劉興記生煎包專門店

營業中

休息中

上次國內朋友來到香港想品嚐特色小吃， 我帶他來到小店：劉興記 ！ 因特別喜歡其超人氣爆汁生煎包！上次星期六到都比較多人排位， 餐廳位置不大， 但幸好食物水準不錯， 價格都叫平靚正， 性價比不錯👍最近更推出全新口味蟹粉生煎包，我覺得蟹粉味風味更多有帶來新鮮感！另外仲點了套餐組合更加實惠， $5x 便有個餐包麵或菜飯等， 仲有飲料呢！套餐有款是小雲吞一粒粒容易食又一樣皮薄餡靚！而蟹粉生煎包因最後一隻， 仲加番個賴尿蝦生煎包， 口味都好味又獨特！

今日同同事嚟咗呢度食晏，之前我都試過其他分店，水準一致地維持得幾好，難怪經濟不景之下都keep住見到佢開分店，有料！👍❤️招牌生煎包（六隻）呢樣真係鎮店之寶！😍底下煎到超級香脆，表面夠薄，裏面爆汁🤤⭐️生炸雞扒蔥油拌麵‘生炸’呢個term特別吸引！👍炸得好香脆，雞扒Juicy蔥油唔會太鹹，但拌麵嘅麵粉質感幾重，唔太係我杯茶😂❤️上海排骨小食因為擔擔麵淨係可以單點，所以另外嗌咗排骨～排骨夠鬆軟，同樣炸得幾好，粉夠薄#劉興記 #生煎包 #生煎包推介 #生炸雞扒

🥣蟹黃生煎包🥣：叫兩個平啲！蟹黃生煎包底部金黃酥脆，內餡有蟹黃同肉餡，小心入面有大量湯汁鮮甜，整體鮮甜濃味且不油膩。🥣招牌生煎包🥣：半邊金黃焦脆，咬一口肉湯汁爆棚，大舊豬肉餡，鮮嫩多汁，搭配著香葱及調味料，十分juicy！🥣上海小籠包🥣：每粒都多湯汁，皮有咬口，肉味鮮甜，啖啖肉，沾埋醋一齊食味道更突出，每一啖都有濃郁嘅肉汁香。🥣麻醬青瓜雞絲粉皮🥣：麻醬滿滿花生香，配有大量青瓜絲，粉皮好清爽又脆又滑，雞絲好嫩滑，口感層次豐富。🥣小雲吞湯麵🥣：6粒小雲吞，雲吞皮薄好滑，係迷你肉餡，肉味香濃，湯底有香蒜味，麵條軟滑有咬口。🥤豆漿🥤：豆味濃郁，口感豐厚，甜度適中，係鮮磨豆漿既味道呀。

今天下午，我和朋友到佐敦，嚟到一間好出名嘅餐廳，叫做劉興記生煎包專門店。入到餐廳，香味已經撲面而來，令我哋肚子都開始咕嚕咕嚕叫。我哋點咗上海排骨菜飯，味道濃郁，排骨嫩滑，配搭啲菜飯，真係好正！再嚟一個生煎包，外脆內嫩，咬落去仲可以食到汁，真係唔可以錯過！豆浆清香，口感滑順，係完美嘅餐飲配搭。最特別嘅係招牌擔擔麵，味道香辣適中，麵條筋道，每一口都令人回味無窮。最後，當然要試下招牌生煎包同埋手功豆沙窗餅，甜品部分真係唔可以馬虎，豆沙窗餅鬆軟，甜而不膩，令人心情愉悅。總之，今日嘅午餐真係食得好開心，下次肯定會再來！

