南海一號

營業中

休息中

服務超差，埋單分別同三個不同的侍應講，足足等了半個鐘，因為我訂枱是說有最低消費，到差不多食完時，叫了幾次侍應想check下張單過了低消未，但都冇人覆過，心怕可能仲未過最低消費，所以又點了一個楊枝甘露和兩杯飲品，總括來說，食物質素很一般，兩個人埋單2520 （收據上寫已經有$600折扣），服務費是284，呢個價錢，比咁既質素，真係冇下次，我勸大家想訂這家餐廳真的要想清楚，食完一肚氣👎🏻👎🏻👎🏻

今日同家人去食lunch, 食到中後段突然枱面有隻曱甴，嚇到我地死，我影唔到相因為佢周枱走而我地就彈開哂，之後幾個店員處理左後，問我地要唔要番啲糖水，我地已嚇到無胃口，佢地攞張單嚟叫我地俾錢俾完就走。好恐怖，一定一定無下次，大家去食都小心啲。

有朋自遠方來，呢餐既考慮要附合一d要求嘅。本身朋友都係香港人但係口味有少少西化，同埋好多年冇睇過香港夜景，又想有少少cocktail 飲下。其實呢度係正確選擇。自己平時就未必會咁樣突登嚟呢度。今晚叫左個dinner set B, 有翅有和牛有龍蝦有鮑魚，夠哂體面唔失禮，d野食上菜都有晒plating, 之於食物味道同服務，講真中規中舉，而個翅係成著可以夾得起既，外國就真係冇得咁樣食啦。夜晚又睇到幻彩滙香江，總結係，為著請朋友可以的。

一直好鍾意食點心放題，因為可以乜都試吓，又唔使話太多分量。終於試咗南海1號點心放題，揀依間係因為貪佢個景靚，樓底高，同埋平時單叫點心都唔平，咁好似食點心放題抵食啲😆同依個點心放題可以食埋小菜，比較特別。因為用餐當日係節日，所以一早已經預約滿晒。不過由於我早咗兩個幾星期訂位，餐廳都好貼心安排到個靚景嘅位俾我地。點心質素正常，餐具都好靚。預約需要先支付$500留位費，而且收款嘅銀行不common,這點是扣分的地方，因為實在比較不方便。

環境開揚，望著港島靚景食飯食物大致上都算高質，尤其是主食。煎飯幾特別，加上cheese，感覺中西合一，好食😋唯一嘅缺點，同佢哋集團旗下的餐廳嘅問題一樣，就係急速收碟。一夾起最後一塊，就收走，醬汁都未來得及點.. 呢個價位嘅餐廳唔應該係咁。Hopefully their management will see this comment and make their improvement accordingly. Same problem in Ye Shanghai K11.

適合朋友生日食飯，菜式不太肥膩，恰到好處。而且設有酒吧，食飯過後還可以坐低閑聊一下，小酌幾杯。而且服務員不會趕走。當天三個人吃了四五道菜，飲了三支白酒，每人好像$800左右？尖沙咀地段，環境優美，價錢合理，整體不錯。

有朋自遠方來。疫情三年，朋友終於喺美加返香港一轉，每次返嚟都係鍾情於中菜🍜經朋友推介之下，揀咗南海一號。留意返，有三排。有海景窗邊位，但只限二人座，四人座以上屬於第二排海景窗邊位，兩者同樣都有每人最低消費限額㗎！不過唔記得咗min. charge係幾錢位😅而最後一排就係卡位雅座，冇每人最低消費限額嘅。個人比較建議坐卡位雅座已經好OK，因為嗰個所謂嘅海景窗邊位，其實都冇乜特別🤣😂😆除非真係二人燭光晚餐另計啦！如果一大班朋友食飯嘅話，真係冇乜人會在意海唔海景，窗唔窗邊😆因為人數，都book咗第二排啦，唔使等準時入座！成個場啲燈光暗暗地，幾有格調嘅！如果要打卡，要行埋去二人座位嗰度先影到海景。其實有啲尷尬嘅，好彩當時未滿座，仲有少少位可以打到卡😁食物質素OK，滿意！片皮鴨需要早一日預訂，好味！亦都訂定咗兩個套餐，三個人share，份量啱啱好，又估唔到當中個叉燒都幾出色喎！仲開咗支紅酒🍷🍾唔知點解呢，要專登叫一位老外過嚟開紅酒，佢仲會定時定候過嚟幫你refill😅因為掛住食，都唔記得相機食先🥲😅價錢方面當然唔算話好抵食啦，因為始終都算係食環境嘅！晚飯後，一早已經打算食完飯再去飲嘢嘅，不過又冇乜

