北京老家

營業中

休息中

京菜大部分都是味濃的菜式，而小弟也很喜歡食，所以今次就約了一班朋友一起去試這間北京老家，看看這老家是否有正宗京菜的風味。餐廳裝潢好花心思，底層有個花橋同幾個入牆甲俑，非常特別！枱下面也有石塊擺設，非常花心思。一說到京菜，就立即想起片皮鴨這道菜，小弟覺得如果餐廳是以京菜為賣點，並會以這菜為評分參考。鴨除了皮脆外，肉和皮的比例也恰到好處。小弟覺得太少肉吃起上來會好膩，太多的話就會欠缺油香，所以這片皮鴨我十分推薦。另外，我們點了四喜烤麩為前菜。這個菜吃起上來味道很豐富，又鹹又甜又有少少酸。那些烤麩應該是麵根搓成，配上冬菇木耳等，很有京菜特色。下面這個是牛肉刀削麵，麵吃上來好彈口，有點像上海麵。配上醬油牛肉，很濃郁。由於我們4個人吃一碗，實在是不夠喉，但因為點了其他菜，所以最後沒點第2碗。點了個五門面青，看菜名應該猜不到是什麼。這個其實是豬頸肉和椎山煮成，甜甜鹹鹹。小弟本來並不喜歡鮮椎山，怕那種像黏液一樣的感覺。但這道菜沒有那種口感，反而吃起上來少少爽脆，內裏又有少少冧，令我重新認識這食材。這個是葫蘆鴨，份量有2隻。鴨的表面被炸成酥皮，本來我不明白為何叫葫蘆鴨，但我想大家看完這圖應該就會明白。

姑姐同外籍姑丈難得返香港, 不過爸爸媽媽剛好去左旅行, 佢地交代我一定要好好替姑姐姑丈接風, 揀左好耐, 最後決定去係openrice評價唔錯嘅北京老家, 俾外籍姑丈感受一下傳統農家菜嘅風味。😁北京老家有別於其他香港食京菜嘅菜館, 唔係食北京宮廷菜, 反而以係香港好少見嘅北京農家菜作為賣點, 整間餐廳裝潢好古色古香, 木製屏風, 桌椅配合好典雅嘅壁畫同裝飾, 以至於餐具也是青花瓷製, 感覺仿如走進左北京老店入面用餐。😙我地3個人點左4款食物, 另外加左客甜品, 應該好夠食。😁四喜烤麩 $78四喜烤麩係一道北方菜常見嘅餐前冷盤小食, 入面有有烤麩, 雲耳同冬菇, 味道清甜帶有微酸, 係一款相當醒胃嘅素食。👍北京填鴨半隻 $218食北京菜當然唔少得北京填鴨, 呢款北京填鴨嘅鴨肉都唔少, 香脆嘅鴨皮以鬆軟餅底配以醬汁, 蔥條食, 味道層次豐富。😋五門面青 $118豬頸肉超爽口彈牙, 伴碟嘅准山條香脆惹味, 非常有驚喜。👍大娘燒肉餅(兩個) $108店員推介嘅呢款大娘燒肉餅可以揀羊肉或豬肉, 姑姐揀左羊肉, 燒肉餅口感鬆軟, 面層有少少脆, 羊肉唔太肥, 微微辣, 非常惹味。😍高力豆沙四件 $

我呢日就係食LUNCH 嘅，因為BOOK左位，所以唔駛等就可以入座喇。佢環境好，裝修好，牆上面的晝都好有特色，而且台與台之間又唔會太近，坐得舒服，所以價錢都偏貴。佢LUNCH基本有兩款SET，麵SET OR 客飯麵SET就係一碗麵，配一個小食而我地今日就叫客飯，因為全女班，唔大食，所以5個人叫左4個餐客飯有湯、小菜、飯同糖水分別係紅燒茄子、醬爆雞丁、糖醋排骨同糖醋魚當中我推介紅燒茄子同醬爆雞丁份量大╴味道好