人氣生煎包專門店 —「劉興記」喺佐敦開分店啦🥳🥳餐廳主打爆汁生煎包同多款上海菜式，價錢親民！佢地的皇牌套餐都係$54咋，真係超抵❤️❤️🍖招牌上海排骨菜飯+生煎包1隻 $54✨份量十足！排骨選用新鮮的豬扒製作，口感外脆內嫩、啖啖肉🤤🤤另外將菜飯轉做湯麵(+$10)，味道都唔錯！麵條爽彈掛汁，湯底清甜，配排骨食一流！！🥟招牌生煎包(2隻) $20✨因為生煎包太好味，所以又叫多2隻食～～包底金黃香脆，肉餡鮮嫩juicy、咬落仲會爆汁！必試👍🏻👍🏻佢地的自家製豆漿味道香濃，而家仲有得免費任飲，好正呢😍😍

終於試到網上超熱門嘅餐廳，劉興記！劉興記主打平靚正嘅上海菜！最吸引我嘅係任飲豆漿，一入座就有清涼嘅豆漿任你飲，豆漿嘅豆味濃郁，唔會太甜，飲幾多都唔會膩，真係一個加分位！首先，點咗一份必點嘅招牌生煎包，皮脆餡多，底部煎得金黃香脆，咬落去仲有好多湯汁滲出嚟，食落除咗有豬肉味，唔知係咪仲有啲牛肉係入面，肉味好豐富，好滿足！。另外，原味上海小籠包皮薄餡靚，上枱熱騰騰，一口啜哂啲湯汁，品嚐鮮味，終於知道點解依間餐廳咁出名。而麻醬青瓜雞絲粉皮嘅粉皮夠滑，麻醬濃郁但唔會太膩，配埋爽口嘅青瓜同雞絲，一啖落肚真係好清新又開胃，而且份量亦好大碗，兩個人食都夠哂！最後試咗佢嘅雞絲酸辣湯，酸辣湯嘅酸味剛剛好，辣味中等啱晒香港人口味，加埋雞絲更加有層次感，幾有驚喜！

佐敦新開的分店，作為生煎包愛好者的我，一定要一試各式飯、麵、生煎包都有，可自行Qrcode 落單店員服務都好好，雖然當日好忙，但都不斷主動服務客人~!!!!豆漿任飲!!!!!非常濃郁且富有層次感，使用新鮮的黃豆，經過現場磨製，保留豆的天然香味，讓豆漿的味道更加香醇，沒有添加大量的糖，味道天然!!!!堂食滿$60就可以無限任飲!!!!🥢招牌生煎包外皮金黃酥脆，咬下去時，熱氣瞬間湧出，裡面的湯汁鮮美，包子內餡的豬肉香氣撲鼻，搭配微微的香蔥，口感層次分明🥢蟹黃生煎包又有另一番風味，包子裡的蟹黃鮮香四溢，濃郁的湯汁，加入大量蟹肉，蟹肉的鮮甜與湯汁的滑順，搭配一點醋，味道更加出色🥢蔥油雞扒拌麵雞肉嫩滑，即叩即炸，淋上香濃的蔥油，讓整碗麵都散發香氣，麵條彈牙，與雞肉的鮮嫩相得益彰🥢糖醋炸排骨外酥內嫩，糖醋的酸甜味道恰到好處，排骨的肉質鮮嫩，裹上糖醋醬，味道濃郁🥢雞絲酸辣湯超大碗，夠2-3人食用，湯底酸辣開胃，雞絲的鮮香與各種配料的搭配，讓整碗湯充滿了層次感，湯的濃稠度適中🥢手功豆沙窩餅甜味恰到好處，外皮酥脆，第2層軟棉，內餡的紅豆沙棉滑，又不會太甜 

我地食過幾間唔同嘅劉興記分店，水準都保持得幾好，今晚去開佐敦行街買完釣具一於食返幾個生煎包醫肚😌𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃 蟹黃生煎包 🦀🥟 外皮煎到金黃脆口，咬開後蟹黃湯汁四溢，蟹黃香氣濃郁，每一啖都充滿鮮味，令人食到停唔到口🤤 招牌生煎包 🐖🥟 外皮同樣煎到金黃脆口，內餡多汁，肉質鮮嫩，湯汁豐富，食落好有滿足感，絕對唔可以錯過😍 蔥油雞扒拌麵 🐓🍜 雞扒炸到外脆內軟，唔會乾爭爭鞋恰恰，蔥油香氣撲鼻，拌麵彈牙，非常之有風味😋 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 開咗咁多間分店，食物都可以保持到水準唔容易，最正係生煎包，外脆內多汁，久唔久想食生煎包就一定係揀佢🤤🤑 人均消費：～$77🤩 推薦指數：8 / 10📍 餐廳資料：劉興記生煎包專門店 (佐敦)佐敦白加士街53號地舖☆.。.:*・°☆.。.:*・°☆.。.:*・°☆.。.:*

