283
83
82
| 餐廳: | 南海一號 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵尖沙咀/尖東站 H/ R 出口
繼續閱讀
電話號碼
24873688
開飯介紹
曾兩年連續入選米芝蓮星級推薦的中菜館，在餐廳內可眺望到維港海景。餐廳選材矜貴，做法複雜，菜餚的造型亦十分精緻。
繼續閱讀
附加資料
午餐海景位置最低消費每位$300+10%，晚餐海景位置最低消費每位$600+10%。
營業時間
今日營業
11:30 - 15:00
18:00 - 22:30
星期一至日
11:30 - 15:00
18:00 - 22:30
以上資料只供參考, 請與餐廳確認詳情
有關獎賞計劃
優惠
相關文章
於尖沙咀雲端之上～在「南海一號」的華美殿堂～為兩位摯友慶生～願歲月靜好～情誼長存～歡愉永伴～㊗️生日快樂～🎉🎈🎂🌹🍾🥳《前菜》：•話梅石榴～話梅的酸甜俏皮滲入多汁石榴～一口清新～瞬間打開味蕾的期待～👍• •青芥茉螺花～螺片鮮嫩～青芥末的微辛提神而不嗆～蟹子的鮮甜在舌尖優雅綻放～😋🤤《主食》：•煎焗魚頭沙薑雞～鑊氣十足～魚頭煎至金黃焦香～與嫩滑雞肉共治一爐～蔥蒜的辛香熱情奔放～濃鬱醬汁包裹每一寸鮮美～太美味了～🤤😋😍👍••頭油皇中蝦～以經典頭抽皇秘製醬汁快炒～醬香濃鬱鹹鮮惹味～～可惜鮮蝦比起普通的中蝦有點偏小了～😅•••和牛生菜盞～和牛粒油脂豐腴～盛於翠綠爽脆的生菜"小盞"之中～一口咬下、肉香、脂香與生菜的清新完美融合，層次豐富～👍••••鮮淮山粉紅木耳炒～一道賞心悅目的清雅之選～爽脆鮮淮山、滑嫩粉紅木耳、碧綠萵筍片～色彩柔美、口感清爽～以健康雅緻平衡盛宴～🤤😋😍👍《甜點》：•鮮奶燉桃膠～奶香醇厚、桃膠軟滑、甜度怡人、滋養身心、一碗暖心潤肺的甜蜜～寓意生活如蜜、容顏常駐～😋🤤😍👍••合時壽桃包～傳統賀壽美點為兩位壽星獻上最經典的祝福～福如東海，壽比南山！📍 **餐廳資訊**👨🍳：南海一號🏠：尖沙嘴iSquare 30樓
繼續閱讀
見任食都係2百幾一位,去試吓啦！點心有蒸,炸,小食,小菜,飯麵等...叫佢蝦餃,燒賣,黑松餃,蟹肉餃, 炸春卷, 蘿蔔糕, 排骨陳村粉, 鮑汁雞腳, 蝦仁炒蛋, 四季豆, 生炒排骨,贵妃維, 家鄉炒米粉, 楊洲炒飯. 桂花白糖糕, 一口合桃包, 糯米糍.每樣都點一人份,怕太多,又怕唔好食😅蒸嘅點心係即蒸嘅,夠熱👍小菜都做得唔錯. 比較喜歡係蝦仁炒蛋, 雞同四季豆. 炒飯幾乾身😍甜品桂花白糖糕,煙煙韌韌的💞環境都幾好,望到海😍
繼續閱讀