今日下晝攞左假陪表妹係灣仔搵設計公司裝修佢間新屋, 由1點一直到6點先傾成仲簽埋約, 因為lunch都未食, 超級肚餓, 表妹帶左我去合和中心呢間京菜店醫埋肚先返屋企。😋表妹介紹呢間北京老家主打農家菜, 原本以為裝修會比較簡單, 一入到餐廳非常驚喜, 餐廳裝修以古典中國風為主題, 配以既有特色又雅致嘅擺設, 非常有格調。我地到餐廳時未到6點半, 客人仲未多, 我地趁機係餐廳周圍影相打卡, 超開心。😍餐牌都係以中式風格設計, 菜式選擇非常多, 我地點左烤麩, 燒肉餅, 刀削麵同高力豆沙, 雖然有好多野想叫, 不過兩個人唔敢點太多, 怕食唔哂。😌四喜烤麩 78烤麩雖然係前菜, 不過份量非常多, 上枱時仲好熱, 酸酸甜甜, 口感軟腍, 加上爽口菇菌, 味道唔錯。👍大娘燒肉餅 108以羊肉做嘅大娘燒肉餅外軟內嫩, 羊肉帶有微辣, 味道濃郁。😋胡同牛肉刀削麵 88刀削麵好滑, 湯底味道香濃, 牛肉肉質富有彈性, 配搭唔錯。高力豆沙 88一份高力豆沙原來有4件, 我地每人食左兩件, 飽到要捧住個肚走。😊

到底香港邊到有正宗嘅北京填鴨同北京菜食？上網搵咗啲資料，北京老家係非常出名食北京菜，而且環境係超級有中國風味，所以就約咗朋友去食個晚餐。門口真係好特別 好有博物館嘅感覺，充滿濃濃嘅中國風味。枱下係有養住金魚嘅盤仔，好吸睛之外仲要好有古代風格，未食就大飽眼福打卡一流啦。麻辣土豆絲嘅土豆絲非常脆口，啖啖入口都充滿麻辣嘅醬汁，又麻又辣嘅感覺惹味又過癮作為一個前菜非常開胃。大娘燒肉餅好多餡料好厚身，外面嘅包質感似饅頭比較乾身，但餡料夠多同夠肉汁，而且味道好濃岩曬我重口味人士，完全解決咗面包乾身依個問題，好食。北京炸醬麵好濃味香口，麵身質感軟硬適中仲帶點煙un。午門面青姐係淮山炒豬頸肉，醬汁嘅味道係帶啲甜味，豬頸肉好入味同埋份量好夠多，好岩用嚟送白飯或者送酒。最尾我地哪叫咗北京填鴨，有得揀嗌全隻或半隻。皮、鴨肉、京蔥再加大匙醬料，再一啖送入口，鴨肉嘅油脂好香唔會太肥或太瘦，皮又夠薄 京蔥又可以解到膩，食多十幾塊都唔係問題。高力豆沙好甜好好味，外脆內鬆軟嘅外皮，加上入面又綿密又香嘅紅豆餡，作為一個美好嘅ending。

