光榮冰室 (厚福街) (已結業)

今日同男朋友去左尖沙咀食lunch，厚福街是一條食街，剛巧比我地見到有間港式茶餐廳，人流都好多，我地入左去食個快餐。男朋友叫左椒鹽豬排飯，大大碟份量非常多，價錢只需$45，非常超值。豬排加上椒鹽炸香，味道香口唔會油膩，豬排肉嫩爽口，唔會炸到好乾身，最欣賞椒鹽味濃好惹味，炸蒜粒最合我口味，醬汁是豉油，味道好特別，香甜咸香！我叫左叉燒煎蛋飯，雞蛋半熟中間蛋漿流心度高，伴飯非常合適。叉燒厚切好香口，軟腍口感，最愛豉油，甜甜地好好味。白飯份量的確非常足夠。

今晚和朋友來到尖沙咀行街，行到厚福街人山人海，又不太想吃連鎖快餐，見到有間冰室外面裝修極像舊式香港冰室的裝修，連外賣的汽水冷凍櫃都一模一樣，仿佛令我想起童年回憶，就決定入去試試。店內裝潢真的很復古，但裝修仍然很新，應該開業不久，而店員大多是女士，服務態度亦不錯，這間冰室有別於其它冰室，竟然有煲仔飯，我就叫了一個窩蛋牛肉飯，侍應就回覆大約要等二十至二十五分鐘，飲品點了一支樽裝鮮奶，而我的朋友就點了茶餐，有叉燒湯意粉、火腿炒蛋和牛油多士，菠蘿冰。窩蛋牛肉飯 - 吃煲仔飯有人說一定要有飯焦，有人不喜歡吃飯焦，個人覺得如沒有飯焦那就不是煲仔飯，這個窩蛋牛肉飯就剛剛好做到，味道不會太咸，正宗懷舊煲仔飯👍🏽叉燒湯意粉、火腿炒蛋 - 朋友說叉燒可以，意粉硬度適中，炒滑蛋非常鮮嫩香滑。總評：有往時懷舊冰室的味道👍🏽

服務差到一個點，個個好似死xx咁！啲食物好麻麻，唔會再食第二次！對大陸人反而仲好服務，坐係度半個鐘巳經有 4 個客人因服務太差頂唔順走咗去。全部呀姐都同一個🌚面口!

打從數年前開始，香港愈來愈多新開的冰室，歷史並不悠久，卻打著冰室的旗號，讓人不禁更加懷念買少見少的真正老香港冰室風味。而這天我光顧的，正是一間新冰室----「光榮冰室」。 來的時候是下午茶時間，沒吃午餐的我點了一碟「椒鹽豬扒飯」，豬扒質素平平，肉質偏乾，椒鹽也下得重手了點，加上淋在飯面，頗為慷慨的豉油汁，讓這飯變得重口味。 老婆仔點的「西多士」比我的飯好，厚切的西多士，配以牛油與糖漿，麵包軟腍不硬。甜中帶點兒牛油鹹香的味道，讓我吃得更加滿意。 尖沙咀厚福街食店林立，競爭激烈，食肆時有變遷，不知道這間「光榮冰室」又會否站得住陣腳呢？

尖沙咀厚福街真係好多唔同既野食，呢間餐廳次次經過都會同隔離果個講 :「我好耐冇食煲仔飯啦!」，今次終於可以同友人入去試下!餐廳燈光光猛，裝修帶點懷舊風，而且跟以前舊式的冰室一樣，門口位置會擺放大雪櫃，見到入面的飲品!我們大概晚上8點到達，餐廳座無虛席，這間餐廳有快餐、常餐、早餐等，跟茶餐廳差不多，唯一不同就是有煲仔飯食。驟眼看上去，基本上每枱都在吃煲仔飯。既然好耐冇食煲仔飯，當然要會一會佢!由於煲仔飯即叫即整，所以都需要等耐少少的時間先有!薑蔥鮮鯇魚煲仔飯加臘腸($72+$15)，冇諗過煲仔飯的鯇魚會咁鮮甜嫩滑，感覺跟食緊蒸鯇魚冇分別，加埋煲仔飯用的甜豉油更加惹味!臘腸唔會太硬，而D飯都有幾多飯焦!豉汁排骨煲仔飯($68)，有好多排骨，排骨唔肥，岩哂我呢D怕肥既人食，飯亦很多，配埋煲仔飯豉油一齊食味道剛剛好!凍檸茶(跟飯+$15)，檸茶跟出面茶餐廳的一樣，有茶的苦澀味，糖水又唔會遮蓋左茶味!總括黎講，餐廳食物質素都唔錯，而且見到其他客人叫炒蛋食，炒蛋好厚，好似好美味，有機會要再黎試下!