📍𝕿𝖘𝖎𝖒 𝕾𝖍𝖆 𝕿𝖘𝖚𝖎🥂 #cynintst #eatintst▪薑蔥肉蟹煲 🦀ℂ𝕣𝕚𝕤𝕡𝕪 𝕘𝕣𝕖𝕖𝕟 𝕔𝕣𝕒𝕓 𝕨𝕚𝕥𝕙 𝕤𝕡𝕣𝕚𝕟𝕘 𝕠𝕟𝕚𝕠𝕟 & 𝕘𝕚𝕟𝕘𝕖𝕣冰鎮鮑魚 💯𝔽𝕣𝕖𝕤𝕙 𝕔𝕙𝕚𝕝𝕝𝕖𝕕 𝕓𝕒𝕓𝕪 𝕒𝕓𝕒𝕝𝕠𝕟𝕖 𝕨𝕚𝕥𝕙 𝕤𝕠𝕦𝕣 𝕘𝕒𝕣𝕝𝕚𝕔 𝕤𝕒𝕦𝕔𝕖川芎天麻燉魚皇湯 🥣𝔻𝕠𝕦𝕓𝕝𝕖 𝕓𝕠𝕚𝕝𝕖𝕕 𝕗𝕚𝕤𝕙 𝕓𝕣𝕠𝕥𝕙 𝕨𝕚𝕥𝕙 ℂ𝕙𝕚𝕟𝕖𝕤𝕖 𝕙𝕖𝕣𝕓𝕤脆皮牛坑腩 💯𝔻𝕖𝕖𝕡-𝕗𝕣𝕚𝕖𝕕 𝕔𝕣𝕚𝕤𝕡𝕪 𝕓𝕖𝕖𝕗 𝕓𝕣𝕚𝕤𝕜𝕖𝕥 𝕤𝕖𝕣𝕧𝕖𝕕 𝕨𝕚𝕥𝕙 𝕤𝕡𝕚𝕔𝕪 𝕧𝕖𝕘𝕖𝕥𝕒𝕓𝕝𝕖 𝕤𝕒𝕦𝕔𝕖金榜醬煮大蝦 💯𝕂𝕚𝕟𝕘 𝕡𝕣𝕒𝕨𝕟 𝕤𝕖𝕣𝕧𝕖𝕕 𝕚𝕟 𝕓𝕒𝕟𝕘 𝕤𝕒𝕦𝕔𝕖即燒片皮鴨(兩食) 1.原隻片皮 2.豉蒜涼瓜燜鴨件 🦆ℝ𝕠𝕒𝕤𝕥𝕖𝕕 ℙ𝕖𝕜𝕚𝕟𝕘 𝕕𝕦𝕔𝕜 (𝟚 𝕔𝕠𝕦𝕣𝕤𝕖𝕤) 𝟙. 𝕊𝕝𝕚𝕔𝕖𝕕 𝕕𝕦𝕔𝕜 𝕤𝕜𝕚𝕟 𝟚. 𝔹𝕣𝕒𝕚𝕤𝕖𝕕 𝕕𝕦𝕔𝕜 𝕞𝕖𝕒𝕥 𝕨𝕚𝕥𝕙 𝕓𝕝𝕒𝕔𝕜 𝕓𝕖𝕒𝕟 & 𝕘𝕒𝕣𝕝𝕚𝕔龍蝦湯泡貴妃飯 💯💯ℂ𝕣𝕚𝕤𝕡𝕪 𝕒𝕟𝕕 𝕤𝕥𝕖𝕒𝕞𝕖𝕕 𝕣𝕚𝕔𝕖 𝕤𝕖𝕣𝕧𝕖𝕕 𝕚𝕟 𝕝𝕠𝕓𝕤𝕥𝕖𝕣 𝕤𝕠𝕦𝕡香芒布甸 🥭𝕄𝕒𝕟𝕘𝕠 𝕡𝕦𝕕𝕕𝕚𝕟𝕘-----。-----。-----。-----。-----。-----。-----。-----。-----。-----。-----。----- 餐廳可以遠眺維港景色 仲有戶外rooftop bar 環境氣氛一流 非常適合慶祝節日🥰 依加仲有生日4送1優惠 只要4位同行朋友中係當月生日就可以點選 真係好抵食🥳🥳@nanhai.no1▪
繼續閱讀
多年以來環境及服務不變，仍然保持得很好，值得一讚。食物是有誠意的，但一向不算極致出眾。多做優惠，相信仍能屹立不倒，當然如果連出品也認真去與時並進，估計能重穫更多擁戴。
繼續閱讀
年年四、五月都有好多生日飯局，一家人一齊食飯唔少得。上個月已經嚟呢度食咗一餐生日飯，個個讚不絕口。今個週末又係兩個家姐生日，我哋再嚟食返餐，今餐俾上次印象更深刻。今次我負責落單，入到餐廳首先搵返上次幫手打點一切風趣又盡責嗰個副主任- 「波士」(我改嘅化名😂），我哋想食返上次嗰隻珊瑚蟹，但係原來單點超貴😛，「波士」建議將個套餐入面一啲菜式加大，咁我哋又食到好正嘅蟹又唔會唔夠食。😋😋👍👍人未到齊但係又驚啲小朋友肚餓，我哋叫咗兩款小食，有攞嘅時候要啲技巧嘅麥糖花生脆芋絲，同埋外脆內嫩嘅脆炸椒鹽魷魚，當然仲有食到停唔口嘅木薯片。😋😋人齊哂我哋反傳統先吹蠟燭食壽包，壽包細細隻，我自己覺得反而好啲，因為唔使迫自己食晒一個大包。吹完蠟燭，就到今晚亮點之一，超級美味嘅冰鎮飽魚，上次掛住食唔記得影相，今次影到啦！