很少機會食到北京菜，難得一家人晚飯，是晚選址灣仔北京老家，聽聞這裡的北京菜夠特別、夠正宗，而且份量大，多人吃款式自然可以點多些來品嚐。 餐牌菜式種類繁多 環境怖置古色古香，有著北京歷史特色 灣仔商業區，本以為平日夜晚人流少，但來到一看，很熱鬧。 老家心靈美，聽個名字都不知什麼東東，即管點來試試，原來是炸過的蘿蔔絲，再調味醋汁製成，粉紅顏色很吸引，味道酸酸甜甜幾有趣，炸過香口爽脆，先打開我的味蕾。 胡同刀削牛肉麵，湯底濃郁，刀削麵條厚薄適中，有咬口，很香濃的牛肉味，湯底清甜不會很油膩，牛肉淋身嫩滑，牛肉的份量都多，湯底味道不錯。 老家燜子，甜甜地，都幾好食，口感像薺物，每一件都滲滿汁液。 五門面青，又是聽個菜名都不知是什麼，在詢問職員下原來是營養價值豐富的淮山及豬頸肉，這款菜很適合配個白飯來吃，比較濃味，但淮山這樣的製法還是第一次吃到，挺特別的，味道甜甜地，幾開胃。 北京填鴨，吃北京菜怎能不吃填鴨，外皮燒至好香好脆，皮薄鴨肉汁多，油份剛剛好，我有時都會整片吃，不包蔥、醬，哈哈! 大娘燒肉餅，滿滿的肉碎幾乎瀉，餅底鬆脆，肉粹味道濃郁，調味偏向中東口味，我自己就吃不慣

好耐無食過片皮鴨所以今日搵到間北京老家就諗住帶埋男朋友同媽咪一齊試下,一黎到已經感受到個種古色古香既味道..店內裝修全部充滿古代既建築同擺設，令人好似置身于北京老店既感覺。上至枱椅下至茶壺都經過精心選擇,完全中國風味。另外一提既係餐廳連女厠既設計都做到好精致,非常特別~洗手盆係金色,連鏡都好有中國風格。我們點左一份招牌菜素鵝，吃落去有濃濃既豆香味,口感酥脆可口,唔會油膩。水煮魚夠哂麻香味,辣度適中，可見落足料去整成！魚片非常嫰滑,辣椒帶出黎既味道令到成盤水煮魚都非常香 加上巧妙既煮法增加左唔少食慾。牛肉刀削麵,選擇好材料非常關鍵！新鮮牛肉加上濃濃既湯底,令到成碗麵非常入味,食起上黎好有口感。，加上用新鮮既刀削麵都修煮牛肉麵既精髓。片皮鴨係食北京菜不可不點既菜色之一，鴨香脆唔油膩,係咀裏溶化左既鴨油夾住清新既青瓜同蔥,有種解油感，而且皮唔會好厚。京蔥炒牛肉,用左新鮮既葱 味道好香口 牛肉本身好新鮮嫰滑加上芝麻既香口非常美味。甜品一定簡高力豆沙.加上適中既糖同香口既紅豆沙,味道很好，再加上一杯鮮豆漿黎個總結，下次都會再黎幫襯！！

因為想去喜帖街看玉兔，就約了朋友在合和中心晚飯，於約晚上8:30來到還有很多食客。這裡的裝修加入了很多中國古代的元素，而餸菜的名字也很特別。老虎菜：單看中文真的不知這是甚麼，但看英文會略知一二，再問了店員，其實是一碟有青紅椒、青瓜、豆皮，全部切絲，加了麻油、莞茜、洋蔥和芝麻等的一碟涼拌菜，很有北方風味。大娘燒肉餅：一客兩件，我們笑説是中式的迷你漢堡。很香，肉味濃的羊肉，用了北方的調味手法，很惹味，只是嫌太細個！而因為羊肉太好味，我們就加點了一個羊肉串，最少要點兩串，剛好我們一人一串。用了大量孜然粉，好味！另外點了紅油炒手。看似普通的紅油，辣味是有後勁那種，初食時不覺太辣，但越食越辣，但辣得來很好味。更要讚的是店員介紹的這碟五門面青，應該是豬頸肉，甜甜的醬汁，加了大量的炸淮山。佐飯一流。雖然已很飽，但還是點了炸芝麻湯丸。炸了的湯丸，其實有點似煎堆，Q彈有咬口，是美好的一餐中式晚餐。

