初遇

營業中

休息中

想去台灣又未有時間 食返餐台灣菜頂住先💁🏻‍♀️🔸紅燒牛三寶手工麵 HKD84牛三寶包括牛肚 牛筋 牛𦟌每一件都係厚切 非常足料牛𦟌半筋半肉 牛筋入口即溶 全部都炆得夠淋 湯底濃郁 手工麵偏彈牙 性價比高！🔹肉鬆榨菜蛋餅 HKD42蛋餅有3種口味 偏向咸食嘅我就揀咗肉鬆榨菜口味蛋餅包住滿滿嘅肉鬆 夾埋爽脆榨菜絲餅皮仲有台式醬油膏！🔸麻辣鴨血 HKD28唔使$30就有4嚿厚切鴨血 好抵食😌🔹墾丁脆魚塊 HKD28/5件四四方方嘅炸魚塊好趣致一啖一粒 脆卜卜大人小朋友都會中意☺️🔸黑糖薑母茶 HKD22滿滿的紅棗 女士恩物！🔹仙草珍珠奶茶 HKD12(加配價)啜每啖都食到仙草珍珠欣賞佢嘅奶茶茶味幾突出！人均消費💰大約$100/位🚩初遇 粉嶺粉嶺車站路18號粉嶺名都商場2樓58號舖

下班時間，店內人頭湧湧的，主打台式食物，這次就選了拌麵，比想像中的要大份！古法慢煮焢肉麻辣拌麵（７２元）上面放有三大件的慢煮焢肉，肥瘦相間的，吃起來入口即化，油香十足，味道是鹹甜口味的，很入味！麻辣拌麵的醬汁挺香，味道不會很辣，每條麵條都裹滿醬汁，吃起來麻辣鮮香，口感煙韌！初遇地瓜酥（３２元）這個口感有點像炸芋圓，但外層口感更酥脆，淡淡的地瓜香和甜。鮮奶紅豆手工芋圓（加配１６元）喝起來會有點像紅豆冰的感覺，紅豆味香濃，口感綿香幼滑，而加的手工芋圓非常軟糯！

全部食物都是凍，致電回餐廳詢問，說食物是熱，我叫外賣，,看到app19:12車手取食物，19:18到達，職員還將責任推到車手，說遲送到所以食物凍左，明明是店舖問題點解職員要推卸責任，咁樣就可以話自己沒有錯，真的好想知道尼間店舖係唔係這樣培訓員工？咁的服務態度一定唔會想幫襯

💰$166 Order左d咩？​星期六下午茶：​☝🏻 紅燒牛肉麵拼古早滷肉飯 $48首先講個麵先，麵唔會太淋，有厚度實正，有咬口都算彈牙，牛肉係半筋半腩，都幾腍，另外個滷肉飯有少少驚喜，肉粒同肥膏比例7:3左右，d肉仲比得幾大方，唔係得少少肉碎，係肉粒，個飯係用珍珠米，仲要有流心蛋（呢隻流心蛋成功過呢期三哥個隻好多），上面層滷肉送飯食，好香好開胃，呢個價錢，2碗野都唔錯，CP值相當高👍🏻👍🏻​✌🏻 台式香濃沙茶鍋，配寬條薯粉 $98比出面差唔多價位嘅一人邊爐稍稍出色，主要因為個沙茶湯底，真係有沙茶香，一開始食都幾濃郁，尤其係第一啖食左塊牛肉先，唔錯，btw如果都係配寬條薯粉建議最後先落，因為好索湯，煮完冇左一半湯​3️⃣ 冰糖紅棗燉雪耳 加$8 & 自家芋泥鮮奶 加$12呢個跟餐價，杯冰糖雪耳幾清甜，唔會太甜，另外個杯芋泥鮮奶正常水平​總結：牛肉麵+滷肉飯餐有性價比​🗒️以下評分最高分五粒🌟​味道：🌟🌟🌟加0.5粒抵食程度：🌟🌟🌟🌟🌟粒（真係好抵食）環境&服務：🌟🌟🌟粒（正常環境同服務）

