💭最近天氣開始轉涼，又到吃火鍋的好季節。今天約了朋友到一家想吃很久的人氣火鍋店，來自新加坡的過江龍 - 美滋鍋。◾️環境方面，一進去就能見到粉紅玫瑰花大熊，然後整家佈置都是以粉紅色為主調，完全滿足了女士夢幻的少女心，非常吸引。坐位方面很寬敞舒適，枱與枱之間有足夠空間，坐得舒服。◾️醬料方面，餐廳設有自助醬料區，可以根據自己的喜好調配醬料，醬料款式也很多選擇，接近20款。◾️餐牌方面，菜單和帳目都在ipad裏面，所有菜式分類清晰，亦有附上圖片供參考，而且大部分的火鍋配料都可以選擇半份或整份，方便多嘗嘗幾個料。💭我們點了鴛鴦鍋跟幾款配料嘗嘗，下完單餐廳還提供了每項配料的建議煮食時間，並有漏斗計時器提供，保證大家可以吃到最佳品質的食物，非常貼心。鴛鴦鍋 🥢滋補養生香辣鍋
以麻香為主，湯底配以多種香料和藥材，我們選了個小辣，不算辣，但麻香味十足，越吃越香濃，令人吃上癮。 🥢清涼解熱雪耳鮮椰子鍋
湯底配以養顔的雪耳、杞子，還有一片片椰肉，服務員建議先喝一碗湯，再開始吃火鍋。湯底喝起來清甜不膩，很滋潤的感覺。🥢墨魚丸 (半份) $39
大大的四顆，吃起來非常爽滑彈牙。 🥢竹笙 (半份) $34
份量十足，原條非常肥美的竹笙，一般不容易吃到！配搭香辣鍋，滿口麻香，爽脆爆汁，很惹味。🥢萵荀片 (半份) $19
爽脆口感配搭椰子鍋，軟腍吸收湯汁配上香辣鍋又另一番滋味。🥢炸響鈴 (半份) $29
吃火鍋必備的配料，外面炸得金黃香脆，喜歡外軟內脆的口感，輕輕燙3秒就可以吃了！🥢黑毛肚 (半份) $39
毛肚就是牛的瘤胃，外表像一塊毛巾而得名。原貌本來就是黑色的，吃起來有咬口，富有彈性，香辣鍋必備的配料，非常惹味。🥢嫩肩小羔羊肉 (半份) $49
薄薄一片，在湯底裏輕輕20秒就能吃，羊味非常香濃，肉質算嫩滑。🥢豬頸肉 (半份) $34
肥瘦相間的誘人紋理，粉嫩粉嫩的，吃起來滿爽口，肉質香甜。🥢白鱔片 (半份) $74
一大片的，肉質爽口，魚皮膠質重，糯口，很新鮮，非常推薦！🥢紅薯粉 (半份) $16
用筲箕載住放入湯煮熟，轉透明就能吃了。吃起來口感滑溜，比較煙吸收了香辣鍋湯底後，更是誘人，越吃越過癮。🥄柚子沙冰
吃完後，餐廳還送上柚子沙冰作為甜品，味道酸酸甜甜的，滿清新，很適合吃完重口味後清一清味蕾。💭總括而言，美滋鍋無論環境、食物質素、味道和價錢都很令人滿意，我們點了這麼多配料才吃了600多，已經飽到走不動了，非常豐富又滿足的一餐，過江龍果然名不虛傳。期待疫情好轉後，多叫幾個朋友來一起聚餐再吃個夠才行呢！

