光榮冰室 (厚福街) (已結業)

想試好耐嘅煲仔飯！平時搵親煲仔飯都係唔就腳嘅地方，竟然發現尖沙咀有，等左咁耐終於有機會試下。小店新開張，環境乾淨又光猛，一坐低就即刻叫左窩蛋鮮牛肉煲仔飯$72飲品加$10，見到menu有款係經典唂咕，上網search話係朱古力加水，伏味濃低又想試下。來到飲落好濃朱古力味，唔甜，冇奶所以唔會未食飯先濟，我又幾鍾意。等左大約20分鐘，主角終於到～成個飯底都係飯焦！個人覺得多飯焦係煲仔飯精髓，呢個部分冇失望；但啲飯比預期濕，乾啲口感會較好；但個豉油方面，落左好多都係好淡味，雖然食落冇煲仔飯豉油嘅甜味味，但啲牛肉嫩滑又香，加上個窩蛋調下味，唔落豉油都可以接受。整體個煲仔飯係唔錯，價位中等，牛肉鮮嫩，如果啲飯乾身啲同埋再調下啲豉油味就更好。

下午在尖沙嘴逛街，妹妹想吃下午茶。於是一同吃個下午茶，而我就一直想吃多士，終於有機會了。茶餐廳無時無刻都有那麼人顧客，店內燈光十分光猛，配上懷舊的裝修。原來下午2點到7點也有下午茶餐，哈哈！⭐️炸雞髀拼沙律$36炸雞脾比手掌還要大，其實是把雞脾一開二，不過份量也不小。雞脾炸得非常香脆，吃起來雞肉仍濕潤。⭐️多士餐$28放在多士上的牛油不一會就溶化了，一切下去，夾層的花生醬十分惹味，邪惡又美味的下午茶。⭐️檸檬水

《光榮冰室》位於尖沙咀食街 — 厚福街，看似一間普通的舊式茶餐廳，我卻被它的特色煲仔飯所吸引，而食客十居其九也同樣選擇了煲仔飯。煲仔飯均是$68元 / $72元，還能另付費自選add-on items；而其他港式食品價錢也不貴，以尖沙咀的水平來說，可謂十分划算。煲仔飯即叫即煲，需時約25-30分鐘，飯的濕度及飯焦比例均控制得宜，整體表現不錯。臘味煲仔飯 ($68+$8窩蛋): 臘味包括臘腸、潤腸、臘肉及咸鴨髀，用料足，臘味油滲入飯中十分香口，加隻窩蛋更為豐富。而煲仔飯的靈魂甜豉油也調配得十分好，香濃美味，令整個飯生色不少。窩蛋鮮牛肉煲仔飯 ($72): 火候掌控得不錯，兩飯的飯底也相約，而鮮牛肉爽滑美味，搭配窩蛋也是很好的配搭。叉燒巨型奄列 ($32): 份量之大可算是普通奄列的2.5倍，比煲仔飯的煲還要大。港式叉燒的份量也非常多，味道不錯。港式奶茶 (另加$10): 黑白淡奶份量較多，奶味較重，質感也偏幼滑，茶香一般。

真係想像唔到原來我成個冬天都冇食過煲仔飯，可能天氣唔係太凍嘅關係啦，不過為找著煲仔飯嘅尾巴，今日放工即刻約咗朋友去食！朋友帶咗我去厚福街呢間冰室，我初初仲以為佢誤會咗我想食常餐，但原來呢度夜晚時段係有煲仔飯食，真係估佢唔到！仲要有成10款咁多，再可以追加配料，例如鹹魚、臘腸、窩蛋.... 土魷肉餅煲仔飯$68，肉餅做得鬆化好吃，有質感的土魷切粒作配料，加強了口感，拌勻雞蛋、肉餅和飯，加點豉油提味，久遺的煲仔飯味道！再加埋支裝可樂，真的超爽！紅棗滑雞煲仔飯$72一鍋很有營養的焗飯，蒸焗出來的雞肉原汁原味，米飯吸收了雞的鮮味，開蓋很香。材料新鮮，飯做得剛好，味道剛剛好！最最最重要係仲有我最愛的飯焦，飯焦有口感，吃起來香脆。真係唔係間間煲仔飯店都做得到！呢間冰室真的不錯，又坐得舒服！下次下午可以試埋佢嘅茶餐，最鍾意食炒蛋厚多士加通粉！

