北京樓 (星光行)

營業中

休息中

到北京樓同朋友食個生日飯呢度環境幾靜同舒服絕對唔似茶樓個種嘈吵而片皮鴨亦係黎北京樓一定會叫因始終都係出名既菜之一🫢見到好多食評話質素差左一開始都有d擔心但黎到試過又未至於講得咁差喎（可能係我低要求？🤣）一放塊鴨皮入口係即溶嫁喎以前第一次食過知道正路既鴨皮係入口即溶但之後一路都食唔番呢種質感既扁皮鴨雖然就冇我第一次食時咁覺得好驚艷但今次總算可以試得番🥹好感動鴨皮好香脆，鴨肉又唔肥，青瓜配菜加甜醬，襯埋個熱辣辣既蒸皮，口感超正。蒸皮加青瓜配菜係完全中和左鴨既油膩感，飲啖茶又可以食下一舊啦🤪Like❤️

和朋友聚會，煩惱去哪裡，最後提議北京樓，這不是我的首選，但朋友請客，咁就去啦！😂填鴨皮脆，肉嫩，但薄餅皮較硬，醬汁還可以，整體不算有驚喜。小黃魚，脆香，惹味。魚翅，但其實係雞絲加粉絲😅，多料，入味，不算稠，適中。

同大家分享下今年冬至去左北京樓食中菜😽呢間餐廳之前已經食過一次，覺得好出色所以今次再encore，不過今次就食佢嘅七人套餐😆▪️古都冷菜三小碟，分別有：- 蔥油涼拌海蜇皮- 茉莉花茶煙素鵝- 麻醬雞絲撈起呢三樣冷盤真係幾開胃，不過素鵝就有陣煙勳味，有啲人可能會唔中意，另外兩款都好好食😋▪️宮爆明蝦球蝦球超大粒，炸到好香脆，酸酸甜甜咁好開胃🍤▪️花膠海皇羮呢個海皇羮入面有啲肉絲、翅、菇，不過就唔係好食到花膠，不過都好食嘅，食完少濟😜▪️烤北京填鴨呢個🦆應該係佢地嘅招牌菜，份量都幾多，啲鴨唔肥，而且唔會有腥味，夾埋啲配料同醬一齊食超正！▪️家常深海鱸魚舊魚🐟超級滑，口感好好而且好入味，一啲都唔會腥！🤩真係好食！▪️宮廷四合蔬擺盤好靚，色彩鮮豔，啲菜唔會好老，冬菇入味👍🏽▪️小籠包原先呢味餸係三鮮蒸餃子，不過佢話太多客整唔切所以就轉左呢個🫠不過呢個都好食，皮薄肉汁多，個肉餡唔會好鞋🤪▪️北京炒拉麵中間有師傅表演點樣「拉」麵，真係可以拉到勁長，食落好彈牙，而且唔算好油，幾好食😆▪️合時鮮果拼盤有西瓜、蜜瓜同哈密瓜，三樣都好甜😚平時啲套餐都係四位/六位/十二位咁去，但呢個套餐可以for 6/7/8/9/10位用，

我只是寫出親體驗，绝對真實，沒有增減，希望供其他人士分享！但二次投稿均被拒絕！令我十分驚訝open rice有白色恐怖自我審查。這次是最後投稿了！看看open rice的諴信度吧！與舊同學Covid-19 後聚舊，呢度食得十分失望。待應態度差，由入座開始，要求窗戶位都好多嘢講。堆晒D人坐係一邊，但是又唔係滿座，D位又迫。北京填鴨係主莱，但係叫咗10 分鐘就上枱十分可疑不是即做。D皮有火熱住，但是仍然凍冰冰，原來係未解凍。叫豆蓉蝦話賣晒，但是我們6點入座。要求我增瑊們轉宮保蝦球，原來係伏，好差，D蝦唔新鲜。义子燒餅又係凍冰冰，得個豆苗同炒飯係熱D，但係豆苗有草青味，嗰飯咸到有腎病。以前同D外國客戶來食，環境好，裝修正，價格ok, ,但是估唔到幾年就差到咁，當中我有個同學一D都唔係挑食，但係連佢而家都話咪攪佢，唔會再來了。

第一次去北京樓🥢平時都覺得好貴，冇咩事都唔想幫襯但慶祝大節日時，有機會去幫襯了一個六人餐午餐雖然每碟餸個名睇落都冇乜特別但偏偏佢就可以將每碟餸都變得精緻連普通四合時蔬都可以排到咁靚🥦🥬🥒🌽連飯前小食都整得咁標緻🥨🥨🥨仲有個鐘樓海景🛕🗾雖然價錢唔係平時經常會去的價位💲💲💲但要慶祝大時大節，要得體就非佢莫屬😊

