備長

營業中

休息中

款式好少。上菜勁慢，雖然店家解釋三串三串燒，費時凍，但都係成50分鐘先人均食咗5串咁耐囉，大部分時間都係度等。同埋好多串燒都係癃既，同埋有D會有部分熱，有部分唔熱一定唔會再來

銅鑼灣SOGO隔離有一間樓上嘅居酒屋，就算平日都座無虛席，提供日本空運刺身，壽司，卷物，串燒等等，適合同一大班朋友嚟小酌一番！前菜$28 椰菜，青瓜，蘿蔔條沾上麵豉醬享用，清爽又開胃備長卷$188壽司卷，配上吞拿魚蓉，三文魚子同埋海膽！鮮味的三文魚子佈滿在卷物上，中央夾著綿密的吞拿魚蓉，兩種不同的口感，雙重鮮味，再配上大大片嘅新鮮海膽。三文魚子滿瀉，要用靚靚人魚尾巴匙羹食！壽司（備長）$420吞拿魚腩、三文魚、帶子、海胆、魷魚、赤身、吞拿魚蓉卷、日本時令魚三種。賣相超靚，打卡一流，配上食用花同埋香蔥。每一舊壽司都好新鮮，舍利大小剛好，酸度適中。

今日終於同朋友黎到呢間想試好耐嘅日式料理，備長。備長卷呢個卷物有所值，有海膽，吞拿魚蓉，大量三文魚籽加埋香蔥，非常正，又打卡一流，必試推介之選！明太子雞翼呢個雞翼燒得香口，內面似係釀左明太子，帶少少辣，惹味。蟹籽沙律好新鮮既沙律菜底，再放上爽脆青瓜絲同蟹籽！鵝肝多士鵝肝夠厚身無呃秤，加返塊多士喺底肥而不膩，鍾意食鵝肝嘅你絕對唔可以錯過！西京銀鱈魚師傅將魚煎到少少焦，魚肉有油香又嫩，一定要襯熱食！我地仲嗌左杯梅酒，梅酒本身甜，所以唔怕難入口，真係飲飽食醉！仲有好多野想試，下次再黎試埋其他食物。

唔誇張，呢間位於銅鑼灣嘅備長係我食過咁多間為之數一數二嘅日式料理，串燒同燒物好高質。價錢講真唔平，但食過就番唔到轉頭，唔怪得平日夜晚都坐滿曬人喇。🤍牛舌厚切大愛！厚切彈牙，火喉剛好，咬開粉嫩🤍西京黑豚肉黑豚肉燒得微焦脆，咬下油脂香溢🤍日本洋蔥外層清甜，咬下多汁，後段開始辛辣🤍壽司（備長） 共十款：吞拿魚腩、三文魚、帶子、海膽、魷魚、赤身、吞拿魚蓉卷、日本時令魚三種呢個壽司拼盤好抵食，款式多之餘，比嘅都係靚魚。海膽帶子仲勁鮮甜🤤 下次會再訪瘋狂點串燒的！

銅鑼灣澳門逸園中心不嬲出名多餐廳。今日就約咗朋友你試吓其中一間嘅日式餐廳— 備長。呢間餐廳出名串燒同壽司 當然要試下🤩🤩🔸牛舌厚切牛舌非常厚身，而且質感滑嫩，燒得岩岩好 搭配少許鹽和黑椒，真係非常香口🥹🔸荔枝豬肉卷呢款荔枝豬肉卷驚喜十足！豬肉的鹹香與荔枝的甜味完美融合，口感上有一種清新的感覺，絕對係獨特既搭配‼️🔸煙肉芝士廣島蠔卷煙肉與芝士的組合實在係無敵🥹 廣島蠔的鮮味在煙肉的包裹下更加突出。裡面包住嘅芝士流埋出嚟 真係令人垂涎三呎👅👅🔸自家製免治雞肉棒 呢個都係出名嘅菜式 不嬲都好鍾意食免治雞肉 最正係中間有咬口嘅雞軟骨粒👍🤤 點埋日本生雞蛋撈醬油真係冇得彈🤩🔸蔥蒜醬油燒蠔蠔肉鮮嫩而且好大隻（有成半隻手掌咁大隻），再加上蔥蒜同埋醬油嘅調味，簡直是絕配。🔸魷魚壽司、三文魚壽司、油甘魚壽司、赤蝦壽司、薑蔥吞拿魚蓉軍艦壽司來講，整體質素唔錯👍👍 雖然唔算好大件 但係刺身非常新鮮 而且特別要讚吓件赤蝦都幾大件，而且肉質彈牙👍👍🔸日本芝士年糕芝士年糕外層煎到好香口，內裡充滿軟芝士，甜而不膩，再配買紫菜夾係外層，真係非常完美嘅總結🤩