昨日接完囡囡放學去食tea，佢好鍾意飲珍珠奶茶🧋，所以揀咗「初遇」。點咗「慢烤雞腿蛋吐司」比自己，再點咗「鹽酥雞滷肉飯配紫菜貢丸湯及台灣香腸」比囡囡。「慢烤雞腿蛋吐司」賣相好吸引。包皮焗過，外脆有軟，內裏夾住嘅雞扒幾厚身，而且煎得幾惹味，仲有半熟嘅煎蛋，包皮吸咗蛋黃，一咬落去，有幾個層次，真係幾好味！「鹽酥雞滷肉飯配紫菜貢丸湯及台灣香腸」好抵食，$48有紫菜湯、大大碗滷肉飯、鹽酥雞，仲有台灣香腸，份量似午餐多啲。鹽酥雞炸得幾乾身，內脆外軟，而且無油膩感，灑咗少少准鹽，好味！台灣腸甜甜地，個皮幾脆，帶少許燒烤香味，仲附有蒜片伴吃，好味！

初遇紅燒半筋半肉面 （$78）湯底味道同台灣食到嘅一樣，加上蘿蔔味道更鮮甜。牛筋夠彈夠腍，牛肉有幾大舊，好入味。配上店家自製嘅酸菜，更加刺激食慾。初遇一品臭臭鍋 （$118）呢個天氣食鍋物一流。呢個鍋可以自選辣度，麻得過癮。材料超級豐富，有白豚肉、臭豆腐、鴨血、新竹貢丸、沙白、米血糕等等。粉絲同埋臭豆腐吸滿哂湯汁，食落一啲都唔會臭，仲勁香。鴨血食落好滑溜。呢個鍋可以跟個飯或者粉絲架～冷泡阿里山烏龍 （加配價$8）

今日去踩單車，由沙田踩入去粉嶺😩對腳好似唔係自己！入到黎都已經tea time，我勁想食麵🥸第一時間就係呢度嘅米粉食物蜂巢牛肚米粉唔知係咪肚餓，我好鐘意食呢到嘅米粉，佢個牛肚米粉超級正，又唔貴！啲牛肚好入味，又爽口！最特別係啲湯💓可能係因為酸菜，勁醒胃啲米粉銀絲咁幼，好鐘意呢啲質感米粉麻辣牛三寶有人陪食辣，就叫咗個麻辣牛三寶食，呢個真係抵到暈😂好好食，上次係圍方食台灣野就愛上咗，今日有人陪，緊係嗌呢個好爽口嘅牛心！好滑好冧嘅牛筋！蛋蛋又夠流心💓呢個有齊麻、辣、酸！好想撈飯😩😩😩黑糖芋泥奶茶、紅棗雪耳呀呀呀！個芋泥黑糖真係超抵！我琴日同傻婆係茶飲店買都$45，呢到跟餐加$12咋，啲芋泥超多，好好食，勁有口感，唔係唔加呀？🥴由於琴日飲咗芋泥奶，依家天氣好乾，所以想飲啲潤嘅😁呢個真係好正，好清甜，係紅棗甜，雪耳都唔少好泥嘅芋泥！呢個真心抵加！炸魚塊脆卜卜！好好食😋花雕雞麻辣伴麵配紫菜湯我哋隔離2張枱都係嗌呢個呀然後😂😂😂我地落咗單，佢哋不約而同食食下濁親辣..然後我就話:下？好辣架？仲嗌咗個麻辣牛我只係淺嘗咗1啖，都唔係好辣啫🫨但佢食完就話，呢個係辣過牛三寶，牛三寶係麻多過辣花雕雞都好爽，好

