割烹 櫓杏 (iSQUARE國際廣場)

營業中

休息中

今日自己一個嚟食晏，餐廳好貼心咁安排咗個景觀一流嘅座位畀我😆透過落地玻璃，可以欣賞到成個城市嘅景色🌉叫咗熊本黑毛和牛同埋王壽喜燒御膳套餐🫡第一樣上枱嘅係蔬菜沙律🥗新鮮嘅蔬菜配埋酸酸甜甜嘅醬汁，食落好清爽，為接下來嘅美食做好準備！日本蒸蛋放喺一個特製嘅陶瓷器入面🥚呢種器皿真係好幫到手保持溫度🤲🏻輕輕舀起一羹，蒸蛋質地好似絲綢咁順滑，入口即溶🥹主菜壽喜燒上枱嗰陣，已經噴到好香😍黑毛和牛片薄得好似蟬翼咁，紋理好明顯將牛肉片放入滾住嘅湯度涮一涮，肉質特別嫩滑😋幾乎唔使點咀嚼就可以品嚐到牛肉嘅鮮味💯湯底本身味道好濃郁，甜中帶鹹～啲菜同菇喺湯度煮完之後變得特別鮮甜🥳成餐飯食嘅過程中，我發現自己唔知唔覺咁放慢咗食嘢嘅節奏🙏🏻慢慢咁品嚐每一樣食材嘅特色。壽喜燒嘅魅力唔單止喺啲食材新鮮同高質，仲有自己掌控煮嘅過程，令到每一啖都可以食到最啱自己口味嘅美食👍🏻

❤特製吉列北海道豚肉咖哩御膳❤好似兩個手板咁大塊嘅超大豬扒配埋餐廳自家制嘅日本咖喱汁。雖然我唔係好食得辣，但係個咖喱辣度係可以接受嘅。而且d咖喱好送飯，好快就食晒成碗。豬扒外層炸得金黃酥脆，個肉唔會太乾太韌，都唔會厚粉。另外個set仲送埋沙律菜，蒸蛋，味噌湯，小菜同埋甜品，好抵食。❤鰻魚丼及烏冬❤另一道料理就係鰻魚丼，賣相同樣吸引。鰻魚烤得好脆，表面微微焦香，肉質軟嫩多汁。鰻魚獨特嘅香氣同醬汁嘅甜鹹味真係完美，尤其係佢嘅油脂，真係好滿足啊。搭配的烏冬麵煮得軟硬適中，有著麵條特有的彈性。湯頭清淡卻不失味道，與鰻魚丼形成絕佳的搭配，既能解膩又能飽腹。我不禁開始期待下次可以再嚟品嚐其他菜式。咁樣嘅午餐體驗，令人對下午嘅工作都充滿咗動力。

前幾日，我同朋友又一次嚟到我哋熟悉嘅“老地方”——位於尖沙咀嘅【割烹 櫓杏】。呢間餐廳我哋已經嚟過幾次，每次嘅食物同環境都好唔錯，慢慢地呢度變成咗我哋相聚嘅常去之地。今次我哋冇揀套餐，而係單點咗啲自己鍾意嘅食物。首先一定唔可以錯過嘅係極味壽司十二件，裡面主要有拖羅、牡丹海老、海膽，其他就係廚師發辦。廚師會根據當日最新鮮嘅食材嚟製作壽司，每次都會有唔同嘅驚喜，所以呢個係我哋必點嘅餐點之一。我哋點咗脆青椒配豚肉味噌，呢道菜嘅靈魂係豚肉味噌。豚肉加埋味噌一齊炒，味道啱啱好，跟青椒一齊食又帶有微辣，又保留住清脆嘅口感，真係好惹味。炸牛蒡亦都係我哋必點之一。牛蒡本身帶有淡淡嘅甘甜味，切成條狀後炸到外表酥脆，內裡依然保留住牛蒡嘅獨特香味，口感好豐富。我哋仲試咗一款特別嘅太刀魚味醂乾。呢道小食充滿日式風味，肉質細膩嘅太刀魚被炸到外表酥脆，內裡保留住魚肉嘅鮮甜，真係令人回味無窮。呢間餐廳我哋嚟過幾次都覺得唔錯，非常適合同屋企人或者朋友一齊嚟食飯😋如果你都鍾意日式料理，呢度絕對值得一試。

