北京樓 (星光行)

營業中

休息中

好奇怪⋯⋯服務員不是每位都換碟，換碗就唔係到位食完又唔收碟半隻鴨4人餐只有十片薄餅😠又凍加茶葉又加錯第二款素鴨丶醉雞、松子魚丶芒果蝦都偏甜因為有折扣優惠先嚟試吓為觀賞到”詠香江”, 會較暗室內燈光👍🏻

同老豆慶祝生日，請埋親戚一行廿人，安排在一間望住維港景既房間，未食先興奮，係窗前影靚相，相當開心。頭盤係： 北京醬蹄凍 （估唔到最開心啫喱係底，可以食埋個擺盤。👍🏻） 茉莉花茶煙素鴨 麻醬雞絲撈起 （俾老豆撈起，有意頭有得撈，味道唔錯九秒九清碟）😋湯： 砂鍋雲吞雞 （好濃既湯，好大陣金華火腿味道，雲吞好食，雞都不錯👍🏻）主菜： 北京烤鴨 （皮脆，唔油膩，好食，包皮會座熱住，每塊皮用張紙隔住，好細心，唔驚黐埋一齊。） 富貴雞 （今晚最期待既餸，麵包包住荷葉雞，一推入黎，賣相已經嘩嘩聲，仲點埋火，好熱鬧氣氛，老豆同姑姐出去用金錘仔敲個麵包，影在張即影即有，之後仲有一個迷你錘仔留念，味道荷葉好香，雞肉好嫩滑，有鮑片，冬菇好好食入晒味，唯一係咸左少少） 炒鴨菘 （生菜包鴨菘，內有雪菜，生菜新鮮脆口，好好食） 東坡肉 （賣相未食已經攞分，出晒煙效果，相機食先已經夠開心，一d都唔油膩，入口即溶） 咕嚕肉 （好受歡迎

長輩每逢生日都會想食北京樓，所以近年幾乎每年都會食一次。由於我對呢間中菜興趣不大，所以無乜影相。基本上每道菜分量都偏少，但最不能接受係佢個招牌菜北京填鴨，鴨肉都ok, 但d餅皮係凍既。同個侍應講，佢講左句幫我地叮下佢😟拎返番黎話換左d熱既，但其實都係凍同好油。炒年糕，有點薄。食哂所有野東坡肉都未出現，之後cancel左，加左炒年糕同炒拉麵。另外明顯人手不足，叫好耐都無人黎；落錯單，叫左改都上錯。環境方面，八點鐘熄哂燈等食客可以欣賞到海旁既幻彩詠香江。結束後無耐播「男兒當自強」音樂，我諗呢d比較適合或吸引遊客吧。結論係大家都話無下次

同媽媽海港城行完街，佢話想食片皮鴨，之前食過旺角都唔錯，見星光行有北京樓就直接上去食，平日晚上唔洗等位，一去到就有得入座。但食物方面雲吞雞個湯好咸我哋飲咗幾啖食咗個雞就算……片皮鴨就一般，不過不失，但overall都係

同家人慶祝生日 諗住㨂間有海景嘅中菜個景係唔錯，但啲野食出曬事1. 北京填鴨 皮唔薄又肥 叫半隻 真係得幾塊皮係面2. 糖醋魚 賣相同樣差勁遠 炸到黑蚊蚊 一上菜侍應就剪開曬 想影相都影唔到 味道一般 同普通酒樓無咩分別3. 最嬲係個拔絲香蕉 唔知係咪撞正幻彩詠香江 等左勁耐先黎 侍應拔極都拔唔到 拔到爛曬 未食過無絲嘅拔絲三個人一千蚊 係食個景唔係食物最搞笑係嗰度啲侍應 家人生日安排左紮花入黎時reception 話放左係經理房到齊人坐定叫佢地送返出黎「唔該之前訂左啲野 想依家要 話係經理房」出黎問左幾次 一面無辜咁「唔好意思 係咩黎㗎 點解會係經理房」完全無曬驚喜唔求酒店級數 但都唔該專業少少

這間分店裝修後都未來過，好耐無再光顧今晚一家人食晚飯，再次選擇這間，裝修後靚咗好多，帶點中西合璧的裝修，不錯，餐廳望到維港夜景，果然吸引不少遊客光臨😍坐位坐得幾舒服，待應服務態度殷勤有禮👍👍這間分店的北京菜亦比其他分店美味，值得一試😍😍😋😋北京填鴨果然都保持水準，帶著鴨片油香配上香軟麵皮夾著一齊食，美味👍👍到最後點了壽包，壽包亦都十分鬆軟，壽包餡是紅豆蓉，不太甜，豆味香，估唔到個壽包都有驚喜😍😋當晚用埋AE card簽賬，簡直夠晒抵食😍👍唯一美中不足是帶位的多個帶位接待員笑容真的欠奉，有點黑口黑面，始於是第一個接觸客人的服務員，真的要改善一下，好彩食物及待應都有水準，才值得一試😍👍