我有朋友生日 所以嚟呢度食飯食貴少少， 咁就多人嘅 我地book房食 最低消費要$6000 都合理嘅 冇問題。 首先最大問題坐房嘅人要永遠都自己行出去叫侍應點餐 係行左5-6次， 之後 一早叫左個咩羊腿 3舊， 8:15落單等到9:45先有…. 當想再叫嘅時間又cut左單。 最大問題係 我地係後生仔食， 有個侍應好似睇唔起我地咁 提左我 「最後消費要$6000架喎 你知架嘛！」 每隔10分鐘入後講3-4次 每次叫野食都講條數比你聽 （個侍應係 中年女侍應 黑色短頭髮 男仔頭大約） 佢係特別差 我地主食都未上哂就上甜品 其他侍應係唔錯 佢係最差。 唔建議再幫襯 ！！！！！ 食評都一般般 有一個係500蚊嘅燕窩 就咁擺後面擺到凍哂 真係好差 都唔希望大家去試 重點係個侍應 （中年女侍應 黑色短頭髮 男仔頭大約）

好耐冇試過野食好食服務好而且價錢平的酒樓，今日終於遇到。午餐時間點了六個點心一個湯，樣樣都好食。蝦醬蒸鮮魷嘅蝦醬好香，一放上枱已經聞到，魷魚夠厚又彈牙，一d都唔un，呢味係第二好食。翡翠菜苗餃一籠有3粒，漲卜卜，入面啲菜苗好新鮮。牛肉餡餅一份有2小個，味道都可以，牛肉味唔係好重。蔥油餅如果多啲蔥可能會更正，唔係好油所以非常好。生煎包一份有5隻，煎得夠香而佢個底又唔會燶，食嘅時候要小心啲因為入面啲汁好易唧晒出嚟飛到好遠。陳醋海蜇頭係咁多樣嘢食之中最好味嘅一碟，d海蜇非常爽脆，明顯d材料係有返咁上下檔次。酸辣湯味道幾正宗，酸同辣都幾平衡，入面啲材料都幾新鮮。

11月4號晚，我哋一行八人去到尖沙咀星光行北京樓食飯，此行係老竇80歲大壽，我哋叫咗個8人套餐，唔知你哋係唔夠人服務定係點，啲嘢出得好慢，啲侍應10叫好似九唔應，都算數，成個套餐除咗北京填鴨叫做正常之外，其他大部份嘅餸菜都係冇乜味,仲衰過醫院餐，我唔知你哋餐廳係趕唔切去醃製食品定係咩事，最嬲嘅一樣嘢就係嗰碟北京炒麵等咗接近半個鐘先出，都唔緊要，你廚房出碟可以咁樣擺上台送俾個客人食？係咪衰過茶餐廳？唔該你哋集團檢討吓，食一餐飯都蝕咗成$4000 ，你可以出一碟咁污糟邋遢嘅炒麵比客人食，講唔講得通？揀就真係大煞風景

去得 #中菜館 叫套餐，我一向都冇要求，因為一般都係廚師預先整定一定嘅份量，喺繁忙時間加熱、裝飾，再分派比食客。所以只要食得落口，我都唔會有太多意見🤔 不過基本嘅服務、同安全意識，我覺得餐廳嘅員工都必須好清晰🤔早兩日我約咗班朋友仔喺 #星光行 樓上嘅 北京樓 Peking Garden 食飯，雖然我對呢類型菜式興趣不大，不過既然壽星女鍾意，我當然會撐佢啦🥳 嚟得幫襯，我相信大部份嘅人客都係為咗隻 #北京填鴨 而嚟，或者係因為廚師怕大家食得太油膩，幾乎成個餐牌嘅菜式都到齊，我都未見到隻 #填鴨😅 不過呢樣對我嚟講都唔係太大問題。先上枱嘅係 #前菜「撈起」，大家似乎無打算理會裡面係啲咩食材，就只係為咗攞個意頭就歡喜😉 大家先將 #粉皮、#青瓜、#雞絲… 瘋狂地攪拌，喻意撈起撈起🥳 大家互相祝福後就開始起筷，#小編 先將攪拌好嘅「撈起」再加入麻醬，再配埋旁邊嘅兩小碟 #海蜇皮 同 #素鴨，口感感覺都幾清新🤤 再嚟嘅係 #宮爆蝦球，味道辣辣地，#蝦球 都幾彈牙，不過賣相就真係喺麻麻地😅 之後再嚟咗幾個 #小菜，有 #蒸餃子、#魚炒菜、#菇炒菜… 都冇乜特別，所以我最終每樣試咗一件就算數😅 等了

