初遇

營業中

休息中

上星期同朋友去咗粉嶺名都商場食台灣菜，揀咗呢間「初遇」，真係冇諗過會有咁驚喜嘅體驗。餐廳環境裝修得好靚，木系色調配上花鳥元素，感覺好清雅舒服，食飯嘅氛圍真係一流。我哋試咗佢哋嘅招牌小食拼盤，$88嚟講真係超抵！入面有鹽酥雞、牛肚、豬大腸、雞卷、滷蛋、香腸、地瓜酥、脆魚塊同麻辣鴨血，每款都好有特色，賣相又靚，影相打卡一流。尤其係鹽酥雞同地瓜酥，炸得金黃香脆，外脆內軟，真係一食難忘。另外，紅燒牛肉麵拼古早滷肉飯都係我至愛之一。牛肉夠大塊，炆得好淋，麵條彈牙，滷肉飯配埋流心蛋，熱辣辣好好味，滷汁甜甜地，真係送飯一流。最開心係佢哋嘅芋香珍珠奶茶，$8加落嚟，芋香味濃郁，珍珠煙靭有口感，好滿足。整體嚟講，「初遇」真係一間性價比超高嘅台灣菜餐廳，無論係食物質素定係環境都好出色。下次一定會再嚟試吓其他菜餚，推介俾大家！

今日去咗粉嶺火車站商場搵嘢食，見到有間台灣菜唔錯，咁啱有下午茶選擇，平時唔食辣嘅我都想試下去個醉雞麻辣撈麵套餐，套餐入面有：三塊醉雞卷，酒味好濃+雞卷無脂肪+啖啖肉唔算嫩滑但未到ok幾好食😌迷理貢丸紫菜湯一碗：有半粒再切開四份嘅貢丸，味道唔錯豬味好濃+紫菜份量都算多+但個湯勁鹹味，雖然鹹而家咁熱天氣飲完即刻補充體力，冬天就唔係咁好lu。🍜主角個撈麵：上面有啲滷肉碎再加伴菜半條菜個滷肉真心幾好味，個伴菜勁鹹應該係醃菜類，個麵勁麻辣但都食到少少鹵水汁。記得上次食嘅時候可以問佢攞多少少鹵水汁，畀我撈落去，咁會冇咁勁辣。😅但今次個職員話冇得畀，跟住不斷係壇個滷肉勁唔健康勁多油勁唔有益，無得畀汁你，好唔健康叫你唔好要唔好食（我個心笑左，明明好食，唔比唔緊要唔好講自己公司出品無益唔健康啦🤣）🥤餐飲叫咗倒台式奶茶：夠曬多冰，甜到啱啱好，飲到個茶底唔知花茶未定係化學劑未👀另外枱面呢仲有碗面上面嘅配菜一樽，我左右兩邊檯嘅人都勁加呢啲配菜食。總括嚟講成個餐四十幾蚊啱啱飽肚都ok嘅🤣男人食呢個下午茶就可能唔夠飽喇😅

今次嚟到初遇食下午茶餐，除咗有輕食之外，亦有啲飯麵類嘅主食，所以唔大食嘅話叫個餐當做係early dinner都得👌肉鬆榨菜蛋餅嘅餡料充足，每件都有好多肉鬆同埋榨菜喺入面，唔會話淨係得中間有餡側邊冇餡，榨菜爽口又唔太鹹，而且蛋漿鋪滿餅皮，感覺好足料！鹽酥雞滷肉飯配紫菜貢丸湯同埋台灣香腸，睇見就覺得好豐富，$48就有咁多樣野食，滷肉幾乎喺口度化開，滷汁甜甜地超好送飯，如果再多啲滷肉會更好🍚跟餐配飲品，冷泡茶都係免費嘅，至於其他台式飲品就要加錢。