食中菜除咗要好食，仲要有氣派！基本上北京樓可以滿足曬兩樣願望😎食物方面火候十足味道夠👍佢嘅火焰富貴雞除咗個名夠型食落亦都真係令人讚不絕口！其實食物方面質素北京樓一向都非常非常之有保證。而我最欣賞嘅係佢哋嘅管理模式，佢哋嘅員工服務好好，以中菜廳嚟講佢哋效率算係非常之高。無論係講解菜牌，接待還是翻枱執嘢我覺得都係有質素嘅。佢哋嘅環境設計亦充滿特色，中國紅為主從門面裝橫到碗碟都有著濃味的中國色彩👍令你彷彿在一個充滿中國氣派的貴族宮殿裏享用美味的食物。

20190423 星期二朋友同我慶祝生日講起大家都好想食北京填鴨所以搵咗幾間餐廳做比較最後揀咗北京樓因為係尖沙咀環境都幾靚而且咁岩又有恒生卡優惠可以一試環境: 👍🏻👍🏻👍🏻因為餐廳位於尖沙咀星光行唔係維港嘅餐廳所以望唔到全海景只係望到好少嘅海如果要求有靚景對住咁就做唔到啦但係餐廳都幾大幾舒服唔會太迫而且唔會好嘈感覺都幾好.食物:👍🏻👍🏻👍🏻👍🏻我哋4個大人+1個小朋友叫咗恒生信用卡嘅4人套餐$1280套餐包括🔴兩碟前菜: 醉雞+煙素鵝醉雞唔夠入味但係雞好滑素鵝煎得好香脆正常味道.🔴黑松露蝦球帶子老實說食唔到任何黑松露味道但係蝦球同帶子都好大粒好滑煮得啱啱好配菜都好新鮮好食嘅.🔴花膠海皇羹份量都好足夠但係湯唔夠熱材料都好足唔錯🔴北京填鴨一隻重頭戲一隻北京填鴨一入嚟嘅時候會見到玻璃廚房有員工不停切鴨你可以睇住佢切不過唔係係你面前切既上到枱聞到好香而且感覺外皮超脆另外會有一籠皮包住鴨食嘅份量都幾多一碟滿嘅大概有30片左右味道比想像中的好好多鴨肉好嫩而且外皮好脆油脂分布啱啱好唔會太肥配上醬汁剛剛好令我食完一舊接一舊 停吾停👅🔴北京葱燒海參海參冇咩味應該係街市浸發定嘅嗰一種味道一般🔴灌湯小籠包新

平時食開旺角嗰間北京樓 今日旺角嗰間full咗booking就試下尖沙咀嗰間北京樓一去到手先環境係望落比旺角分店高級好多食物質素差唔多最推介係小籠包，回鍋肉炸同銀絲卷！小籠包好多汁 肉好嫩回鍋肉好夠鑊氣浴好嫩炸銀絲卷外皮好脆，入面好鬆軟

今年，媽咪親戚那邊，大家都好忙！要過了農曆十五才安排到時間飯聚，姨姨、姨丈建議尖沙咀星光行3樓裝修後的 <北京樓> 食遲來的開年飯！踏進 <北京樓>，即時見到「春回大地」刺綉掛畫， 百花爭研的刺綉細緻清晰！位於文化中心後面及面對維港景致，為配合幻彩詠香江，店方特意較暗燈光，讓食客欣賞！相當週到！值得一讚！進食期間，突然播放音樂好大聲，原來有位師傅仔即席拉麵，不過，他身手似乎麻麻地嘞！青瓜龍巧師傅刀功的一道頭盤！當女侍應一拉起才見到好似一條龍！ 隨即她加上檸檬汁，拌勻日式麻醬，清爽的青瓜薄片，入口清酸開胃帶微辣！炒萵筍絲清爽翠綠的萵筍絲有鑊氣，有蒜香味！富貴雞外型做到成隻「麵包雞」，好趣緻！ 女侍應即席燒「麵包雞」，未嚐先有視覺效果！ 細佬還拍短片！燒好後，她問我們兩姐弟有無興趣扑爛隻「麵包雞」？我們還是由她代勞吧！問女侍應才得知，蒸六小時，肉質軟嫩，媽咪覺得似是湯渣質感！內裡加入鮑魚及冬菇，即時升值及富貴起來！ 不論雞肉抑或配料，醬汁濃郁惹味，同樣入味非常！食北京菜，怎少得片皮鴨呢？店方的片皮鴨也做得出色！肉汁豐盈、肉質軟嫩富鮮味！龍井蝦仁蝦仁雪白晶瑩，

同家人去北京樓 叫左個餐 最重要既係個烤北京填鴨 (298$) 👻 鴨同薄餅皮既份量幾多 皮脆肉嫩 薄餅皮薄而煙un 但較易穿呢😢 個人認為比美中鴨子既皮做得出色！到頭來其實個醬汁先係精髓呢👅用Hsbc signature 仲有折架！趁仲有折大家快d去食啦😇

