南海一號

營業中

休息中

一般之作:一口核桃包、薑汁糕、馬蹄糕略有驚喜:XO辣椒醬 、咕嚕肉、南海茶、黑松露素粉果、話梅石榴低級錯誤：1. 漏單2. 菜脯蛋誠意欠奉，感覺有點求其，炒燶、欠菜脯3. 陳醋雲耳欠陳醋， 測試結果是要靠自己蘸陳醋才有味4. 部長服務一般相比數年前兩次光顧a la carte質素極佳, 今次放題令人略失望。

環境一流，絕對可以請客食飯唔失禮，但係單點的話，啲嘢真係超級貴，最好食係碟叉燒2百幾蚊，雖然係貴，但係真係我食過最好食嘅叉燒，最難食係碟椰菜花，硬骨骨，又冇厘味道，我屋企個姐姐炒得好食過佢，居然都要百幾蚊，擺盤又唔係靚，除咗係比多啲錢買個靚景之外，真係唔知佢貴喺邊？可惜我哋坐近門口，距離窗口舞雷公咁遠，乜景都睇唔到，下次如果訂位，記得要同佢講明要坐近窗邊，如果唔係真係嘥咗，唔使嚟呢度食，平均$800位，其實好多選擇。

昨天屋企長輩生日訂左4 大1 小共5 位，訂枱時訂購左3 個$799 +10% 既餐，另外到步時再叫多個片皮鴨和炒鴨絲，食物質素和味道的確有別一般菜館，雖然OpenRice 寫該餐廳係少鹽少油，但係每道餸都絕對係用偏油同惹味黎形容，但係食落唔似有味精。環境以高樓底酒吧一齊放係同一樓層，環境少少嘈，但係可以睇到outdoor 成個維港景色，目測9 成係游客同埋見到小紅書推薦，相信都係咁旺場既原因。員工人數唔少但係感覺好混亂，有野做就即刻做但係唔會思考地做，每次送菜上台都唔會比番碗碟比我地，我地既片皮鴨上左菜想即刻叫佢收番上一道3 隻龍蝦殼連碟都要等到另一職員協助，點知職員幫我地清曬d 食完既碟，又走左去，要提第三個職員比碟，浪費左好多時間。每人頭$32 一個人頭費，放低生日蛋糕又走左去無比碟同叉，由7 點食到10:30 都有最少1小時係用黎搵侍應幫忙，最後成餐食咗$4500 。

同男朋友嚟慶祝周年紀念 呢度環境的確好靚好有feel 不過就暗咗少少 唔係好睇到自己食咩😅😂 咁靚嘅環境我諗住其他嘢都會好好啦 但係服務就真係麻麻啦 staff講嘢語氣都冇咩禮貌 （係特別有一位staff好好 麻煩佢幫我哋影相嘅時候仲自己攞部手機出嚟幫我哋打燈😂👍🏼）其餘嘅都真係麻麻哋 🥲 然後我哋係OpenRice book位時寫左四周年想喺甜品度寫下字 點知staff話師傅走咗冇人做… 有啲可惜😅-食物方面大部份都正正常常啦…又冇話好好食 係個擺盤真係好普通 同個環境完全唔襯🥹🥲呢個魚用咗XO醬去整 都幾特別 食落幾香👍🏼唯獨係個蘆筍真係有啲老 …湯底都幾香濃 但係啲蝦唔太新鮮最後呢個係彌補我哋冇得寫字係甜品嘅禮物…不過我寧願佢比隻寫咗「周年快樂」嘅空碟我都好…呢個價錢真係有好多更好嘅選擇 食完都冇好開心同滿足嘅感覺🥱

米之蓮一星餐廳，非常失望，相信已非擁有此榮譽。 除了合桃包比較好吃，其他點心不是比較咸，就是偏淡，炸雲吞的皮，非常硬 ; 雲耳小點不酸乜不甜，好像衹用水燙熟，沒有加調味。 各項點心終是不合味道的， 點心選擇又少。此外，點心自助午餐收費不包茶錢，另收$28+10%一位茶錢。 食物質數如此，若不改良，不值再光顧！ 這個價格，可有很多其他選擇。非常、非常失望的一間餐廳！

見到不同地方都有介紹呢間的點心放題，就諗住去試一試啦…價錢算是合理，地點很就腳，而且餐廳環境靚，樓底高，很舒服。 我2個人去食，安排了窗邊的位置。食物選擇唔多，中國茶都冇得選擇，由餐廳安排。食物質素算是中下，或可以算是失望。我以為high class既餐廳，對所有食物既賣賞都很嚴謹，但幾款既食物上檯時都放點很亂，很“求其”。（呢2碟已經好見得人了）食物既味道就一般般啦。亦沒有特別那款點心／小菜是賣點，冇咩吸引力。服務就不錯，回應都很快。

餐牌款式選擇多，套餐食物配搭得非常好，而且餐廳職員會因應客人食嘢速度而想下一道菜，會留意客人杯內茶水，以為客人斟茶，非常細心，環境舒適，最欣賞係佢哋上菜的時候會介紹菜式名稱，因為我們四個人order了兩款套餐，餐廳職員好細心提供碗碟給我們分享

今晚兩條友黎食，叫咗個鮑魚套餐，人頭$680/位。頭盤上雞同青瓜，但青瓜完全冇味，啲鷄又粗嚡又淡。件班塊好似柴皮咁。服務當然不及水平，個場嘈雜像街市，真心感覺自己去左大快活。超級建議唔好再黎！

