六本木日本料理

營業中

休息中

通常係ssp都係食平野多，估唔到都有咁高質素既日本野👍🏻（當然價錢都會相應貴少少）食物選擇非常多，由刺身到壽司手卷到一品料理到串燒到飯麵全部有齊。我地兩個人都order佐幾多野😂最愛係佢個鰻魚玉子燒，帶子鵝肝卷同雞胸軟骨串燒！玉子燒超級好食，d蛋燒得啱啱好，好嫩滑🤤帶子同鵝肝既組合第一次見，估唔到咁夾！雞胸軟骨係手寫板上既menu，好味到食完一串唔夠喉即刻叫多一串😙餐廳客人都唔少，好多係一家大細一齊黎，人多可以試多d野～

今日出面交能好唔方便,於是去左男朋友附近食嘢,其實朝早食左餐,但又肚餓,又食多餐🙈𥚃面嘅裝修都以日本居酒屋風格,都幾親切估唔到嘅係星期六日都有lunch set食,深水埗來講唔算平,68蚊起,不過勝在多選擇,熟食,壽司🍣,刺身都有🤩所有餐都會跟沙律🥗不過唔係好特別男朋友嗌左壽司🍣定食,所有餐都會跟茶碗蒸,麵豉湯,壽司定食仲跟埋個烏冬,好大份,夠哂飽我食刺身定食跟碗飯,d刺身都幾好食,要提下個茶碗蒸d蛋好滑,好好食😋但飯唔係日本米,始終冇日本嘅感覺雖然唔係好正宗,但份量都幾夠,係價錢有點貴

今日去開寶血附近,知道一間好出名好靚既居酒屋😛就同男朋友黎食🥺一入到去好強烈既東洋風味阿🇯🇵🇯🇵正佢成間既裝修都同日本既格局好相似一入黎就好開心了首先一嚟我哋就要左幾款串燒😍1 燒白鰻 omg 好香油脂好juicy 😛而且咬落去有一定嘅爽口感2燒黑豚腩肉😎佢哋層層分明而且肥豬肉嘅油膩感都比檸檬汁蓋過咗都好好食😀之後就係我最鍾意嘅爽口牛舌佢整得好香口而且調味料都控制,雞中翼就唔使講啦外皮脆入邊Juicy😙之後男朋友就要左一個鰻魚玉子燒,玉子燒外邊係蛋汁再加啲好香滑嘅蛋,好靚嘅外表🥺😍入面即係包左鰻魚肉,鰻魚嘅汁撈埋喺蛋一邊真係超正啊跟住落嚟嘅係燒鯖魚,佢成條燒得好分明仲有少少花紋係上面添🥺東洋風味出晒黎,而且加少少檸檬汁吊味都唔錯之後呢一個餸係店員推介俾我哋嘅,係六本木海老雲丹天婦羅,原來入面日本甜蝦加海膽呀!!!多麼正的組合😙海膽同埋甜蝦好香好新鮮,仲有埋少少岩鹽添堅食咗咁多香口野就要左個鯛魚濃湯石鍋烏冬;個湯清清地,好易入口再配合埋濃湯😙有魚嘅精華啊💕💕

為慶祝好友生日，干挑萬選揀咗呢間六本木，見綱評講到好正，果然冇令人失望，老闆V 真的好正，專業清洒介紹，配合店內飛機貸，正到冇朋友，店員nice ，食物質素完全係日本居酒屋feel ，推介雲丹海譫天婦羅👍🏻雞皮燒海蝦😋😋昨晚有幸聽到V老板大展歌喉😬😬又認識隔離枱的食客們，過了一個開心的晚上🎉好友開心難得的生日🎂飯局🌈值得一試

都唔知第幾次食六本木了，每次試吓啲新嘢都會令人滿意。明太子玉子燒 $88 之前食開拉絲嘅芝士玉子燒，原來明太子玉子燒都好正，鹹鹹哋再帶帶微辣為嫩滑玉子燒帶嚟個重點。帆立貝 (2貫) $75、吞拿魚赤身 (2貫) $68 呢到嘅壽司都好高質，帆立貝夠肥，入口好滑，又夠鮮甜。赤身魚味好出，但呢到嘅赤身又有少少肥美感，兩者兼得。鵝肝手卷 $88 今次最大收鑊係發現到呢款咁香口嘅手卷！鵝肝都算大件，外表煎香到直情有少少焦脆，一咬香就散發出熱辣辣嘅油香，超正，但美中不足係食到最底會得飯。銀鱈魚西京燒 $138 食過好多次了，銀鱈魚依然都係咁香甜嫩滑，今次塊魚仲好似比之前嘅大塊咗，發達了。需加一服務費，埋單2人約$500。如果你鍾意睇我嘅食評，不妨關注我，支持吓我，謝謝你☺️💕

