影片
港鐵上環站 A2 出口, 步行約2分鐘
繼續閱讀
營業時間
星期一至六
12:00 - 20:00
以上資料只供參考, 請與餐廳確認詳情
荃灣有間爆紅會噴汁嘅生煎包，最後係上環開佐分店，咁緊係即約埋同事一齊去試吓店面比較細，只有大約十一二個吧枱位同兩張四人枱，中午放飯時間坐滿哂要等一陣，好彩佢上菜速度都好快，等佐10幾分鐘就有位我哋叫兩個人氣熱賣皇牌套餐：招牌上海排骨湯麵＋生煎包1隻 $54麻醬手撕雞絲粉皮＋生煎包2隻 $54套餐奉送豆漿一杯生煎包超新鮮熱辣辣，因為佢係一盤接一盤即煎即買，除咗堂食都有好多外賣4粒6粒咁買，根本做到停唔到手生煎包一咬開，啲汁就流哂出黎，可以好似飲湯咁吸一啖湯汁同肉都唔會話好油膩，皮薄，包底會比較厚但會煎得脆脆，好香口。枱面有醋，可以根據個人口味加醋上海麵彈牙有咬口，炸豬扒外面炸得香脆，肉質緊實但唔會太硬雞絲粉皮上面嘅青瓜絲份量好多，鋪滿哂，麻醬淋面，濃稠同落得超足，可以拌勻每條粉皮都掛到汁。粉皮口感滑嫩煙韌
繼續閱讀
公司附近開了一間最近很紅的生煎包店，發哥也是熟客，我當然要去試試。店鋪只收現金，午餐繁忙時間在門口排隊，等了十多分鐘，先點菜後入座，雖然店鋪細小，但上菜速度都很快，招牌生煎包有不同數量可供選擇，來的時候的確熱辣辣又多汁，小心燙口，另外亦點了碗上海蔥油拌麵，份量頗多，蔥味很香，隨餐附送豆漿，甜味適中。除了拌麵，還有酸辣湯麵、小雲吞湯麵、排骨湯麵等選擇，即使是點套餐，價錢亦非常親民，可以一試。🥂生煎包🥂上海蔥油拌麵🥂豆漿
繼續閱讀
最近行街見到依間上海菜開左好多分店今日行過上環分店 就心血來潮走入去試吓叫左三款食品當然要試一試餐廳嘅招牌生煎包生煎包外皮好薄 包底煎到好香脆 脆卜卜咁咬落去包入邊嘅肉汁鮮甜爭啲噴到周圍都係 真係好多汁包入邊嘅肉餡肥瘦均勻生煎包上面仲加咗好多黑芝麻咬落去陣陣芝麻香味再加埋香蔥 真係幾好食麻醬手撕雞絲粉皮份量幾大麻醬味好香濃 醬料好多有好多好清新嘅青瓜絲粉皮晶凝通透店員話啲雞肉係用新鮮的三黃雞用人手撕肉製成 特別有口感另外再叫咗個鮮雞湯小雲吞湯底係用左十多隻三黃雞熬煮唔怪得知咁鮮味 小雲吞嘅份量都幾多好有咬口小雲吞嘅肉餡調味都調得幾好少少的空間坐滿左食客 有堂食客人 有外賣客人咁好食 唔怪之得咁好生意
繼續閱讀
放工時間在上環看到這間新間的生煎包小店，不要吃Heavy的Dinner，不如來點生煎包填飽肚子。除了招牌生煎包外，還有上海排骨菜飯、酸辣湯、豆沙窩餅等上海料理。套餐附送冰凍豆漿，即時倍感涼快！- 麻醬手撕雞絲粉皮 + 生煎包2pcs $54- 鮮雞湯小雲吞12pcs + 生煎包2pcs $54每桌必點的招牌生煎包，熱辣辣出爐，Size比One Bite Size略大，包底煎得香脆，上面灑滿黑芝麻，皮薄多湯汁，裡面的鮮肉餡也頗紮實。即使已刻意小心噴汁，也差點難逃一劫。 麻醬雞絲粉皮份量頗多，足夠當一個正餐。麻醬下得大方，拌著青瓜絲、雞絲和滑溜溜的粉皮，每一口都是麻醬的香味。在又濕又熱的天氣下，不想吃熱騰騰的晚飯，這個涼拌菜來得正合時！小雲吞迷你Size一口一粒無難度，加上清爽的雞湯底，口味簡單又健康。
繼續閱讀
前幾排喺IG見到好多Foodie都推介呢間新嘅生煎包店，之前bookmark咗，有日咁岩喺上環附近就特登行過咗去試。嗰日係入去堂食，叫咗個生煎包set有1隻生煎包同埋豬扒菜飯，另外再叫咗個蟹粉生煎包試吓。原味生煎包 完全唔熱，個底係淋嘅，可以見到張相個底係冇乜點煎過，完全冇金黃色（啲顏色係醋嘅色）。肉質可以，但完全零湯汁。蟹粉生煎包都係唔熱，都係淋嘅同冇湯汁。我唔係好明點解，一間主打生煎包嘅餐廳，會係咁樣嘅出品？係咪老細未教好個廚師就開舖？上環個廚應該對嘢食冇乜要求，先至可以捧得呢盤生煎包出嚟？ 真心唔得，好難食！豬扒菜飯飯係凍嘅，我本來以為係上海嗰種嘅炸豬扒個豬扒，但原來係吉列豬扒，豬扒都正常嘅，但炸得好乾，食到個口都損埋。當場真係好想同個侍應反映，但係朋友話算數，以後唔再嚟，無謂為嗰百幾蚊而嬲。食完之後我特登睇返我bookmark咗嗰個reel，睇吓有冇人都中咗伏，之後先發現原來喺留言上面好多人都話煎燶咗唔好食，如果嗰時有睇留言一定唔會嚟！
繼續閱讀