北京老家

營業中

休息中

同媽媽慶祝生日飯 佢中意食中菜 於是揀左呢間北京老家食好啲一去到門口就有種懷舊 古色古香既感覺入到去裝修都好別緻，突顯中國風味好多人都係門口影相 我都影一份先上去坐落見到menu都有幾多款式菜揀 我地最後叫左六款食物首先上個前菜-蒜泥茄子呢個凍食既，底係用麻醬撈起，茄子凍食比較硬身，可以咬下，點埋麻醬好好味之後緊係要點必食既-北京填鴨四個人叫左半個隻，份量岩岩好 每人都可以食到3-4件填鴨夠熱 皮夠脆，加埋青瓜蔥絲同埋甜醬食 味道一流再叫一道午門面青，其實係豬肉黎既，用醬汁爆香黎炒，再加芝麻同埋孜然粉好好味啊！口感爽口，啖啖肉由於冇叫飯食，我地叫左大娘燒肉餅四件，岩岩好一人一件燒餅入面夾坐牛肉、芹菜同埋洋蔥，有孜然香味， 一啖食落口好滿足好香好夠味最後叫左個胡同刀削牛肉麵好大碗，4人食都夠，每人食幾條試下味道，牛肉好嫩滑，湯底唔會十分濃，清得來夠香，幾好飲面夠滑又黏 又唔太厚好正甜品就點左高力豆沙，即叫即整好多砂糖 夠哂甜總括來講，環境味道質素都唔錯份量岩岩好，每人220埋單都抵！

老朋友外國返來過暑假，當然要帶佢食好西。今次帶佢食正宗北京菜-北京老家，朋友讚囗不絕。餐館裝修很古色古香，很有中國風。食物也很正宗，食、香、味俱全。老家心靈美一絲絲醃製蘿蔔絲，很適合夏天食，酸酸甜甜很開胃，而且呢度菜嘅名很有詩意。午門面青用新鮮准山炒豬頸肉，很惹味。准山很爽口，原來用准山炒餸係咁好食，豬頸肉很嫰滑，好食到一個人食咗大半碟，朋友也食到Lam Lam 脷。大娘燒肉餅餅底熱辣辣，很香脆，餡料超多，味道一流。蕃茄蛋麵份量很足，很大碗，兩個share 食啱啱好。老佛爺米糕外脆內軟，味道一流。

有朋友之前食過TST 分店覺得唔錯今次佢就帶我黎灣仔分店試試應該信得過O既飲住茶等人齊聽講有D 台直頭養住缸魚睇住魚食飯好癲...不過我睇唔到先黎個片皮鴨皮片得勁薄, 好刀功!片到勁多塊D 粉皮好似唔多夠包D 肉唔知粉皮可唔可以REFILL??去京菜系必點O既烤夫哩到都好大兜又有冬菇幾好同場加映拉麵表演仲以為佢係咩胡蘆賣咩鴿...原來係裝隻鴿係個胡蘆入面...估佢唔到隻鴿炸到外脆內JUICY唔錯哩個係五門面青聽個名, 嚇一嚇點解個菜係叫面青呢..?突登問個店員原來係豬肉青, 即係豬頸肉豬頸肉爽, 送飯應該唔錯紅燒牛肉麵一碗唔知係咪頭先拉果D 麵呢...??牛肉唔韌, 麵韌幾好最後就係老佛爺米糕加埋D 桂花糖, 幾特別臨走加影

地方不錯 上菜也迅速 但是性價比⋯米飯不值錢吧 但是一個套餐$110 得半碗飯⋯裝修一流 可能是請客好地方 自己人食就⋯伙計做事勤奮 是可取的地方 有沒有下次？ hmmmmmmmm