食物質素中規中矩片皮鴨幾好避風塘炒蟹味道幾好，但係隻肉蟹啲肉少得可憐叉燒幾好其實個服務如果唔係差到咁，係可以黎食一次既如果for景觀，可以吾洗考慮同等價錢有大把更好嘅選擇我好早就book定枱，因為父親節加母親生日，同我WhatsApp溝通果個客服幾好👍🏻我亦一早落左$1000訂當入到餐廳坐低，就係中伏既開始有一堆白底藍間T shirt既職員，好似酒店請返嚟炒散果d，佢哋應該請返嚟淨係傳菜同埋收碟。服務都竟然好過啲唔知係咪「經理」首先，我哋坐低咗之後完全冇人理我哋，想搵個人落單都難。好唔容易先叫到肥仔「經理？」埋黎，叫佢攞個酒既menu黎都可以吾記得跟住你想搵人嗌第二次啦，又陷入一個搵唔到呢啲「經理？」嘅情況。。咁丫肥仔「經理」頂多都叫做冇乜記性，態度都冇乜特別，因為完全係冇態度，好似茶餐廳夥計咁係咪應該呢種級數嘅餐廳裏面存在呢？重頭戲來了🙂埋單嗰陣，有個後生仔「經理？」攞張單埋黎，咁你乜都唔講叫我簽，我梗係睇張單個銀碼，好正常以為係簽嗰個銀碼。先先對單果陣，我就發現佢生日嗰個四送一，係冇扣到一位價錢，咁佢就拎去搞張單啦更正翻第二次返嚟將單基本上係岩，咁我就問佢，我先前預繳咗個1000

今次已是我第五次黎食晚飯 (之前真係fans)，南海一直俾我既感覺係酒店餐廳既服務。今年就諗住帶阿爸黎試下，點知都幾失望。都預左父親節會多人，但餐廳請太多炒散， 而且係完全唔識做野。黠解我知？因為我地被安掛係31/f 近門口位置, 隔離就係佢地分菜同執架生既地方。不過就算坐到咁近，全晚幾乎都係我自己加水加茶，而且成晚都聽住D職員「呼喝」D炒散，真係....咩心情都冇晒....我地叫左每人一份套餐 (諗住standard野實冇死，食過幾次)，點知都係搞唔掂，以前食係逐道菜上，今次係bling ling bam bang上晒，加上成檯碟冇人清，耳邊又不斷聽到鬧人，有一刻我以為自己去左酒樓飲喜酒 (慘) 去到尾2一道菜既泡飯，又唔知點解等左半個鐘都未有...總之好混亂，好差既服務，好失望既父親節體驗。心痛南海變得咁差食物相只得一張翅，影唔到，心情差

呢個價錢咁嘅服務可以用差來形容唔會幫襯第二次叫完加水拎走咗個茶壺無回頭要再追先有茶飲想落單個待應拎住嘢話轉頭返來然後…沒有然後…又要再追再搵待應先落到單舉手舉好耐都無人理每次都要大聲叫先搵到所有野都似係小事如果食茶餐廳我無問題但問題呢度唔係

