六本木日本料理

營業中

休息中

好耐冇食過日本野，今日行過深水埗見到呢間餐廳個裝修好似幾正咁，所以就入嚟試吓。外面就簡簡單單好似一間木屋咁，入面就已經貼滿晒話冇晒日本嘅poster同埋旗仔，又擺滿晒sake樽，成件事都好似好日本咁，勉強可以一解嘅想飛返轉日本嘅心癮。嚟到我見到枱枱都有嗌呢個蛋捲，於是我哋都試吓先，我哋揀咗個鰻魚玉子燒，嚟到嘅時候外表或者唔係真係咁吸引，但係因為佢熱石板上，上到嚟仲係滋滋滋滋咁，聽落又好似好好食咁。已切開嘅時候，雖然感覺鰻魚嘅份量有點細，但係味道就絕對唔會令人失望，厚厚嘅玉子燒，除咗少少甜甜地之外，更加有濃濃嘅蛋香。然之後我哋就嗌左三款刺身，包括係三文魚腩，油甘魚， 活赤背。佢啲刺身都好新鮮，令人食落好滿足。跟住仲有嗌左個明太子雞翼，佢個雞翼包到脹卜卜，一咬落去都好充實，而且雞翼外層好香口，但係入邊仲有肉汁，絕對唔會乾爭爭。然之後仲有個帶子鵝肝卷，佢啲帶子都好新鮮好甜，雖然就咁聞落去冇乜特別鵝肝味，但係當你食到擺入口嘅時候，一咬開，香濃嘅鵝肝味就咁衝晒出嚟，我覺得好好食。最後作為甜品嘅當然唔少得我最喜愛嘅燒菠蘿啦，佢呢度嘅燒菠蘿冇特別去落任何焦糖去提升佢嘅甜味，就咁燒然後直接食菠蘿本身嘅

放工來居酒屋relax下，帶大家來看看六本木居酒屋的菜色差不多七點左右到，餐廳內已高朋滿座坐下後，侍應立刻端上熱熱的茶玉子燒芝士玉子燒放在鐵盤盛上，一切開便可看到滿滿的cheese流出，好好味鰻魚飯鰻魚很大一條，鰻魚外皮烤的略焦香味四溢，飯微微偏乾硬，但整體表現還不錯加州卷荔枝豚肉串豚肉不會過爲乾硬，配上微微帶甜的荔枝，搭配的恰到好處，喜歡😍豚肉蘆筍卷/清酒煮蜆豚肉蘆筍是居酒屋常見的烤物，味道好另外值得一提，餐廳老闆非常熱情好客，會主動請客人喝酒，請客人喝後也完全不會Hard sell，試喝的清酒也很好喝當天平日晚上，餐廳幾乎滿座，建議要來的朋友要事先訂檯。餐廳環境以居酒屋來看算很不錯，道道食物都算具水準，價格在深水埗區算中高價位，但味道不錯，值得一試

三文魚壽司🍣 (2貫) $38帆立貝壽司🍣 (2貫) $68肉質好好，都幾大舊香芒軟殼蟹卷 🥭🦀 $98份量都幾多，芒果🥭夠甜，上面仲有蟹子同沙律醬，軟殼蟹亦都炸得啱啱好Ps壽司🍣類既食品都會俾埋酸姜鰻魚玉子燒 🍳 $78舊玉子好大，鰻魚汁好食芝士年糕🧀夠煙韌同夠軟綿綿，芝士味都足夠海老天婦羅🍤入面原來有蝦之外仲有海膽，好驚喜，而隻蝦🦐亦都好大舊，仲有d鹽俾你點環境幾好，成間都係酒樽既招紙，好特別

經過深水埗，有間門口裝修到好日本feel嘅日本料理店，因為而家又冇得去日本，所以勁想嘅香港都感受吓日本風味，所以入去試吓。入到去都好有日本feel,裝修都係以木為主，有整刺身嘅吧枱，見有2位師傅即切刺身。我地叫咗幾款菜式試吓六本木秘製牛肉，上枱時店員用火槍點火，d火將牛肉再燒燒佢，咁就加上一d焦香味，牛肉食落非常淋滑，雖然上枱時再用火燒過，但完全唔會overcook,啱啱好，d牛其實已經醃咗味，所以乜都唔使點直接食，果然店員冇介紹錯，呢道菜式非常好食。香芒軟殼蟹卷，d軟殼蟹大隻到突晒d腳出黎，芒果非常甜，加上蟹子，呢個配合非常唔錯，好好食。叫咗幾款串燒試吓，豚肉露旬卷，燒雞頸肉，燒冬菇，d豚肉包住露旬燒，又真係幾好食，豚肉肥瘦啱啱好，唔會太油，而露旬都好清爽，店員另一推介燒雞頸肉，佢過話係日本嘅希有部位，食落有少少爽口同煙韌，完全唔肥，燒得幾香口，燒冬菇仲好juice,唔會完全好乾，加上有木魚一齊食，另有一番風味。燒飯團，燒到個外皮脆卜卜，好似飯焦咁，d飯係有味飯，我本人勁鍾意食飯1焦，所以勁鍾意呢個菜式。

