北京樓 (星光行)

營業中

休息中

雖然這裏冇得免費泊車，但勝在有地鐵有巴士，都算方便。點解要來尖沙咀吃晚飯呢？其實都係要食下個氣氛食下個環境食下個服務嘅。每次來到，必定會叫半隻片皮鴨，東坡肉，北京炒拉麵。東坡肉上枱的時候已經有宮廷feel，仲有啲煙漂上嚟。半隻片皮鴨我們四個人食大概每人兩片，每次包住的時候其實可以包兩至三片肉都得，因為肉真是比較多，片皮比較少。

生日朋友就問我想食乜咁我又突然好想食片皮鴨🤪就揀左北京樓❤️因為一向聽北京樓既片皮鴨好出名👍🏻👍🏻👍🏻所以想試🥰佢啲野真系幾吾錯朋友叫左個套餐個套餐有啲餐前小食海蜇、醉雞、酸齋味道都吾錯跟住有主菜一大碟片皮鴨配菜好多個鴨真系皮脆內嫩吾會啲肉好鞋⭐️個皮都好食😋真系幾唔錯👍🏻跟住有個用鴨頭同鴨肉蚊既鮑魚夠林夠入味最後有個雲吞雞個湯濃到不得了個雲吞都皮薄餡靚👍🏻👍🏻👍🏻值得一試

近日無乜新意，特然想起星光行，有海景酒樓，裝修咗幾年都無來，舊變新。 以前設計濃厚中式味，現在就簡约含蓄，空間感濶，雖然樓底矮，人聲不嘈雜，喜歡門前春回大地刺繡，等位時看多幾眼。 先來例牌前菜，麻油青瓜毛豆雲耳咸酸菜豆卜脆，有些店有花椒油，或烚花生，必食好食，美心客的至愛。 肉鬆芝麻大餅$58，平時食無肉鬆(沙田店無)，外皮香脆富芝麻味，粉肉軟绵，好像芝麻味厚多士，夾香脆肉鬆有味不咸，平淡中帶點火花，層次從脆香，粉軟綿，到肉脆香，一起食就滋味。 小籠包$48，好燙，汁與肉64比，肉質幼滑，汁不油膩，鮮味，外皮比一般的略靱少少，皮質不同，不會容易穿，口感也不錯。 墨汁葱油伴麵$56,懷疑以此價有墨魚汁，侍應話係，西餐墨魚麵過百錢，我本人喜歡葱油，每次差不多要點，葱要豬油爆炒先香，今次太健康，只灑生葱花上面，墨魚味不重，多健康油，麵份量多，麵質彈爽，以此價抵食。 悠閒美食一頓，伴着窗外明媚風光，上天恩賜！

撞啱信用卡有優惠，所以就去咗北京樓食飯， 見到有唔少套餐優惠，不過變咗信用卡冇優惠，所以都係直接單點就算，一場嚟到北京樓，當然試佢哋嘅片皮鴨，再加多個鴨架湯 。問過侍應侍應，都話夠兩個人食所以就嗌住先。等咗大概15分鐘就有片皮鴨，上菜嘅時候見到擺盤好精美，而且醬，青瓜同埋蔥絲都配得好足。而皮就會用蒸點心嘅紙隔開每一塊皮，等佢哋唔會黐埋一齊。不過食到一半啲皮已經食曬，就有少少唔夠喉。湯都有好多菜同埋鴨肉喺度，不過湯嫌唔夠濃味，如果有更多鴨肉就好。

THE GULU訂了11：30二人枱，在尖沙咀星光行北京樓，食北京填鴨半隻,蝦餃及雞絲粉皮，食物一般無驚喜，服務也是一般，但回到家發現張單計多錢，一張枱二個人枱上只有一碟小食泡菜，為什麼會多收一碟小食泡菜錢？？？

原本係3個人食，但係比人放左飛機剩返2個人2個人的話我真係唔太建議，除非2個人食量都好大因為以上3樣餸係我地2個人食，一男一女，食量唔大所以點唔到好多嘢之餘，2樣我地都食唔曬要打包首先北京填鴨我地2個叫左半隻，真係好食，不過有dddd油係正常嘅，就算齋食肉或者包住食我都覺得好食(可能真係好耐冇食)第二，我覺得個炒麵真係好一般，冇乜特別喜好就唔好點啦，因為冇咩味道，好普通茶樹菇炒小豆苗係因為想叫一個素菜，味道可以，但係唔中意小豆苗嘅味就唔好叫啦總括黎講，可以只係叫北京填鴨

一直好想食片皮鴨，停晚市好耐都冇得晚餐食片皮鴨，揀左恆生卡既優惠套餐，4個人提早book可以得到窗口位，一開始book3位遮遮都冇comfirm可以坐，話到時再按排，一坐低隔離枱個女人把聲好尖好嘈。之前睇過食評心中都有譜，一入去知客幫我keep起個蛋糕，點知叫佢上蛋糕果時，問返我個蛋糕keep左去邊，點解吾問返同事？好彩吾係要比驚喜姐，一擺低蛋糕就講 你地自己搞掂啦（可能係比時間我影相啦，因為我蛋糕好靚）佢2次既對話都令我好失望，就係因為我吾係買返集團蛋糕咩？定中式餐廳係咁？但食完套餐再食蛋糕真係太飽哈哈