已經提過一次呢間日式餐廳，佢嘅位置就喺銅鑼灣地鐵站附近非常方便，難得今日喺銅鑼灣返工嘅同事約我食晚餐，於是就決定再一次嚟到呢間餐廳，結果朋友都話真係勁高質。我自己都估唔到，呢度有新裝修之後，所有嘢都更加提升咗，而家仲要有埋壽司。呢度嘅裝修好有日本餐廳嘅感覺，除咗正常嘅晚餐餐牌，更加有seasonal menu。呢度嘅前菜雖然要收費，每兩位$28 ，但係我覺得都幾好食，尤其是用嚟送走其實都幾正。串燒方面其實全部都至少要叫兩串，但係我哋基本上所有嘢都叫咗三串或以上以上，因為真係太好食！荔枝豬肉卷薄薄地嘅豬肉包住超甜嘅荔枝，一啖食，勁過癮。厚切牛舌名副其實地厚，超級有口感，燒得又夠入味，我勁鍾意食。宮崎豬肉腸都唔差，用嚟配啤酒一流。不過最犀利嘅都係燒白鱔，超厚肉，而且口感係外面燒得脆脆地，入面啖啖肉，有少少Q彈，鹽燒白鱔真係無敵好食！食完串燒，點都要食返啲澱粉質，於是就叫咗一個熱嘅稻庭烏冬，呢度嘅烏冬屬於有新，淡淡嘅湯底已經好夠味，而且烏冬嘅口感亦都好出眾。後來就加點埋一個壽司拼盤，我最鍾意嘅就係甜蝦，好鮮甜！呢到野食好食，座位舒適，連員工服務態度都好好，全部都超細心。

呢排好想食串燒又發掘多間正嘢每次食串燒都必點🍢厚切牛舌真係好厚 肉質好嫩滑 好有彈性又好Juicy 推薦推薦 😋又係必點🍢荔枝豚肉卷荔枝好清甜 可以中和豚肉嘅油膩感 兩者嘅味道又好夾🍢芝士牛舌免治棒芝士燒溶 加上味道濃郁嘅牛舌免治棒味道幾夾🍢自家制免治雞肉捧加入咗雞軟骨增加口感 點埋溫泉蛋漿好滑🍢明太子雞翼雞翼入面釀咗好多明太子 味道濃郁雞翼肉質亦都好嫩滑另外仲點咗🍢雞腿肉、雞腎、雞心質素都好好 火候啱啱好 👍🏻🍙 明太子、三文魚飯團飯團表面燒過 飯焦好香脆加上明太子同三文魚餡料味道都唔錯🍣赤蝦壽司、帆立貝壽司刺身好新鮮 味道好鮮甜帆立貝同赤蝦都好好味加上三文魚子更加鮮味中學唱K嘅時候嗰條特別嘅芝士餐廳都幾full 要訂位喔

傍晚時間去銅鑼灣行街，行到差唔多，朋友話附近有間日式居酒屋唔錯，go go go.《備長》，就在Sogo側邊的軒尼詩道525號澳門逸園中心26樓，店內濃厚日本居酒屋感覺令人放鬆一下，朋友睇餐牌話有唔同，店員表示轉咗新餐牌，多咗季節限定，刺身壽司可供選擇，仲細心介紹及推介食物。備長卷係店員推介，有六件卷中間係吞拿魚蓉，上面鋪滿海膽三文魚子加蔥花，所有食材好新鮮飽滿，呢個配搭第一次品嚐有啲震撼，好靚打卡真係一流，仲要真係好好食，性價比高。串燒點了浦燒鰻魚、鹽燒雞翼、雞軟骨、燒雞皮、豚之大腸、鵪鶉蛋、日本甜小薯及西京燒黑豚肉加碗野菜稻庭烏冬，串燒火喉控制好好，有焦香又唔會過火，調味有功夫，最欣賞有豚之大腸燒到微微脆口又唔韌，西京燒黑豚肉肥瘦比例恰當，油香四溢。最普通嘅野菜烏冬都好食，湯底唔算濃，加好多蔬菜配搭好好，烏冬彈牙。朋友係無介紹錯，呢間居酒屋環境讓人放鬆，食物美觀而且味道很好，打卡用餐必選之一

