光榮冰室 (厚福街) (已結業)

收完眉近近地行去厚福街食街搵食，見到一間裝修懷舊的冰室竟然有煲仔飯，一於入去試試先。餐牌選擇都算多，應有盡有。分別同友人各自點選一些再share 一齊食。樽裝大可樂好少地方有樽裝汽水，感覺比較多汽一些，味道也比較好，兒時回憶。西多士雖然炸得比較深色但蛋味香濃，入口鬆軟，花生醬饀料甜味剛剛好。椒鹽豬扒飯椒鹽味香氣十足，豬扒鮮嫩多汁，少少辣味更添滋味。咸魚肉餅煲仔飯一上枱已經香味四溢，加少少甜豉油拌勻，肉餅鮮嫩鬆軟，鮮甜多汁，而底下有好多金黃脆口飯焦，入口香脆口感，非常滋味。加多碟新鮮翠綠油菜，簡簡單單已經非常滿足。