南海一號

營業中

休息中

很久沒來南海一號了，門前的模型船像真度極高，彷彿是告訴大家源於南洋的菜色。餐廳設計緊扣船舶的感覺，高位的“眼睛”原來是DJ房，可作私人宴會之用。娘惹秋葵Sauteed Okra with Shallots and Shrimps Paste平日食秋葵很怕中間滑潺潺的質感，但今次加入了乾蔥及蝦醬，不單有南洋風味，反而幾惹味，令人觀感大改，我鍾意。話梅石榴Guava in Plum Flavour以話梅水泡浸過的石榴酸酸甜甜又爽脆，很啱炎熱天氣下胃口一般的日子。滋補燉響螺湯Double-boiled Conch and Red Date Broth家中絕少會燉湯，但那陣醇香生津的感覺真好，尤其是雞腳燉至軟稔，入口即化的感覺真好。金榜醬煮大蝦(配饅頭)King prawn served in bang sauce (with fried mantou)店方的名物，帶叻沙氛圍的金榜醬尤其出色，配以炸饅頭更是神來之筆，每口蘸上了醬汁辣辣地又甜美，令人欲罷不能，有時候覺得大蝦都給比下去了。阿參醬星斑腩Braised grouper brisket in Asam sauce以阿參醬去煮班腩及茄子，

今年的第一餐慶生飯，選了在這裝修不久，重新開業的「南海一號」用餐。而這次和太太一起吃的，是這裡最新推出的「午餐 食豪D」餐（原價$588/位，大割引價$298/位，兩位起）。用餐前，侍應先送上回甘味重，解渴生津的「人參烏龍」，是我一向喜歡的茶，好喝！前菜三款，包括「醋漬蘿蔔」、「蜜汁叉燒」和「麻香海蜇頭」。三款前菜中，「蜜汁叉燒」是最好的，肉質軟腍，蜜味香甜，而且肥瘦比例適中。「醋漬蘿蔔」多酸少辣，挺開胃的，我也喜歡。相比起叉燒與蘿蔔，「麻香海蜇頭」口感較硬，麻香味也不太突出，就只是普通而已。「海鮮燕窩羹」真材實料，但味道稍淡，如能調味重一點會更好。兩道主菜，分別是「蠔皇原隻鮮鮑魚」和「薑蔥花雕煀斑頭腩」。「蠔皇原隻鮮鮑魚」是這套餐中最令人期待的菜式，個頭不大不小的鮮鮑，以蠔皇炆煮後，口感軟腍中帶點兒煙韌，以刀叉切開放進嘴巴慢嚼輕嚥，絕對是味覺的極佳享受。「薑蔥花雕煀斑頭腩」原煲送上，斑頭腩皮肉都甚有彈力，帶有少許花雕酒味，香噴噴的，不但味道濃郁，而且十分夠熱，即使配角的蔥也惹味可口。對這道主菜，我也相當滿意。「燒汁元貝皇拌鳥冬」雖然份量不多，但煎得恰到好處的元貝皇確實大隻，本來無甚味

▶️室内環境一流，窗外是維多利亞海景，冇得輸▶️點心放題，食物精緻，有水準，請客都唔會失禮，必吃鮑汁鳳爪 （鳳爪入口即化，味道濃郁，正）▶️服務細心，主動留意客戶情況，抵讚

鹿兒島和牛魚翅餐娘惹羊角豆：不會太咸，幾好味，但對本人嚟講就辣咗少少！冰鎮鮑魚：鮑魚好腍好入味恰到好處！😋生拆蟹肉乾撈翅：呢個湯應該都熬製咗好耐，完全唔肥膩，湯撈入翅裏面非常美味，齒頰留香😋😋😋鹿兒島和牛：呢個真心勁推介，唔會太熟，恰到好處，簡直係覺得入口即溶，好香牛味😋😋金榜醬開邊龍蝦：呢個汁真係不得了！無諗過龍蝦灰埋呢個汁，完全係完美嘅組合！花膠條泡時蔬：花膠條唔係好食到係花膠，不過不失！蒜香鮑魚雞粒蟹：鮑魚細咗啲，唔係好食到鮑魚味，但啲雞好嫩滑，配咗呢個飯都唔錯！燕窩杏仁茶：本人從來都唔飲杏仁茶嘅，但係呢個堅好好味，仲要個賣相都好吸引！呢個本人覺得都係推介之一😋