呢間位於灣仔合和中心嘅北京老家, 餐桌設計別出心裁, 客人一邊用餐, 可以一邊透過玻璃檯面欣賞活潑動人嘅小金魚, 很有意境。大家收工嚟到都好肚餓, 二話不說先來半隻北京填鴨。北京填鴨 (半隻) $210/填鴨賣相不錯, 拎一塊熱辣辣嘅薄餅皮, 放上京蔥、青瓜、加少許秘製醬汁, 而主角烤鴨皮, 我就鐘意揀最肥美嘅一片。紅油抄手(8個)$88抄手外皮滑捋捋, 伴上紅油色香味俱全。五門面青 $118睇菜名完全估唔到, 原來呢味係豬頸肉炒淮山薄片, 醬汁濃稠帶甜。

今日同家人嚟合和中心嘅北京老家食晚餐, 店內設計很有心思, 有各式各樣嘅傳統擺設, 名副其實就是北京老家的感覺。餐牌選擇繁多, 可惜只有菜名, 店員介紹下, 先點個開胃菜。老家心靈美 $78心靈美切成幼絲, 爽口帶嚼勁, 以糖醋醬汁涼拌, 係一道不錯嘅開胃菜。大娘燒肉餅 $217/4個燒餅細細件, 但肉餡一啲都唔少, 微辣肉碎混上配菜, 惹味可口。老佛爺米糕 $98/4件米糕表面煎得金黃焦香, 蘸上桂花糖漿, 成為清淡而甜美嘅甜品。

中國風嘅裝修令你目不暇給，茶具器皿都是古色古香，今天在合和中心的北京老家晚飯，自己就像是一個遊客，不斷打卡📱拍照📷，開心極了😍。坐在優雅的卡座，友善嘅店員為我們端上一壺暖暖嘅大連麥茶，麥茶味道帶點豆香，清淡香醇沒半點苦澀味。很文藝的名字其實是來自北方的蘿蔔，蘿蔔生切幼條，加入香醋麻油作涼拌，是十分開胃的餐前小吃。紅色的番茄黃色的雞蛋，讓你看得開心，用上家庭式的食材來拌麵，新鮮淮山切薄片炸得脆脆，再加入醬油與豬頸肉同炒，醬油就像是做豉油雞的那種，帶一點甜味，淮山香脆，豬頸肉腍滑爽口，十分創新嘅食材配搭，味道亦受歡迎👍👍👍乳鴿用薰烤的方式製作，沒有油炸嘅肥膩感，輕點自家調製的黃金蒜鹽，簡單美味最怕吃到的北京填鴨🦆是肥膏比鴨肉還要厚，《北京老家》的鴨一定是經過嚴格挑選，製作出來的填鴨🦆色澤油潤，肥瘦恰度，脆皮鬆化，鴨香味濃，配合韮王青瓜，略帶甜味的海鮮醬， 鴨包子好味得令人感動雕塑一樣的作品，總會引起一陣哄動，鮮淮山吃得對就是寶，由於本身沒有味道，精巧的拔絲功不可沒。甜品係幸福嘅代號，亦標誌着晚飯的尾聲，吃過這道創意甜品，飽飽的大滿足。美味嘅食物，特色嘅裝修，心想爸媽一定喜歡，今天暫別，很快

又黎食我最愛嘅中菜喇 有冇同好🙋🏻‍♀️今次黎到北京老家 裝潢超正 好多兵😂頭盤叫左個麻辣肚絲 ($78) 肚絲好入味食得辣嘅會好中意 食到停唔到口大娘燒肉餅 ($108) 肉碎餡料超多燒餅煎得好香 連埋肉碎 食落好鬆化👍🏻其實我第一次聽老家燜子睇落係啫喱狀 混合著肉末與蔥花的食物食落去滲透肉醬嘅味道至於紅油抄手 內含麻辣酸甜鹹香嘅味道幾種味道係一舊雲呑度出現 好味啊🤗________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