繼續解鎖粉嶺好嘢食，閨蜜一直好想試這間台式餐廳的小食拼盤，難得有時間就一齊去試吓。點知發現下午茶CP值勁高😍抵食又好味，忍唔住同大家分享吓。初遇小食拼盤 $88完全深得我和閨蜜的心，影相超一流😍😍。拼盤十分豐富，內有多款小食，包括鹽酥雞、牛肚、豬大 、雞卷、滷蛋、香腸、地瓜酥、脆魚塊及麻辣鴨血。賣相精美，味道好，而且可以一次過品嚐到多款特色小食，兩個人就啱晒啦，食完心情勁好。麻辣鴨血臭豆腐拌麵配紫菜貢丸湯及地瓜酥$46鴨血非常大塊，麻得爽辣。臭豆腐非常正宗，是台灣黑色的臭豆腐，臭得來有點香❤️。紫菜貢丸湯非常足料，帶點鹹香。地瓜酥炸得金黃香脆，外脆內軟，質素好高👍🏻👍🏻用這樣的價錢，能淺嘗一口，的確令人滿足。最開心是拌麵，與配菜一起伴勻，香辣濃郁，好食到停唔到口😂。紅燒牛肉麵拼古早滷肉飯 $48兩者都係我至愛，見到呢個餐立即心心眼😍。非常大碗，牛肉有兩大塊，麵條大條彈牙。滷肉飯配隻流心蛋，撈埋一齊，熱辣辣好好味😍。芋香珍珠奶茶 （跟餐+$8）芋香味濃，珍珠煙靭有口感，跟餐加$8真超值夜市鳳梨水果茶 （跟餐+$8）酸酸甜甜，清爽好味，最適合夏天這個季節。

都唔係第一次食，真係近屋企，今日放工行過見到又咁多人食同下午茶幾平，就諗入去試下， 個下午茶餐都幾大份同抵食！✨紅燒牛肉麵拼古早滷肉飯 跟 餐飲 $48有好大舊既半筋半肉好淋好入味， 面身好煙韌 再配埋 濃郁既湯底 👍🏻而 滷肉飯既份量好大， 滷肉配埋d醬汁撈飯一流淨係下午茶一個餐就有麵又有飯，真係好抵食✨慢煮豬軟骨滷肉飯 跟餐飲 $45豬軟骨大舊得黎炆得好軟又入味 配埋 滷肉飯 ，酸酸甜甜好開胃餐飲就叫左紅棗桂圓茶 ，可以暖胃又唔會好甜👍🏻👍🏻

今日去粉嶺探望親友，適逢下午到了名都商場的 "初遇"，吃一吃這裡的台式料理 ~餐廳裝修時尚雅致，地方都好闊落，卡座位置的牆壁設計是植物圖案，感覺置身於大自然當中，明亮舒適。初遇小食拼盤    $88第一次品嚐初遇台灣小食，拼盤有齊九款不同口味嘅食物，分別有鬆脆的鹽酥雞，牛肚煙韌，豬大腸炆至軟身，兩樣帶少少辣，好惹味，而雞卷嫩滑散發酒香味，流心嘅滷蛋，喜歡台式香腸，地瓜酥外脆內軟和脆魚塊食落好香魚味，以及滑滑嘅麻辣鴨血，一次過品嚐到台灣美味小食，味蕾大滿足！初遇紅燒半筋半肉麵    $69牛肉麵個湯看似好濃，但飲落香甜，用左多小時熬製而成，啖啖都係精華，牛筋腩比想像中仲要厚，食起嚟口感十足，肉質鮮嫩，牛筋部位炆得軟硬適中，質地好滑，麵條粗身，爽口煙韌，配搭清甜湯底，好味嘅牛肉麵必食推介。紅豆珍珠奶茶 套餐+$8 嘅紅豆珍珠奶茶，奶味香濃，珍珠食落好煙韌，帶出紅豆甜味，凍凍地唔錯呢。芋香珍珠奶茶   $28呢杯香味濃郁，帶有淡淡嘅芋頭香，珍珠彈牙有咬口，冰涼消暑。