話說要帶兩位長老補食母親節飯💓專誠揀左一間有靚景坐得又舒服既米之蓮中菜館位於 𝗶𝗦𝗾𝘂𝗮𝗿𝗲 𝟯𝟭樓 內裡大部份座位都望到維港景色當日入座卡位 配上夜景送飯 心情都特別好☺️🦐 蝦片𝖧𝖪𝖣𝟤𝟪 / 茶水 𝖧𝖪𝖣𝟤𝟪(位)餐前小食～香脆惹味🍬 陳皮話梅萵筍 𝖧𝖪𝖣𝟣𝟢𝟪好香濃話梅味 但兩者味道唔太夾 😳最後有大半碟無食到🍖 即燒片皮鴨 𝖧𝖪𝖣𝟨𝟧𝟢完隻燒鴨 即場片切上碟薄皮就用蒸籠助熱 保持微溫鴨皮香脆鬆化 烤鴨皮薄肉嫩 偏少肥膏配上京葱、青瓜、填鴨醬 味道更鮮🤤🥓 脆皮燒肉𝖧𝖪𝖣𝟣𝟧𝟪外皮脆卜卜 肥瘦均勻 但肉質一般純粹 👦🏻 被餐牌圖片吸引了🐟 油泡海斑球 𝖧𝖪𝖣𝟦𝟪𝟪老人家喜歡食魚～但原條蒸魚選擇比較少最後揀左油泡海斑球 魚身見到啲油反晒光😂味道較香濃 最緊要無骨～🥬 拍薑芥蘭𝖧𝖪𝖣𝟣𝟨𝟪薑味濃 芥蘭唔算太苦 中規中矩🍡 楊枝甘露 𝖧𝖪𝖣𝟧𝟨今晚最為驚艷既係糖水～口感滑潤 又清甜爽❤️最喜歡佢既小丸子 比外面食到既更軟糯煙韌可惜得兩粒 唔夠喉🥹🥮 和田玉棗糕 𝖧𝖪𝖣𝟧𝟨入口有淡淡紅棗既清香 煙煙韌韌老人家都喜歡💕南海一號 聽個名就非常中國風食中菜名字取自中國古代航海家鄭和的尋寶艦隊門口

款式不算太多，但係樣樣精品，好吃今次叫了燒賣、黑糖合桃包（推介）、梅粉芭樂（爽脆清甜）、鮮果咕嚕肉（啖啖肉、夠脆）、鳳爪（正）等等服務態度非常好上菜速度快好好味星期一至日都有可以再來

我哋係join Elite Access會員嚟試南海1號，見食評一般都ok所以就試吓。叫咗叉燒包，素鵝，XO醬炒腸粉，鱈魚酥，鮑魚燒賣再加左蒜香雞粒蒸飯，叉燒包唔係好好食，除咗個雞粒蒸飯好少少，其他都係好一般。買單嘅時候，服務員都未有話俾我知原價成張單係幾多，就已經要我scan 飲食券QR代碼，問佢攞返張單嚟睇，佢就話我幫你一次過做完先拎比你啦。總括嚟講，如果你想有景90分鐘飲個茶嘅話可以上嚟試吓，如果唔係其實尖沙咀仲有好多其他選擇。

點心好吃，職員態度親切，服務良好，環境幽美，是難得感覺滿足的一餐！美中不足就是用餐時段太短，坐一小時就last order，有點覺得太趕了😂想坐窗邊就必須要夠最低消費。

點了幾個菜：醬大蝦，脆皮肉，煎蠔仔，楊枝甘露。最離譜是脆皮肉端上來量少得可憐，而且竟然是溫溫的！煎蠔仔油膩得難以下口，裡面放太多麵粉。哦還有個腐皮煮番茄，明明點的是豆腐野菜，因為帶朋友吃，吃之前還強調是很好的粵菜，到買單時才發現不是一個東西，腐皮煮番茄還口感過甜，裡面放了一些菇。大蝦和楊枝甘露平平，沒什麼特別的地方。菜的質素很失望。吃了回家後吐了，不知道是不是脆皮燒肉不新鮮還是什麼原因。服務倒是不錯，不停有人及時收盤子。