初遇

營業中

休息中

昨日接完囡囡放學去食tea，佢好鍾意飲珍珠奶茶🧋，所以揀咗「初遇」。點咗「慢烤雞腿蛋吐司」比自己，再點咗「鹽酥雞滷肉飯配紫菜貢丸湯及台灣香腸」比囡囡。「慢烤雞腿蛋吐司」賣相好吸引。包皮焗過，外脆有軟，內裏夾住嘅雞扒幾厚身，而且煎得幾惹味，仲有半熟嘅煎蛋，包皮吸咗蛋黃，一咬落去，有幾個層次，真係幾好味！「鹽酥雞滷肉飯配紫菜貢丸湯及台灣香腸」好抵食，$48有紫菜湯、大大碗滷肉飯、鹽酥雞，仲有台灣香腸，份量似午餐多啲。鹽酥雞炸得幾乾身，內脆外軟，而且無油膩感，灑咗少少准鹽，好味！台灣腸甜甜地，個皮幾脆，帶少許燒烤香味，仲附有蒜片伴吃，好味！