一向都一個月都會去食一次知道因為疫情有時未必個個師傅返足打去訂枱同佢打黎reconfirm 枱時問左洗唔洗訂左孜然羊肉串先，兩次都話唔洗訂，係主餐牌就唔洗訂，點知一去到叫又話今日無唔知，可唔可以去問下廚房先答個客呀，唔知唔問，就hea答個客？

因為半價北京填鴨所講吸引左我黎北京樓🙈一入到去望到個景 覺得一流 ...打卡幾好🥰（記得book位）入夜無咁靚 早小小去影相吧 😛重點： 北京填鴨此乃一隻鴨的份量供大家參考幾好味～ 有鴨既’so’味 佢有個‘暖包’蒸住啲皮 幾窩心😂皮既數量都夠 唔會太小另外叫左條魚 成400 蚊坦白講： 麻麻地個汁唔酸 好甜...肉也感覺有點乾呢～另外叫左個砂鍋雲吞無咩特別半隻有6 碗湯係差唔多食完之際8:00 有得睇幻彩詠香江 但因為無音樂 淨係見住啲燈閃黎閃去 ...到到大約8:15 倒 就有師父出黎表演整麵條都幾得意既 溫馨提示星期一至五主餐牌有8 折喔

約左四個好朋友一齊食中午飯同傾計，去左尖沙咀星光行北京樓，座位好近窗口位睇到尖沙咀鐘樓，好好FEEL好正﹗烤北京填鴨大約要等45分鐘，小食都幾好食，泠前菜蔥油海蜇頭，彈牙爽口，好味﹗麻醬雞絲粉皮，雞絲不乾身重有好重雞味，粉皮爽口，好味﹗小籠包，皮薄湯汁味道濃厚，好味﹗火腿扒唐生菜，唐生菜新鮮，火腿扒偏咸，烤北京填鴨，未食見到已經覺得好正，烤鴨香氣十足，用薄薄粉皮加上青瓜大蒽甜醬包一齊食，超好食﹗好滿足

本人一家九月頭已book了此酒樓於20 /9晚訂兩圍共八人晚餐，並已向職員講明慶祝结婚週年紀念(當年於此北京樓婚宴)，希望坐窗口位，當時她也話安排窗口位。唯不知昨晚到時，他們安排坐窗边对外兩行位，她說已可望見窗，也算窗口位。我當時很失望，之後她去counter一会，才讓我們坐另一窗口位。當晚叫兩枱四人餐，用hsbc卡有六折優惠，付數時，本人諗住付兩枱數時，職員說一張卡只可付一枱錢，當時只有我得HSBC card, 之後職員叫了個经理處理，他走開後，隔陣回來，我問他如何?他就瞪大眼，黑住臉向我說：「你們自己要看请楚條款，如果唔係，我地職員要自己埋千多元數!」 當時，我好似欠左佢什么什幺，他分可兩張單给我签，講完就黑臉轉身走了! 我心諗，我們唔请楚一卡一枱優惠，你可以有礼解釋比客知，而不是黑住臉話個客!呢間北京樓無下次! 比左$2400,重要受他們面色!

因媽咪想食北京填鴨，我上網做咗資料收集。好多人都對北京樓既北京填鴨讚好食，我就不妨試一試。今次係我第一次寫食評，點解要寫食評，係有原因：一來服務態度良好、二來皮夠薄、三肉質唔老……我同屋企人都大讚，雖然今次坐底食，但下次會再幫襯

上一個月，喺社交網站媒體見到北京樓有推廣填鴨半價，所以我前一兩日已經book咗枱。好好彩個侍應俾咗個對住個維港嘅靚景可以一路食一路睇五光十色靚景真係幾貴都抵，說時遲那時快嘢食就嚟咗一個菠蘿蝦球同埋一隻填鴨，食呀！食食下就有幻彩詠香江睇真係人生一大樂事，非常推薦依間餐廳

裝修不錯,可觀覽維港景色,相信會吸引不少旅客光臨。朋友介紹下品嚐抵食套餐, 價錢相宜$980。二前菜，紹興酒糟醉雞+茉莉花茶煙素鵝,醉雞入味肉質嫩滑。素鵝煎得很香脆。松子黃花魚=>很多香脆嘅松子,魚生炸得好香脆,酸甜適中好醒胃。北京填鴨=>鴨片外皮香脆,鴨肉好嫩,d 油香配上一籠香軟麵皮夾著一齊食,油脂分佈剛好不肥膩配上醬汁超正。金蘭香芒蝦球=>甜香嘅香芒配彈牙蝦球味道一絕。灌湯小籠包=>充滿著湯汁,爆汁般小籠包很美味。奶油扒津白=> 香滑津白鮮甜。總括想享受一頓美味北京風味特色小菜的不二之選。

平時閒日無優惠時食就好地地，啲嘢食好味，服務又好，不過今餐飯水準超唔掂……個魚啲肉梅嘅仲有小小腥味，總之唔夠新鮮豬肉片就一向拿到無乜味㗎喇填鴨肉個皮就唔夠脆個高力豆沙發得唔夠鬆都算，仲要炸到一邊皮乾哂勁硬係個炒飯炒麵(無影相)依然好得東坡肉都出奇咁好食全個餐牌75折真係好抵食嘅仲要填鴨半價滿座又人手唔夠都明白，見到佢哋踢哂腳但我呢啲麻煩香港人就唔會覺得要屈就囉下次食返美皇可能仲平靚正，又多選擇《12 人有大有細咁食，埋單唔駛 1500，真係算歷史新低價》