💭今天跟朋友打算到中環逛街，突然聊起台灣美食，在網上找到附近有這家Check in Taipei，於是過來試試看。 ▪️環境方面，滿relax 的感覺，微黃的燈光，加上一旁的bar枱，很有情調。 ▪️餐牌方面選擇很多，台灣小吃、麵食，素菜也有，而且還有好幾款特色台灣甜品，我們點了幾款試試。 🥢手繪雙色鹽酥雞 $88 炸得金黃，外皮非常香脆鬆化，肉質很Juicy！配上兩個醬汁，柚子醬帶有一點柚子皮，酸酸甜甜，松露醬非常香濃，齒頰留香。兩款醬汁都比想像中杰身，更好沾滿整顆炸雞。 🥢薯泥超司松露蛋餅 $78 非常巨大的蛋餅，用料很足，薯泥和雞蛋塞滿整條蛋餅，蛋餅上鋪滿一大塊芝士。吃下口感軟糯，有蛋餅和芝士的煙韌，又不失薯泥的軟滑，加上松露醬的香，多種交雜的感覺，十分滿足。 🥢溏心蛋魯肉飯 $55 這是一個我很欣賞的魯肉飯，因為魯肉飯的重點是要有肥肉帶出油香，才能令整碗飯的口感昇華。這碗魯肉飯剛好肥瘦適中，味道微咸，微微豬油加上醬汁，非常美味！ 🍹鮮芭樂苦瓜汁 $55 感覺滿清新的，剛入口時苦瓜味比較突出，略帶甘苦，但慢慢又感受到芭樂汁的微甜，不錯的消暑飲品。 🍹玫瑰荔枝蘇打 $55 淡淡的荔枝味，配上表面的玫瑰花碎，粉嫩粉嫩的，完全是少女心的大愛。 💭總括而言，Check in Taipei的食物質素很不錯，菜式挺有創意的，將傳統台灣美食改良，用另一個面貌重新呈現，有機會要試試原條鰻魚蛋餅，看着就覺得很吸引！

今日同朋友經過觀塘區，岩岩下午茶時間，我哋就搵吓有冇新餐廳試吓。最後係OpenRice 搵到「意堡」，見佢相裝修得幾靚，決定去試吓，估唔到有驚喜！都算易搵，喺宜安街街市同財利大廈中間條斜路一上去就係。 裝修得唔錯，有張吧枱仔，夠闊落，都坐得舒服，背後嘅水泥牆同展板亦有特色。 餐牌方面，選擇都好多，有漢堡，有意粉，有飯，仲有唔少特色小食，價錢都幾經濟實惠。今日我就叫咗個 黑松露汁蝦仁扁意粉 試吓。 黑松露汁蝦仁扁意粉 ($50) 蝦仁大大隻，意粉份量足，非常濃郁嘅黑松露汁，帶點Creamy 但唔會滯，老闆話係自己調配嘅醬汁，唔係一般街食得到。再配搭洋蔥、菇菌同蒜蓉，非常惹味，食唔停口！ 朋友食咗個大啡菇漢堡都話唔錯，下次黎 「意堡」要試埋佢個雞扒漢堡先得，仲有個無骨海南雞飯都好吸引，$33好抵，唔知係點呢。