今晚我哋嚟咀嘅割烹食，系因為要慶祝我老公傾成一單大生意，佢就帶我嚟享受。Set Menu🍽️天草直送 新鮮刺身盛合🍽️柚子雪芭🍽️炭焼鶏鶏頸肉🍽️熊本天草鮮魚壽司三件🍽️牛腸鍋熊本天草鮮魚壽司三件分別有拖羅 和吞拿魚蓉軍艦同另外一款係廚師發辦，就好似廚師卑我地surprise咁。三種唔同嘅壽司都好新鮮，食到三種唔同口感，唔同嘅鮮甜搭上醋飯，仲有佢哋嘅Wasabi，好好食。牛腸鍋嘅湯底係醬油清湯，D料好豐富有芽菜啦，牛蒡啦、牛腸等等，D料吸收了湯汁食落去，哇~好幸福。輪到天草直送新鮮刺身盛合，我嘅最爱😆嗰啲生魚片真係好新鮮，新鮮到好像放進後，魚在嘴巴慢慢化開，好滿足啊😌仲有炭焼鶏鶏頸肉唔好錯過,碳香味十足,肉質也好Juicy,好味！最後嚟個柚子雪芭，酸酸甜甜咁結束我哋嘅慶祝盛宴😆希望我老公佢越嚟越成功，餐餐都有大餐食。呢都環境好舒服，服務員態度都友善，食物也好吃，真的好值得嚟體驗。

邊被維港夜景包圍 邊吃Omakase 性價比Level⬆️桐 $780/位✨刺身三種上網搜才知道 原來他們家的各種魚介類 都是從天草直送早上拍賣後立即打包裝箱並搭乘飛機 到港後馬上處理 達到「熟成」每塊都新鮮 鮮甜 稍稍的油脂 讓香氣更控久的留在口腔𥚃✨天草鮮魚の壽司三種朋友每口都吃得滿足～ 壽司🍣上的魚介們 都像刺身一樣 濕潤、光滑整體魚肉的脂肪相對上比刺身更多些 使口感更飽滿 而拖羅蓉好像要入口即溶般米飯🍚稍帶分明 富點黏性小Q卻又不會黏牙 酸甜度和諧穩定 不會蓋過上層的鮮味👍✨櫓杏推介黑松露蒸蛋黑松露蒸蛋 一上枱面黑松露香氣樸鼻 面層不但有黑松露醬小山丘 還有白松露油 蒸蛋乾淨嫩嫩滑 和松露結合（廚們真的很用心 味道都是一層層疊昇 每道菜相得益彰 更提升各道菜的香氣✨炭燒鷄頸肉沒有多加其他的調味料 只有簡單的鹹巴和黑胡椒 鷄頸肉味道已很香濃肉嫩 油脂度洽好 微微炭燒香 更惹味（本來鷄頸肉每隻雞只能烤出兩根除了因為他的稀有度 更重要的是他的美味 讓我們爭相吃最後一塊😋✨鰻魚和青瓜配土佐酢誰又會想到鰻魚可以和青瓜一并吃 就像一份前菜一樣鰻魚肉質綿密淡香 青瓜底帶酸清爽 令味蕾在火鍋🍲前

之前就聽同事講呢間日本餐嘅晚餐set好好食而且好抵食，今日就忍唔住嚟試吓啦～果然冇錯，每一樣都美味無比，真係食過返尋味啊～晚餐set其實有超過5樣菜色，不過以下幾樣真係要重點講吓。🍲火山鍋紋理超靚嘅豬五花肉 渴鋪喺上面，連下面嘅食材都睇唔到，真係好足料啊！豬肉片肉香四溢，食落肥而不膩。再配搭上燉得軟腍嘅白菜，仲有各種菌菇包括冬菇、雞髀菇、金針菇等，各種材料嘅精華都已經熬煮出嚟，唔誇張，我淨係飲湯都已經好滿足！🍣熊本天草鮮魚壽司三件三件鮮魚壽司都好鮮美，鮮美度同油脂度啱啱好！入口仲可以感受到絲滑嘅口感仲有油脂帶嚟嘅甘甜味道~拖羅入口即溶，配上少少醬油味道更加鮮香！🥚黑松露茶碗蒸蒸蛋入口滑溜，口感幼細，喺茶杯入面蒸煮更加提升整體嘅鮮度上面仲放咗啲黑松露，醇厚嘅香味令普通嘅蒸蛋都變得唔普通。🍨柚子雪芭最後嘅收尾就係呢道柚子雪芭，口感輕盈又帶住清爽嘅柚子甜味，即冇雪糕嘅厚重感，又可以好好咁解膩念。

