光榮冰室 (厚福街) (已結業)

好耐無食過煲仔飯，咁岩見到呢間有人推介，今晚就同朋友諗住試下啦。講真以茶餐廳黎講，環境都算乾淨企理既，夠曬光猛唔會太逼。我地7點去食都仲有好多位，完全唔洗等。入面有茶餐同奄列，見到隔離枱食都大份既。不過我地目標當然要係煲仔飯啦。叫左窩蛋牛肉飯同排骨。味道就不過不失啦，都有飯焦既。不過就略嫌淡味，加多多豉油都唔夠味，排骨更加一般。我個frd都食剩左差唔多一半，有少少伏既。之後仲叫左杯凍好立克，um...味道一般啦。總括黎講，我個人覺得一般啦，唔難食既但絕對無d人講到咁正，不過想乾乾淨淨地方試煲仔飯，都可以一試既。

一段時間沒有去厚福街, 又見更多的新餐廳, 在眾多新靚潮餐室之中, 驟見這古式道地味道的冰室, 親切感悠生好有廟街 feel, 一邊看餐牌一邊口水已直流舊式的木櫈, 又有點像小時候去看中醫的輪診餐牌很簡單, 沒有多花臣, 都是最基本地道的港式食品對叉燒煎蛋飯有情意結, 尤其是吃到那港式鼓油味, 跟燶邊太陽煎蛋掏渾再加上白飯, 放進口中, 讀書時的回憶都回來了.好味的流心蛋黃叉燒帶焦, 偏向較少肥膏朋友的煲仔牛肉飯, 非常非常多的飯焦, 兩個人share 也不用爭崩頭了煲仔飯鼓油偏濃咸, 配合香口的飯焦, 跟廟街地道風味煲仔飯, 一點也不遜色

After finishing my appointment at Tsim Sha Tsui, I decided to have a quick lunch thus I walked into 光榮冰室. It was located at Hau Fook Street, couple of minutes walk from Tsim Sha Tsui MTR.Like any typical cha chan teng, the whole menu can be shown on 2 pages. They also offered few choices for lunch set. Iced coffee and tea - It was mixed till smooth, with distinct taste of coffee and tea. Cha siu and scrambled egg with XO sauce rice - The serving was very huge, with generous portion of rice. XO s

快餐 蔥油雞扒飯 ($48)評分 RATING：8/10.厚福街啲鋪頭真係成日都轉，發掘到呢間新開嘅茶餐廳有個超班嘅碟頭份 🤤 蔥油雞扒飯非常抵食 + 非常高質 😛 煎雞扒厚實大大塊，但肉質居然成塊都好嫩滑，火候平均，一啲老嘅地方都冇～我覺得呢個飯有榮式雞扒飯嘅影子，但更加地道，豉油用上甜豉油撈蔥 😍 惹味嘅程度可想而知道，仲要 $50 都唔晒，瞬間覺得一切都超值了Behold this underrated gem from a local restaurant newly opened "char chaan teng" in tst. You'll be charmed by this hk style typical rice dish featuring this massive fried chicken fillet with scallion oil! 🤤 Chicken fillet is crispy on the outside but no less tender inside, and it's so deliciously thick! 😆 The scal

 成個四月weekend 都是下雨天，四月最後的星期六亦不例外。行行下加連威老道突然间大雨到行吾到，唯有轉入厚福街「光榮冰室」讚個下午茶。冰室相當光猛，全以白色孖光管照著玻璃面枱，亦是一貫茶餐廳的特色。下午茶雖然都有好多款選擇，但我對燴意粉更有興趣 。 鮮茄燴叉燒意粉$48意粉墟到半個山咁高，厚切叉燒是我的至愛，小許燶邊，味道確實比茄醬蓋左，肉質不靭，口感扎實。茄醬夠多確保每條意粉也掛汁，如果再酸小小更好味，食到一半我已經投降了。沙嗲牛肉包$28大隻熱狗包，烘烤內脆外軟（廚師應該是將包切開後將包芯放在扒爐烘香） 沙嗲牛肉最重要系個沙嗲汁，這個沙嗲沙濃醇適中，惹味突出。牛肉大塊有咬口，分量超多、爆汁，邊食邊流汁，男友話：超滿足。套餐加$8 Zero  coke  : 冰室必備「樽仔可樂」當翠X賣到成廿蚊杯熱奶茶，這裡只仲系賣$15。呢個時勢都係慳得一蚊得一蚊。

同老朋友去尖沙咀買d野，他提起想食煲仔飯，我知道厚福街有一間光榮冰室，有煲仔飯食，味道吾錯，朋友立即說去試下。冰室裝修簡約，地方整潔。煲仔飯都是即叫即做，落單時，侍應會提示製作時間，請客人耐心等待。油鴨脾煲仔飯好足料,油鴨脾厚肉夠味，加左隻窩蛋伴飯，滑滑的蛋汁包住每粒飯，加點甜豉油，十分美味！紅棗滑雞煲仔飯，雞肉剛剛熟、鮮嫩可口，煲下的飯有一層飯蕉，卜卜脆好香口。义燒巨型奄列好大份，大塊义燒份量不少，蛋好滑溜，半塊多士也很香脆。凍鴛鴦凍華田