💭最近受疫情影響，都只敢去大商場環境比較舒適的餐廳用餐，今天到了尖沙咀K11，順道跟朋友吃完晚飯再回家，選了阿閒泰試一下，入座前店員會幫忙量度體溫及提供搓手液，吃得安心。 ◾️環境方面，佈置滿有情調的，微微的燈光，加上綠色植物擺設和原木主色的格調，比較有原始風，彷彿身處叢林的木屋之內。 ◾️餐牌方面，選擇非常之多，除了一般泰國菜菜式外，還有一些融合西方煮法的fusion菜式，滿有趣的，我們今天點了幾個泰菜試一試。 🥢泰式生蝦刺身 $98 一客有6隻，每隻以shot杯獨立裝好，杯中裝有泰式酸辣汁， 店員建議如果吃得辣，可以整杯喝下，我當然要試試。生蝦新鮮爽口彈牙，酸辣汁辣度算正常，很易入口，一開始以酸味為主，然後辣勁才慢慢滲出來，非常match，吃得很過癮。 🍴酥炸軟殼蟹芒果牛油果他他 $128 軟殼蟹原隻開邊，炸得金黃酥脆，非常可口。芒果牛油果他他一共分為三層，底層滿滿的牛油果，加上芒果粒夾雜其中， 表面再舖上一層蟹肉， 味道非常清新，芒果的酸甜剛好中和牛油果的膩，而且更能帶出蟹肉的甜，沒想過會這麼夾，吃得很滿足！ 🥄阿閒泰虎蝦卜卜蜆冬蔭功湯 $128 二人份量的冬蔭功湯，可以先擠一下青檸汁，加上椰汁再食用。湯底以蝦殻淆制而成，喝起來味道特別濃郁，雖然有點辣，不過加上青檸汁，酸辣很開胃。配料也很足，有一大隻虎蝦，肉質結實彈牙。卜卜蜆也很飽滿鮮甜，還有泰式茄子和蘑菇，非常豐富。 🍴阿閒泰慢煮厚切脆皮豬頸肉配椰香糯米飯、羽衣甘藍、蒜頭、青瓜 $188 豬頸肉燒得很香口，厚切爽口，椰香糯米飯椰汁味濃，不會太黏身，加上羽衣甘藍，非常健康的配搭，值得一吃。 🍹阿閒泰自家製氮氣冷泡檸檬茶 $58 因為用上氮氣冷泡沖成，所以杯裏沒檸檬和冰，而表面的泡泡是氮氣而成的。茶底用上草本茶，很滑，而且檸檬味很濃，整體喝起來味道比較甜，解辣一流。 🍹柚悠(凍) $56 用上柚子檸檬蜜、薄荷葉跟茶調配而成，喝起來感覺非常清新，甜甜的味道加上淡淡的薄荷味，帶點涼快。 💭總括而言，阿閒泰的食物質素很好，很有泰味，而且食材配搭創新，驚喜之作，有機會要和朋友再來試試其他菜式。

💭大埔超級城C區食肆雲集，最近進駐了一間主打泰國船麵的「船皇」，於是今日特別約埋朋友一齊來試一試。 ◾️船皇餐牌主要有湯麵和撈麵，仲有飯類、串燒及小食，都有好多選擇。麵底可以揀蛋麵、米粉、河粉或金邊粉，而味道又可揀大辣、小辣及唔辣，總之就按個人喜好，自己話晒事。 ◾️採自助形式，先到收銀處點餐付款，然後找個位子坐下，食物弄好後再出去取，而弄餐都算快，但因我哋叫了多款串燒小食，所以要出多幾次攞食物，整體上都算方便。 🥢船皇湯麵  $58 船皇湯麵揀了金邊粉，湯底唔辣、鮮甜濃郁，不會過鹹，味道剛好。金邊粉軟滑幼細、索湯汁，十分入味。餸料有牛腩、牛肉片、牛肉丸、雞絲、鹵水雞翼、豬肉片和豬肉丸，牛腩腍身、肉丸彈牙，炸豬皮脆卜卜、唔油膩，總共八款，可謂包羅萬有，非常豐富，簡直是大滿足。 🥢香葉肉碎飯    $58 朋友揀了限定供應的「香葉肉碎飯」，肉碎經乾葱、魚露爆過，又香又惹味，肥瘦適中，加埋太陽蛋的蛋汁，撈飯食，正！ 🥢泰妹雞翼  $22 5件單骨雞翼，炸得非常香脆，味道帶點辣，很惹味，值得推介。 🥢串燒魷魚鬚     $15 沙嗲醬魷魚鬚惹味彈牙，一串有兩大條，幾抵食。 🥢串燒魚餅   $15 點了兩客魚餅，有泰式辣醬和泰式燒烤醬，兩款味道各有特色，朋友就話比較喜歡燒烤醬味喎。 🥢串燒牛舌    $15 牛舌頗有口感，不會太薄，爽口有嚼勁、唔韌，味道不錯。 🥢串燒菠蘿    $12 味道鮮甜多汁，菠蘿酵素能幫助消化，吃後感覺很舒服。 🍹凍柚子檸檬梳打   （跟餐 $15） 單叫$22，跟餐只需加$15，以泰式銀碗盛載飲品，頗有泰國風情，味道酸酸甜甜、很開胃，而且有頗多柚子肉，清香好味。 🍹泰式龍眼冰   （跟餐 $15） 冰凍清甜，啖啖龍眼肉，飯後吃，感覺很清爽。 💭整體來講，船麵配搭頗多樣化，食物質素及性價比高，個人認為絕對是可以再安哥的心水食店之一。