同朋友係Sogo行完街，佢推薦呢間日式料理店，話串燒好出色，一於一齊去試下～所有串燒即叫即燒，用心製作～仲有好多其他野食可以選擇，包括壽司刺身等等～價錢亦相當合理～前菜條 $28最出色係個自家製麵豉醬，香濃嘅麵豉味，唔會太濃烈，好正～串燒牛舌厚切 $78自家製免治雞肉棒（付溫泉蛋） $44茄子 $23厚切牛舌顏色粉嫩，厚身得黎非常軟熟，入口溶化，牛舌狂必點～自家製免治雞肉棒好juicy，雞肉裡面仲有粒粒雞軟骨，口感level up～茄子加木魚絲，日式風味好正，差啲想再encore呢～胡麻豆腐沙律 $78非常清新的沙律前菜，用上日本豆腐，豆味香濃～香蔥吞拿碎卷 $98壽司（盛） $280一客壽司（盛）有三文魚、油甘魚、甜蝦、赤身、甜蛋卷同埋時令時金目鯛。刺身非常新鮮，師傅即叫即整，飯捏得好實淨～小卷餡料好足，吞拿魚蓉鋪滿成個小卷，大滿足呢～

今日book咗位去呢間叫做備長嘅餐廳，一聽個名就知道佢嘅串燒不得了，今日就去試吓😀自家制免治雞肉捧 (配溫泉蛋)入口鮮嫩多汁的免治雞肉 內裏蘊含著雞肉本身的鮮美滋味,外層的輕脆表皮則為整道菜帶來舒爽口感。慢煮的溫泉蛋配搭其上,流動的蛋黃彷如流金般與雞肉完美融合,幾好食😋芝士牛舌棒呢個係本推介，外層經過烘烤後金黃酥脆,內裏則為軟嫩多汁的牛舌肉。濃郁的芝士餡料更加強了牛舌的鮮美風味👏三文魚燒飯團鮮嫩多汁的三文魚配搭上粒粒分明的燒飯,營造出海鮮與澱粉的絕妙組合。飯團的外表金黃酥脆,內裏三文魚的油脂滋潤👍明太子燒飯團明太子餡料包裹在酥脆的飯團外皮中。明太子的鹹香醇厚配合飯團的粒粒分明,層次豐富而不失清新。，刺身拼盤(三文魚、油甘魚、墨魚)新鮮肥美的三文魚、油甘魚和墨魚,以最簡單的方式呈現,突出每種魚類本身的鮮甜滋味。三種魚類的口感各有不同,層次豐富,搭配醬油食落感覺不錯👍

去銅鑼灣買完少少野，跟住同朋友去食飯，難得Happy Friday，當然係要食好D，搵到一間日本餐廳，個名好特別，叫備長，餐廳入面好有日式Feel，仲有著住日本服飾既廚師😉Seasonal的餐牌也是不錯的選擇，提燈串、日本半熟豆腐、芝士牛舌免治棒、日本長崎雪仙腸等等【刺身(松)】刺身拼盤名為“松”，包含了三文魚二切、甜蝦二匹、魷魚一匹、油甘魚二切以及一種日本時令魚的二切。每一片刺身都切得薄而均勻，非常足料，性價比極高！！【美國安格斯牛柳串】肉食愛好者的最佳選擇，牛肉味重，而且脂肪分布均匀❤️【牛舌厚切串】牛舌厚切，超級滿足，牛舌的原始風味十足😎【浦燒鰻魚串】經典的鰻魚串，啖啖肉，好香鰻魚味☺️【日本長崎雲仙腸】經過烤炙後的腸串，好像午餐肉的口感，好Juicy【燒飯團】飯團外皮烤得微焦，食落口脆脆的，非常有趣😋好味指數：10/10 性價比指數：9/10