我地好耐無黎深水埗啦，深水埗有好多平民嘢食，不過返工咁攰點都要慰勞下自己！黎到六本木居酒屋，今晚我地都好肚餓，所以主要食sushi😆食過覺得幾好味，推介比大家：吞拿魚赤身壽司$68雖然我鍾意食嘅中拖羅呢排無貨，赤身都收貨啦都好味🥰帆立貝壽司$68帆立貝夠新鮮，算幾厚亦大塊～加州卷壽司$78比起連鎖店嘅加州卷佢更加好食，沙律醬比較多，味道更豐富香芒軟殼蟹卷$98偷偷地夾咗塊芒果黎食，芒果好甜呀😝軟殼蟹都好熱好脆燒飯團$58我哋第一次食，佢係乾身有焦香，我個人就比較鐘意濕潤嘅普通飯團汽水$18

又係搵食朋友帶我黎我先識黎的一間隱世小店，聽說老闆的Sake超級精彩，可惜今晚老闆不在所以無得向佢請教。今晚點了四樣食物，分別有燒牛脷、燒飯團、鰻魚飯同埋香芒軟殼蟹卷。四樣之中我覺得最好食係個鰻魚飯，除咗件鰻魚好Juicy之外，個賣照仲要好正好震撼。另外其實三樣都唔錯，個燒牛脷火候控制得好好，唔會太硬煙韌。燒飯團的味道還可以，如果唔係非食不可呢個可以Skip。香芒軟殼蟹卷好味，芒果的炸軟殼蟹好夾，就算食多件都唔會好滯。

日本居酒屋設計，氣氛一流，老闆興致一到，就為正在慶祝週年紀念的夫妻，熱情高歌。汁燒雞泡魚干，送酒一流，友人堅持要再落單，雞軟骨熱辣辣又香口。芝士玉子燒，好重奶味。另一款玉子燒，放明太子一點也不小器。串燒，食到停唔到口，菠蘿必叫，燒完好香甜。壽司鮮味十足，魚油標哂出黎，好好味。鯖魚，紅色的配菜是酸薑。花螺配清甜關東煮湯底。蝦天婦羅，蝦頭炸到脆卜卜，有少少蝦膏仔又香口，好好味。叫左好多食物，不能盡錄，大家親自黎試下。

不可一不可再的居酒屋...母親節當日路經深水埗好想食日本菜，見佢門面都幾似日本居酒屋，walk in去都有位，咁就試一試...居酒屋叫刺身拼盤以為差極有個譜，收我$398，以為都有一兩樣貴價少少既刺身....我頂！全部都係最平價既野，又唔新鮮又唔肥美又薄，d刺身係啞色似擺左好耐...仲衰過放題...一d誠意都無，埋單人頭要$500一個，完全唔值又唔飽呢個簡直係令我地最難忘既一碟和牛石鍋飯$190 牛勁UN，成個飯完全無汁，燒汁都無滴，加上果d菜同豆，咁樣上檯勁似中式窩蛋牛肉飯，咁樣收我$190蚊，值咩？鰻魚玉子燒叫正常少少，但鰻魚係勁多骨，不過大人食就都算ok既好老既海老，仲有叫左串燒同一客明太子雞翼得兩隻但個樣真係普通到似街邊串燒都懶得影，個豚肉仲有陣強烈既豬蘇味...尖沙咀既價錢，深水埗既質素，不要中伏除了食物不值之外，幫我地落緊單果陣個經理，係我地臉前同另一個侍應講，叫出邊門口果條友入黎，佢一位炸...人地黎幫襯你，係你既客人，好心就禮貌少少，仲要比其他客聽到，好唔專業，我會諗佢頭先係咪都係叫我地做果幾條友呢？暈做日本居酒屋，不是你掛個招牌改個日本名整個日本裝修出黎話自己係居酒屋

睇米豬連話推薦呢間黃店💛除咗侍應態度好，坐得舒服外食物質素都幾高質！🤤💦——————————————————📍1️⃣ 刺身 (散叫)呢度有三文魚，帶子，章魚，牡丹蝦🍣全部都好肥美新鮮！好好食！侍應哥哥拎咗成塊牌嚟同我哋介紹今日有啲咩刺身特別😂 咁都有好多唔同嘅種類同埋都幾稀有📍2️⃣螢光魷魚🦑幾鮮甜同生，但又唔會好腥3️⃣ 鰻魚玉子燒真係有成條鰻魚係玉子入面！📍4️⃣ 炸雞軟骨，關東煮，天婦羅全部小食都幾不錯，份量都啱啱好5️⃣燒菠蘿，雞腎串燒菠蘿超級超級甜！👅💦7️⃣炸雪糕呢個雪糕好特別係類似柚子味嘅雪葩再加少少芝士蛋糕仲有脆皮，食落又幾夾🤤總括而言，環境舒適，上菜又快，食物又高質💛💛💛