💭同好姐妹們都有一排無見，今晚終於約到一齊食飯，當然要去食餐好啦。想搵間坐得舒舒服服，又可以慢慢邊食邊傾嘅餐廳，最後我地去左呢間主打海鮮蒸氣鍋嘅小漁港。 ◾️小漁港主打兩款套餐，一款$298 是日廚師精選套餐，一款$398 海鮮蒸鍋套餐，我地一行6人岩岩好，可以挑戰佢個有阿拉斯加蟹嘅海鮮蒸鍋套餐！個餐仲有幾款時令海鮮，最後有烏冬同粥，真係食到捧住個肚走！ 🥢等上菜之前，食個小食吹下水先，我地點左個「燒魚干」，燒到表面香脆，咬落又幾有咬口，咸香食唔停口呀。 ◾️然後待應就拎我地今日隻阿拉斯加蟹比我地睇，非常大隻，d腳長到呢，正呀！ 🥢事不宜遲，海鮮餐開始啦~ 首先係粉絲蒜蓉蒸元貝，大隻厚肉，再加上粉絲吸左d蒜香，非常惹味。 🥢然後係蒜蓉蒸花竹蝦，肉質幾彈牙，甜美夠新鮮。 🥢接住就到今晚主角”阿拉斯加蟹”！新鮮即劏，大隻到鋪滿成個盤，而且蟹膏係裝滿成個殼，認真不得了！蟹膏拎黎煲粥而蟹腳就蒸黎食，蟹腳肉好多，好實肉，入口嫩滑，味道鮮甜。呢個真係正，食完之後都回味左好耐！ 🥢之後到南非鮑，鮑魚大大隻，都幾厚肉，爽口彈牙，有咬口又唔韌。 🥢仲有貝殼四寶，今日係馬刀貝、蕃薯貝、貴妃蚌同生蠔。馬刀貝同蕃薯貝d肉都漲卜卜，肉質嫩身，時間岩岩好。貴妃蚌肉質彈牙，味帶咸鮮味。生蠔肉質脆口嫩滑，一啖就呑左落去了，好好味！ 🥢然後係草蝦，個頭有膏，肉質結實，不用調味已夠晒鮮味！ 🥢食完咁多海鮮，未完架，仲有主食，我地選左蟲草花蒸雞配鳥冬底。蒸雞肉夠嫩滑，略帶油香，而烏冬底就吸滿雞精華，金光閃閃，好吸引，啖啖都滿滿雞味呀！ 🥢食完油膩野，有個農家四寶清清個口，當中包括絲瓜、粟米、甜薯同南瓜，清清甜甜，食完油膩感無晒。 🥢最後最後最後！阿拉斯加蟹膏粥，煲足一晚，海鮮嘅精華都落晒去，再加上咁大盤蟹膏，成個粥都變成金黃色，非常rich，好強嘅蟹香，蟹膏嘅咸香，真係好好味，雖然有d飽，都要食埋佢，今餐好滿足呀！ 💭總括而言，小漁港嘅$398 海鮮蒸鍋套餐認真唔係講笑，足料超值，淨係隻新鮮阿拉斯加蟹已值回票價，仲有咁多款海鮮同個蟹膏粥，性價比超高，好抵食！而且所有食材都好新鮮，份量十足，真係食到捧住個肚走，一定會再叫朋友黎食！