天氣又冷又暖，原本約好跟朋友吃冰室常餐的一夜，在寒流襲港的情況下立刻轉為吃煲仔飯，最勵害的是同一間餐館有齊兩款食物，完完全全滿足到我們的需要！本來想試煲仔飯界極少見的鯇魚，但可惜友人不吃魚的關係，唯有捨命陪君子，吃他喜歡的臘味煲仔飯。臘味數目足之餘味道亦很香！簡簡單單的配搭經已令我們的胃大滿足。豉油份量剛剛好，飯香、臘腸香和煲仔飯甜豉油的香味俱全！吃到最後還有煲仔飯必吃 - 飯焦！脆口但又不太焦黑的飯焦為這餐晚飯帶來完美結局。

厚福街最近又開了新茶記，叫光榮冰室，午市快餐有五款，當日吃得有椒鹽豬扒飯、紅酒牛腩飯、葱油雞扒飯、咖哩牛腩飯和餐肉火腿雞翼飯，特別之處在於十二點前埋單三十九元，十二點後四十五元，老實說，四十五元有飯包凍飲，價錢絶對超值，更何況在尖沙咀。今次點了紅酒牛腩飯和葱油雞扒飯，紅酒牛腩飯味道可以，牛腩軟腍，但size 較細粒；葱油雞扒飯則正得多，雞扒煎得香口，面頭鋪上大量的葱油，味道咸香，令人食慾大增。以價錢和質素來說，CP值非常高，十分值得推薦。

<厚福街新開冰室 煲仔飯正>😋🍚呢間喺厚福街既光榮冰室 , 一般冰冰既格局 有常餐 茶餐 碟頭飯等等 . 但見佢 menu同易拉架 都大篇幅講煲仔飯 今日又涼涼地 食個煲仔飯係一個幾好既選擇黎既😈🍚 🍴窩蛋鮮牛肉煲仔飯 72 蚊🐂🥚一上枱熱辣辣 蛋本身全生 焗一陣開蓋 半生熟既蛋同飯撈埋 好正🥚 而佢既鮮牛 肉味香濃 . 肉質比較有口感🐮 而且料都夠多 . 飯粒 係夠哂米香 如果冇甘煙靭更好 但撈埋牛肉同半熟蛋後 好夠蛋同米香 十分唔錯 鍾意既可以加多 d甜豉油增加口味👍🏻😋 🍴火腿巨形奄列🥚32 蚊用左6 隻蛋做既奄列 一上枱好開心 足足有平時嗰 d三四倍大 蛋煎得夠香 入面半生熟 充滿滑蛋白😈而且勁多咸火腿絲🐷 鍾意重口味既人士 點 d甜豉油更正😋 邊食蛋邊食側邊既牛油多士夠哂香脆🍞 🍴油菜 菜心 20 蚊🥬菜心都足料 抵食新鮮 🍴臘味煲仔飯68 蚊 加窩蛋 8 蚊🍚🥚我第一次食臘味煲仔飯 加蛋 勁邪惡😈 半熟蛋撈埋 d飯 再加上臘味既油香 臘味落足料 有煙靭臘腸 粉口感香濃潤腸 薄切肥臘肉🐷 同埋肥美臘鴨脾 🦆 d豬油同甜豉油撈埋煙靭既白飯 最尾食埋香脆既