上星期六男朋友提議同我屋企人到北京樓食片皮鴨，因為佢同屋企人之前食過，話呢到既片皮鴨幾出色。到我約屋企人時，爸爸都表示好多年前食過，係幾好食既。所以我都對呢間餐廳有所期待當日book左8點半，係晚餐既第二round，我地係8點20分已到達餐廳。門口企滿左等候入座既人，同時第一round既食客都相繼離開，而餐廳門口位置既通道較為狹窄，所以都幾迫下。等左10分鐘左右就有人帶我地入座。坐低後我地都好快落左單。花雕醉雞: 雞肉嫩滑，有酒香醬肉炒飯: 有d肉碎加豉油嘅炒飯，待應哥哥係咁形容。炒鱔糊: 鱔肉清爽彈牙配上甜甜地既汁，超好食小籠包: 皮簿有肉汁東坡肉: 最有驚喜既一道菜，一口一舊既東坡肉，入口鬆化，配上甜甜酸酸既汁，食落肥而不膩。六個人，一人食一至兩舊，岩岩好糖醋黃花魚: 成條魚都炸到好香脆片皮鴨: 等左成晚終於都到皮脆肉嫩，d肉一d都唔”鞋”，加埋鴨本身既油香，一啖放哂入口。超級滿足由於我地又想試拔絲香蕉，又想試拔絲蘋果，所以兩個都叫哂。待應拎左出黎後，會將佢地放入一盆忌廉汽水加冰既水中，令外層既糖凝結，咬落去好似食緊硬糖咁。個人覺得香蕉拔絲好食d拔絲🍌拔絲🍎

有咩特別日子，如果想食片皮鴨，我第一時間會諗起 北京樓。# 片皮鴨 # ***** **** 9/10每一啖都充滿油香，上菜時見到砌到咁靚既片皮鴨，超級興奮! 每一塊鴨皮都連住啲鴨肉，鴨皮微脆，唔太肥，真係好好味，令我諗返響北京食正宗片皮鴨既味道同回憶!# 酸辣湯 # ***** **** 9/10超好味! 酸酸辣辣甜甜，味道剛剛好，唔太辣，各種配粉份量應恰到好處，有木耳、蛋絲、豆腐絲、腐皮、勁嫩滑既肉絲等等。# 醉雞 # ***** ***** 10/10無得彈。雞肉超嫩滑，無血水。雞皮薄，脂肪不多，酒味極香滑，但亦唔會太勁，完全無徥彈!# 茶 # ***** ***** 10/10香而回甘，入口順滑!北京樓唔會令我失望。

一行7人來到尖沙咀北京樓，是專為片皮鴨而來。見到恆生信用卡4人套餐有6折，也有片皮鴨，便叫了這個套餐。餐前小食有兩碟，有青豆、花生、豆乾、青瓜，混了 芥末味，小小辣。醉雞，雞肉嫩滑。茉莉花茶煙素鵝烤北京填鴨：所有餸份量都很少，唯獨填鴨份量夠，7個人都夠食，但油太多，有些漏。北京蔥燒海参：海参都幾大舊，味道調得不錯。小籠包4隻，好多汁，不錯。黃花松子魚：魚身炸得很香脆，也有很多松子，只略嫌較酸甜品有豆沙鍋餅

北京樓自從重新打造後，門面更具氣派，開放式廚房，令客人睇住烤鴨出爐及即片，就更覺矜貴。靠玻璃的餐桌，又可以近距離欣賞尖沙咀鐘樓及維港景色，夜幕低垂時，美不勝收。至於午間的廂房，多了一份寧靜，正好跟幾位朋友聚聚。葡萄柚·荔枝泡泡（$34） 在好幾杯特飲中，選了茉莉綠茶底的葡萄柚荔枝泡泡，呷一口，甘中帶甜，卻又不失茶香，杯面放置一顆荔枝肉，有種清香的感覺，今日熱熱地飲返杯，真好。宮廷四喜拼盤 湖南蝴蝶魚 將鯇魚起肉炸透，非常薄身，口感有點似燈影牛肉，脆卜卜的用來佐酒一流。北京醬蹄凍 有點似水晶餚肉，但味道較濃郁，墊底的啫喱令賣相更佳。茉莉花茶煙素鵝 煙燻味可以更強，甘荀及冬菇切得幼細，卻不失嚼口，好味。麻醬雞絲撈起 其實是雞絲粉皮的改良版，注入了撈起的意頭元素，好香口同滑溜。揚州龍青瓜 原條青瓜切過百刀，拉開長度即時多幾倍，真誇張，剪開加點芝麻醬，清香爽脆，作為前菜一流。東海龍皇 有萵筍、龍蝦、螺片及帶子，份量十足，入口帶微辣，其實幾惹味，龍蝦及帶子火喉控制比上次好得多，果然從善如流，墊底薯茸依然幼滑，不錯。烤北京填鴨 原隻烤好，熱辣辣片皮，