割烹 櫓杏 (iSQUARE國際廣場)

營業中

休息中

❤特製吉列北海道豚肉咖哩御膳❤好似兩個手板咁大塊嘅超大豬扒配埋餐廳自家制嘅日本咖喱汁。雖然我唔係好食得辣，但係個咖喱辣度係可以接受嘅。而且d咖喱好送飯，好快就食晒成碗。豬扒外層炸得金黃酥脆，個肉唔會太乾太韌，都唔會厚粉。另外個set仲送埋沙律菜，蒸蛋，味噌湯，小菜同埋甜品，好抵食。❤鰻魚丼及烏冬❤另一道料理就係鰻魚丼，賣相同樣吸引。鰻魚烤得好脆，表面微微焦香，肉質軟嫩多汁。鰻魚獨特嘅香氣同醬汁嘅甜鹹味真係完美，尤其係佢嘅油脂，真係好滿足啊。搭配的烏冬麵煮得軟硬適中，有著麵條特有的彈性。湯頭清淡卻不失味道，與鰻魚丼形成絕佳的搭配，既能解膩又能飽腹。我不禁開始期待下次可以再嚟品嚐其他菜式。咁樣嘅午餐體驗，令人對下午嘅工作都充滿咗動力。