天寒地凍，最想食煲仔飯，不過在尖沙咀好似無...後來在openrice找位於厚福街的光榮冰室，好似是新開張不久。跟朋友share，所以除了煲仔飯外，就點了茶餐 $42，有美味的牛油多士、火腿、炒蛋。凍檸茶茶味香濃，甜度適中，正👍🏻沙嗲牛肉通粉，沙嗲味濃郁，有多塊牛肉，而且肉質鬆軟。主角煲仔飯終於出場，點了豉汁排骨煲仔飯 $68，另加 $15有臘腸。加豉汁再焗一焗更正，排骨份量好多，鬆化入味，而臘腸有點肥。

今日放假陪老公去尖沙咀買衫過年，行左大半天才買到，又餓又攰，行到厚福街，有一間光榮冰室，門口有一易拉架，介紹有煲仔飯食，老公說天氣凍，食煲仔飯暖笠笠，試試無防，那麼我們便入座了！即叫即做的煲仔飯有多款，我就選了豉汁排骨煲仔飯，上枱時熱騰騰，瓦煲煮飯特別香，一打開煲蓋，香氣四溢，排骨份量不少，鋪滿了飯面，加入醬油焗一陣就食得，排骨肉嫩不鞋口，飯軟硬適中，近煲邊和煲底有一層飯焦，脆卜卜好香口，真的是色香味俱全。老公選了薑蔥鮮鯇魚煲仔飯，鲩魚腩少骨，肉質鮮嫩，配煲仔飯食也不錯。加12元就有紅豆冰，用懷舊杯飲紅豆冰特別有意思，紅豆林甜，奶味香濃，好飲！加10元有凍奶茶，濃郁香甜，夠冰凍。雞絲巨型奄列：冰室還有其他食品，其中就有巨型奄列，老公想試下就叫了一份，真的很巨型，奄列外層的蛋很嫩滑，餡料雞絲份量不少，還有半件香脆厚多士伴碟，不錯！

無米落肚好似食極都唔飽咁，所以我好鐘意食飯，特別係「煲仔飯」。最近知道厚福街嘅光榮冰室力推煲仔飯，米飯控嘅我豈能受得住飯の誘惑，又係出動閨蜜嘅時候啦！走到門口，光榮冰室果實特別光猛、好突出，一眼就望見。舖內坐無虛席，稍等一陣先有位一睇黃色餐牌就被窩蛋牛肉飯迷住，乜都睇唔到。但其實牆身或枱面攝住嘅白色餐牌都有其他選擇，例如碟頭飯、燴飯、意粉、三文治、西多士、炸雞翼...甚至乎桑寄生蛋茶都有，睇到個肚打晒鼓🥁好~ 就focus番係煲仔飯上面...同埋叉燒奄列 (聽聞好大碟)奄列率先上枱，我當堂呆左乜真係咁巨形嘅?!?!仲有塊厚多士烘底，真係食一個奄列都會飽。原來一份奄列用左6隻蛋去整，難怪咁大份，不過一個人食6隻蛋真係好過分，兩個人share就可以接受🤞🏻接下來就到煲仔飯出場，我嘅就係窩蛋牛肉飯，而閨蜜嘅就係香蒜南乳滑雞飯(好識揀)強烈建議窩蛋牛肉飯一到要揭一揭蓋，加豉油撈左飯先焗飯焦，否則隻蛋熟晒⚠️ 好彩我趕得切，急忙將蛋黃拮穿，蛋黃好深黃色，非常有蛋味，好香甜 ; 牛肉質感軟嫩，色澤帶小小幻彩令身，牛味濃👍🏼;連米都用混合米，口感軟糯有口感南乳滑雞就如其名，都唔需要多講，一個字 : 香

豉椒排骨煲仔飯 $68冬意漸近，和朋友相約去吃個煲仔飯應節。我們晚上8時多到達，本想叫個咸蛋肉餅的，可惜所有肉餅都售罄，唯有改吃個排骨。等了約15分鐘，煲仔飯終於上菜，不過有陣陣燒焦味，開始有點擔心。果然，下面的飯焦都燒壞了！不是金黃色/焦糖啡，而是黑色的！太焦了吧？不能吃的飯焦真是眼淚在心裡流(;´༎ຶД༎ຶ`) 奇怪的是，上面的排骨只僅僅熟，有些更是咬不開（絕對不是筋，是不熟呢）加上服務員的態度不好，也不會再光顧這店了！希望只是我是次經驗不好，是我倒霉吧！