💭一個星期結束，又係時候搵個地方relax 一下，食返餐好嘅！Home Sweet Home 個人黎講真係幾鐘意，環境方面用上工業風設計，兩旁嘅石牆配上一排排嘅酒架，放滿紅白酒，非常有氣派。吊燈方面運用大小不一嘅燈泡，柔和嘅燈光配上超高樓底，空間感十足，夠晒情調。


◾️餐牌方面，選擇都幾多，意粉、沙律、Pizza、扒類樣樣齊，我同朋友就叫左2個Set Dinner，分別係開心果果仁烤羊鞍($298)同煙燻加拿大穀飼豬鞍扒($328)，貪佢有埋前菜、甜品同飲品，夠晒滿足。



◾️前菜


🥗黑魚子蟹肉他他、海鮮酥皮小盒及龍蝦濃湯
黑魚子蟹肉他他以青瓜包住蟹肉他他，入口幾清新，加上魚子嘅咸香，令蟹肉鮮味更突出。海鮮酥皮小盒金黃鬆脆，咸咸的幾香口。龍蝦濃湯細細杯，味道非常濃郁，飲完龍蝦味仲留係口裏面。


◾️主菜

🍴開心果果仁烤羊鞍($298)
羊鞍表面佈滿碎碎嘅開心果果仁，賣相好精緻，7成熟肉質Juicy 腍身，加上芥末醬，更加突出羊肉鮮味，亦能辟走羊羶，適合怕羶嘅朋友食用。


🍴煙燻加拿大穀飼豬鞍扒・忌廉薯蓉・蘋果汁($328)
豬鞍扒帶有微微煙燻感，表面有d焦香，肉質嫰滑亦有肉汁。加上甜甜的蘋果汁增添豬肉嘅肉甜味，味道好夾呢。


◾️飲品
我地叫左 百香果香橙冰茶(+$22)同台灣山楂蘋果茶(+$20)。


🍹百香果香橙冰茶
味道偏甜，但又不膩，香橙味嘅清新感點好中和百香果嘅甜，好balance。


🍹台灣山楂蘋果茶
面頭有一片片蘋果同山楂，真材實料，略帶微酸，飲落幾滋潤。


◾️甜品

🍫今日係朱古力撻，上面係脆皮朱古力包住吉士醬，下面係軟心朱古力，一個甜品多種口感，真係甜到入心，為晚餐畫上完美句號。


💭總結而言，Home Sweet Home 環境舒適，食物都幾有特色，運用唔同食材配搭，為西餐帶來新鮮感，質素亦好好，食得好滿足！幾適合姐妹們黎談下心，傾下計，幾有情調。

今天朋友突然想吃雞煲，就上網找找附近的餐廳，找到新南苑有個海鮮火鍋半放題套餐滿吸引的，決定來試一試！

朋友和我今天吃的是海鮮火鍋半放題套餐，每位$268，包括的食物可真豐富，首先是雞煲，吃完後到火鍋，然後還有海鮮拼盤(6-8款)一份，本地手切牛頸脊一份，任食火鍋配料，汽水果汁任飲，最後還有甜品一份。

因為最近是吃大閘蟹的季節，吃雞煲之前，餐廳特意安排上每人一隻大閘蟹，大閘蟹擺開滿滿的蟹膏，金黃色的蟹膏非常滋味，蟹肉也鮮甜。

同時有生蠔一人一隻，味道很鮮甜爽脆，淡淡海水味，非常棒。




然後到雞煲，有大辣、小辣選擇，我們選了小辣。雞煲來了後要自己動手炒，每分半鐘炒一次 ，一共炒四次，最後一次下油條，炒完就可以吃了。雞煲的香料味非常特出，愈吃愈麻，然後乾辣椒的辣也慢慢溢出，雖然吃到中後段舌頭都有點麻，但是又很過癮！雞肉很滑嫩入味，不肥膩，油條炸得很脆，很快吃完一鍋。這邊的雞煲可以無限添加，吃完不夠的，可以多吃一鍋再吃火鍋。