餐廳位於商場30及31樓頂層，全是落地玻璃，高樓底，隔離有酒吧，也有室外座位，能夠觀看海景及尖沙咀以及港島區一覽無遺，非常的正！餐廳以中菜為主，亦有點心放題。為好姊妹慶祝生日，我們點了生日套餐，重點片皮鴨即燒即整。😍頭盤 - 冰鎮鮑魚，原隻已切條，方面大家食用，唔使再切，好方便好貼心👍🏻小吃 - 陳皮話梅萵筍，開胃前菜，但個人覺得味道怪怪避風塘肉蟹 - 好大碟，無乜肉，每人試啲，可選擇辣度，雖然好多辣椒，睇落好辣，但其實只係微辣即燒片皮鴨（兩食) 原隻片皮和惹味鴨崧生菜盞 - 原隻上，俾大家影相打卡後職員會切片碟上，好食，皮和肉各佔一半，皮脆，唔會好油膩金榜醬煮大蝦 - 大蝦一隻，醬汁濃郁惹味牛尾煲 - 好香好腍，煲上，蘿蔔都炆得好腍好入味職員很貼心，待我們吃完每一道菜再上下一道菜，也很有耐心幫我們拍照。

之前一直同呢間餐廳無咩緣份，好多次都食唔到，今次終於趁Restaurant Week試到訂坐時要求坐窗邊位置，景觀都幾好，可以睇到magic moment ，餐廳外面是eye bar，可能因為之前裝修的關係，無左著燈既枱，有少少失色今次嘅餐單都幾豐富，前菜有叉燒和醃蘿蔔，叉燒都幾淋，做得幾好，醃蘿蔔食落幾清新滋補燉湯，都幾足料，仲會有湯渣提供，見到材料有雞，有豬肉，有魚，都幾好飲黑松露白酒汁元貝皇，元貝好大隻，幾西式既做法金榜醬煮大蝦，蝦好大隻，個醬汁辣辣地，幾惹味😋黑豚生菜盞，幾多汁，熱辣辣，不錯不錯燒乳鴿，唔會太乾身，亦都唔會太鹹，做得幾好龍蝦湯泡貴妃飯，都幾多蝦仁，不過龍蝦湯味道唔夠濃郁，失色咗少少甜品係蓮子桃膠西米露，幾滋補而呢個價錢來說，無論環境和食物質素，都算係貨真價實，週末晚上都差唔多滿座，呢間餐廳值得再來👍

想食個有質素嘅中菜，但又唔想洒店格局，就嚟呢度試吓。 首先一出𨋢我係以為自己去錯地方，因為我預咗一入去應該係好多大光燈，一個好中式酒樓嘅餐廳，但實際係燈光較暗，有強勁嘅音樂🎶。被安排窗邊位，加上當晚好好天，可以欣賞香港無敵夜景😍餐前小食佢哋送咗蝦片，一大籃，好好味，完全清晒😂。之後叫咗「鮑參翅肚佛跳牆」，「招牌極品蟹皇翅」，「蟶子皇」，「游水龍蝦兩食」，最後再加個「蘆筍」。質素好好，足料，當中我最欣賞係個蟶子，佢洗得好乾淨，好大隻，另外個龍蝦都好好味，啖啖肉👍🏻食完其實都好飽，不過又有啲口痕，於是就叫咗甜品，「杏仁茶、桃膠雪耳」，點知佢上台嗰陣時候，話係佢哋送俾我哋食，意外驚喜✌🏻✌🏻

當晚我選擇了6-8人優惠套餐，我們5大2小，食物份量足夠，可能是套餐關係，餸菜擺盤欠奉，色香味的話，色的部分失分，但食物味道整體算是中上，而且餐廳環境寬敞，景觀一流，沒有影響用餐心情。蒸鮮鮑魚，鮑魚肥美夠大隻，但肉質有點太韌，如果切成更細粒，口感更佳。片皮鴨，鴨皮夠脆夠香口，鴨肉方面就略嫌有點乾身，沒有鴨臊味，味道算中上。燒方利魚，味道可以，皮乾身但魚肉仍然鮮嫩。最驚喜是湯飯，湯底味道夠濃，飯粒裡加了鍋巴口感香脆，但忘記了拍照。

好彩遇上好有熱誠的服務生👍👍食物質素喺水準之上，蝦餃鮑汁鳳爪同咕嚕肉好食到要encore，炒河粉有驚喜桃膠西米露糖水冇得彈加上無敵海景坐得舒服，食得開心，任點任食真係佢贏晒🌈🌈立刻book食埋佢個生日飯set😜😜