佐敦最常被人講嘅餐廳，澳牛是也但相信現在一定不會是本地人去幫襯的前日來佐敦探長輩，佢話澳牛隔離開咗劉興記之前起旺角口痕, 買咗幾隻起街邊食, 超好味, 印象很深刻今日路過佐敦新店, 順便嚟食埋lunch, 成條街都好多人, 幸好walk-in最後2個位都比我地搶到店鋪空間感唔算大, 不過以香港速食文化, 食完就走的心態是明白的第一次堂食, 見到有人氣熱賣皇牌套餐, 全都是$54同埋惠顧套餐就可以任飲豆漿, 超正, 佢地嘅豆漿微甜和濃郁, 所以帶點杰身, 我鐘意我地點咗S2 蔥油雞扒菜飯 + 生煎包1隻 和 S4 鮮雞湯小雲吞12粒 + 生煎包2隻, 另外再加多份小棠菜$54套餐真係推介必點的!! 蔥油雞扒不是港式的那款, 雞扒和蔥都是炸過的, 而不是油浸蔥再淋上面的, 這樣會更乾身, 唔會覺得油淋淋, 但就會缺乏蔥香的味道而一香不愛吃蔥和怕油淋淋的我, 我會較喜歡劉興記的那個做法, 起碼塊雞扒唔會淋咗雞扒脆口, 雞肉嫩滑, 厚肉的, 唔會咬到只係炸粉, 同埋佢呢度嘅食物, 全部都係新鮮熱辣, 即叫即製菜飯都大碗, 菜嘅份量都唔少, 最鐘意食有味飯至於跟餐嘅生煎包 (招牌原味) 都係新鮮

今日係佐敦行街，見到呢間劉興記生煎包有好多人排隊，決定入去試下佢地有套餐好抵食，仲有豆漿任飲，豆漿好濃好香，唔會太甜招牌上海排骨菜飯配生煎包1隻 $54轉湯麵 +$10呢個排骨超大塊，新鮮炸起熱辣辣，好酥脆，豬排好林好入味，湯麵清清地都好match蔥油雞排菜飯配生煎包1隻 $54雞排大大塊，配埋蔥油好惹味，菜飯都好正雞湯小雲吞 12粒 $35小雲吞啖啖肉，都幾正蟹皇生煎包2隻 $38生煎包同蟹皇生煎包各有特色，真係爆哂汁，真係要小心d食，真係世一生煎包

呢間人氣生煎包店開到去佐敦，店內環境好細，多人嘅話都唔係太方便講嘢，不過大家快食快走，所以都冇咩問題。店員服務態度十分友善，依家香港真係好難有。生煎包超級熱辣辣，咬落爆汁，小心唔好焫親，外層脆，餡料足，難怪咁受歡迎。蔥油雞扒飯，雞扒分開上，外皮煎至脆身，金黃色，肉質嫩滑，菜飯散發著淡淡香氣，健康又好味。私心推介麻醬手撕雞粉皮，粉皮入口滑溜，最緊要係個麻醬，一定要加醬食，手撕雞都OK，唔好以為份量細細食完都幾飽肚。蔥油拌麵幾有驚喜，油油哋又唔會膩。麵條軟硬度適中，唔夠飽嘅可以食。另有小雲吞湯麵，六小粒，皮薄，餡料足，湯底清甜，相對嚟計比較清淡同健康，如果唔鍾意濃味嘅呢個都係個唔錯嘅選擇。