真心好食，呢款吞拿魚係赤身，仍然好好味！🤤無筋，夠腍，夠厚，魚生同飯既比例岩岩好！飯都握得好實，師傅有料👍🏻海膽既份量都多，幾新鮮中拖羅都好肥美，而且唔會孤寒，都切得幾厚😋😋鰻魚飯直情係驚喜！🥳一揭蓋勁香，鰻魚鋪滿成個飯盒，有鰻魚汁既飯加埋蛋絲真係絕配🥰鰻魚又夠肥美，好食!!!!壽司唔洗點豉油已經好得，有鮮味服務好，有禮貌又成日幫手加茶（連茶都好飲），坐得舒服，黎完真係想再黎!!!!!!!!

店舖只開業半年左右，老闆台灣人十分熱誠，之前於荔枝角開店，今次換了地方於深水埗及長沙灣中間繼續以真心推介日本清酒，此處是日本清酒愛好人士比較試量的地方。老闆如有時間會續一解釋各支清酒分別及口感。雖然此處除日本清酒之外就只有啤酒並無其他酒類可選，但因老闆太愛清酒，希望光顧人士亦可理解。此外老闆亦可以因客戶需要，對應客戶訂單食物推介清酒以便配對食物增加層次感，此店真心以熱誠款待客人，良心餐廳，小店經營值得支持。

到深水埔陪友人後，記得附近的《六本木》都不錯，那就過去吃晚餐了。喜愛這裡營造的日系風格，牆上貼有海佈、是日推介品等等，這裡猶如置身於日本一樣。 這裡人流挺多，用餐途中很快便滿座，建議先Book 位啦！ 飯後又可步行7分鐘到深水埔地鐵站D 出口～ 鰻魚飯 HKD 148 職員端過來後，飯仍是熱呼呼～ 很好！ 鰻魚汁己把醬汁素入魚中，非常入味。左口魚邊壽司 HKD 68共有2件，白身魚中多魚油，留在口腔中。 吃完飯後更可以到附近狂狂街才走，很快便過了一天～ 放假的日子過得太快了吧 😭

唔講以為自己去咗日本嘅居酒屋啊！店舖用全木材裝修！遠處已經見到好吸睛！別樹一格！位於深水埗於長沙灣之間，旺中帶靜！地鐵站行過去唔使5分鐘，地點10分方便！私隱度極高！望住廚師準備食材！飲住清酒人生一大享受！荔枝豚肉串新鮮荔枝10分清新配上日式豚肉口感一流！鹽燒鯖魚，燒得剛剛好，將鯖魚鮮味帶晒出嚟，配埋檸檬汁簡直係極品！炸軟殼蟹天富羅，10分邪惡！10分好食，脆卜卜，啖啖肉！味道及招呼實在太好！是我常常來的飯堂囉！

六本木居酒屋喺青山道開張咗幾個月，同事話係喺荔枝角搬嚟，質素都ok。呢日終於有機會嚟試下，餐廳外圍係用木牆風格，入面就真係好有日式居酒屋風🏮，好多poster、燈籠、掛布咁，幾有feel。餐廳有提供lunch set，有分刺身/壽司類🍣、沙律定食🥗同燒物。最平果款都要$68😳(仲要係沙律)，最貴去到成$198都有，再有加一服務費...，都幾乎冠絕呢區。我就叫咗角切魚生丼($78)，一整Set包括前菜、沙律、蒸蛋同麵豉湯。望落都非常豐富同吸引👍🏻，前菜嗰堆就普普通通大路嘢無話特別好食難食，🥚蛋唔算太滑但夠熱。至於個魚生丼呢，都算有幾多魚生，味道都新鮮，但壽司飯嘅量真係太少，食到尾得返🐟魚生，加唔係太飽😕。不過係好食嘅，算係咁。另外，店員服務正常，會幫你加茶的。總括嚟講，如果齋以佢個魚生飯評，食物都唔錯，而且居酒屋環境好適合一班人嚟食，可以叫老闆嚟呢到請食team lunch。不過性價比唔高，午餐最平都要$70/$80，𥄫過下佢晚市啲散叫餐牌更貴。💸所以間唔中食下lunch好喇。諗諗下，咁嘅價錢就算喺旺區都有唔少差唔多質素或者好過佢嘅選擇。

