劉興記生煎包專門店

營業中

休息中

劉興記有好幾間分店，招牌生煎包真係必食，價錢抵食，食過返尋味。招牌生煎包 新鮮出焗，所以超熱要小心食，底部煎到金黃脆口，入面饀料大舊，一咬爆汁超juice，有成個匙羹咁多汁，而且，味道調得好好。真係必食。瀨尿蝦生煎包原本係想食蟹籽，可惜已賣晒，就試下新出嘅瀨尿蝦味。會有一舊瀨尿蝦係餡料入面，真材實料，但成個肉味道同質感都同招牌唔同，喜歡清淡可以試試，個人都係偏愛招牌。招脾擔擔麵 非常香口惹味，濃濃花生醬味，仲要加上大量櫻花蝦，多左鮮味，即刻昇華成碗麵。而且，麵分量都唔少，好抵食。手功豆沙窩餅煎到底同面都脆脆地，豆沙饀唔會好甜，好味。豆漿口感滑順，濃濃豆味好足料，微甜。