想去台灣，不過仲未有時間，今晚就搵間台灣嘢食吓❣️喺粉嶺火車站隔離嘅名都商場搵到一間裝修得幾靚嘅台灣餐廳，又真係幾有台灣風味，入邊個layout同裝修都幾舒服。佢哋除咗有台式飯麵之外，仲有台式小鍋。不過唔係好肚餓，留返下次先打邊爐，今次就叫啲小食為主。初遇小食拼盤 (💰$82) 拼盤係九宮格，有鹽酥雞、牛肚、豬大腸、雞卷、滷蛋、香腸、地瓜酥、脆魚塊、麻辣鴨血。唔好睇佢每樣都係得兩件，食晒已經飽咗一半。最緊要嘅係樣樣都好入味，係一個非常好嘅餐前小食。古早起司芋泥肉鬆蛋餅 (💰$46) 食台灣嘢又點少得蛋餅，今次揀咗逢甲名物，古早起司芋泥肉鬆蛋餅。真係估唔到香港都做到好台灣嘅口味。個蛋餅皮夠晒鬆軟，包住嗰啲芋泥真係軟硬度剛剛好，而且個蛋餅即叫即整，所以入邊嗰啲肉鬆唔會淋晒，加埋少少醬汁，香芋控嘅你一定要叫！初遇紅燒半筋半肉麵 (💰$82) 呢個係勁厚切燒半筋半牛肉麵啲牛肉係勁厚切，牛肉本身係靚牛，又煮得夠淋，而且入味，絕對值得再嚟食過！個麵亦都好掛汁，夠晒香濃，推介！愛民芒果烏龍茶 (凍) (💰Set+$12) (💰$28)跟餐叫台式飲品飲特價，仲要唔細杯，真係幾抵。甜度本身廚師都控制得好好

因為住附近,所以都不時會嚟呢度食飯~今次食咗麻辣什錦牛肉鍋同埋鹽酥雞滷肉飯~本來都無預期麻辣什錦牛肉鍋會好辣~但點餐時,侍應見我哋揀小辣,問句要唔要揀BB辣?當然好啦,唔知會有幾辣架嘛~個鍋有好多料,有牛肉,鴨血,豬血糕同埋蔬菜,仲可以揀一款麵食~結果BB辣睇落好無殺傷力,但估唔到咁辣!!但個湯就唔係好麻,如果想香啲,可以點埋附送嘅沙茶醬~另外個鹽酥雞滷肉飯好大碗,鹽酥雞都幾多~佢嘅滷肉份量都多,啲豬油嘅香味撈埋飯好好食~仲有酸菜,唔夠喺檯面都有一樽可以再添~上次飲過芋香珍珠奶茶覺得一般~今次就揀咗黑糖珍珠奶茶,茶味同黑糖味都幾香,不過甜咗少少~母親大人就唔想食珍珠,揀咗芋泥奶茶~有成三份一杯都係芋泥,味道唔錯~

第一次食呢間台灣菜，估唔到都幾抵食，全部嘢份量都好大，但係未至於係好正宗嘅台灣菜肉燥飯份量好大，上面有2條脆雞卷，但係雞皮燒得唔夠脆，但係中間嘅雞肉又燒到好乾，最後都食唔晒放棄咗芝士肉鬆芋泥蛋餅雖然上碟得四舊，但係入面好多餡，所以食食吓都好飽刈包用左肉燥做餡，本身以為會用焢肉，因為餐牌都有焢肉飯🙁感覺唔太正宗芋泥仙草芋圓啲仙草切到一條條咁，幾爽口，但芋圓冇乜味，芋圓又太過甜，建議唔洗加芋泥，就咁食個普通仙草芋圓仲開心Overall, 叫左咁多樣野都唔洗$200，如果唔叫小食，淨係叫個飯都係$60左右，份量太到食唔晒，真係好抵食，咁嘅價錢都算唔錯

朋友介紹黎食嘅台灣野，裝修幾靚，入面都幾光猛! 晚餐一於食碗川味牛三寶手工面，入面有牛肉、牛筋和牛肚。牛肉好入味，好軟淋，中間仲有少少既筋位! 牛筋彈牙入味，牛肚唔會有內藏怪味，反而鮮香爽口!呢個湯底好微既辣，似可以飲的麻辣鍋湯底，香氣濃厚，仲有少少椒麻嘅香味，唔覺唔覺飲左成大碗湯! 手工面比較彈牙，而且掛湯，感覺食落都好健康咁。飲品就係鮮奶芋泥手工芋圓，芋泥係曬底部，記得撈均先飲! 奶味好濃郁，芋圓夠煙韌，幾好飲!