尋日同男朋友一齊去食日本料理，餐廳有優美嘅風景，舒服嘅環境，熱情嘅員工，我哋食得好開心。我哋食咗晚餐套餐，好多款食物提供畀我哋食。我哋落單咗米燒酎，飲落去有米嘅甘甜同香氣，酒體飽滿但入口輕快、柔順清爽。我哋仲落單咗Japanese sake，滑順細緻，醇厚乾淨嘅口感令人上癮。之後我哋食咗套餐嘅炭燒雞雞頸肉，雞肉香氣四溢，加上充滿日式嘅炭燒味，既增添味道層次，又令雞肉嘅鮮味更加突出，食落去令人食指大動。仲有熊本天草鮮魚壽司三件，拖羅同吞拿魚蓉軍艦仲有另外一款係廚師發辦，特別鍾意拖羅壽司，入口即溶而魚味濃郁，油香四溢又鮮甜無比，完美無瑕嘅口感。跟住係牛腸鍋，有牛蒡、牛腸、豆腐同其他新鮮蔬菜，牛腸口感彈牙，充滿膠原蛋白，配埋醬油清湯湯頭，味道醇厚又有層次。豆腐嘅口感細緻、軟嫩，食落去超級回味。之後食咗黑松露茶碗蒸，蒸蛋彈性十足，真係好嫩滑，充滿嘅蛋香味，配埋濃郁嘅黑松露味，非常之好食。風景靚，食物高質素，價錢公道，絕對真係值得一試。

😎放工後嚟食呢度嘅美味晚餐，令我好放鬆～服務員好親切，環境好舒服，仲有海景睇，喺呢度食晚餐好滿足～前菜有櫓杏名物 黑松露茶碗蒸🐣鰻魚同青瓜配土佐酢。尤其嗰道鰻魚同青瓜令我印象深刻。鰻魚肉仲保持住鮮美多汁嘅口感同柔軟嘅肉質，青瓜爽脆，味道清新，配埋土佐酢，酸味提升成道菜嘅味道，食得好開胃！！之後仲食咗炭燒雞雞頸肉，熊本天草鮮魚壽司三件仲有天草直送新鮮刺身盛合。三款新鮮刺身令我食到難以忘懷，口感柔軟，鮮甜肥美，入口即化嘅口感食到停唔到口～🤗🤗重點梗係主角火山鍋，充滿豬五花嘅火山鍋，加上其他新鮮蔬菜，白菜、椎茸、姬菇、金菇、杏鮑菇、洋蔥一齊放喺鮮湯度慢慢煮，當豬五花吸收湯汁嘅精華後，口感溫潤，散發住陣陣嘅豬肉香味同鮮湯味，好味到不得了。最後仲有柚子雪葩做甜品🍨清甜柚子味嘅雪葩食落去令人好愉快～

-呢個晚餐SET巧妙咁結合咗唔同嘅烹調方法同食材，展現咗日本料理嘅多樣性。由清淡嘅茶碗蒸到濃郁嘅牛腸鍋，再到煙燻味十足嘅炭燒鵝頸肉，每道菜都有佢獨特嘅口感同味道，土佐酢同黑松露等配料嘅運用，更加凸顯咗廚師對於調味嘅精準掌控。SET MENU :牛腸鍋鰻魚配土佐酢橹杏名物黑松露茶碗蒸炭燒鵝鵝頸肉牛腸鍋裡的牛腸經過煮製後變得軟腍，但仍然保留住獨特嘅彈性。湯頭濃郁，帶有牛腸特有嘅牛味。鰻魚肉質唔錯，而且食落唔會覺得有骨嘅感覺。表皮經過燒烤後帶有輕微嘅焦香，同入面嘅嫩滑形成有趣嘅對比。土佐酢嘅酸甜味襯托出鰻魚嘅鮮味，同時中和咗佢嘅油膩感。黑松露茶碗蒸質地滑溜，杏仁嘅加入為傳統嘅日式蒸蛋增添咗創新元素，帶來淡淡嘅果香同埋微妙嘅甜味。鵝頸肉經過炭火燒烤後，外層略帶焦香，肉質有一定嘅韌性，但咀嚼後會釋放出豐富嘅肉汁同鮮味，而且炭火燒烤嘅方法為鵝肉增添咗煙燻香氣。