普通茶記食完真係懶得寫，尖沙嘴尼間幾特別.座落厚福街.裝修新淨，茶記最驚邋遢油淋淋.完全無.裝修主題黑白，走簡單型格路線.煲仔飯好似幾出名，不過午餐唔供應.睇下有咩特別，見到隔離檯椒鹽豬扒幾出色.但最近熱氣所以，唔係好想食.最後點左，XO醬炒蛋叉燒飯.開以為係炒蛋.上台一刻都幾驚艷.原來係炒蛋加厚切叉燒，上面再加XO醬.賣相100分.蛋顏色鮮黃，濃蛋味.不出意料係混合不同地方雞蛋製造出來，火候把握出色，有流心既狀態.絕對可以PK澳牛的炒蛋叉燒夠厚，而且有肥肉.有咬口，而且甜味足.XO醬夠香口，小小辣吊味，好惹味.材料都係來來去去蛋叉燒，但店家好有心，創作到可以呃like既美食.

午餐食得不夠飽，唯有在下午茶時段再食一餐。因為我們去尖沙咀行街，所以隨心就去了尖沙咀一間叫做光榮冰室的餐廳。食過餐廳的叉燒之後，覺得平時在街市又或者酒樓食的叉燒絕對不同。我們叫了$44的秘製醬油叉燒煎蛋飯。一大碟秘製叉燒送到上枱面，上面有兩隻流心的煎蛋，肉眼看下去都已經見到流心的蛋黃。叉燒的份量更加是佔一整碟的一半，份量都好多尼。叉燒的肉質不硬，而且好香燒過的味道。秘製醬油不似平時食的煲仔飯或者盅飯的醬油。秘製醬油加到白飯中，不會太鹹，配上有叉燒，整碟飯真心幾好味。另外我們叫了兩支銀蓋鮮奶，原本$17的，但因為叫了一碟飯，所以加$8就可以了。但由於一整天我都沒有飲水，本身個人比較口乾，所以我再叫多一支，哈哈。至於朋友就叫了一杯熱的熱杏霜，$15。後來見到餐牌寫着經典唂咕，感覺這飲品新奇。所以叫了一杯來試，$15。味道其實是朱古力。不過是無糖的朱古力。賣單$100有找。平均每個人$50。其實下一次可以叫餐再叫飲品 ，這樣會更便宜。但是今次我們太過口乾，整天都沒有飲水，所以才叫多幾杯飲品。

喺尖沙咀睇戲之前當然要醫醫個肚先，而黎尖沙咀搵食又點可以唔過黎食店林立嘅厚福街呢，今次就比我發現左呢間光榮冰室啦呢度一個下午茶餐都仲係賣緊$30 ，喺而家百物騰貴嘅香港真係十分少見雖然價錢唔貴但呢度食物一D都唔失禮架，炒滑蛋夠大塊，下面仲有唔少嘅牛肉TIM我就食呢個椒鹽豬扒飯，豬扒份量咁多，連埋野飲都只不過係$45 咋(凍飲唔駛加錢呢個正呀喂)，呢度仲要係尖沙咀嘅旺區，呢個價位質素邊度搵呀西多士亦一樣高質，連埋野飲都係$28

今天實在太開心了，我和老公都可以準時下班，有足夠時間去遠一點拍拖，最大原因是我很想去尖沙咀星光大道，逛街前當然先去醫肚，所以就決定入厚福街看看，喜歡這裡多選擇。路經這間冰室，老公被店外的煲仔飯餐牌吸引了，因為有他最愛吃的"油鴨脾煲仔飯" ，雖然要等一會，但即叫即做特別香，等也值得，油鴨脾很好吃又不會太鹹，而我最欣賞它在店內的廚房煮煲仔飯，不是在店外，感覺上很衛生。而我就被"生炸雞脾" 吸引了，現在很少地方有生炸的煮法，這煮法才可以令肉質更滑，外脆內軟，我在自己家裡是做不來的，熱騰騰送來，香口程度令人回味。另外，我還點了一杯熱咸檸檬蜜，潤一潤就不怕熱氣啦！