粉嶺台式餐廳真係唔多，而呢間係令我做左佢既回頭客!感覺佢餐牌同我上次黎有少少唔同，多左野食! 飯類同面類都多左好多款! 今次叫左蜜汁滷排骨滷肉飯，一上台有少少嚇親，塊排骨勁大塊，好厚肉! 成塊排骨都好入味，本身已經切開左少少，咬起黎都易食。蜜汁甜甜地，好夾排骨! 呢到既滷肉飯都好唔錯，係用左半肥瘦的肉粒，膠質口感豐富，但都唔算太黏。滷汁鹹度剛好，而且份量都好足夠去撈曬成碗飯。建議加埋佢地既酸菜食! 野飲加左杯珍珠奶茶，珍珠有咬口，茶味都足夠! 滿意的一餐!

慢烤雞腿蛋吐司🍞吐司烘得香脆，雞件juicy，最欣賞流心蛋，打咭able得黎又好好味🍳古早仙草三色芋圓🥣下午茶餐如果唔飲飲品可以加錢轉甜品，入面有紅豆、芋頭圓、地瓜圓、紫薯圓、仙草，配上花奶，味道不錯，好足料👌初遇小食拼盤🥢賣相吸引，共有9款小食，包括鹽酥雞、牛肚、豬大腸、雞卷、滷蛋、香腸、地瓜酥、脆魚塊、麻辣鴨血，特別鍾意滷蛋、麻辣鴨血同埋地瓜酥，滷蛋好入味同埋做到半流心狀態，而鴨血夠麻，地瓜酥煙煙韌韌，好有咬口！滷肉A菜🥬油麥菜新鮮清甜，而且加埋入味嘅滷肉，冇就咁食菜咁單調～

返屋企路過見到人哋食一人邊爐就俾佢吸引咗叫咗個台式香濃沙茶鍋$118，材料好豐富，有娃娃菜、牛肉、米血糕、蜆肉、粟米、金菇、炸枝竹、鳴門卷、韭菜、蕃茄、青豆角。雖然佢係一人份量，但真係會食到你飽。仲叫咗寛薯粉，沙茶醬湯底越食越香濃，配搭住薯粉，煙靭煙靭仲要索哂d湯，食完真係大滿足跟住仲叫咗個紅燒牛肉麵$78,表面鋪左3大舊厚切牛肉，牛肉肉質好淋，湯底好濃郁又好入味，麵份量啱啱好唔會太多，真係會食過返尋味嘢飲叫咗紅棗桂圓茶，暖又唔會好甜，飲完非常舒服。仲有香芋鮮奶，芋頭份量好足，食落啖啖芋頭蓉加鮮奶😆

仲未有機會去旅行，但好掛住台灣的大腸麵線＆各式小食🥹今日就同2位朋友去初遇食台式下午茶～ $40幾蚊嘅下午茶set，份量足夠！大腸麵線拼淡水滷肉刈》大腸麵線有台灣風味，淡淡胡椒香及芫茜香氣，喜歡加些醋提鮮，如果加埋蚵仔就更好😆！淡水滷肉刈個刈包好軟熟，淡水滷肉入味，配搭酸菜＆芫茜等，整體味道平衡之餘有層次。古早滷肉飯拼大腸麵線》古早滷肉飯都好大碗，呢個餐啱晒兩個女仔分享🤣！滷肉入味，有肥有瘦增加口感。滷蛋有陣陣酒香，加分😋！初遇小食拼盤》一次過試到9款台式小食，啱晒為食嘅我，擺盤仍精緻可愛。基本上每款都幾好，特別鍾意麻辣鴨血，夠滑又有陣陣麻辣感。炸魚塊都有驚喜，外脆，內裡魚塊仍然多汁嫩滑😋。醉雞卷有淡淡酒香，雞卷大份又入味。紅豆珍珠奶茶》珍珠彈牙，紅豆夠淋又甜蜜，奶茶香滑又夠奶香，好好飲