呢度嘅日本菜真係有驚喜到我!夜晚嘅套餐真係好抵食，我同老公都食得津津有味 😋套餐入面包含咗: 牛腸鍋 - 滿滿一鍋雪白油潤嘅肥腸，加埋豆腐、芽菜、牛蒡等，上面鋪滿多多韭菜，灑上啲辣椒粉 就形成一道令我哋驚艷嘅菜色!湯底超級濃郁，牛腸咬落好彈牙，加上燉煮到軟腍嘅韭菜同各類 蔬菜好好咁降低咗成鍋嘢嘅油膩感!食到最後仲可以揀拉麵擺入濃湯入面一齊食，超正!熊本天草鮮魚壽司三件 - 拖羅同吞拿魚蓉軍艦仲有一樣係由廚師發辦嘅，每一件都好新鮮!尤其係拖羅，粉紅色澤望落就好吸引，食落又鮮又帶住濃郁嘅魚油香味，簡直係perfect 💯黑松露茶碗蒸 - 呢個唔係普通嘅茶碗蒸，係擺咗黑松露嘅奢華茶碗蒸!滑溜嘅蒸蛋入口絲滑，加 上濃郁嘅黑松露香味增加咗一絲鮮明嘅味道同口感，好食! 柚子雪芭 - 最後梗係要食甜品收尾啦!淡淡嘅柚子香味同雪芭冰涼嘅口感簡直絕配，清爽又解 膩!

最近做嘢真係超級大壓力，所以決定放鬆吓。嚟左呢間食好嘢，補充吓能量，一邊食，一邊望住靚景，正！叫咗個Dinner set。揀咗牛腸鍋，鍋入面有好多牛腸同豆腐，份量超多。牛腸好有彈性，食得好滿足。跟住就係壽司，師傅準備嘅熊本天草鮮魚壽司好新鮮。果然高檔食材一定要由專業人士嚟處理，先可以發揮到佢本身嘅價值！鰻魚同青瓜配土佐酢都係超好食，鰻魚喺醬汁烤製後，滲透到肉中，令鰻魚更入味，整體甜甜的。柚子雪芭口感比雪糕輕盈。喺脷面溶化呈現出絲滑嘅質感，同時保留少少顆粒感，令人感受清爽。柚子清香係呢個甜品嘅靈魂。果香帶微妙苦澀，去除頭盤餘味。

今晚同朋友嚟咗呢間日式風格嘅餐廳食飯，環境畀人一種寧靜優雅嘅感覺，燈光營造出溫馨嘅氣氛，令人唔自覺放鬆落嚟。侍應態度親切，細心介紹每道菜式，令用餐體驗更加愉快。火山鍋一上枱就吸引咗我哋嘅注意。造型真係好鬼似一座細火山，堆積如山嘅五花腩令人食慾大增。肉片薄而不碎，煮熟後口感細膩，肥瘦適中，每一啖都充滿住肉汁嘅香濃。蔬菜經過熬煮後吸收咗湯汁嘅精華，口感爽脆，同肉嘅油潤絕佳平衡。炭焼鶏雞頸肉畀人驚喜。外表呈現誘人嘅金褐色，散發住淡淡嘅炭香。咬落去嗰陣發現肉質意外咁柔軟多汁，完全冇乾柴嘅感覺。熊本天草鮮魚壽司三件入面，廚師特製嗰款真係令人印象深刻。口感特別，配搭嘅醬汁獨具特色，為壽司增添咗一絲創新嘅風味。咁嘅組合真係好難喺普通壽司店搵到，體現咗廚師嘅獨特創意。橹杏名物黑松露茶碗蒸端上枱嗰陣，濃郁嘅松露香味撲面而嚟。蒸蛋非常綿密，入口即化。黑松露嘅加入唔單止增添咗視覺上嘅奢華感，更加為茶碗蒸注入咗深邃嘅香氣，令呢道傳統嘅日式料理更顯高級。