接著到火鍋環節，我們點了個清湯，雖然是清湯，其實用上了粟米、蕃茄、雞脾菇等蔬菜煲成，非常清甜的。

生猛海鮮拼盤(6-8款)
今天的海鮮包括有象拔蚌、鮑魚、蠔、帶子、蝦及脆鯇魚片。全都很新鮮，跟清湯很配，湯底味淡，反而海鮮味更突出，能吃到海鮮原來的甜味。

本地牛頸脊
這個很推薦，肉味很濃，肉味有咬口，算是嫩滑，肥瘦均勻，帶有雪花。



小籠包
把小籠包拿去打邊爐還是第一次，感覺滿有趣的，味道跟蒸的小籠包差不多，味道不錯。


任食火鍋配料
超過40款的火鍋配料可以點，海鮮肉類蔬菜全都有，因為我們前面吃得有點多，所以配料也就點了幾樣，質素都很不錯！

汽水果汁任飲
外面有2個大冰箱，飲品隨便選，任飲的，汽水，一些韓式飲料，還有椰子汁之類，很多選擇。

有heart甜品
今天吃的是奶凍，奶味濃，甜甜的，為晚餐畫上句號。

總括而言，新南苑的海鮮火鍋半放題套餐性價比非常高，單單是雞煲任食已經吸引，而且海鮮拼盤也新鮮，火鍋配料選擇也多，吃得很滿足，下次會叫一班朋友來再吃個夠！

💭天氣最近轉涼，夜晚想食碗湯麵暖下個胃，都有一排無食拉麵，行過見到「霸嗎拉麵」有期間限定新產品，決定入去食晚餐。 ◾️餐牌除左招牌嘅炙燒豚肉同雞白湯拉麵之外，期間限定嘅菜式，今期係天婦羅軟殼蟹櫻花蝦湯拉麵，當然要試下啦，我地仲點左客餃子添！ 🍜天婦羅軟殼蟹櫻花蝦湯拉麵 ($93) 天婦羅軟殼蟹原隻上，夠晒份量，炸得幾香脆，粉薄唔油。櫻花蝦湯底好濃郁，飲落除左蝦嘅微微咸香，仲可以見到有蝦嘅紅油，非常惹味。飲一啖湯再食個麵，相當引人入勝。 🍜炙燒豚肉味玉拉麵 ($88) 呢款係霸嗎嘅主打，非常厚嘅炙燒豚肉係特色，肥瘦分明，肉質嫩滑，經灸燒後油份溢出，非常邪惡。至於豚骨湯底，膠質重，非常濃郁，每一條麵都可以掛滿湯，正呀！ 🥟羽根燒餃子 ($35) 餃子五隻一碟，一整排反轉上碟，非常傳統的日式餃子做法，煎得好香口。 🍹和梨蘇打酒 ($18) 🍹蘋果蘇打酒 ($18) 呢個又係新野，飲落果味好足，似飲緊有汽果汁咁，雖然係酒精飲品，其實只有3%酒精，所以可以大膽飲呀！ 💭總結而言，霸嗎拉麵以主打濃郁拉麵湯來講，真係做得好到位，質素係有保證的，今次期間限定嘅天婦羅軟殼蟹櫻花蝦湯拉麵幾有驚喜，湯底蝦味真係幾濃，想試下新野係一個好選擇。