係銅鑼灣行完Sogo，就搵食，想食日本野🇯🇵，就搵左呢間餐廳🍴，餐廳環境都幾舒服，食物種類都幾多元化一黎就上左前菜，好fresh既蔬菜🥬壽司🍣 必叫🥰備長卷物 （海膽，三文魚子，吞拿魚蓉）一上枱，啲三文魚子係滿瀉既狀態🤣，一咬就爆汁，海膽都勁大舊，勁鮮甜，吞拿魚肉口感都好綿密，整個食落，除左滿足就係幸福，真係比得好大方😍燒物西京燒黑豚肉 ：一層肥一層瘦咁，豬香味濃郁白鱔 ：勁厚肉，口感彈牙飽滿，好鮮甜燒鰻魚 ：勁肥美好食🤤，啖啖軟腍juicy燒蠔（蔥蒜醬油） ：蠔🦪身都好大隻，都夠鮮鹽燒雞翼 主食野菜稻庭烏冬 ：滿滿既蔬菜，湯頭清甜，烏冬彈牙燒飯團🍙 明太子 ：飯團外皮燒得夠香口

呢間位於銅鑼灣澳門日逸園大廈嘅備長，算係銅鑼灣入面嘅中價位既日料🇯🇵🎏價錢適中，但係不論係卷物定係燒物都絕對有驚喜💫餐廳全新裝修，喺裝修之前淨係提供燒物，但係而家又供應埋壽司同埋刺身🍣♥︎ 前菜🥬新鮮嘅蔬菜配埋麵豉醬，夾埋既清新味道又唔會太單調 卷物：♥︎ 備長卷
大推備長卷，性價比之最💰卷物爆料，海膽吞拿魚蓉同埋三文魚子多到壽司面都鋪唔晒，食落一啲都唔腥，超有滿足感燒物🍢：♥︎ 自家制免洽雞肉捧（付溫泉蛋）♥︎ 牛舌♥︎ 白鱔♥︎ 岩蠔🦪♥︎ 西京黑豚肉🐷串燒普遍質素都唔錯，特別推介岩蠔，蠔🦪既size成隻手掌🖐️咁大，好juciy。另外都推薦燒白鱔，白鱔有炭燒味，肉質爽脆🤤

去完銅記行街，又係時間醫肚，去左食備長日本料理。備長壽司盛 有唔同嘅刺身，包括三文魚、油甘魚、赤身、甜蝦、甜蛋卷同鯛魚，每款都好新鮮又滑，特別係蝦同油甘魚份外鮮甜，打卡一流!備長卷清爽creamy嘅吞拿魚蓉做為基底，清新嘅蔥絲夾喺中間增加唔一樣嘅風味，細膩嘅海膽同粒粒飽滿嘅三文魚籽，提供咗特別嘅口感，每一樣食材都可以食得出新鮮，一啖落去超滿足!日式芝士年糕中間的流心芝士味濃郁，煙煙韌韌，外層鬆脆!煙肉芝士廣島蠔少少檸檬汁調味已經足夠，又濃又Creamy的鮮味在口中瀰，加埋topping的芝士和洋蔥煙肉，真系超好味!燒明太子飯團明太子是以鱈魚卵用鹽巴、紅辣椒粉、調味料浸漬製成。飯團外面脆卜卜，內裏明太子的味道鮮美濃郁，具有獨特的鮮味。 口感略帶嚼勁，魚子很小，咬起來很緊實。

媽媽食開日本嘢，又同我講想再食，上網睇咗啲食評，就揀咗呢一間，好近地鐵站，銅鑼灣一出行幾步就到上到樓個門口幾隱蔽，有黑色好靚嘅牆寫住金色嘅招牌名，開咗重重嘅門入去，見到環境都好乾淨企理媽媽揀咗蟹籽沙律，燒鰻魚，我再叫咗碗白飯俾佢餸鰻魚，另外佢又話想食羊扒，特別留意呢度嘅串燒需要每串最少兩串，所以我都有得食，另外再叫咗廣島蠔芝士煙肉卷，再叫多個熱食野菜稻庭烏冬，最後大食嘅我唔夠飽，叫埋個三文魚燒飯團，全部食物都好好食，特別讚一讚個烏冬，野菜份量超級多，唔同顏色鋪咗喺烏冬面，就好似韓國嘅石頭鍋飯嘅面鋪滿晒餸菜，好睇又好食