📍初遇 呢間台灣餐廳既設計幾有特色，木系裝潢，燈光光猛💡比人一種好舒適既感覺，座位都幾寬敞！🥘麻辣什錦牛肉鍋（小辣）$118呢個牛肉鍋賣相好唔錯，配料相當豐富！分別有娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、鳴門卷同青豆角，每樣都大概有兩至三件，兩個人食絕對夠！配埋辣醬俾你自己加～食落沙白好唔錯，完全冇沙！另外加咗寬條薯粉，好索湯汁😌🧀起司肉鬆蛋餅 $42蛋餅真係唔係間間餐廳都食到，呢間既蛋餅好有台灣風味，特別係肉鬆既份量多到不得了🤤每一啖都食到，真係好加分✨特登試加左芝士既蛋餅，有做到拉絲既效果😎芝士味道唔會好咸🐟墾丁脆魚塊（5件）呢個值得一叫，脆魚塊炸到外脆內軟，絕對係即叫即炸！每嚿細細件，食起上嚟幾方便～🍵冷泡台南高山綠茶 套餐+$8飲到淡淡嘅綠茶味，用嚟解膩係唔錯嘅～⭐️好味指數：7.5/10📍初遇 (粉嶺)粉嶺粉嶺車站路18號粉嶺名都商場2樓58號舖#粉嶺 #初遇 #台灣菜 #台灣 #滷肉飯 #鹽酥雞 #拌麵 #蛋餅

我叫杯珍珠奶茶，佢送到過嚟唔俾飲管不特止，仲要係杯嘢我根本就係覺得俾人飲過，佢仲要同我講咁樣係正常，我真係想問吓點樣唔攞飲管去飲珍珠奶茶，用手食啲珍珠啊，正常人屋企都唔會有飲管啦，同埋正常嘅買奶茶都會比飲管人哋，唔似得好似你哋咁，唔俾飲管唔講不特止，仲要覺得自己一啲問題都冇，你哋呢間嘢真係垃圾中嘅垃圾

行過見到哩間嘢但係未食過諗住入去試下，見到有魚湯米線平時都鍾意飲魚味嘅湯所以試下，點知個湯唔好話冇魚味，簡直係無任何味道，我懷疑係麵粉開水，叫做奶白色就話係魚湯，簡直當消費者係傻仔。下次都係搭多兩個站過深圳食好過！

呢間餐廳好多卡位，但我哋入去時卡位已滿，裝修好木系和文青風，點了薑蔥慢煮豬軟骨飯，飲品揀咗紅棗桂圓茶，配埋紫菜貢丸湯HKD66!首先個飯大碗，豬軟骨算多，酸酸甜甜好好味，加埋薑蔥酸菜撈飯，味道好夾，個溏心蛋好有水準。紅棗桂圓茶超多料，除咗紅棗桂圓，仲有玫瑰花同菊花杞子，味道天然，無添加，養生之選！朋友點的紅燒牛肉麵就得三塊牛肉HKD72，唔算多。自己付款的真實食評。

初遇之前都已經嚟過幾次，今次回訪質素都仍然保持到✨蜜汁滷排骨滷肉飯 $66 滷肉飯都幾大碗，蜜汁滷排骨差唔多成個碗咁大，滷排骨都幾軟腍鬆化，蜜汁甜甜地味道都唔錯，加埋滷肉和半隻糖心蛋，特別容易下飯，仲有一碗貢丸紫菜湯✨初遇半筋半肉滷肉飯 $75半筋半肉麵就食得多，第一次配滷肉飯咁食，半筋半肉同樣足料，牛肉嘅比例佔了大半，牛肉和牛筋同樣炆得軟腍入味，還有半隻溏心蛋、酸菜和小棠菜等配料，整體味道都唔錯，同樣有跟貢丸紫菜湯✨古早仙草三色芋圓 $38食返碗仙草三色芋圓，口感QQ，份量都唔少都足夠兩個人食✨芋香珍珠奶菜 $12✨冷泡阿里山烏龍 $8跟飯或麵食可以加配飲品比較抵飲

下班剛好趕上了這間的下午茶時段，吃起來性價比挺高！紅燒牛肉麵拼古早滷肉飯（４８元）一次過能吃到兩款特色的台灣常見美食，性價比還不錯！牛肉麵湯底濃郁，有很香的牛肉味，味道不會辣，而且牛肉滷得很軟嫩，麵條爽滑！而滷肉飯醬汁亦非常香濃，而且滷肉是半肥瘦的，所以吃起來特別香！慢烤雞腿蛋吐司（４０元）挺吸引的賣相！超流心的雞蛋，加上烤得嫩嫩的雞腿，再配上沙律醬和烘香的吐司，口感外脆內軟，又有濃濃的蛋香和雞肉香！仙草珍珠奶茶（＋８元）這個兩款配料的也是同價，性價比更高！