我第一次喺尖沙咀度食冰室冰室嘅好處係咩呢就係抵食不過去到呢間冰室本身諗住食嗰啲煲仔飯但係我又唔想等，因為d煲仔飯都係即叫即整，太肚餓既情況低下都系叫d快餐食下餐單太多野簡，左睇右睇最後忍唔住叫咗一個梅菜扣肉飯，個人覺得呢個梅菜扣肉飯，都幾好食佢嘅梅菜扣肉脂肪比例好均勻佢嘅梅菜送飯一流茶餐廳飲番杯茶記凍檸茶我隔離嗰個先把炮佢叫咗個煎蛋腸仔飯睇個賣相好普通但係中間嘅流心蛋係好正總結呢間冰室係平得來快靚正

大阪朋友稍後會黎香港, 我當然想帶佢去食D大阪無而香港先有嘅食品啦!於是向另一個日本朋友請教, 佢推介我去食煲仔飯!佢話係大阪無煲仔飯哩回事，更加無臘腸同潤腸哩類中國式食品，而潤腸嘅味道唔係每個日本人大阪人可以接受.唔講由自可，講吓講吓，連日本朋友都話講到想食煲仔飯，於是一齊落咗厚福街光榮.點咗土魷蒸肉餅加窩蛋，一個蒸排骨飯加潤腸.當聞到有燒燶味飄至，就知道一個煲仔飯完成！雖然有飯燶味，但土魷肉餅蒸得啱啱好，入口即溶唔會蒸得過火變鞋口.由於唔係第一次幫襯，知道光榮用嘅潤腸唔係下等貨色，所以放心叫日本朋友試試，日本朋友戰戰兢兢試咗一啖都話唔錯，佢話好多時出外食潤腸都係失望居多，多次滿意收貨.因為潤腸亦蒸得夠冧之外，味道亦唔錯，甜得黎有潤腸獨有嘅香味.飯焦係另一重點，飯焦成煲都係，中意食飯焦嘅我食得夠滿足！食完之后，日本人習慣堅持自費之外，連聲多謝我介紹咁好味嘅煲仔飯，放心叫我推介俾大阪朋友。 

今日 shopping 咗幾粒鐘，行到腳又軟，肚又餓! 都係要快D决定去邊到食😜。剛好行過厚福街，見到有位侍應在門口叫著有新鮮熱騰騰煲仔飯……回想整個冬天都沒有機會食過煲仔飯，下午又落完大雨，氣溫驟降，不如食個煲仔飯暖暖身都好喎！入到店內，卡位、圓檯木櫈，裝潢簡潔，有香港本土風格。睇下餐牌先，原來賣的食物款式係行我兒時路線，又有樽裝汽水、滾水蛋、生炸雞比……另外，當然唔少得有煲仔飯，都有十款俾你揀👍我地就叫咗兩個煲仔飯，ㄧ碟油菜，ㄧ杯凍鴛鴦。侍應落單前告知，因煲仔飯即叫即煮需要等大約20分鐘，對於我們本地客當然係知道啦!但對於外地客嚟講呢份就係貼心啦!豉汁排骨煲仔飯， 送上枱時當然熱騰騰，打開煲蓋濃濃蒸氣冒出，香氣撲鼻，連隨淋上濃厚甜醬油，令到醃過的排骨添上多一層味道，但又不會太鹹。窩蛋鮮牛肉煲仔飯，亦隨隨送上，都是ㄧ樣熱騰騰，見到飯面的窩蛋快要焗熟，我都要快手淋上甜醬油再攪勻，令蛋汁留到飯粒內，攪勻時發現煲低已有我最喜歡的飯焦😁，卜卜脆香口的感覺真係妙極。 不過可能我太過著重食飯焦，啲牛肉已經過熟有啲硬。再來ㄧ碟生菜，叫侍應不用加油、蠔油， 令到飯餐平衡一點。凍鴛鴦咖啡味和茶味調配適

收完眉近近地行去厚福街食街搵食，見到一間裝修懷舊的冰室竟然有煲仔飯，一於入去試試先。餐牌選擇都算多，應有盡有。分別同友人各自點選一些再share 一齊食。樽裝大可樂好少地方有樽裝汽水，感覺比較多汽一些，味道也比較好，兒時回憶。西多士雖然炸得比較深色但蛋味香濃，入口鬆軟，花生醬饀料甜味剛剛好。椒鹽豬扒飯椒鹽味香氣十足，豬扒鮮嫩多汁，少少辣味更添滋味。咸魚肉餅煲仔飯一上枱已經香味四溢，加少少甜豉油拌勻，肉餅鮮嫩鬆軟，鮮甜多汁，而底下有好多金黃脆口飯焦，入口香脆口感，非常滋味。加多碟新鮮翠綠油菜，簡簡單單已經非常滿足。