餐廳和風嘅門面同深水埗呢個舊區有啲格格不入，反而感覺更有神秘感，次次經過被佢吸引，今次終於有機會入去一探究竟啦！入面裝修都係行傳統居酒屋路線，見到老闆不停同舊客傾計、又會介紹新酒俾佢哋試飲，氣氛唔錯！食物方面芝士王子燒夠厚夠大件，搖一搖佢仲識動L🤪鐵板上熱辣辣，好食！如果入面啲芝士再融啲會更正🙈（依家啲芝士有啲痴牙😅）鐵板牛舌偏細件，但都爽口，同蒜蓉蘿蔔蓉一齊食好夾！荔枝豚肉串見好多人推薦所以叫嚟試試，但覺得無咩特別。香芒軟殼蟹卷嘅芒果出奇地甜！同軟殼蟹比例啱啱好，中和咗軟殼蟹嘅肥膩感，好食！明太子雞翼偏細隻，味道正常。整體食物質素唔錯，係深水埗好難得有咁好氣氛嘅居酒屋。8/10

食即日飛機貨魚生價錢都係300左右真係十分抵老細 重要係 唎酒师 推荐的酒 都十分特别美味三五知己来到 食下野 傾下計 飲下酒真係好正真系香港繁華鬧市中的另一篇 天空 價錢也合理值得推薦

係深水埗想一大班人傾下計食下野其實選擇唔多，最後路過六本木依間居酒屋就決定入去食下野吹下水好好彩因為我地入去時時間仲早，六點幾，所以唔洗等就入到去坐遲多小小已經唔接walkin 客，full booking 哂！所以想去既朋友記得打電話book 左位先，唔係的話有機會白行一趟環境方面，入面係裝修好地道既日本風格，好似真係係日本入左間居酒屋咁，地方都好大又乾淨企理，氣氛好好，坐得十分之舒服，好適合一班人坐低食下野吹下水服務方面，侍應上菜快，好禮貌，老闆有時仲會出黎同你吹下水介紹下野食咁，十分之好客最緊要係佢地唔會催你走或者好趕咁收哂你d 碟趕你走，你想吹幾耐就吹幾耐，依點十分抵讚食物方面，我地叫左牛肉飯、鏝魚飯、魚湯烏冬、冷烏冬再加串燒雞翼、羊架同番薯天婦羅，每份份量都好多，足夠哂同朋友share，而且味道都十分之唔錯牛肉飯既配料好足而且好重牛味同煮得好林，食落口感好好魚湯烏冬個湯都好重魚味，直接飲都好好得建議各位可以叫牛肉飯試下，又大份又好食最後埋單4個人加埋959，每人大約240，雖然貴左小小，但環境氣氛好好，野食都有水準，如果一班人係深水埗想坐低傾下計，我會推薦佢地黎依間

同朋友聚會特登嚟呢間食，因為見到佢外型設計得好靚，覺得環境應該會唔錯。居酒屋嚟講嘅價錢都比較合理，我哋嗌左個刺身，鰻魚玉子燒，牛舌，同埋牛肉他他燒，個味道都唔錯。而且呢間餐廳一搵就搵到，好方便。感覺佢啲刺身都好新鮮，同埋會敢喺呢度食佢嘅生牛肉。老細仲好好人，好好態度，會同我地推介返一啲比較出名，好食嘅嘢食。唔錯唔錯。

食物質素唔係好，價錢又唔係平，坐低已經落單叫個燒飯團，等咗成個半鐘人地遲落單都上咗枱都我果都未有。決定取消走人。😡個豚肉荔枝串燒啲豚肉無味牛舌雖然係芯位但非常之有咬口，要用幾部牙力嚼鮟鱇魚肝就好食嘅帆立貝壽司真係完全唔值果價錢絕對絕對絕對唔會再去！

六本木收既價錢同尖沙咀嘅差唔多，但食物質素普通，可一不可再。散叫壽司其實價錢唔平，新鮮嘅左口魚，火炙後應該係爽口同埋充滿油脂嘅，但係六本木嘅左口魚淋滋滋，好似係$60/$70兩件，油甘魚還可以。依個BB池魚認真唔抵食，侍應問我地想食邊一種魚生，我哋話想食油脂豐富啲既魚，佢當下呆若木雞，完全俾唔到反應我哋，要行返入去問廚房，然後就推介左依個BB池魚，二百八十幾蚊得幾片，亦都唔係油脂豐富架囉，問返其他餐廳嘅日本師傅，根本無bb唔bb之分，純粹得大條同埋細條，完全係欺騙顧客。天婦羅尚算香口，炸粉唔會太厚，南瓜番薯夠甜。鰻魚飯嘅鰻魚夠挺身，係脆既。帆立貝鵝肝卷物，都幾好味，帆立貝好厚。一口芝士。依間餐廳嘅食物同價錢完全唔符合比例，侍應成日拎住塊好大塊嘅牌，同你講乜嘢新鮮好食，簡直俾咗好大壓力客人。喺長沙灣咁嘅價錢真係好貴，我只會嚟食一次！