天氣凍，最好食個煲仔飯來暖暖身。這間光榮冰室同一般茶餐廳無異，裝潢都是簡單光猛，一樣有齊炒粉麵飯及是日快餐等，連懷舊的滾水蛋，牛肉茶都有提供。但眼見多數人客都是叫煲仔飯的，這裡的煲仔飯多達十多款，更有一款岩自己的。最後我們點了一個最傳統的土魷肉餅煲仔飯，上枱的時候，仍然未開蓋的，聽說這樣離火焗一焗，飯粒會更加分明、飯粒油潤煙韌，食至最底，還有金黃香脆的飯焦，脆而不燶。厚厚的肉餅肥瘦適中，好好鬆化，不會死實，加入土魷，更加有咬口。煲仔飯豉油都很緊要，這裡的豉油比較稠身帶甜，減輕了咸度。有飯，當然要有湯同菜，所以另外點了清熱下火的香茜皮旦魚片湯，好足料好夠味，鍾意芫茜的香，魚片夠滑。另外，加$20 有碟油菜，鍾意它不會太油，適合減肥的女士們。以後食煲仔飯不一定到廟街了。

尖沙咀厚福街，最近呢幾年開咗好多唔同類型嘅食肆，最近呢一個月出現咗一間幾懷舊嘅冰室，裏面嘅裝修好似返返去80年代一樣。用咗兩白色嘅燈，加上冰室專用嘅卡位。冰室嘅奶茶從來都係主角，呢一杯奶茶值95分！巨型叉燒奄烈都算澎湃，不過蛋炒得有點老。反而叉燒有幾驚喜，半肥瘦唔會太韌。除咗一般嘅冰室食物之外，晚上仲有煲仔飯。價錢唔算特別平，始終係尖沙咀呀嘛。不過趁住呢一個咁涼嘅天氣，有乜嘢適合得過同朋友一齊一人一煲？諗起以前，唔知頭唔知路，竟然人排我又排，去咗油麻地一間「好出名」嘅煲仔飯「名店」點知食完真係好失望，可能因為已經出咗名，所以食物誠意欠奉。煲仔飯根本唔係嗰種感覺，好似只係用過瓦煲乘着嘅臘味飯一樣。反而，呢一間新開嘅冰室就冇令人失望。臘味煲仔飯，臘腸潤腸切半，加上油香十足嘅臘肉。點上煲仔飯嘅靈魂，甜豉油。瓦煲令到飯香十足，而且好乾身！食到底更加有飯焦，呢一個絕對係食煲仔飯嘅樂趣。窩蛋牛肉飯，牛肉係用上新鮮牛肉，食落去好香肉味。而且牛肉嘅份量絕對唔欺場，加上窩蛋，每一粒飯都沾滿了蛋汁。最後加多$20就有一碟油菜。除咗生菜，仲有菜心以及芥蘭選擇。七點幾嚟到，愈夜越多人，呢一間小店真係唔可以睇小

想搵間在尖沙咀的便價冰室，就試下在這口福街的光榮冰室。餐牌的價錢相宜。首先叫了個生炸雞全翼， 雞翼不是太油，內里的肉汁仍然保持。食得脆脆的，很香口。另外很肚餓的友人叫了個XO醬叉燒炒蛋飯， 叉燒很多，蛋乾身，加了醬油，很好吃。光榮公司飯是主打，香港特色的快餐，內里有豬扒，腸仔雞蛋。另外再叫了個生炸雞脾，雞脾好大隻，比我的手掌更大。外脆內軟。最後叫多杯紅豆冰，紅豆大粒口感軟綿， 奶味不太重，加了冰，十分飽肚及解渴。滿足晒。朋友就凍奶茶，傳統港式奶茶，茶味夠濃。