行到邊食到邊今日嚟到厚福街，一啲都唔使做亞福，見到呢個名就非常有感覺，以前在尖東工作，這條街就平靚正出名，見到茶餐廳就好想食番以前感覺，嚟度有feel㗎!是日快餐蔥油豬扒飯一到呢真係好有三四十年代以前嘅感覺呀!咁都未算，我哋祗係好簡單咁，叫咗個豬扒飯餐再加個火腿蛋炒意粉，食住嚿豬扒真係有當年嘅味道，加埋嗰杯咖啡真係有絲襪奶茶，用嗰啲袋煮嘅咖啡。蘚茄燴會叉燒意粉呢個蕃茄燴意粉加义燒，一般就係茶餐廳嘅死位嚟嘅，無論你點整佢，都真係唔同燒臘鋪嗰啲叉燒，咁樣你就我年前到而家都係咁，無講錯啦，但係呢就爭少少啦。 如果淡返少少就very good啦。午市時間不提供特餐 茶餐時間凍飲加兩蚊

與媽媽逛完街，想食下野暖下個胃，見到呢間冰室放了個宣傳，寫有煲仔飯，即時雙眼發光。冰室以懷舊作裝潢，格調也以懷舊為主，餐牌也是手寫的。叫了個土魷肉餅煲仔飯、鮮鯇魚煲仔飯。肉餅多肉汁，滲在飯中，個飯特別香同好食。鯇魚好厚好新鮮，滑滑的好易入口，飯充滿魚油香，平日煲仔餅好乾身，食到口乾，但這間煲仔飯粒粒也滿有材料既油或肉香，好好食。飲品也很得別，有舊式唂咕、咸檸蜜等，還有不同碟頭飯，碟碟大碟又抵食，下次要再來試試。

近來番風，同朋友係棉登徑搵食，見到有個牌掛出黎，煲仔飯上市，即時走進去試試。呢間店走懷舊路線，好有行運一條龍既感覺，仲有支裝可樂飲。叫左個鯇魚煲仔飯，味道好鮮，魚肉好厚，飯唔會整到好乾身，好易入口，無咩一貫煲仔飯熱氣之感。 見到人地叫巨型奄列，都忍唔住叫左個試下，真係好巨型，大過我塊面，蛋煮到都好滑蛋感覺，果然係懷舊茶餐廳風味。油菜加$20就有，但估唔到咁大碟，呢間都真係尖沙咀唯一比較唔會坐地起價既店，合理之餘更是一定可以餵飽我地個肚。

尖沙嘴係一個人流極多的地區，周圍充滿游客！同朋友逛完街後，朋友提議食煲仔飯。我沒有意見！原本以爲我地要去去油麻地先可以食到煲仔飯。點知友卻帶了我去一間光榮冰室！外面看起來就像一間普通的茶餐廳！友人說：呢度煲仔飯的味道不錯，她經常來吃。煲仔飯的選擇都有十餘款！如果唔食煲仔飯的朋友都可食茶餐。窩蛋牛肉飯：熱辣辣的煲仔飯即叫即整，白飯的熱力將絲絲的鷄蛋逼至半熟。牛肉大舊嫩滑！鷄蛋蛋拌飯粒，加上甜豉油，是最完美配搭。攪拌後的蛋黃香味四溢，拌以香滑的嫩牛肉，飯香隨之撲鼻，每一匙飯也充滿鷄汁，非常美味。食到最底仲有鍋吧，有少少焦的鍋吧很脆口！真係差點被我食到飯粒也不剩。煲仔飯+20蚊可以有一碟油菜！和友人一起分享，感覺很健康。薑葱鮮鯇魚飯：撥開薑葱後，大大條的鯇魚鋪滿飯面！鯇魚完全唔腥仲好鮮甜。大大碗好滿足呢。這裏除了煲仔飯還有茶餐！價錢合理，下次進過尖沙咀一定會再來。