有朋友從外國回來，因此和他吃老字號中菜。預訂了這家歷史悠久的菜館晚飯，獲安排坐在窗邊的位置，可欣賞到文化中心及維港夜景。 食物種類多，招牌菜亦不少，餐牌圖文並茂，印刷精美，我們點了以下美食: 灌湯小籠包 ($78/6隻)我們一行七人，原來可以按人數調整數量及價錢。小籠飽外皮軟滑，體積剛好是一口的份量，內裡湯汁味道極濃郁，肉汁豐富溫度高，豬肉肥瘦適中。 鮮肉窩貼 ($60/5隻) 同樣可以調整數量，外皮煎得硬而脆身，十分香口。內裡豬肉餡料份量充足，肉味相當濃。 西檸雞 ($138) 我們下單時，店員已提醒它一客六件。西檸雞炸得金黃香脆，外皮酥化，內裡雞肉香滑軟腍。最值得一讚是旁邊的醬汁，充滿檸檬的芳香，而且味道甜入心，再帶有淡淡的酸味，但不會酸得難以入口。 酸湯澳洲肥牛 ($180) 用一個很巨型的器皿盛載，黃色的酸湯浸著肥牛、青瓜條、枝竹及粉皮。先喝一口湯底，酸酸甜甜加上微辣的味道，開胃醒神。肥牛肉質細嫰，易咀嚼，牛肉味鮮甜。青瓜條爽脆，枝竹及粉皮滑溜，全都吸收了湯底的精華。 和菜戴帽 (配單餅6張) ($126) 名字很有趣，起初不知道它是甚麼，再看餐牌的照片，就大

這晚係一個4人餐, 原本二千鬆d 疫市下7折優惠。我們只是加了最後嘅拔絲蘋果而已, 套餐食物都算豐富, 冷盤係海蜇同醉雞。 份量唔多但味道同口感 ok青菜係碧綠西蘭花炒蝦球。跟住上一個魚翅湯。連續兩個都十分粵式酒樓菜式。再上的好似係京蔥香醋骨之類嘅東西。填鴨無論擺碟, 皮肉比例, 配料及薄餅,味道都是以前(20年前左右)嘅一樣。呢樣係始料不及。清炒荳苗都做得好好, 甜品嘅拔絲蘋果6件/$72亦做得標準。

美心集團的北京樓共有8間分店 我最愛去的是星光行那間 感覺環境 食物都不錯 如果坐在窗旁 晚上還可看幻彩詠香江今晚4大美女在這聚餐 點了6個菜宮廷四喜拼盤 包括醉雞 北京醬蹄凍 蔥油涼拌海蜇 餚肉 味道清新 份量剛好 一人一件北京填鴨半隻 保持水準 皮脆肉嫩 東坡肉 滿滿的酒香 肥而不膩 皮軟肉滑 清炒萵筍 爽口榨菜肉沫配叉子 餅香 皮酥 熱熱的 小籠包 是最不起眼 很普通食物是滿意的 只是服務有改善空間 無論是知客或下單的 都木無表情 很公式化 尤其是其中一位女服務員 我要求拿2對公筷 她用很不耐煩的目光望著呢

生日飯，前一日book 左位，要求坐近窗口，但嚟到冇得近窗口，待應話有book 左，但最後我地食完飯窗口個兩張枱都係冇人坐。第二次嚟食飯，今次叫左六樣嘢食，半隻烤鴨、菜苗、生煎包、炒年糕、咕嚕肉同埋雜錦炒飯。烤鴨係最signature 嘅菜，鴨味好香，尤其係食用鴨皮包嚟食嘅時候特別香，個人喺北京食完填鴨，北京有多過一種醬，配料會有洋蔥同埋紅蘿蔔絲，味道比較豐富，但北京樓個醬已經吊到鴨肉嘅香味！菜苗唔係度度有得食，呢度嘅菜苗有爽夠香，我哋已經係第二次食。雜錦炒飯雖然好似平平無奇，但廚師炒得好好，飯粒乾身分明，飯有少少Q彈，又夠香，幾乎每粒飯都有蛋包住，夠鍋氣但又唔會油膩！反而，生煎包，炒年糕同埋咕嚕肉比較失色。生煎包包皮唔煙韌，幾厚，食落有爆汁，但湯汁唔係好夠味，可能比包皮蓋住咗。炒年糕不過不失，冇咩特色，年糕夠味又有咬口。咕嚕肉整體唔錯，真材實料，唔會太厚粉漿，但下次再嚟北京樓，相信唔會再點一般大排檔都食到嘅菜，試下其他特色小菜會唔會開心啲？

爸爸媽媽結婚周年揀咗好耐終於 揀咗老字號北京樓除咗食物好食仲要夠得體特別推介富貴雞有點火又有錘仔可以敲職員仲會幫我哋影相裏面有幾多鮑片同冬菇都好入味另外青瓜有驚喜 非常爽脆值得一試

好多年無嚟，以前都係同外國朋友或回港同學嚟食，而家好多酒樓都有填鴨食，不過都好參差。今次再嚟北京樓，裝修過係好啲，估唔到全埸滿晒。填鴨水準保持到嘅，唔會太多肥膏，皮脆加埋皮出片鴨肉，一咬之下咇少少鴨油，夠香而唔會好膩，薄薄餅皮有爐烘住保暖，而且有蒸氣令個皮保持濕度，每塊皮有一張墊紙，好方便唔怕撕爛。呢啲細節加分嘅。我哋三個人食半隻鴨，份量好足，餅皮都夠多，靑瓜大蒽唔夠可以添加。其他菜式，份量幾足，味道唔錯。半隻鴨、雞丁、牛肉、炒飯、炒蒿荀，連酒水，一千蚊左右，合理價錢。老字號企得住，難怪唔少捧場客。如果一班朋友，訂窗口位，睇埋夜景，應該幾正。