記得以前對北京最深刻嘅印象就係萬里長城，我相信有好多人心目中都係，但係除咗景點之外佢嘅食物亦都令我年年不忘，特別係北京最出名嘅片皮鴨。出邊餐廳賣片皮鴨嘅食肆其實都好多，酒樓都會有。但係真正燒得皮脆不油膩嘅，我相信要專門嘅北京師傅先至可以做得到。呢一度嘅片皮鴨都達到我嘅要求，上枱嘅時候仲係熱辣辣，入口嘅時候會有脆口感，咬落有少少油滲出，但係唔會有油膩嘅感覺。而佢所包嘅皮都係新鮮熱辣整出嚟 ，再配上京蔥青瓜同埋特製嘅醬汁，好懷念嘅味道。掛住講個鴨唔記得咗講返佢嘅配菜，呢一個涼菜都幾特別，比起經常食嘅涼拌青瓜皮蛋更有特色。佢係用咗紅心嘅蘿蔔，其實香港都比較少見，我相信係特別訂過嚟嘅，食嘅時候非常之爽口，會有少少嘅甜味，小小嘅苦味，甘甘香香。另外最重要嘅就係呢一碗擔擔麵，差啲我哋就唔記得咗叫，最後見到隔離枱叫呢個擔擔麵嘅時候就算已經飽肚都一定要叫返碗嚟食，非常香嘅花生醬味道，上面有一層博博嘅肉醬，再配埋師傅現場即拉嘅麵條，好味。

見open rice 的食評不錯，上周日便與家人去午饍。首先，餐牌的中/英文亂譯🙄。文字太多亦沒有圖片、註明等...想點的幾樣菜都話沒有，侍應推薦的都一般...重點是點了葫蘆香鴿，上菜後侍應原本拿着較剪替我們分件，但侍應見我相機食先便說轉頭才過來剪，誰知我轉頭見到那侍應拿着較剪替另一枱客人的地下剪電線，跟着再走回來想直接用同一把較剪來剪我的乳鴿!!!😡我馬上制止她，她景然說"冇剪咩!剪條線之嘛！" 好彩旁邊另一侍應聽到我們的對話。她立即拉她走然後向我說不好意思，再拿刀叉來幫我分食物。完全沒有衛生常識！你會用你食緊野對筷子夾地下的厠紙嗎？😤

✿╮❤╭✿ ✿雜感女生 好味日記✿ ˚*•✰。北京老家．午門面青青？好食！。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 踏入十月，走訪多間特色餐廳 其中一個令我印象難忘的 要數位於灣仔的「北京老家」 她的裝修古雅別緻，滲出濃濃中國風 不只有花梨木傢具和特製的花旦臉譜 還有藏身桌內的真實小魚兒 這裡的傳統京式氣派，可以影相打卡位實在太多了 原來她的出品味道也好，下次一定要帶大少奶來吃飯！ 京城豬皮凍 水晶晶的賣相，QQ的口感，爽辣的醬汁，開胃養生 豬皮凍富含膠原蛋白，是一款美顏好吃的涼菜 大娘燒肉餅 呢個口味真係引到人流晒口水！ 多到滿出來的肉碎餡料，帶著羊肉與孜然香氣 熱騰騰的燒餅鬆化可口，是必食的特色包點！ 午門面青 淮山原來可以咁好食！ 淮山和豬頸肉片組成的小菜 grill香的薄切淮山炒得香甜脆身 以秘醬炒香的豬頸肉入味爽口 結果人人爭住食！ 紅油抄手 四川人稱『餛飩』（雲吞）為抄手，其實就是傳統的菜肉雲吞 雲吞皮帶很香的麵粉味， 配了辛香的蔥蒜和酸