有一次係尖沙咀附近做嘢，lunch time時間見其他同事都想食呢間就入去食lunch。【割烹 櫓杏】呢個名好特別，一聽就知道係食高檔日本菜。呢度嘅裝飾擺設好有特色，睇落好有日本風格，有多款日本酒，仲有好可愛嘅熊本熊擺設。餐單上嘅lunch set有好多選擇，選擇困難症之下就向店員詢問咗意見，店員就推薦咗佢哋嘅經典set【壽司六件及天婦羅】，價錢亦唔算好貴，餐牌上睇都幾多嘢食，最後就決定叫呢個set。呢個Set入面好多配料，仲有烏冬同茶碗蒸，當然仲有主角壽司同天婦羅。壽司有六件，每件都吸引，一啖一件，刺身都幾新鮮，唔會有異味，魚肉都幾滑幾嫩，海膽鹹中帶甜，口味非常豐富。天婦羅嘅炸物種類亦好多，炸粉幾薄身，都好脆口，炸完仲保留住食物嘅原味。望落去個set唔係好大份，估唔到食完都幾飽，我自己係幾滿意，下次去開尖沙咀再同同事嚟試吓其他lunch set先。

有一次帶家人周末嚟呢度食晚餐，我之前就聽講尖沙咀呢度有一間日本菜非常好食。【割烹 櫓杏】環境真係好好，靠窗嘅座位仲有景睇。佢哋嘅dinner set menu提供咗好多菜品，睇落都好抵食，今次就同家人一齊叫咗佢哋嘅晚餐套餐。點咗一個牛腸鍋，份量好足，滿滿嘅牛腸同其他蔬菜配料，仲有豆腐。牛腸處理得非常乾淨，下鍋一煮，有一股清香嘅香味。dinner set入面有鮮魚壽司，聽店員講係從熊本天草直送過嚟嘅，肉質非常滑，味道好新鮮，唔會有任何腥味。鰻魚同青瓜配土佐醋食起嚟好清甜，鰻魚燒得啱啱好唔會柴，青瓜為土佐醋增添咗一點清脆爽口，非常完美嘅組合。仲有柚子雪葩，口味非常清甜，仲微微帶一點酸爽，食起嚟好涼爽，停唔到口！我哋一家都好滿意佢哋嘅晚餐，食得好飽，我哋都對呢間日本餐廳讚不絕口！！

今日一個人去咗尖沙咀行街，發現呢間餐廳好多人，菜式選擇多，一於入去食好啲✨餐廳行日式風格，裝修好有格調，我就叫左個套餐試😋Dinner Set有天草直送 新鮮刺身盛合、鰻魚同青瓜配土佐酢、櫓杏名物：黒松露茶碗蒸、熊本天草鮮魚壽司(3件)、炭焼鶏鶏頸肉同柚子雪芭，仲有鍋物！天草直送 新鮮刺身盛合嘅食材特別新鮮，每一啖都食到淡淡嘅海鮮味，鮮甜美味😋 甘海老嘅口感又黏又軟，唔洗點咬就喺口裏面溶化，而食落回甘，蝦嘅香味喺口裏面散發。櫓杏名物 黒松露茶碗蒸好滑溜，好似豆腐咁，入口即化！加上黑松露調味，成個味道更加特別。炭燒雞頸肉嘅肉質彈牙，肥瘦適中，成個口感好豐富，仲有炭燒嘅獨特香味👍🏻鍋物有牛腸鍋同火山鍋選擇，因為一直未食過牛腸，今次一於嗌牛腸鍋試下！咬開微韌嘅腸衣，牛腸獨特嘅油香瞬間爆發，香到不行！簡直系靈魂美食❤️ 鍋物入面仲有其他配料，我鍾意配豆腐食，豆味香甜又細滑，清一清油膩感😊今次一人獨食非常滿足同放鬆，下次同朋友黎食要再試多幾款🙌🏻