原作養生湯米線

營業中

休息中

上星期日落足成日雨，途經黃埔見到呢間米線唔算多人排隊，入去食返碗米線，暖一暖身。原作養生湯米線系一間主打健康養生湯底嘅米線舖。我叫左一碗蟲草花膠雞湯米線，湯底唔會太咸，花膠偏Q彈有口感，雞方面就系雞髀肉（無額外加錢轉），米線軟硬適中，加埋蟲草花，感覺上幾健康。如果你鍾意啲濃味嘅湯底，都可以試試佢地嘅重慶水煮魚鴨血米線，辣度有大中小辣揀，雖然呢款系偏濃味嘅湯底，湯底味道都唔會過咸，而魚片都夠滑身，都系一個唔錯嘅選擇。另外，我地叫嘅係午市套餐，除左有主食，仲包一款小食同飲品。我地揀左桂花蜜糖雞翼、鮑汁時蔬，同埋自家羅漢果茶。羅漢果茶飲得出系自家煮，羅漢果味濃，而且無落太多糖，啱晒飲開少甜嘅人。