A pleasant Chinese dinner with breathtaking views of Victoria Harbour✨Crispy Shredded Yam with Honey 🍠: Loved the crispiness of the yam and the honey added nice flavours.✨Guava in Plum Flavour: A refreshing and tangy dish, the flavours balanced well.✨Spicy Sea Snails 🐚: A slightly spicy dish, still bearable for non-spicy eaters.✨Shark's Fin & Crabmeat Served with Consumme 🦈: Loved how the shark fin is slightly pan-fried and brings out the aroma. The soup is very flavourful. ✨Pan-fried Kagoshima

野食唔太差正常，兩個人食覺得岩岩好，唔會覺得選擇少，只不過係有某啲服務員態度比較差，著橫條衫嘅，我只不同佢講有一兩樣野食未到就取消，佢竟然同我講：唔知我講咩！佢竟咁走開左，無搵其他人幫忙……

訂了 11:30-13:00 第一輪任點任食，11:50 入座時趁未有太多人打了卡，裝修、環境、採光一流。餐廳告知窗邊海景位需有 $300/pp 最低消費，所以坐了入面卡位。如坐入面卡位不太能看到海景，不過仍很開陽基於價錢只需 (209 + 茶芥 + 10%)，本身都預計吃環境居多，但食物很有驚喜。不能盡錄，個人覺得必吃的有：黑松露素粉果、蝦仁炒蛋、核桃包、春卷、炸雲吞茶亦有花心思，好像是添加了人參果。12:50 last order，最後13:00待應主動過來結帳，卻沒有趕客，吃到 13:15 才走 👍

堂堂iSquare頂樓、風光一時嘅南海1號，而家午餐點心任食，$208一位。可惜點心只有10幾款，食物質素遠遜於街坊茶樓；大約五款炒粉麵飯，大部分茶餐廳都比佢好。開頭話有一個半鐘，過程中不停埋嚟收碟，大半個鐘就問last order。

🖤黑白配⚪️今次去到南海一號嘆中菜，成個裝修佈置高貴優雅，樓底好高，所以坐落去令人哋覺得個空間感都幾大，仲要望住維港夜景🌃對住個靚view 食飯，心情都特別好👀總括嚟講，論環境、食物，氣氛，南海都好出色👍🏻餐前小食蝦餅脆卜卜 🦐 冰鎮鮑魚 三隻 $168每一隻鮑魚都係大概一口size ，配搭酸辣醬汁做調味，鮑魚幾有咬口，入口清新，啱晒做開胃菜野生椒䜴蒜蒸斑球 $488斑球🐟食落去新鮮，配埋啲酸辣醬料，仲有粉絲喺底撈埋一齊食😙化皮乳豬件 $240乳豬🐽 嘅外皮脆得黎有少少鹹鹹地，皮脆肉嫩，不過略嫌啲乳豬食落去有啲膩嘅感覺茶燻雞 半隻 $290茶嘅味道好出，仲有好香嘅煙熏味，入口嘅時候好香濃，個雞嫩口食落去好滑，仲要去埋骨龍蝦湯泡貴妃飯 一鍋 $248呢款泡飯係中菜館嘅招牌菜式，泡飯有小棠菜、肉碎同埋蝦仁，湯底係用奶白色嘅龍蝦湯底，好濃郁同埋鮮甜，仲有啲脆米喺裏面，成個口感層次好豐富 🔥

餐晚餐係慶祝生日飯，本身開開心心慶祝，比依間餐廳搞到無晒引。想叫紅酒飲，waiter十問九唔應，叫佢介紹又唔識介紹，連遞本drink menu都唔識，要叫先識拎。仲要waiter講野串到呢，唔知以為我得罪佢😡送餐先搞笑，送到好似去左茶餐廳甘，求其放喺枱，正常見到客人放咗個人物品係枱面都會提提客人拎開呀，但waiter理都唔理，想直接放上面，完全冇出聲提客人，面口仲要係你做咩亂擺野係枱面阻住我放底野既樣😡之後執野仲要執到啲野跌晒，仲倒瀉杯酒，差啲倒落部電話度😡野食先更垃圾，做得中菜餐廳，啲中式野食都唔掂，避風塘炒蟹完全無辣味、蟹又無肉，鮑魚唔新鮮，大蝦又霉又唔新鮮，片皮鴨肉質太實而且黎到已經凍晒，唯一好味啲淨係得個湯飯。之後仲發現啲片皮鴨係放晒喺入口、近lift位切，附近不停有人出入，完全無衛生意識😡最後叫個甜品更加用垃圾黎形容，整tiramisu跟本無技巧可言，任何新手都整得出，但佢一間高級餐廳整個tiramisu整到似新手整甘難食，咁就唔好賣啦！做返自己中式甜品咪算，整咩西式甜品！？無圖去證明以上問題，因實在太垃圾唔值得影相留念😡😡此餐廳永久black list！

公司老外上司們從外國來港, 做TEAM BUILDING! 老外一般都愛中餐(西餐在外國日日食), 有人提議去六公館, 但公司既BUDGET係100USD per each. 最後揀了南海一號, 餐廳安排了上層, 仲要後面無人, 夠晒靜, 俾空間我們一齊合照及敬酒等, 仲要最後因公司政策, 麻煩待應去分單, 分成三張, 待應也很配合幫忙, 真係掂! 尤一係有一個餸, 沒有分開兩個碟(我們有15人, 要分成兩張枱), 不過只是小失誤, 其它野好優秀! 最後落下層既無散維港景真係無得輸(不過那晚好大風好凍!)