呢間位於佐敦新開嘅上海生煎包店真係好正！我試咗佢哋嘅手撕雞絲粉皮，真係十分足料，入面有好多嫩滑嘅雞肉同清脆嘅青瓜，加上香濃嘅麻醬，食落去口感好好，令人食過唔停口🤩🤩至於蟹黃生煎包，真係不得不讚！外皮香脆，咬落去就有汁流出，蟹黃味道濃郁，令人一口接一口，根本停唔落嚟。每一口都係享受，真係好過癮！😛仲有，佢哋嘅豆漿亦都好好味，豆味香濃，唔會太甜。下次經過佐敦，一定會再入來食呢間世一生煎包，想試埋佢地嘅瀨尿蝦生煎包，一定好好食🤤🤤

餐廳：劉興記生煎包專門店地點：佐敦白加士街菜式：上海菜餐牌：生煎、菜飯、湯麵、拌麵、蟹粉、小食、涼拌、餅類、湯丸、小籠包、飲品，都有人氣熱賣皇牌套餐。落單掃QR code。豆漿一坐低就有一杯加一jar豆漿，夠濃厚滑溜，豆味剛好又唔太甜，好解渴。服務員會主動幫你斟豆漿。雞絲酸辣湯 $35雞絲酸辣湯好多料。除咗雞絲，仲有冬菇，黑木耳，豆腐，同爽脆筍絲，蔬菜量豐富。味道酸酸辣辣，唔錯。生炸雞扒湯麵  $42生炸雞扒一開5件連皮，炸得外脆內嫩，肉夠厚，食哂都唔覺太油。上海麵我留到最後先食，都仲有咬口，唔粗唔幼，味道清淡。面頭加上少少脆脆同蛋絲，伴有小棠菜兩條，個湯好清。今餐食物質素唔錯，價錢實惠冇加一，唔太餓其實$42一碗湯麵連肉都夠飽。呢間分店裝修就簡單啲，不過食完就走都無問題。 

作為一個響粵打拼嘅上海人，最掛念嘅就係家鄉嘅味道。偶然行到呢間店，懷住一絲期待入咗去，點咗呢份有好多家鄉美食嘅套餐，食完真係感慨萬千。蔥油雞扒湯麵一端上嚟，蔥油香就撲鼻而來，瞬間叫醒味蕾。麵條好有嚼勁，每根都裹滿醇厚蔥油。雞扒炸得啱啱好，外皮金黃酥脆，肉質嫩滑，咬落仲有肉汁流出，為碗麵加分唔少。配嘅生煎包雖然只得一隻，但都足以慰藉我對呢味嘅思念。底部煎到金黃焦香，咬開嘅瞬間，鮮美肉汁喺口腔爆發，麵皮韌，肉餡實淨，味道同家鄉嘅比，雖然有啲唔同，但都有自己嘅特色。凍豆漿口感濃郁綿密，甜度啱啱好，食完濃郁湯麵同生煎包，飲啖凍豆漿，清爽解膩。小籠包皮薄到透光，褶子精緻，雞湯鮮美醇厚，蝦肉小籠包嘅肉新鮮彈牙。

朋友喺台灣嚟香港玩幾日帶佢嚟品嚐下香港嘅人氣餐廳近年風靡全港嘅生煎包專門店最近開到佐敦呢區都係好受歡迎價錢依然係咁貼地必食馳名嘅✨招牌生煎包外層底部煎得金黃香脆裡面湯汁非常清甜✨蟹皇生煎包咬開一啖．湯汁隨即噴射食嘅時後真係要小心．唔好彈親對面朋友✨上海排骨菜飯即炸熱辣辣嘅排骨好香口跟菜飯係最佳嘅配搭✨生炸雞扒湯麵雞扒啖啖肉．外皮金黃香脆配上清甜湯底嘅上海麵．超正最驚喜係呢度嘅✨自家製豆漿係無限添飲好耐無飲過豆味咁濃郁嘅豆漿喇