每個星期六 #小秘書 都要去 #尖沙咀 見 #中醫哥哥，所以每次都會喺附近搵啲唔同嘅餐廳，發掘吓啲新美食🤩 呢日嚟到厚福街，見到周圍都係人，原來路口開咗間化妝品店，吸引咗大量遊客喺門口排隊，認真誇張😅 #小秘書 喺人群中左穿右插，見到 #光榮冰室 都幾好生意，心諗應該唔差嘅🧐就入去試吓！餐牌上選擇都唔少，除咗一般 #冰室 有嘅 #常餐、#小食... 懷舊食物都唔少，居然有 #牛肉茶、#鳳凰奶糊 呢類食物😋真係估佢唔到！可惜 #小秘書 呢日得一支公lunch alone，試唔到咁多嘢，唯有叫個 #鮮茄豬扒燴意粉 先，下之再嚟試吓其他特式食物啦。#鮮茄豬扒燴意粉 嘅份量認真唔少嘢，鮮紅色嘅蕃茄🍅鋪滿喺兩塊 #巨型豬扒🐷 上面，外觀非常吸引🥰 意粉沾滿番茄醬汁，好有細個讀書喺快餐店買午餐嘅風味👍🏻 加埋杯凍奶茶... 爽呀！

今日和老公經過尖沙咀， 見到這間餐廳裝修都幾乾淨企理，燈光很光猛， 又是平民價，於是便進去吃個lunch😋 店員服務態度都很好， 做嘢很快手，很有效率👍我老公叫了快餐:一碟滑蛋叉燒飯， 他盛讚這裡的叉燒不會太韌，咬落去幾有口感，很入味，蛋也很滑嫩， 還有那些秘製醬汁，配飯一流👍👍 令人很開胃。 另外， 原來十二點前叫快餐只需$39， 還包了一杯嘢飲，好抵😍😍 我則點了一碟蕃茄牛肉意粉，份量很足料，牛肉很入味， 蕃茄汁滲入意粉和牛肉當中， 味道很夾😍😍

朋友知道我一向喜歡吃煲仔飯，所以早前向我介紹了「光榮冰室」，朋友說煲仔飯即叫即煲，滿滿飯焦，非常出色。今天買了票到The One看電影，所以提前到這邊吃個晚飯。內部裝修非常簡約傳統，牆壁鋪上墨綠色瓦仔，櫈以木為主，枱面鋪上玻璃，餐牌則放於中間，非常有風味。餐牌非常多選擇，基本茶餐廳搵到的粉麵飯、三文治、小食都應有盡有。亦都有茶餐、特餐、三文治餐、西多士餐，適合任何人士。不過最吸引的，是黃色的煲仔飯餐牌，正是我今天的目標！我點了個紅棗滑雞煲仔飯加潤腸 $72+$15，每次吃煲仔飯最期待的畫面，是滿底金黃的飯焦，這裏做得到！飯夠乾身，飯焦大大塊，吃得非常滿足！雞件份量多，非常厚肉，一點也不會老，時間剛剛好，食落依然嫩滑，雞有雞味！至於外加的膶腸，肥肉不多，膶香味濃，不錯！朋友叫了一個茶餐$42，包括牛油多士、火腿煎雙蛋、叉燒湯通粉，也非常豐富。煎雙蛋轉了炒蛋，時間控制得剛剛好，炒蛋嫩滑，還有滿滿的蛋汁，juicy 好味。叉燒湯通粉正常質素，想體驗茶餐廳的味道，必點！另外飲品選了谷古及什果冰，谷古其實像朱古力，不過味道淡一點，傳統風味。什果冰不是現今改用汽水的版本，依然是使用傳統的糖水，清甜

厚福街呢間茶記走old school路線，裝修簡單但都顯得出係想扮舊時既冰室，整體地方干淨，野食又上得快，想食個快飯可以黎呢度！叫左個茶餐，$42包熱飲。牛油多士厚身多牛油，好香。火腿炒蛋個蛋好滑，唔會過老，蛋既顔色黃到好亮眼。叉燒通粉，叉燒厚切入味！好多時其他餐廳既叉燒都係又凍又冇味，呢度既叉燒值得一讚！通粉淋身，個湯底個味都幾易入口，唔會話過多味精。見到隔離枱嗌既雞扒豬扒飯，大大碟，好足料，肚餓既可以試下！

今日lunch 黎到呢到食 呢度啲叉燒同埋蛋都好出名 隻蛋都幾大隻 仲要係流心嘅 真係值得一試 流心蛋送飯真係一流 另外呢，就算叫凍飲都唔使加錢老闆非常好 地方都尚算坐得舒服👍🏼