早前同女友兩個人去試北京老家，未入去時見裝潢設計都係古色古香嘅傳統中國風。最印象深刻嘅係師傅特別出演現場拉麵條畀我哋食客睇，師傅嘅手打麵技術出神入化，睇到我哋嘆為觀止！第一道係為北京老家嘅招牌菜－老家心靈美我哋就係慕名而來，嚟到果然不負所望，酸酸甜甜好啱做開胃前菜。第二道就係娘娘蘿蔔絲餅，熱辣辣外脆內軟，唔會太油膩，食到停唔到口。再來就係京燒排骨架，醬汁滲入排骨裏面，好入味，排骨唔會太瘦又唔會太肥，恰到好處。最後就係擔擔麵，我認為係非一般嘅擔擔麵，其精髓所在係個湯夠濃，每條麵條都有濃湯嘅香同辣味。

有朋自遠方來，緊係要食下啲特色少少啲中菜。所以就選擇咗北京老家，由裝潢到食物都極具風味，老外應該會好喜歡。胡同素鵝，煎得外脆內軟，非常香口，欣賞佢呢度嘅腐皮好有豆味！北京填鴨，老外非常喜歡，有得玩有得食😂鴨皮同肉之間無多餘脂肪，鴨皮脆卜卜，配返青瓜大蔥減輕肥膩感。京燒排骨架，香濃嘅燒汁配大舊排骨，送飯一流。排骨骨肉容易分離，肉質夠淋。老家烤魚 ，有啲紅燒味道，用嘅配料青椒和香蔥，芹菜等等全部都係濃味香料，聞到都知道好食。胡同牛肉刀削麵，湯底甘香清甜，牛肉片又淋又滑，又係配上大量大蔥，不錯高力豆沙，即叫即整，等咗20多分鐘，上菜時熱辣辣，新鮮整寧舍好食！

食過幾次 尖沙咀店 印象甚佳朋友約灣仔食飯 話 北京老家 午餐好抵食 所以約在這裡晚飯這時我先知 灣仔有分店北京老家好得意 餐廳都喜歡設計成2 層 入面有樓梯 或者大廈有電梯到各層中國style 的裝修 擺設 一定不少得 帶d 外國朋友來 他們會看得好開心吧北京老家要符合他的店名 口味當然會 濃烈一點不過還是比 中國北方的味道溫和偶爾都想食下這樣香濃的味道 刺激味蕾晚飯有好多 普通話食客口味應該 適合他們 我們點了 片皮鴨半隻肥瘦均勻 皮脆 食片皮鴨 總覺得 塊餅皮越多越好這裡數目剛好 4個人 每人都有2-3 卷四喜烤麩 有冬菇和豆豆 一起份量比 上海菜的大 和豐富葫蘆香鴿 2隻 唔知是否裝在裡所以有此名店員細心地幫我們份8件 表面乾脆 裡面肉汁和 油脂亦然保留皮的做法稍微比 廣東式的 燒乳鴿厚 味道非常好 有孜然 五香 調味香氣十足不夠濃味的 還可以點香料鹽五門肉青 名字有d得意單由菜名 和店員 吹了一陣水 氣氛融洽其實就係 豬頸肉 好似 蔥爆牛肉的味 但無蔥 入門伴了一些 好似薯仔咁嘅蔬菜 細細片 好好食的 不要當蔥蒜 捨棄他們 主食 叫左 牛肉 刀削麵麵條較薄 份量好夠老佛爺米糕

朋友生日相約一班好友去食京菜，上網睇到評語唔錯，所以就選擇這家餐廳慶祝😄老家心靈美 $78這道菜是以生蘿蔔醃製而成，酸酸甜甜的十分開胃，作為前菜是很好的選擇，相當醒胃！午門面青 $118淮山香脆可口，炒豬頸加左芝麻，肉質十分香口，而且爽口又唔會有油膩感！老家燜子 $108一粒粒好精瑩好似啫哩小小的，煙煙韌韌幾特別，原來是由蕃薯去製成，很特別的一個菜式。胡同刀削牛肉麵 $88牛肉切片及配以大葱和蒜片同炒，炒得十分香口，配了粗身刀削麵條口感煙靱，湯底濃郁👍🏻北京填鴨 半隻 $210不可以缺少的北京填鴨，我地點左半隻剛剛好，填鴨切了片，放在熱辣辣的餅上配上青瓜條和京葱絲，點上烤鴨醬一同食十分入味。高力豆沙 $15/個最後點了高力豆沙這款甜品，即點即整炸到金黃色色的內裡是豆沙，外面滿滿的沙糖，食落都唔會很甜剛好！