好耐無出街食梗係要食好d！今次揀左位於尖沙咀既南海一號首先係未食之前已經被靚景吸引到對今晚加分不小不過重點當然係食物叫左片皮鴨、仲有佢哋最出名嘅龍蝦湯泡飯個飯真係不得了估唔到泡飯都可以做到咁高級個湯夠熱，亦好濃味但唔係味精味 真係feel到真材實料既湯呢個泡飯 真係必須一試！片皮鴨亦做得好香仲原隻上比大家先打卡再係你面前表演切切切😂😂環境、服務態度、食物質素都好高既一間餐廳！真心覺得推薦❤️節日、慶祝也可以來🫶🏻

服務可嘉。今晚再次到來食晚飯。選了之前無品嚐的菜式，依然美味非常。賣相吸引。特別是多次盡心盡力招呼我的Bosco，他服務真誠，親切，盡心為客人建議菜式，態度認真，讓我每一次都能享受美味，並具特色的餸菜。謝謝Bosco。I came here with my good friend to celebrate her birthday. With my past experience, I highly recommend to have dinner at 南海一號. Thanks again for Bosco’s wonderful service. Wish him good health and all the best.

朋友從外國回來，想找一個可以吃點心，又可以聊聊天的地方。南海一號絕對做到這一點，望着維港景色，吃着點心，聊聊天，沒有酒樓的嘈吵，很舒服！服務質素好，食物水準OK，下次會再來！

9個人，全單差不多2800蚊， 結果都唔知食咗啲乜，所謂任點任食，食物上得極之慢，可以選擇嘅食物已經少， 剔完第一輪嘅紙都上唔齊， 問佢佢又叫你再剔過，因為唔想浪費食物剔完又剔結果就唯有等， 結果等到last order，大部分食物都冇上，等成個鐘一粒燒賣都冇見過影，最終三吹四請，先至出一籠燒賣，9粒迫埋一籠你見過未？然後又亂出一大堆你已經食左，又再出你重覆唔想食嘅嘢。。。新年周圍無位得佢有位book到，我而家知點解，成個體驗都十分差，一定無下次！

這家是本人認為性價比相不俗既食市，坐擁尖沙咀這個地段，環境及景觀都相當不錯（當然要睇埋坐到邊張枱😂）。其實我食過好幾次，有放題點心午餐及每位計的晚餐（真係我鐘意果種感覺，因為我一向都話比錢食一啲我唔多種類揀到食物既自助餐，我係情願食呢啲有八個個人份量既中餐，差不多既錢碼食到比較喜歡既食物係真的高興好多😬）。是晚正題，因友人話有段時間未睇過燈飾，所以就出尖咀搵嘢食啦（真係咁易咩），點知㩒過幾間，真係只可訂返這間南海，所以先比到機會我一向想試既貴妃飯，雖未有超級好味既感覺，但對一個唔多識分食物既吃貨黎講已經好好（一啲啲嘢啦🤪）。

哇嘩⭐，今日行過一間餐廳，絕對係我心目中嘅粵菜好去處！入面嘅金錢雞真係吸晒我啲眼球，每一啖都多汁到喊出嚟😭，肉質嫩滑得嚟香氣撲鼻，真係正到冇得輸！接住話嗮廣式燒鵝，酥皮脆爽甩甩地，啖啖肉香，淋啲梅子醬上去，酸甜開胃，食完個口久久都仲係噏得住，食嘅時候滿滿嘅滿足感，啱晒我呢啲嘴刁嘅食客。海鮮愛好者絕對唔可以錯過佢地嘅清蒸海斑，呢道菜真係新鮮，魚肉滑溜，清甜，梗係要食晒個汁，每一啖都有海洋嘅鮮味，飲啖酒嘅話就仲perfect！睇喺紅燒肉呢道菜，有種回到唐朝嘅feel掛🏮！肥瘦相間，軟糯嘅肉汁喺口裏化開，每一啖都係深層嘅滿足。跟住上嚟嘅會是佢地招牌嘅玫瑰豉油雞，今次食，肉質真係又滑又嫩，完美咁吸收咗每粒豉油嘅精髓，層次分明。最後，甜品就黎喇，杏仁豆腐既香甜既滑，入口即化，清新口感完美收尾！總括嚟講，今次食飯體驗，真係令我呢個“隨時隨地都諗住食嘢嘅人”好滿意，呢間餐廳，既有典雅嘅傳統，又不失創新精神👍，值得留意！