銅鑼灣備長係我口袋名單已經有2年，今次終於約到朋友一齊食，這裡主打日式串燒，現時仲有得儲積分換Labubu 和Crybaby 人氣禮品🎊秋冬日之感謝祭由 1/10/2025 - 30/11/2025 於餐廳消費任何金額，即可以賺取積分（$1=1分積分） 約多幾個朋友一齊食✨前菜 $28有甘筍、青瓜和椰菜，口感清新爽口，沾點麵豉醬開胃又美味✨備長餅 $128外層係一塊鬆脆嘅餅乾，內裡包著鮟鱇魚肝、和黃瓜漬，另一塊有三文魚籽、海膽、吞拿魚蓉等新鮮食材，不用沾醬油已經好好味✨牛舌厚切 $82招牌菜式之一，爽脆彈牙又多汁✨荔枝豬肉卷 $42同樣是招牌菜，外層豬肉燒到微焦散發出豬肉香氣，內裡荔枝清甜爆汁✨豚之大腸 $42大腸散發出焦香味，口感Q彈，鮮甜爆汁，勁正✨黑松露帶子 $62帶子口感柔軟Q彈，面層黑松露香氣更突顯帶子嘅鮮甜味道✨柚子芥末墨魚鬚 $42墨魚鬚食落彈牙，加柚子芥末醬汁，酸酸甜甜幾惹味✨自家製免治雞肉棒（付日本蛋）$58外層烤至微脆，內裡肉質Q彈多汁，香脆軟骨咬落有口感，加日本生雞蛋醬汁調味，食起來更香滑惹味，必點✨沙甸魚 $88魚皮燒至焦脆，魚肉緊實，加香蔥和明太子調味，帶出辛辣味道✨美國頂級安格斯牛小排 $108牛小排味道香濃，鮮嫩又多汁✨鹽燒雞翼 $36肉質軟嫩，雞翼燒至金黃色帶焦香味道✨雞腎 $26食落口感爽脆✨日本青椒仔 $30沒有苦澀味，加入木魚和醬汁，更惹味清甜✨蒜香脆肉瓜 $25表面帶出焦香味，內裡多汁充滿蔬果嘅清甜味，燒烤必點✨豆腐 $25豆腐表面睇落乾身，但內裡嫩滑又多汁，加埋鮮甜嘅醬汁好惹味，充滿驚喜✨明太子忌廉烏冬 $128每條烏冬都掛滿明太子醬汁，味道Creamy 有咬口，正呀串燒樣樣都好食，店員服務態度都好好，老闆更親自介紹每道菜式，食物好食之餘仲可以儲分換禮物，快D 約多幾個朋友一齊試下…Read More
所有串燒做得好香脆，調味足夠，燒味噌飯糰好香口，刺身（*松）厚切鮮美，另叫左活赤貝，好好食，串燒的份量好足，最怕孤寒店家；每座都配小份椰菜片，甘荀及青瓜條，可在串燒間夾食，清味蕾。
位置坐落成棟都係餐廳嘅大樓，旁邊亦都有幾棟餐廳大樓。同類嘅串燒居酒屋其實都有好多，今日喺未有訂位情況之下，我一人走咗三間唔同餐廳都已經滿咗喇去，感恩呢間還有位，亦慶幸係好食嘅。環境好舒服，算7成滿座。客與客之間，都預留足夠的空間， 唔係坐到密質質。起初擔心星期五晚，黃金時間竟然仲有空位，會唔會質素麻麻呢？但大結果我張帳單就係最好嘅證明喇
有讚就有彈啦，首先樓面方面，雖係有禮貌，不知道係侍應，一家人生意定係幾位老闆本 尊，經常都係看電話，機不離手，再唔係圍埋一邊偈計，非常chill；唔會主動幫你留意茶水添加。我自問個人消費，完全係比多人枱人均多， 今時今日一個人入座食串燒，大家睇到我點的菜也不是平價食品， 佢哋嘅定價係中價， 我都點接近1000， 咁樣嘅消費一般嘅日式餐廳都會送甜品，但佢哋冇。 因為這平台係打食評，食物方面實在冇咩挑剔，所以講唔上要差評；不過希望樓面培訓上要有啲改善。
