏唔好睇佢好少黑松露點知入口個味道好濃郁🤩，個蛋黃煮得啱啱好唔會話好熟，有少許留心嘅效果，下次會再叫。-星加坡胡椒豬肚雞米線🍜 $75老公食呢個胡椒豬肚雞米線佢就

之前成日都見有人推介，就過嚟試吓佢嘅lunch， lunch set都好抵食，試咗佢嘅雞米線同埋海鮮泡飯，兩款嘅湯底都非常鮮甜，飲得出係冇味精，而且係落足料去煲出嚟，好似聽講話佢嘅大廚係喺利苑出身，所以煲湯都非常講究，泡飯係有軟飯同脆米，口感非常好，另外都有叫咗小食海蜇頭同埋桂花雞翼，兩款都好好味，海蜇頭非常爽口惹味，桂花雞翼超級脆口，外面有陣陣甜味同桂花香味，入面肉質非常嫩滑，呢度食物質素全部都係中上以上，大家如果嚟黃埔都可以試吓！

今日同朋友喺黃埔睇完戲，嚟左呢間主打健康養生嘅湯米線餐廳食下午茶。不過吸引我嘅並唔係佢哋嘅湯米線，而係招牌海龍皇泡飯。之前喺度試過佢哋嘅鯛魚片龍蝦湯泡飯，覺得個湯底幾好味，而且鯛魚嫩滑。難得今日再嚟黃埔，好想試埋個招牌海龍皇泡飯。朋友就比較鍾意食米線，所以揀咗桃膠蟲草花椰子雞湯米線。❣️招牌海龍皇泡飯，湯底濃郁鮮味，裏面有半隻龍蝦同一隻元貝。龍蝦肉新鮮彈牙，元貝又大大隻，泡飯上面仲加咗澳洲脆米，口感更特別。不過今次個湯底比上次偏鹹左啲，不過整體都算美味。😋❣️桃膠蟲草花湯米線嘅湯底清甜，雞肉幾嫩滑。我本身唔食米線，所以冇試到。但朋友就覺得米線偏腍咗少少。

見到呢間上網都有唔少人介紹，今日過開黎去試下主食方面叫左叫椰汁雞米線同黑椒豬肚雞米線，椰汁雞個湯好似就咁加左啲椰汁落去咁，反而黑椒豬肚湯個味道算ok，雞肉都唔滑，唔會柴，不過啲米線就唔合格，食落腍到好似糊左咁，落完單就即刻上到菜，正常唔可能腍到咁，似係啲米線好似一直煮緊咁🤔桂花蜜糖雞翼，反正係最有驚喜，食到一股淡淡既桂花味幾清新，又唔會太甜荔枝脆蝦球，其實就係扮荔枝既蝦球，不過都幾脆，同埋蝦球都有啲彈牙既感覺呢間係主扛米線，但係米線既質素真係唔係合格

聽講過好多人話呢間雞湯米線好好食，呢日就特登嚟黃埔試試。6點幾到，未洗排隊，不過入面都幾多人食。套餐其實比單叫貴咗幾蚊，即係當比幾蚊買杯飲品，唔想飲野嘅話其實可以叫番單點。套餐下面有小食追加，但係唔係樣樣都抵，例如桂花蜜糖雞翼，單點仲平。蟲草花膠雞米線 套餐 $75雞湯還好，唔算好濃，有啲淡，唔夠濃雞味啲雞都有少少雪味桂花蜜糖雞翼 $38 5隻是餐牌中單點的雞翼香脆，但唔夠蜜糖，得太少唔夠點扮荔枝嘅蝦丸，個造型係好似荔枝，味道就還好套餐附送的凍檸檬柑桔

食物可以，只是一放低筷子，三分鐘內三個侍應輪流埋嚟問：「收得未」，根本就係趕客走，的確好多客人，晚市七點前的事情，想坐多一陣都唔得，上菜是快的，服務態度完全接受唔到！

我一向喜歡食花膠雞湯米線的，有時都會試吓不同嘅店，見呢間咁近有一日lunch就試吓啦，雖然都要差唔多$100.1個餐，但都係咁上下了。味道還可以啦，唔係我食過最好嗰間，但可以接受。不過令到我最勞氣嘅就係你差唔多成$100.1個餐，一張紙巾都冇，仲要賣紙巾。如果你係平價店我唔會出聲。所以每次行過就算見佢哋都係想兜吓生意我都冇再理佢哋，所以希望佢哋睇到呢個評語自己都諗吓啦。