今晚一家人聚聚，老一輩都是喜歡食中菜，就選擇了食北京菜，黎左北京老家位於灣仔合和中心十分方便易搵門口已感受到充滿懷舊的風格裝潢設計風格充滿華麗很有古典氣派！前菜是蓮藕片蒜泥茄子 $78很少會食蒜泥茄子，味道都唔錯整得很入味。北京填鴨 （半隻） $210去食北京菜點少得北京填鴨，點左半隻燒得金黃色，味道很香口。大娘燒肉餅 兩個 $108很有風味的燒肉餅，兩塊包的中間肉碎裝得滿滿的，個餅煎到好脆，十分滋味！葫蘆香鴿 $218好美味的乳鴿，同平時的整法不同，外脆內軟外皮整到金黃色，相當吸引！紅油抄手 （8個） $88味道不錯，粒粒都很大粒，涵了豐富😋炸芝麻湯丸 甜品有好美味既炸芝麻湯丸，出到黎熱辣辣即叫即製，外脆內軟涵料豐富👍🏻👍🏻

合和中心的「北京老家」，裝修擺設甚俱中國風，所以今天在這裏招呼外國來的朋友。黑色酸枝木紋配以金色的牌匾，氣勢不凡。菜單也設計獨特，仿效皇上「聖旨」的設計，要特別將這個意思翻譯給外國的朋友，他們深感興趣。美輪美奐的壁畫，繪着中國傳統的粵劇圖案，連洗手間都金碧輝煌，金光閃閃，非常特別。茶具器皿也一絲不苟，氣勢非凡，每一細節都做到無微不至。前菜小食「老家心靈美」，特製羅白絲，酸酸甜甜，特別令人開胃，份量也不少。番茄雞蛋手擀麵，龍龍的蕃茄湯，配上雞蛋絲，每人分一點暖暖胃，鮮甜又飽肚。葫蘆香鴿，葫蘆形狀的器皿，令我想起這個葫蘆裏面今次是賣什麼藥呢？答案顯而易見，服務員讓我們拍完照之後，細心地為我們分好份量，十分方便，鴿子皮脆肉嫩，甘香味美。五門面青，濃濃的醬油味，加上豬頸肉，吃得我們很滋味。北京填鴨，有一隻和半隻的選擇，我們選擇了半隻，份量絕對不少，非常精緻，色香味全。還有飯後甜品「拔絲淮山」，有點金光閃閃的感覺，賣相滿分，甜絲絲，淮山表面包着糖漿，好味又健康。總括來說，這裏絕對是招呼朋友，感受中國傳統色彩的好地方。

我聽朋友講北京老家啲裝修好有特色，就專登去見識一下。今次一行四人就諗住食佢個打邊爐，最後唔知點解都係叫咗小菜。叫咗個烤夫做前菜，半隻嘅北京填鴨，兩隻燒乳鴿，仲有炒豬頸肉同牛肉麵，甜品就叫咗個叫老佛爺米糕嘅物體。總得來講除呢度除咗環境有啲特色之外，啲菜嘅質素我自己覺得係一般般。就好似隻填鴨咁，啲皮係偏凍嘅，炒豬頸肉嘅味道有少少鹹，而個老佛爺米糕其實係炸糯米飯嚟嘅，唔知點解可以買到$98咁貴。唯一一個我覺得個味道比較好嘅就係個燒乳鴿，佢點汁/醬係辣辣地，幾惹味。我哋四個人食哂上面所講嗰啲嘢個都唔算好飽，但已經差唔多要$1000 ，所以個性價比係有待提高。