💭最近有朋友介紹上環有家好吃日本菜，今天相約朋友吃晚飯，當然要去吃一下，看個究竟。這家餐廳是位於蘇杭街的「鮨燐」，裝修非常和式風格，一共兩層，下層只有不到十個位，幸好有先訂位，不然都吃不到呢～ ◾️晚餐Omakase 餐牌分為三個價位，$1180、$1380及$1580，我和朋友選擇了以壽司為主的$1180套餐，一共有14貫壽司，另有先付、碗物和甜品。 先付 🥗愛知縣無花果 經大吟釀蒸過的無花果，再加上由麵豉打成的醬，味道清清甜甜，好味道。 🥗新銀杏 青綠的新銀杏經油炸過，沒有太多調味，只有少許鹽巴，口感帶點煙韌，味帶甘甜。 ◾️然後進入壽司環節，一共有14貫壽司，順序排列如下： 🍣鮫鰈魚壽司 先以白色魚作開首，鮫鰈魚魚肉味道偏淡，魚肉口感帶煙韌，師傅在魚肉下沾上蔥花，並以醬油在表面輕輕一抹，能為魚肉提味，吃起來更有層次。 🍣間八魚壽司 間八魚即紅魽，在表面灑上柚子皮，非常清新的氣息，肉質紮實有咬口，味道甘甜，不油膩。 🍣凡立貝壽司 肉質爽口，灑上海鹽及加上新鮮海藻，吃起來味道更鮮，甜味更突出。 🍣深海池魚壽司 肉質有口感，魚味較濃厚，加上利用木魚花調配的醬汁，味道更有層次感。 🍣車海老壽司 車海老即花竹蝦，顏色紅白分明，非常誘人。師傅先將蝦膏切碎，再捏入蝦內，吃起來彈牙爽口，味甘甜，蝦膏味濃郁。 🍣響螺壽司 來自北海道的響螺，薄薄一片，吃起來非常爽脆，有咬口之餘，味道亦很鮮甜。 🍣赤貝壽司 顏色呈橙紅色，帶有光澤，表面灑上柚子皮，淡淡清香，厚肉，肉質爽脆，甜味較清爽。 🍣秋刀魚壽司 入秋後的秋刀魚最肥美，配上薑末同蔥花，可以除腥之餘，亦有提鮮作用。魚肉鮮甜，肉質彈牙。 🍣銀鱈魚壽司 雪白的魚肉油脂感足，非常肥美，魚油香，入口細嫩爽滑，配上柚子胡椒醬，微微辛辣令魚的鮮甜味更突出。 🍣三文魚子壽司 於表面灑上少許柚子皮，中和三文魚籽的咸，吃起來味道更有層次，咸中帶點果香清新。 🍣馬糞海膽壽司 顏色呈金黃色，入口甘甜，鮮味濃郁，十分滋味。 🍣赤身壽司 顏色呈赤紅色，屬於吞拿中脂肪較少的部分，肉質較結實，師傅於準備材料時把赤身放於醬油內淺漬，醬油的淡咸，配上柚子皮，使得赤身的甘甜味更突出。 🍣中拖羅壽司 屬於腩與背的中間，一半赤身一半腩，油分不會過膩，魚味算是濃郁，肉質較軟滑。 🍣腦天壽司 「腦天」即吞拿魚頭頂的肉，每條魚只有小小兩片，非常難得。經過炙燒後，油香陣陣，吃起來真正的入口溶化，非常美味。 🍣右口魚魚鰭壽司 同樣以炙燒處理，表面微微燒香，口感爽口滑嫩，魚油非常豐滿，油香的極致。 碗物 🍜稻庭烏冬 冷食的稻庭烏冬，口感滑溜，細長有致，不消一會就吃完了。 甜品 🍮抹茶奶凍 自家製抹茶奶凍，配上黑豆一顆，奶味濃郁，甜度適中，好味。 💭總括而言，鮨燐的Omakase 晚餐質素很高，食材用料新鮮之餘，師傅在壽司的次序安排上，可見其用心之處。先由白身魚開始，再慢慢到最後濃味而油份重的部位，由淡到濃的轉變，掌握得非常好，可以體驗到不到層次的變化，非常完整。十四貫壽司吃得很滿足，以一千多的價錢來說，性價比很高，吃Omakase的好地方又多一間！