😁 呢個鮑魚一定要推介，雖然係凍食，但係味道同口感都超正，就連席上長者們都無懼冰鎭！😂鮑魚好腍，切開一條條，加埋個酸酸地嘅蒜蓉汁，靚靚咁放返入個殼度，仲有啲切到好幼嘅白蘿蔔絲伴碟，清爽鮮甜，既特別又好食，個個食到舔舔脷！我連蘿蔔絲都冇放過，將佢哋放入鮑魚殼啲蒜蓉汁，當沙律食勁好味！😋😋😋😋鮑魚之後係剁椒鹵燻蹄，因為顏色比較深，所以望落有啲似牛展，仲以為剁椒會辣，其實一啲都唔辣，我一個人都食咗幾塊。🤣花雕蒸珊瑚蟹喺今餐嘅主角，全枱人都讚不絕口，連平日唔係好食海鮮嘅家姐都食咗好多件。雖然話係花雕酒蒸，酒味唔會好濃，仲要下面嗰啲好似蒸蛋嘅嘢，又滑又好味。大人細路都冇停手，上次家姐「美人照鏡」清碟，今次輪到細佬連蟹殼都刮到乾乾淨淨。😂👍👍👍😋😋😋我平時食中餐好少飲酒，今日見到呢樽古越龍山十年陳花雕酒，加上有正嘢食、有靚海景、仲有個包裝好吸引(樽同個木盒都好靚)，酒味唔會太烈，加咗話梅，甜甜哋好易入口，破例飲咗一杯仔。今晚個餐有白切獅頭鵝，就咁睇仲以為係普通鹵水鵝，鵝肉口感滑，唔會太鹹，好食過某啲潮州滷水鵝店嗰啲。👍我覺得食牛腩好麻煩，如果啲牛腩煮得唔夠腍就會「黐牙」，呢個清湯牛坑腩上枱打開蓋嗰陣，牛腩嘅香味跟住啲蒸氣湧出來，既然咁香，黐牙都要試吓。🤣🤣一啖咬落去，牛腩出乎意料嘅腍，牛味十足。除非你唔食牛，如果唔係都幾難抗拒！呢煲薑蔥煀東星斑打開蓋嗰陣時，啲蒸氣攪到張相濛哂，證明夠晒熱。😂厚切嘅魚肉味鮮肉滑，唔會過熟，仲有煲入面嗰啲薑蔥同配菜入哂味，我同家姐兩個夾哂啲蔥段嚟食，結果成煲清晒。😋😋食咗咁多肉，最好就係有碟靚菜，呢個濃湯野菌時蔬啱晒口味，連小朋友都鍾意食，又係食到一條都冇剩。😋😂最後呢個龍蝦湯泡貴妃飯都幾特別，唔係普通湯飯，因為龍𧎚湯入面除咗普通白飯，仲有啲脆脆哋嘅飯粒，口感好特別，可以用「夠料、美味、有特色」嚟形容。飯後甜品有呢個桃膠西米露，唔太甜仲有好多桃膠，「波士」好識氹小朋友，送完橙汁又送芒果布甸。今餐喺美味甜品後劃上句號。今日天公做美可以喺餐廳露台清晰睇到「幻彩詠香江」，呢度嘢食固然好，特別係冰鎮鮑魚同埋花雕蒸珊瑚蟹，服務態度都係非常好，副主任固然係抵讃，其他員工都親切慇勤。雖然人均消費要$620，但係預咗食高級嘢就預埋人均消費會高啲。😊講真，其實好多酒店嘅「全包宴」人均消費都差唔多啦。😂P.S. 由於相片限上載12張，有啲相冇「哂」出嚟，其實佢哋個西湖海鮮羹好飲，不過睇相同龍蝦湯泡貴妃飯好似。裝橙汁個兩層玻璃杯同埋花雕酒個木盒都好特別。仲有佢哋酒吧嗰邊有幅好震撼嘅酒櫃牆，特高嘅樓底突顯咗呢個巨型酒櫃有幾壯觀。😊
繼續閱讀