一直相信深水埗有好多隱世既美食小店，所以經常都會係呢頭搵食。今日搵到呢間係最近少有我覺得絕對一定有下次既小店，所以推介比大家。店名六本木，門面是木製，好有日本氣質，亦都係因為見到呢個有質感既門口所以決定一試。咁岩店內角落有一張二人枱，不用等位。一坐定見到牆身貼滿左清酒既招紙，但係招紙感覺好乾淨，我同朋友笑說呢間鋪頭地下仲乾淨過我屋企個地板（笑）。朋友話每次食呢類居酒屋佢必定要試玉子燒，所以我地叫左個明太子玉子燒。不得不說，單是這一味，已經令我有再回頭既衝動。蛋好滑，生熟度岩岩好。入面既明太子食得出係新鮮明太子，並唔係好似某D店家會用明太子沙律醬濫竽充數。十分推薦冷盆小吃點了兩款，一款係胡麻秋葵。同好多成功日本居酒屋一樣，冷盤就係食佢既新鮮度。秋葵新鮮，調味全靠胡麻醬，清新。另一道係明太子沙律，亦都係我地兩個明太子迷叫既第二樣明太子食物。沙律菜新鮮，上面舖滿左有辣明太子粒既沙律醬。十分有口感，配上沙律菜吃一點都不單調。呢個帶子鵝肝卷我地見格離幾枱都有叫，所以我地都叫左黎做主食。面頭有新鮮帶子刺身，卷入面係煎香左既鵝肝，兩樣加埋一齊係好豐富既口感。咬開鵝肝都唔會得好少，絕對係每啖都會食到好

香港其實都幾多日式居酒屋，這間嘅裝修 、佈置、舖內環境同細節，都能做到 「身在日本」既感覺，真的零舍不同。和牛石鍋飯上枱時還是非常熱，和牛粒很嫩而且只有很少很少根位; 底部還墊了kimchi添。龍蝦沙律似是加入了經剪龍蝦丸和千島醬;疏菜方面則青嫩兼爽口。芒果軟殼蟹卷有6件，仲要係大大件個隻。上面嘅芒果好甜，一啲都唔酸。軟殼蟹就炸至非常脆口，好食!雞軟骨串處理得好好，炸到剛剛好，非常「脆」，而且剩餘油份不多。

呢間係一間充滿日式裝潢嘅居酒屋, 而且店員好有耐性主動做介紹, 我同朋友兩個人, 叫咗四款菜式同兩款串燒, 已經好飽😁香芒軟殼蟹卷芒果一D都唔酸, 好清甜, 配埋香脆嘅新鮮軟殻蟹, 正👍🏻牛肉他他燒夠哂鮮味, 配撘特有的調味料, 愈食愈開胃😋六本木牛骨肉牛肉半生熟, 口感剛好, 完全唔會油膩😋牛舌及荔枝豚肉串燒得啱啱好, 煙銀彈牙👍🏻玉子明太子燒充滿蛋香而且好香滑, 明太子份量剛好, 唔會太鹹😋食到最後, 老闆好好客好nice咁問, 食物有冇需要改善嘅地方, 好難得喺香港食出人情味, 必定會介紹更多朋友過嚟😁

深水埗其實有好多好野食，呢間位於深水埗/長沙灣交界的日式居酒居，大大話話每月嚮附近經過不下50次，今日是首次光顧。北海道刺身盛內有8款刺身，全部都色澤光亮，鮮味十足。我最愛既海膽非常鮮甜，真正正到脾!明太子玉子燒中間的蟹子，加入了紫薑碎片，所以食落有嶶嶶辣味，係幾惹味架! 最後，order 了一份關東煮。獅子狗、雞蛋、鳴門卷...吸收了淺啡色既味噌，既好味又能暖胃。ps. 都幾多人幫襯，我們用餐時有8成半入坐率。

日本菜永遠都係my favourite，今次搵食嚟到深水埗，打開個Menu發現選擇非常非常多，壽司刺身卷物唔少得，另外仲有串燒炸物燒物一品料理等!! 芝士玉子燒($68) - 中間切開啲芝士流晒出嚟，睇到已經流晒口水，玉子燒做得非常出色，甜甜地又夠鬆軟好好味!! 枝豆($30) - 健康之選，分量多，最後我哋都食唔晒。串燒有雞皮($28), 荔枝豚肉串($30)同埋雞肝($32) - 雞皮燒得好脆，雞肝亦唔會話燒到乾晒，比起其他串燒店做得好!! 味淋雞泡魚干($68) - 出面比較少有雞泡魚干食，燒得好香容易咬開，全晚最鍾意呢個菜!! 最後嘅大蝦天婦羅($108)同鵝肝帶子卷(128)都做得同樣出色，能夠保持到每個菜都有高水準，真係唔簡單!!