記得上次都嚟食過下午茶幾抵幾好食,今日又黎左😋下午茶時段都幾多人~仲以為下午茶套餐嘅滷肉飯會好細碗,點知好大碗!滷肉肥瘦分布平均,食落唔會好肥膩👍🏻花雕雞卷好厚身,食落好重酒味而且好濕潤好腍👍🏻地瓜酥真係好好食!值得介紹多次😝煙煙韌韌仲好甜🩷呢個餐唔使$50好抵食👍🏻早排去完台灣旅行已經好掛住蛋餅!呢度有好特別嘅芋泥口味即刻另外叫咗份!芋泥味比想像中濃🥹芝士嘅奶香味加埋香甜嘅芋泥超match!好好食!芋香奶茶唔會好甜,幾香滑👍🏻珍珠亦都好大粒好彈牙仲甜甜地😋第二次食仍然有驚喜👍🏻

今日接囡囡放學，佢又想食滷肉飯做下午茶，所以我哋又去成日幫襯嘅「初遇」。初遇嘅下午茶餐好抵，大部分set 都只係$50以內，但份量不少。囡囡每次必點「鹽酥雞滷肉飯配紫菜貢肉湯及台灣香腸」，好豐富，性價比高！滷肉一定要半肥瘦先好味，初遇就係啦，而且入口即溶，汁量適中，因為太多汁會令下面嘅飯太濕，影響口感。台灣香腸，入口帶甜味，咬落去外皮爽脆，肉帶咸香味，非常適合做餐前小吃！我點咗「慢烤雞腿蛋吐司」，吐司烤到香脆，夾住好厚身嘅雞腿扒同煎蛋，外脆內軟，惹味之餘，咬落去仲有蛋黃流出嚟，真係好正！「宜蘭蝦吐司」第一次試，其實係蝦多士，愛香口人士一定鍾意，多士上釀咗蝦同芝士，灑上芝麻再炸。口感香脆爽口，好味！

同媽咪係粉嶺行完街 ，路經初遇見到店內既裝潢幾靚整體走木系風格，餐廳光潔明亮，我地坐卡位都幾舒服，可以慢慢食住傾計💬大腸麵線（輕量）係香港見到輕量，我想像會係飯碗份量但呢到係大大碗🤭係台灣既輕量麵線都好足料，食落係滿滿既麵線，配埋濃稠既湯汁好惹味湯汁調味岩岩好，濃稠度亦唔錯加上香菜、冬菇等等配料食落就更加香👍🏻媽咪特別讚大腸食落好軟腍，食落夠香口又唔會過於油膩大腸份量都幾多，$32抵食🥰。紅燒半牛筋半牛肉麵牛肉湯飲落夠濃，有淡淡香料味配上酸菜青蔥等等既配菜令整體味道更上一層樓牛筋炆到入晒味，食落爽口麵條份量多，女仔食應該都幾飽麵條係扁身，食落口感唔錯牛肉每塊都大大舊，仲要有好幾舊食落牛味幾濃，大大舊咬落非常滿足😌。古早起司芋泥肉鬆蛋餅我最鐘意食既蛋餅♥️蛋餅口感煙韌，食落有淡淡蛋香味入口首先食到肉鬆既咸香，伴隨陣陣芝士奶香最後會食到軟糯既芋泥，配上蛋餅既醬汁，無論口感味道都係大滿足🤤。古早仙草三色芋圓簡單淡奶仙草紅豆芋圓，滿滿台灣古早味仙草滑嫩，入口滿滿仙草獨有既香味三色芋圓有驚喜，入口食到地瓜、紫薯同芋頭香，唔係得糯米粉個種口感夠煙韌，整體唔會太甜，唔錯👍🏻。愛文芒果烏龍茶飲落係淡淡芒