老公點了一個午餐A的椒鹽豬扒飯，我點了一個常餐椒鹽豬扒飯- 豬扒份量非常多！豬肉很入味，加上配上辣椒和椒鹽，整個飯都非常惹味！辣得很痛快！喜歡吃辣一定要點這一個飯常餐是有叉燒湯意粉，炒蛋火腿和烘多士炒蛋是半熟流心蛋，很香滑！多士亦烘得香脆！叉燒湯意粉- 叉燒份量亦算多，意粉的湯亦是清淡的雞湯，吃得出沒有很多味精！很適合喜歡清淡的我很驚喜的是餐飲的凍飲竟然不用加錢！但我們看見餐廳竟然提供不常看到的懷舊維記樽裝鮮奶，所以我們便加$8 元懷舊一下。而來茶餐廳必點的當然是茶走少甜，即是奶茶再加煉奶茶味香濃而滑！在尖沙咀竟然發現了這一間平靚正的茶餐廳！下次可以再來試一試其他食物！

走在尖沙咀的街頭, 正值午飯時間, 行到來尖沙咀厚福街這條食街醫肚, 見到有間懷舊餐廳叫光榮冰室, 即刻唔駛諗, 徑直入咗去, 叫了個好耐都無食過的叉燒煎雙蛋飯加杯涷檸茶.真的是懷舊餐廳, 除了叉燒煎蛋飯, 仲有餐肉煎蛋飯等等, 哇, 呢D全部都是我以前最鐘意食的, 不過近年來有呢D飯食的茶餐廳是買少見少, 見到這間餐廳仲有呢款飯食, 即刻唔駛諗order咗先, 好快, 這款淋上了店家秘制豉油的叉燒煎蛋飯, 見到都流口水, 真的是久違了的口味, 食一啖入口, 又香又甜甜地的豉油即刻讓味蕾在口腔中彈跳, 煎雙蛋是外圈全熟, 仲有少少焦邊,但蛋黃是半生熟, 將D蛋黃同豉油同飯撈在一起, 淨係這豉油蛋飯, 我都可以扒晒成碟飯落肚, 好好食, 叉燒有叉燒的香甜, 有咬口得來又夠林, 跟這豉油及蛋簡直是絕配, 再吮上一啖涼浸浸的涷檸茶, 哇, 呢個餐真的是無得頂, 好食! 好爽!見到餐牌上仲有超大奄列, 我同朋友們都有好大興趣想食, 於是大家建議叫一個share來食, 我們又order了一個超大雞絲奄列, 上枱來到我們面前時, 全部人都O晒嘴, 個個都哇哇聲, 因為個奄列的size真的是超大,大

在厚福街突然出現了一間光榮冰室, 格局甚有懷舊氣氛, 不說可能以為開業了幾十年。這裡主要吃煲仔飯, 也有一般冰室的懷舊食物。唂咕 (隨快餐附送)這真是唂咕而不是朱古力, 用可可粉沖泡出來, 味道較甘苦, 可可味濃。咸蛋芥菜肉碎湯$58湯內有大量肥豬肉件, 它不算很碎, 反而大大件像肉餅, 芥菜亦有很多, 份量驚人, 真材實料, 肥豬肉邪惡得來很有肉香油香, 芥菜亦嫩, 湯不會太鹹, 不錯。 快餐: 紅酒牛腩飯$45紅酒牛腩, 西餐的感覺, 醬汁甜香, 煮得很入味, 而且牛腩很軟腍, 配上不少紅蘿蔔, 感覺不單調, 汁料亦很足夠送飯。滑雞煲仔飯$72煲仔飯都即叫即做, 需要等大約10-15分鐘, 自行添加甜豉油, 雞件夠滑夠鮮, 飯有特別的焦香氣, 但最底一層有點太焦, 我們就沒有吃到了。便利快捷又好吃, 又有點特別的港式風味冰室美食, 又有點家常感覺。