今晚去灣仔食飯，北京老家嘅位置就係囍帖街隔離，灣仔站一出行大概10分鐘左右就到。一嚟到呢度就覺得呢度嘅裝修好靚，好有中國特色，古色古香咁樣，環境非常好。北京填鴨：呢度梗係要食北京填鴨啦，我哋就叫咗半隻，北京填鴨嘅味道非常好，佢又唔算好肥喎，將皮同埋肉包埋一齊食，點個醬汁，味道簡直一流，而家諗起都流口水。可惜包皮就太少，如果多啲就好啲啦。四喜烤麩：呢個係北京嘅小菜，係一啲類似豆乾嘅製品，用醬汁就煮成，個味道非常惹未，豆乾唔硬，索晒啲醬汁味，係一個幾好味嘅小食。五門面青：喱一道菜呢就係淮山炒豬頸肉，味道偏鹹，豬頸肉都算爽口，淮山就正常，如果冇咁鹹會比較好。葫蘆香鴿：呢個香鴿嘅味道就正正常常，我覺得北京填鴨好食啲。胡同牛肉刀削麵：牛肉個味道同剛才豬頸肉差唔多，刀削麵條都正常，味道都係偏濃啲。淨睇Menu唔知啲餸係啲乜，但係問店員，佢地都有幫我地解釋。

早兩日同屋企人去食北京老家，裝潢設計由外到內都係濃烈嘅傳統中國色彩，就好似在仿前朝的飄逸咁。其中最難忘嘅係師傅現場拉麵條畀我哋一班食客睇，由師傅嘅手打麵，可以睇得出師傅功力深厚，一揉一拉，每條麵條粗度一樣，就好似機器一樣精而準，不用三兩下功夫就拉出麵條來。第一道係北京老家馳名嘅招牌菜－老家心靈美，係必點嘅名菜，一試難忘，酸酸甜甜咁十分開胃。第二道就係北京填鴨，熱辣辣皮香肉嫩，唔會太油膩，唔會膩口令人想一食再食。再來就係蒜蓉炒白菜，雖然係家常小菜，但都與別不同，薑絲同蒜蓉好入味，又可以消滯解膩。最後就係紅油抄手，食得出非一般功架，老土都要講句皮薄餡靚，再加上淡淡的蒜香同辣油，令味道層次昇華。

今晚幾位同事相約食京菜，因為好想食北京填鴨，有同事介紹北京老家給我們，好想快D放工去食呀裝修嘅傳統又有氣派，古色古香， 好濃厚嘅懷舊中國風，真係深深被其環境吸引，忍不住影左好多相蒜泥茄子~凉伴小菜，凍食的茄子加上蒜泥和極香的麻醬一起吃，又爽口又惹味北京填鴨~這是必食項目鴨皮又脆又熱又香口，一點也不油腻，配以薄薄的麽麽皮，青瓜和葱絲一起吃，真是美味極了大娘燒肉餅~燒餅夾左牛肉，芹菜，洋葱，充滿孜然香味，一咬落去，肉汁即時湧出，好滋味五門面青~即係豬頸肉，肉質爽滑，醬汁味濃帶甜，加埋芝麻和孜然粉，仲有薄而脆口的淮山片，極惹味胡同牛肉刀削麵~湯底清甜，牛肉嫩滑，刀削麵有咬口高力豆沙~每次必叫的甜品，豆沙不算太甜，剛剛好，加埋糖霜咬落軟綿綿，熱辣辣，好正

在openrice 上看見這家餐廳的評價還不錯，所以就決定一試～牆身以老北京的風貌作裝飾衛生不錯，碗碟都很乾淨頭盤點了個家人最愛的蒜泥茄子，蒜味濃厚，配上麻醬不錯吃～叫了半隻北京烤鴨（片皮鴨），四人分來食剛剛好鴨肥油香十足但不油膩，鴨肉本身味濃，肉質中規中矩～我較喜歡沒有肉的皮，油脂香會更濃，不會被肉味分薄了！大蔥和青瓜份量充足餅皮不算多，所以包鴨皮時不用吝嗇刀削牛肉面牛味不算很濃，但口感很嫩！而麵條份量頗多，若是一人單吃這個也未必吃得完！甜品選了少見的高力豆沙，口感不錯，惟豆沙餡料份量少了點！整體質素都ok, 價錢合理，可以一試～