這家外賣米線店讓我百感交集。作為一位熱愛米線的食客,我對這次的外賣體驗感到非常失望。首先,米線的份量實在是太少了。即使我點了大份,但實際送到的份量卻連中份都不到。這樣的分量根本不足以填飽肚子,讓人感到非常不值。其次,米線的質感也非常差勁。麵條軟而黏稠,完全沒有Q彈的口感。而且,湯頭也顯得非常淡而無味,完全沒有任何香料的醇厚風味。我相信這並非是正宗的米線風味。最讓我失望的是,我點的雞肉竟然柴如木頭,難以下嚥。這顯然是因為沒有好好炆煮而造成的。這樣的質素實在讓我大失所望。總的來說,這家外賣米線店完全沒有達到我的期望。作為一位米線愛好者,我實在無法推薦這家店。希望店家能夠認真改善,提供更優質的米線,讓消費者有更好的用餐體驗。

👨🏻‍🍳原作養生湯米線 (紅磡)📍紅磡必嘉街120號黃埔花園三期翠楊苑地下34號舖 「健康又好味既米線😋小食都吾錯😝」 紅磡覓食，想食下雞湯米線，見到呢間勁多人排，又去湊下熱鬧😝 🍽️桃膠椰子雞湯米線 $68吾系四季椰林既味😝不過雞湯好清甜，感覺無乜味精，成碗連湯食哂🙈桃膠好似配糖水/甜品夾D，系呢個湯到反而無乜味，同埋好腍🙈米線正常🤤 👍🏻🍽️桂花蜜糖雞翼 $32/5隻微甜脆皮，好惹味！！😻雞翼都醃到好入味，吾錯！！‼️味道似曾相識，但系吾記得系邊到食過🙈 👍🏻🍽️黄金炸魚皮 $35脆得黎好香口🤤又吾會好咸！！ 👍🏻🍽️油醋海蟄花 $58吾會太酸，但系又好開胃🤤同平時食開既海蟄吾同，呢個有D似日本柚子醋D漬物，未到惹味，但系開胃，而且海蟄微脆爽口👍🏻

跨區都要揸車入嚟食，雖然我冇影到相，不過係真心好食，叫咗花膠雞湯米線同海龍王米線，個湯底真材實料，平時食米線都唔會飲湯，今次飲晒，而且一滴不漏。另外，店員對bb好友善，唔會似出面有啲食肆見到隨行有bb（冇嘢食到又霸一個位）就唔理你點幾多都會發咗你脾氣先，好適合一家大細嚟食。利伸：非打手，所以冇影相。

特登跨區揸車嚟呢度試吓呢間米線果然冇失望首先啲職員非常之好人，服務非常之好有小朋友又照顧周到上菜收碗都好有效率環境食具都好乾淨花膠雞米線個湯底真係一流，成碗飲晒都得，好住家雞湯味，好味，飲晒成碗都得啲雞夠滑，花膠都唔錯龍蝦海鮮湯米線個龍蝦湯又係超好飲，非常有龍蝦味係真材實料煲出嚟，配料新鮮好味，又係成碗食晒另外仲叫咗黃金炸魚皮，超乎想像嘅好食似乎係即叫即整每塊魚皮都鋪滿鹹蛋黃，好香好惹味，有脆又好味雖然熱氣，都忍唔住成碟食晒仲有麻辣鴨血，麻辣味剛好，回味無窮整體好滿意所以好耐冇寫食評都忍唔住出 post 讚吓會再幫襯

其實我都食過呢間米線舖幾次基本上我每一次都係嗌花膠雞湯米線😂🍜蟲草花膠雞湯米線結合左蟲草花、雞肉、米線、養生雞湯底米線上面放咗雞件 再放咗蟲草花同埋杞子作點綴🪄蟲草花有多種保健功效就係人都知啦🤓配合埋奶白色嘅雞湯 加埋啲花膠🥳即刻覺得碗米線充滿骨膠原蛋白 同埋營養豐富🧖🏻‍♀️呢碗野真係食完超級暖笠笠🥰但夏天食一定要配涷飲蟲草花香氣就冇乜 花膠係屬細件彈牙果種🤔兩者都唔係太入味 應該唔係同d雞湯一齊煲🤔不過呢個價錢 冇野好彈啦🙌🏻雞件都算大件 同埋真係幾滑身🫶🏻米線口感軟綿 而且份量十足雞湯底呈奶白色 每次都總會飲幾啖暖身👍🏻佢算係冬季保暖佳品 極受歡迎養生湯物⛄️每次lunch 都大排長龍😮‍💨不過 我都唔會飲哂湯 因為都咸第一次食好驚艷 真係飲哂🥹食多幾次 覺得湯底好似同d料冇咁混合 各有各走咁可能要求高左 所以希望個質素可以keep番高d啦🍜鯛魚片龍蝦湯米線呢個真係深刻印象 因為佢個樣好吸引🤩湯底係橙紅色 就咁望好似好濃咁 視覺上好有層次感上面有肉碎同鯛魚片 湯底係龍蝦味 但唔算太濃郁個人覺得 食完呢碗野 好有飽肚感其實本身想食海龍王湯米線 但覺得食好似太heavy😂所以想試下個入門